منتدى مقاطعة - احذر تسدد فاتوره الجوال 00 عطل في نظام الفواتير !!

منتدى مقاطعة (https://www.mqataa.org/vb/index.php)

- شركات الاتصالات (https://www.mqataa.org/vb/forumdisplay.php?f=40)

اقتباس:

المشاركة الأصلية كتبت بواسطة واضح ومبسوط (المشاركة 158358)

هذه فرصة لمن يعرف بالقانون ومدخل لا يستهان به لمقاضاتهم

أقل شيء مبدأيا" كل واحد يقدم شكوى خاصة ، حتى لا يروح وقت الخطأ ويقولون بعدين أصلا" مافيه شيء

لاتعبون نفسكم معاهم شركة خايسة 500 %

انا حدي الائتماني 500 ريال وتجاوزته والى الحين ماقطعوا الاتصال علي ؟؟؟ ويوم اتصلت عليهم وسئلتهم قال لي الموظف : اذا جتك الفاتورة لاتسدد الا 500 ريال بس ، وقلت له : على مسؤوليتك ؟ قال : نعم على مسؤوليتي ، ويوم سئلته عن اسمه ماسمعت الا : طوووووووووووووووووووووووووووط .الرجال انحاش وسكر الخط

انا سددت والله يستر بس

اقتباس:

المشاركة الأصلية كتبت بواسطة لا تدف (المشاركة 158297)

جوالي وجوال زوجتي وهي كلها باسمي طلعت بنفس اليوم عبارة مكالمات محظورة على الجوالين كلما تريد الاتصال راجعت شركة الاتصالات اللي في حي القدس ولاول مره اشوف الزحمه واصله الشارع وكلهم نفس المشكله (تم ايقاف جوالاتهم ) تكلمت مع الموظف شيّك قالي متجاوزين حدكم الأئتماني !! طيب ماجتني رسالة تحذير قالي فيه خطأ بالنظام انه ما ارسل للمشتركين.. المهم جوال 1600 ريال والثاني 1500 ولانني كنت مسافر خارج المملكه طوال الشهر وكنت استعمل الجوال فقد بلعتها واضطريت اسدد لاني التلفونات مقطوعة المهم رحت الصراف وسددت وطلع المبلغ المستحق 446 ريال على واحد من التلفونات سددتها ورجعت للشركه مرة ثانيه قالوا لي لسى باقي عليك 1195ريال قلت لهم ياجماعه الرصيد صفر قالوا ايه اللي يظهر لك هو المبلغ الجديد المفوتر !!! طيب وش الحل ؟؟ قالوا رح للصراف وحط دفعه تحت الحساب حتى يتم اعادة جوالك للخدمه وسويت ماطلبوا مني .. لوي ذراع واسلوب قذر بالتعامل من قبل كل من يخدم الناس هنا وليس الاتصالات فالجميع اساء للمواطن الا من رحم ربي

مع احترامي لك
ماحد ضربك على يدك تستمر مع الحراميه ذول !!
لما مثلك يستمر يدفع لهم ... هم بيستمروا بسرقتهم لك
لو مديت يدي بجيبك وسرقت الف ريال ونت تشوف وما سويت لي شي
تتوقع استمر اسرقك والا ابطل
شخصيا هذه الشركه القذره سرقوني في 1500 ريال على جوال الوالده الله يحفظها الجوال باسمي
تدري وش سويت ؟!!
رحت لهم وعينك ما تشوف الا النور لين رجعوها لي وهم ما يشوفون الدرب
وازيدك من الشعر بيت
مسكت جوالي الاساسي ونقلته على موبايلي بعد ما تاكدت انهم حراميه
والله العظيم ان جوالي كان فاتورته 1000 ريال بالشهر يعني بالشهرين اسدد 2000 ريال
ولما نقلت موبايلي تدري كم فاتورتي 400 ريال بالشهر يعني الحراميه كانوا يسرقوني اكثر من 600 ريال شهريا
طيب تعال احسبها
لو افترضنا انهم يسرقون 500 ريال منك ومثلها من جوال زوجتك يعني 1000 بالشهر يعني 12 الف بالسنه يعني 24 الف بسنتين يعني 60 الف بخمس سنين
بالله هذا المبلغ مو اولادك اولى به
اللهم بلغت اللهم فاشهد !!

شكرا لك اخي على التنبيه
وكل شي من شركة الاتصالات وارد

اقتباس:

المشاركة الأصلية كتبت بواسطة asd1403 (المشاركة 158784)

سم ابشر المره الجايه ما ادفع !! الله يخلي لك اميمتك قل امين..
ثم اذا بغيت تسوي دعايه لموبايلي ارجو انك ما تسويها هنا لان موبايلي اسؤ من الاتصالات وزين ترى لاحقتها بالطريق.. مستوى هذا الثالوث هو نفسه مستوى الثالوث اللي ماسك خدمة الطيران الداخلي

لاحول ولاقوة الا بالله

اللهم لك ألف حمد

مو حبا في موبايلي بس من عام 2005 وأنا تاركهم ورايح لموبايلي

الحين الفاتورة ماتتعدى الـ 140 ريال وإذا تهورت فتوصل 240 إذا كنت خارج المملكة

وبالنسبة للمكالمات الدولية فأنا مريح راسي وأكلم عن طريق النت ببلاش

شركة الاتصالات حرامية عيني عينك ، وموبايلي حرامية بس من تحت لتحت ، وزين حرامية تحت التدريب

مع الاحترام للجميع

(( ما اخس من قديد الا عسفان ))

دمتم