خلي الديوان الملكي يسوي دراسه ويحدد الاسعار العادله لكل سياره ويرسلها برقيه مستعجله لكل وكيل بالمملكه ووقتها تعال شوف هل بيتم تطبيق الأمر اللي صدر من ولي الأمر والا العصيان .....

والا اقلك خلي نفس الشخص اللي اصدر قرار منع استيراد السيارات اللي لها اكثر من 5 سنين يقوم بدراسة عن اسعار السيارات الجديده ويحط حدود سعريه لكل سياره هذا اذا كان يخاف الله ويبي مصلحة الدولة والبيئه مو مصلحة التاجر والتاجر لوحده والبقيه بقريح....

الحل بيد الله اولا ومن ثم بيد ولي الأمر والوضع صار لايطاااق

اكيد كلنا عارفين مايصير واكثر ماكتب معروف وواصل لنا
واتحداك تلقى سعودي ميدري عن ها الوضع وها السرقات
لاكن وين الرقابة وين الوزارات تقبض على هذا المجرم
اين تطبيق هذا الدين

شكرا للرجل اللذي كتب هذا الكلام ونحرب فيه اخي بيننا

يقولون اسألوا مجرب ولاتسألون طبيب .. وانا مجرب

كفلت واحد ... تأخر في التسديد شهر

وفعلا ازعجوني بأسلوب وقح وحقير جدا

صح الحق لهم ... لكن مو بهذه الطريقه

تصدقون اني كنت أقول للمحصل : ياخي البلد فيها قانون ... رح قدم شكوى علي لأني انا الكفيل الغارم وخل الحقوق المدنيه يسحبوني بشرطي للسجن

ومع ذلك يرجع يتصل علي وعلى بيت أهلي اتصالات متكررة ويستهبل

تدرون ليه ؟

لأنه فعلا زي ماقال الموضوع ... المحصلين مالهم رواتب .. يوظفونهم على التحصيل واذا ماحصل شي يطردونه بعد شهر بدون أي حقوق

واحد منهم اتصل على اخوي .. قال له أخوي : كم تعطيني من نسبتك واخلي الرجال يسدد ؟

عقبها ما اتصل على اخوي

وانا قلت لهم ماراح أسدد وراح اشتكيكم انا على الشرطة .. وفعلا سجلت له مكامله بمسجل ديجيتال ونسختها على سيدي وسمعتها مديرهم .. عقبها ما اتصلوا علي

قلت للمدير انا حالف على الرجال انه مايسدد ... ويا انا او انتم والوعد المحكمه

قال لي المدير خذ راحتك بس ارجوك كلم الرجال .. كم تبي ؟ شهرين ؟ ثلاث شهور ؟ ماراح نزعجك بس كرما منك كلم الرجال خله يسدد

للأسف وكلاء السيارات لاعبين لعبتهم في البلد بسبب تواطؤ قذر مع ناس مفاسدين في الحكومه وفي وسائل الإعلام اللي خاضعين بسبب فلوس الإعلانات

لا تعليق مشكوووووووووووووووووووووووور

يالبوك كلامك واقعي
انا قايل من قبل هم مينفع معاهم الا نفس الاسلوب
وحقك تاخذه بيدك ولسانك ولاكن الشكاوي متنفع
وشكرا