| ابوتالة |
07-06-2009 08:46 PM |
الاخ الكريم كيموس القديم شكرا على كلماتك اللي كبرت راسي :D وشكرا على مرورك
الاخ الكريم المقاطع المسلم اولا شكرا لأسلوبك الراقي في المناقشة وحااتناقش معاك من ناحية سؤالك طبعا اجابته لا مو عنصرية لو تكرمت ارجع لموضوعي ونقطة العنصرية حتلاحظ اني كاتب انا مع توطين الوظائف وسعودتها بس النقطة اللي ماابغاها العنصرية سوي جولة في بعض المنتديات العنصرية احد الاعضاء شعاره ( انا ضد الاجانب والمتجنسين) وغير السب والشتم اتمنى تتسعود كل الوظايف والمقيم اللي مانحتاجه نطلب منه مغادرة المملكة بكل احترام بدون اهانات السعودي سعودي مهما كان اصله خلينا ناخذ مثال احد الاعضاء في احد المنتديات العنصرية يسمي الحضارم ماسونيين (ومدري يعرف معناها ولالا) وقال انهم احتلو البلد ومسكو التجارة مدري كأني عايش في المريخ مااشوف شيء وين احتلو البلد ,بالبيد وكيل سيارات مااحتكر كل السيارات ياكثر الوكلاء في السعودية وقيس على كدا على باقي الاصناف فيه اخوة يتهمو البخارية بالعنصرية وانهم يبغو يخربو البلد وجاك واحد فصل كل الجنسيات قال كل عيوبهم وسب فيهم وماباقي يقول الا الشعب السعودي شعب الله المختار كل شعب فيه الصالح والطالح والله يااخي العزيز انا مع توطين الوظائف بس نبطل اهانات لعباد الله وحنتحاسب على أفعالنا مانبغى نظلم احد نحترم من جاء للبلد واللي يسوي جريمة يتمسك وياخذ العقاب ويترحل بس الاهانات لكل المقيمين لالالالالالالالالالا واتمنى اننا ماننسى ان الدنيا دوارة اذا تكبرنا على الناس بحكم فقرهم وغنانا فحيجي يوم وحنصير فقراء فيه حكمة تقول ( لو دامت لغيرك ماوصلتلك ) ولنا في اجدادنا خير مثال وجزاك الله الف خير ياغالي واذا اخطأت في اي نقطة من الكلام اللي كتبته ارجو تصحيحي فأنا في النهاية انسان ممكن أخطأ وممكن أصيب وشرفتني معرفتك يالغالي. |