أتمنى أخي الكريم أن لاتستعجل في الشراء مرة ثانية

ولكن أنت المخطئ في هذه الحالة تحمل خطأك

الله ينصرك وتأخذ حقك........

50 يوم عند الشامل !؟ بيصلها ولا بيعيد تجميعها

موضوعك يبغاله شويه تركيز فخلك معى و أترك عنك القلق .. ماشي
1- اذا بغيت الفكه من كل الصداع .. بيع السياره ( ووضح المشكلة للي يبغا يشتريها علشان ربي يبارك لك بفلوسها )

2- باقي فيك حيل للمناحله .. تروح لتويوتا الفرع الرئيسي و تخلي المسؤول يطلع معاك السياره و يسوقها و يستقبلها رسمي , يا إنهم صلحوها يا إنهم على الأقل يظهرو لك المشكله من وين

3- موضوع الصدمه تراه وارد - لاتزعل من كلامى - لي اصحاب بالميناء ذكرو لى كيف بتنصدم السيارات و تتصلح عندهم بالميناء و تنباع على إنها جديده فيمكن تكون وحده من الضحايا ( والله ماهو قصدي أخوفك ,, بس احتمال ولازم تحطه براسك ) ... علشان تتأكد إن كانت مصدومه أو لأ شف لك سمكري يعرفه أحد من خوياك .. يفك الرفرف اللى فوق الكفر اللى بيحذف و خلف اللديتر و جهة البطارية أو عكس مكانها وال T اللى ماسك الواجهه راح يبين لو إنها أتسمكرت ولا لأ .. و كل الكلام هذا و الكاميرا شغاله تصوير علشان لو ظهر معاك شئ غلط يصير عندك مستند قانوني تقدر تشتكي .

لو طلعت ماهى مصدومه - و بإذن الله ما راح تكون - شيك على :
- الأذرعه
- العكوس الداخليه
- المقصات
- الجوزات
- الجلود بأنواعها
هاذي احسن جربتهم مع التويوتا الصف اللى عند الفحص .. دور على واحد إسمه جبريل نيجيري شغله ممتاز و سعره مهاود و يساعدك لو لقى عندك قطعه تالفه سعرها غالي

لين تبغا تعمل ميزان شف لك ميزان إلكتروني " عندك فروع يوكوهاما أو بريللي " هاذول جربتهم و سكينتهم حاده حبه بس ما رجعت لهم بنفس الشغل و اللى خلانى اجرب بريللي فرق السعر بينهم و بين يوكوهاما " حوالى ال 50 " و الزحمه عنده أخف من الأول

و نصيحتى : خلى الشكوى آخر حاجه و إن نويت دبر لك سياره ثانيه

و الله يوفقك

أخوي صاحب المعاناة.
لست بأول واحد معذ هذه الشركة ابو غيرها من الوكالات الاخرى, لكن أنصحك بطريقة واحدة.
1- إذا عندك تقرير من صيانة تايوتا تثبت بأن هناك حذفية فعلا او خلل فيها (( يكون بالانجليزي )), أعمل سكان للتقرير وأرسلة إلى شركة الأم في اليابان واذكر لهم معاناتك في اللغة الانجليزية حتى لو تستعين بشخص لدية إلمام في اللغة, وإذا لم يكن لديك يمكنك طلب تقرير خروج للسيارة يوضح فيها سبب دخولها او علتها.
2- إذا لم يوجد, اعمل فحص للسيارة بالكمبيوتر عن طريق بعض الورش الكبيرة والتقرير يكون بالانجليزي.

وبكذا راح هم يتصلون عليك.
طبعاً هذي الحركة سواها زميل لي مع شركة توكيلات الجزيرة وفترة وجيزة اتصلوا عليه وانجزوا شغله بسرعه واعطوه خصم خاص 30% على الصيانة او قطع الغيارة.


والله يكون بعونكم

اخي طالما ان الدعوه وصلت للعناد وقف السياره امام الاستقبال وقفلها وصعد لان مهما سويت والله ماراح يسون لك شئ الين ينتهي الضمان فانا صارت لي مشكله مع التوكيلات العموميه في الشرقيه ووالله هذا ما عملته وبعد شد وجذب نزل مسؤلهم الموقر وعلم اني جاد ولن اخرج الا بحقي فادخلني مكتبه واخذ يفاوضني وبطريقه لو اعهدها واعطاني جميع حقوقي لانه خاف ان يعلم الزبائن عن ما بسيارتي من عطل وكان صوت في المحرك بعد 5000 كم فقط وزحلقوني على قولتك الين وصلت 12000 وبعده والله جبت لهم القلق وارضخوا واعطوني سياره بديله لمده 18 يوم المده التي اسغرق لجلب المحرك الجديد وتركيبه مشكلتنا دائما نقول ونردد كما ردد من سبقني بعض الاعضاء في ردودهم
أسأل الله العظيم ان يرد حقك ممن ظلمك انت وجميع المسلمين نعم تسال الله العظيم ولكن مع السعي لنيل الحق والعمل بالاسباب وبدون ان تغضب فقط تكلم معهم بهدوء ولا تجعلهم يغضبونك فانت لم تطلب الا حق من حقوقك التي التزموا بها اثناء البيع ولتعلم اخي في الله اني في اكثر من سنه ادخل معارض تيوتا لشراء سياره والمبلغ في جيبي ولكن ياتي شئ يثنيني لاني وبصراحه لم اقتنع بسياراتهم الحاليه ولانعدام الجوده ولتولي السلطه في تلك الوكاله وغيره للاجانب ومن جنسيه عربيه وهم من الفئه الذين شربو التحايل على الزبائن في غياب اي جهه ممكن تعينك في الحصول على حقك وكما يرى الجميع في ضل اسرجاع السيارت وفي العلم كله الا عندا وان حصل تدخل الساره وتبقى في داخل الوكاله ولمده لايهامك بانه تم اصلاحها وهذا ما اخبرني احد الموظفين في استقبال احد الوكالات بان الساره تركن على جنب لمده ثم تغسل ويتصل بك على انها جاهزه يعني فقط اقناعك نفسيا بانها اصلحت

+1
شكرا لك نوري , كلام من ذهب

جابها ((بن وايل))
شكوي للشركة الام تويوتا
مكتوب باللغة الانجليزية
واجمع تقاريرك من اول ما وديت السيارة لهم وارفقها لهم
ولا تنس تطلب تعويض 50 يوم في الورشة بدون سيارة بديلة
والله يجونك زي الكلاب
ودرب ميسر ان شاء الله

تويوتا .. الله يعينك


اشتكيهم لوزارة التجارة