شكرا للجميع على الردود
وش الهجوم هذا يا شباب... على فكرة أنا مقاطع من الدرجة الاولى ... وكنت اطرح وجهة نظر والله لا انا شغال في وكالة سيارات ولا عندي حتى نصف معرض.. وكاتب في الموضوع(( للفائدة)) يعني الي ناوي يشتري سيارة 2008 ينتظر واذا كانت 2009 الله يعينه اتمنى من الجميع عدم الاستعجال والهجوم واحترام وجهة نظر كل عضو في المنتدى |
افترض انه لازم يكون فيه حرية في المنتدى وقبول لرأي الطرف الاخر او على الاقل استماع له فقط
وكل يرى الامور ويحكم فيها عقله , وكاتب الموضوع قد يكون مثل ماقال عنه الاخوان يحاول ان يثني المقاطعة وقد يكون فقط مجرد كاتب مجتهد كتب توقعاته , وماحد مجبور بالقبول بكلامة او تصديقة كما انه لا احد مجبور بان يعارضة ببعض الصفات القبيحة التي وردت في بعض الردود هنا الان انا - باعتباري مجرد مطالع - اي رأي اقبل , موضوع مكتوب بدون سب وشتام وبكل احترام , او ردود تحمل حقد وضغينة وسباب وشتام ؟؟؟؟ يفترض ان تكون العقليات اكبر من كذا خصوصا انها عقليات اشخاص يعتبرون واجهة لحركة اقتصادية مميزة في وطننا الغالي . كان يكفي ايضاح خطأ الكاتب اما بنقض كتابته او ايراد ارقام معاكسة ولكن في الحقيقة كل الموجود هو سب وكلام متخلف يدل على عقليات متخلفة , لاتفقه غير مايملى عليها . |
اقتباس:
ياعزيزي كلامك فارغ والرد عليه منه الحين لو نزلت اسعار 2008 وشلون بيبيعون 2009 ؟ ومعروف ان عدد السيارات الحين في ميناء جده اكثر من إللي بالمعارض ب- من الصعوبه ان تقوم المصانع ببيع اقل من سعر التكلفه ؟ هههههههههههههههه ياخي الوكالات خايفه تبلش بسياراتها تقول لك ادفع حق وحده وخذ الثانيه مجانا وانت تقول لي مايبيعونك اقل من سعر التكلفه ؟ سواء خزنوها ولا اعدموها كلها تكلفه عليهم. بالله لا تفيدنا مره ثانيه قابلين انفسنا على غشامتنا |
الظاهر أن الموضوع تطور .. وأخذ ابعاد كثيرة
للفائدة ايضا : يجب من جميع وكالات السيارات التخلص من المخزون 2008 لايجاد مساحة للمخزون الجديد 2009 هذا أولاً . ثانياً تطالب جميع الشركات ((الام ))الوكلاء ارقام مبيعات سنوياً - وهنا يحاول الوكلاء تصريف اكبر عدد من المخزون القديم ضمانا للحصول على اسعار جيدة من الشركات الام في البضاعة الجديدة (( السيارات)) |
الفكره ماهي في تصريف 2008 او 2009 الفكره في التصريف بشكل عام
السيوله شحت في العالم البنوك ماعاد تعطي قروض مثل الأول نسب الفائده زادت لتغطية المخاطره والناس اصبحت متفتحه اكثر. ماهو في مصلحتهم جشعهم لا في 2008 ولا في 2009. |
اقتباس:
لاتنه عن خلق وتأتي مثله ^^ عار عليك اذا فعلت عظيم ! :) ملاحظتي على أخوي صاحب الموضوع أن كلامه كان تصريحآ وليس توقعآ ! أو هكذا فهمنا (ظننت أنه المدير الاقليمي لشركة جي أم من قوة التصريح) :) ويفهم من محتوى موضوعه أن من يريد الشراء يجب أن يستغل فرصة نزول أسعار 2008 والا سيخسر الكثير في 2009 ! والأسعار لا ولم ولن تنزل ! ثم ليدرك الجميع أنها مواجهة الند للند وتحدٍ بين المستهلكين والهالكين ولا وقت أو مكان لتثبيط الهمم وتشكيك الناس في جدوى حملتهم ولنا الظاهر أما البواطن فعلمها عند ربي، والله من وراء القصد. شكرآ للجميع |
اقتباس:
المشكلة ان الشركات راح تخفض الانتاج لضمان الحصول على سعر جيد ... هذه الفكرة يعني ماتنتج العدد المطلوب وانا اقول هل انتاج مرسيدس زي انتاج تويوتا ... والارباح تتكلم ولست انا |
السلام عليكم
الى الزميل المقاطع HUR_man عندى سؤال محيرنى واذا عندك فكره اتمنى ان تفيدنا س/لماذا يتم الان تخفيض اسعار السيارات فى جميع دول العالم ماعدا بلدنا الحبيب ،هل الوكلاء فى تلك الدول يتعاملون مع مصانع اخرى غير تلك التى يتعامل معها الوكلاء لدينا0 تحياتى للجميع |
اقتباس:
هذا إللي يبونك تفهمه لكن الحقيقه هم ودهم يقللون النفقات بأقل قدر ممكن ماهو علشان يبيعون لكن علشان يستمرون في فرق كبير بين استراتيجيه ترتكز على البيع وإستراتيجيه ترتكز على البقاء. (يمحق الله الربا ويربي الصدقات) هذا ماتراه هو المحق بعينه بكل النظام الرأس مالي عناء سنوات اختفى تماما. فالفكره هي البقاء ماهو البيع كرايزلر قفلت 30 مصنعا ماهو لتقليل الإنتاج للنهوض بالسعر من جديد لكن لثقتهم بزوالهم لو استمروا على ال 30 مصنع وهذا هو النهج الآن الإستمرار بتقول لي تعددت الطرق والهدف واحد استمرار الأسعار على ماهي عليه في 2009 اقول لك لو باعوا كل ماانتجوه في 2009 هذا انجاز بالنسبه لهم لأن الفكره ماهي "اللحظه" لكن الإستمرار وبينتظرون على السوق لين 2010 ولا حتى 2012 لين يصحح نفسه ويرجع الوضع على ماكان عليه، من هناك بيبداء شغل البيع من جديد ومحاولة إنتاج ارباح. لكن ابو عراب عندك هنا مايفهمون الكلام هذا كل إللي يفهمون اللحظه إللي عايشنها وبس علشان كذا صار في ناس تقول خلوها تصدي. وخلوها تصدي |
اقتباس:
شكرا على التعليق الجميل .... كلامك صحيح الكثير من الدول لديهم تخفيض ... خاصة على 2008 واتصلت على مجموعة من المبتعثين في اوربا وامريكا واستراليا ... لنفس الموضوع وأن الاسعار عندهم ارخص لسيارات 2009 وكان الجواب !!!!!!! العروض الي عندهم تصل الى أن يبيع لك سعر السيارة اقساط بسعر الكاش أو ينزل في السعر اذا تدفع كاش ... وهي نسبة بسيطة بالنسبة للدفع الكاش أي ان التخفيض يكون من 5-7% حسب نوع السيارة فالسيارات اليابانية نادراً ما تجد عروض 2009 ، اما الامريكي والكوري فحدث ولا حرج ... واعلانتهم حسب افادة الاخوان هناك زي فكرة اعلانتهم يعطيك عرض بان سعر السيارة يبدأ من 10000 دولار أو اي عملة ، وتكون على أدنى موديل واذا تبغى فول اوبشن تلقاها 30000 دولار |
| الساعة الآن 12:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by