السلام عليكم اول شئ شرف المواطن ترا اشرفة سواء غلا او تلاعب
والله ثم والله قبل فتره مهب بعيدة يمكن 4 اشهور رحت لهم بس تجربه باشوف اسعارهم والذبايح من عندي قلت باجيبلكم 3 ذبايح تذبحونها بمعرفتكم وتقدمونها مع البوفيه
قالو ابشر الذبيحه عليك وعلينا الطبخ بـ 150 وذيك الايام الغنم غالية
قلت طيب لو كلش عليكم والبوفيه وكل شئ قالو بـ 1300 . يعني تقريبا نفس السعر قلت ذبايحنا عندنا واكرام الضيف واجب قلت باشوف خرفانكم .. ووروني يوم شفتها الا والله جذعات ماطيب منها وهملت انا كل كلام المنتدى عنهم لاني اصلا نماشتري منهم شئ
:D
بس عقب ذا الحتسي والله اني اول مقاطع لهم
ويخسون يعني بلا سبب ولا اية موضوع ليش الغلا تكفون يابشر ياناس انا ممن اول عديتها لهم بس تكفون الاستغلال سوا دراهمك واجد او قليله خلوهم لحالهم وترا عندهم اشبوك بس هم تحصيلهم من الذبايح وتوفير لاي واحد واحد بس لو تحسبها صح تراهم مستغلينا استغلال مهب صاحي وانا ماحدني اكتب هالموضووع الا وانا مجرب . تكفون خلو ذبايحهم لهم وخلو دجاجهم لهم هالزيود الطماعين طمعانين وغرتهم الدراهم ولا امانه ولاشئ
طولت عليكم بس الزيادة ذي ليش طلعت الا لقو ناس تشتري خلوهم تكفون

احب اضيف شئ
انا مابي اقطع رزقهم

وانت يمكنك تشوفني ( ياما قلت لك ترا فيه ناس صاحية تقول سمعتكم مهب زينة )
وتقولي هذولي منافسين لنا يبون يخربن ..






لااااااااااااااااااااا
لو اتاكد انكم رافعين بالسعر .. وعلى فكرة كلام خاص لفرع مخرج 15

تراني زبون لكم تقريباً كل 5 اشهور وشغل زين بس بعد كذا والله لاسحب عليكم
والله لو نطبخها انا واخواني والشاغلات يزينون السلاطات . واجيب الجريش والمرقوق من طباخات اسعوديات معروف ارقامهم عند الحريم بس استغلاك هذا ترا بينكس عليك .
وانا عبدالله الدوسري معروف عندكم وانا من هنا قطعت كرتكم ورقم مدير فرع 15 اليمني اللي مسوي اسعودي وحتسية سعودي بس اني امشيها تواضعا مني بس ماعقب التمادي ذا تمادي
تكفوووون يابشر ياناس خلوهم وبنشوف اذا نقصو بسعرهم وانضبطو ولا تراهم مهب لنا ولا انا لهم

تراني على فكرة معروف عندهم ودايم عماني محمليني كل عشا وكلامي ذا للشبباب وتراني اصغير والفلوس مهب لي عشان كذا مايمهمني بس يوم فكرت قلت اثاريهم لاعبينن علينا .. فيه احسن منهم صح فيه تعب
بس السالفه مهب فلوس السالفه لعب على الدقون تكفوووووون هملوهم خلوه يتادبون

واي واحد يبي يتاكد مستعد اروح انا وياه عند مديرهم ويعرض الاسعار ونشووووف
وبقولها في وجهه معليش انا وامثالي الشجعان اللي مايبغون احد يلعب عليهم ترانا معاد نبيكم واتفل في وجهه

الله يعين على هالمطاعم
اهتمو بالاكل بالبيوت ابرك وانظف والي متزوج وما ياكل بالبيت من وجهة نظري (عزوبي وساكن بشقه )
نحن من زاد مدخول هذه المطاعم بدلعنا لمن هم في بيوتنا
فلماذا لا يكون الطبخ للمناسبات من اهل البيت كما كنا سابقاً
ام ان النساء اصبحن مشغولات بالكوافيرات والتطيب ؟
ما فائدة الزوجة بالبيت إن لم تحرص على إطعام زوجها وابنائها ؟
قاطعوهم واهتمو بأكل البيت وعسى الله يخلي لنا امهاتنا ومن يهتم فينا ويغنينا عن اهل اليمن

شين و قوي عين !!

قذر و يرفع السعر !!

حبة الدجاج مع الرز ب 30 ريال المجرمين

مطاعم الرومانسية افضل وانظف المطاعم بالرياض بشهادة الكل
 

اولا على الجميع التأكد من بعض المعلومات الواردة اعلاه وانا لدي بعض الملاحظات :
بالنسبة للسعر : مطاعم الرومانسية مثلها مثل بقية الشركات رفعت سعرها بناء على ارتفاع المدخلات المكونة للعمليات المنتجة . مع أنها بحق تقدم وجبات بجودة ومذاق لا يمكن ان تقارن بأي مطاعم أخرى .
ثانيا ذكر اسماء اشخاص صحيحة او غير صحيحه : هذا يعني ان هناك منافسون غير شرفاء للأسف يغارون من النجاح والجودة والخدمة التي تميزت بها مطاعم الرومانسية .
ثالثا : ارتفاع الأسعار كلنا ضده في كل شئ في المطاعم والصيدليات والتموينات وفي كل الخدمات التي تمس حالة المواطن .

أخواني وأحبتي الكرام .. أنا والله العظيم عميل لمطاعم الرومانسيه فرع الروابي منذ اكثر من 12 سنه ولكن ما يحصل منهم شيء لا يطاق فقبل فتره تم اقفال مطعمهم لمدة ثلاثة أيام لوجود تلوث في المطعم واقسم بالله أنني شاهدت عاملين يمنيين يشيلون لوحة البلديه وأقسم بالله على ذلك والآن زودوا السعر بدون أي احترام لمشاعر الناس رغم أن الرز سعره في نزول ولم يكتفوا بذلك بل عندما قاموا بزيادة سعر الدجاجه من 22 الى 24 قاموا ايضا بتصغير حجم صحن القصدير ليقللوا كمية الرز فكأنهم زادوا السعر مرتين والآن قاموا برفع الرز الشعبي مع الدجاجه من 24 الى 26 والبشاور من 27 الى 30 من يوم العيد ..
بكل أسف أننا شعب سلبي ويجب المقاطعه لكل مطاعم الرومانسيه ومن يقوم بزيادة الأسعار حتى يرضخوا خلونا يد واحده طالما وزارة التجاره وحماية المستهلك والبلديات الفرعيه نايمين في العسل ..
خلون يدا بيد ووالله ان تشوفون كيف يعودون وهم صاغرين ..

ياشباب أنتم اعتراضكم على العماله او على زيادة الأسعار... ياليت يكون الموضوع هادف.
من حيث زيادة الأسعار فهو فعلا شي غير مرضي لأن مطاعم الرومانسية هي اول من عمل الزيادة في الأسعار لما كان سعر نصف الدجاج 10 ريال..ومن ثم اصبح 11 و12 و13 وحتى الآن صار 14.
طبعا المطاعم الآخرى تحذو حذو الرومانسية.. وحنا المستهلكين الله يكون في عوننا.
المفروض نلفت نظر حماية المستهلك وأكيد رح يتدخلون ومنع التلاعب بالأسعار.

عفوا موضوع هادف !!
وهل باعتقادك ان الموضوع سد خانه بالمنتدى ؟
المطعم المذكور سيء بعمالته وجشع باسعاره واغلق من قبل البلدية من فترة بسيطه ,

عموما من حيث تبليغ الحماية هنا موضوع اخر عن المطعم والشاب السعودي ابلغ الحماية, لكن لا يعني هذا ابدا الوقوف هنا ,والقبول برفع الاسعار ! بل ع المستهلكين مقاطعه كل من رفع اسعاره .
قاطعوا مطعم الرومانسية،، يجب تأديبهم (طالت وشمَّخت)

بغض النظر عن تحوير نقاشنا من بعض الاعضاء عن موضوع العمالة
العمالة هم من رفعوا السعر وليس التجار
المطعم هو السبب وصاحبة لانه قدوة لبقية المطاعم
ليس موردو الرز او شركات الدواجن
ارجوا ان تكون المعلومة وصلت