اشتريت منهم نصا111111111بين من جد وكيلها ( الحكير ) مثلها مثل جيان
في اواخر شهر 7 اقول للعامل راح تسون تخفيض في شهر 8 ميلاد مثلكم مثل اي شركة ماركة يقول لا ويوم شريت شوف القهر بعد اسبوعين نزل الاسعار الى اكثر من 60% والله احتقرتهم واحتقرت الاشياء الي شريتها مع انها حلوه وفعلن اوروبيه لكن بعد التخفيض قهروني بس ماخليتها لهم نشبت فيهم عقب ماتلاعبوا فيني لين وصلت لمديرهم الكبير وهو عراقي قلت يا تعوضوني يا اشتكيكم وابشركم وعوضوني بالقوة بعد مارفعت صوتي وفضحتهم قدام زباينهم بفيوتشرات بنفس القيمة المخفضه ولكن بالفعل نصب عيني عينك والموظفين مو عارفين شغلهم وماعندهم ولاء لشركتهم .. يمكن لانها ظالمتهم .. اغلب الموظفين وخاصة الاجانب يشتكون من تعامل الشركة وساعات الدوام والشغل الكثير وهذا لاحظته حتى على تعاملهم مع الزبائن ويمكن ايضا لانهم مو مثل ايكيا ماركة وحده هم ماسكين عدة وكالات لعدة شركات اوروبية وخاصة في قسم الستاير والمطابخ والاثاث انتبهوا منهم ولاحظوا التخفيضات الكبيرة الي ماتمر شهرين الا يسون تخفيض دليل انهم ماعندهم سالفة وبضايعهم جالسة على قلوبهم وايضا يقول لي الموظف ان فرعهم في الشرقية مايمشي ويجبون من هناك الى الرياض لانهم يشترون وايضا لاحظت انهم قفلوا اقسام كثيرة وصغروا محلهم دليل انهم خسرانين حتى المسجد والمطعم قفلوه ويقول لي موظف سيرلانكي في قسم الاثاث انهم راح يغيرون اثاثهم الى بضائع صينيه |
انا ماايد لا كيكا ولا ايكيا
طبعا كيكا مارحت لها لان فيه ناس قالوا لي ان اسعارها غاليه جدا اما ايكيا فاني اروح لها عشان بعض الاشياء الصغيره بعض المرات تكون رخيصه عندهم لكن الاثاث عندهم غالي ومبالغ فيه والله يخلي محلات المدينه وبن دايل ولكن بعض المرات تلقى شي حلو عند هوم سنتر ويصير عليه تخفيض لكن ماهو بالضروره يكون عندهم تخفيض دايما ولكم جزيل الشكر |
كيكا فيه الغالي وفيه المقبول ...
احنا جبنا من عندهم مدخل عبارة عن 3 قطع دولاب للعبايات وادراج للجزم ( اكرمكم الله ) ورف طويل كانت بـ 1400 تقريبا ولكن يوم جابوها حطوها ومشوا !! خير ان شاء الله احنا اللي نركبها ؟؟ والله ما جابو لنا العمال اللي يركبونها الين تعبنا وحرمنا نجيب من عندهم أي شي هذي تجربتي |
هههههههه
الظاهر ان النااس يشوفون جالسين على بنك حسبنا الله عليهم |
متأثرة بالأزمة المالية العالمية ، وضعف إقبال المستهلك السعودي...متاجر (كيكا) العالمية تغلق فرعها بالرياض http://www.alweeam.com/news/newsm/8708.jpg الرياض – الوئام – ناصر المرشدي : تعتزم شركة كيكا النمساوية أكبر سلسلة متاجر للأثاث والمفروشات في النمسا ، إغلاق أول فرع لها في العالم العربي والذي افتتحته قبل عامين في مدينة الرياض ، بالتعاون مع مجموعة فواز الحكير. وقال مسؤول في الشركة فضّل عدم الكشف عن اسمه ، إن الأزمة المالية العالمية كان له أثر بالغ على تراجع مبيعات الشركة في كل أنحاء العالم ، وجاء افتتاح فرعها في العاصمة السعودية في توقيت غير مناسب إطلاقاً ، حيث أعقب انهيار سوق الأسهم السعودي ، وسبق الأزمة المالية العالمية ، وهذا مما جعل الشركة تتعلق إستراتيجيتها التوسعية التي كانت تنوي تنفيذها بافتتاح فروع مماثلة في باقي مدن المملكة و العالم العربي . وبدأت الشركة إجراءاتها الفعلية لإقفال فرعها بالرياض في غضون الأسابيع القليلة القادمة ، وتسريح موظفي الفرع |
| الساعة الآن 08:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by