المعذرة كان ردي بالخطأ هو اقتباس لاحد المواضيع الاخرى وفتحي لعدة صفحات في وقت واحد .. تم حذف الرد*

انا راتبي كله على بعضه مايوصل الى 2500 ريال والحمدلله رب العالمين الستر من الله واكيد مني راضي عن الاسعار وهذا الشي خلاني اترك بعض السلع من شركات كنت متعود اشتري منها وتوجهت الى شركات ارخص زي المربى مثلا تلقى على الرف اكثر من 20 شركه والاسعار مكتوبه وعاد توكل على الله واشتري اللي يناسبك منهم في ابو 3 ريال وفي ابو 8 ريال <= وانا حر اختار اللي ابيه والتاجر حر يحط اللي يبيه اهم شي في منافسه بين التجار وللمستهلك حرية الاختيار <= ركز على هذي النقطه لانها هي لب الموضوع كله


ون ام 3 صارت 8 وش الحيله
تبينا نترك التاجر بحريه الى متى ؟ حتى الشعب يأكل بعضه
فعلا راح تكون منافسه بين التجار لكن بزياده الاسعار
وانت اول من يضرر وتترحم على مربى ام 3 ريال
توعيه وحدها ماتفيد
البدايل فقط ماتفيد
حد من حريه التجار بمقاطعه صحيحه لبضائعهم

مين قال اصلا ان التاجر حر في وضع السعر اللي يبيه

هذا ليس من الاسلام في شيء

ولو كانت الجهات الرقابية لدينا تعمل بنسبة 50% من طاقتها وتتحمل نفس النسبة من مسؤلياتها لم وصلت الاسعار لما وصلت اليه الان

يجب ان يعرف التاجر ان له حدود ويجب ان يُجبر على الا يتعدى هذه الحدود وهذه مسؤلية الجهات الرسمية

اما ما يمكن ان يفعله المواطن او بالاصح اقل مايجب ان يفعله هو المقاطعة التي ارى من وجهة نظري انها اهم الاهداف التي انشيء هذا المنتدى من اجلها والتي اشترك اكثر الاعضاء في هذا المنتدى من اجلها

ارجو الا يتم تشتيت تركيز الاعضاء والزوار عن الهدف الرئيسي للمنتدى وهو مقاطعة السلع التي إرتفعت اسعارها وكذلك مقاطعة التجار والشركات التي ترفع اسعارها بشكل مبالغ فيه وغير مُبَرر

واعلم اخي الكريم ان الاتحاد قوة والتشتت والفرقة ضعف

ولاتحقرن صغيرة إن الجبال من الحصى

ومعظم النار من مستصغر الشررِ

وانظر بيت الشعر في توقيعي مع تقديري واحترامي

بعلنها صريحه

البيك مابقاطعه مو ضعف مني ولا شي بس لاني مقتنع انه مارفع علي السعر الا وهو مجبور ( اجل يشتغل ويفتح محلات وعماله وكل شي بخساره او حتى بمكسب بسيط جدا؟؟؟؟ ).

حتمشي الدنيا وحنعيش ومابنموت من الجوع ان شاء الله اهم شي ( مابحسد احد ) ولا بقول ( شوفوا الفلسطيني كيف يكسب والا اليمني كيف ماسك التجاره والا البرماويين اكلوا السوق ) لاني مؤمن بان اي انسان اذا اراد يشتغل الله بيوقفه والارزاق بيدهـ سبحانه وفي نفس الوقت لاني واثق ان مواقع الانترنت وحركاتها كلها ماتأكل عيش وكل شي بيد الله ومن ثم بيد ولاة الامر ينزلوا قوانين ويضبطوا وزارة التجاره ( ما اظن ولاة الامر جشعين للحد اللي يخليهم يسمحوا للناس تاكل بعضها وعندهم دراسات وعارفين سعر كل شي بكم يكلف وبكم ينباع على المواطنين ) واكيد ولاة الامر عارفين ان السوق العالمي كله ارتفع ولازم احنا بعد يرتفع كل شي عندنا ( مو احنا جزء من العالم ؟؟ )

كاش <= وش يعني قولك المسلمين ( يعني اللي يشتروا وماقبلوا بالمقاطعه صاروا غير مسلمين )؟؟؟؟

اعذرني بس كل اللش فته بالمنتدى هو ( حسد وتشهير ماله اي داعي ) الا من بعض الموجودين اللي نقدرهم ونحترم ارائهم ) اما سالفة الاجنبي الفلسطيني راعي البيك وغيره فهذا حسد وبس

ليه من غير مبرر ليه ماندور ونشوف المبررات لهم؟؟؟؟؟؟

ظنكم الحين العالم كله رخيص واحنا بس اللي غاليين؟؟؟؟؟

كل شي ارتفع هنا وهناك وفي كل محل اسعار المواد الخاام ارتفعت مع ارتفاع اسعار البترول كل شي في الدنيا بيرتفع انتوا ماتفكروا في هالشي؟؟؟؟؟؟؟؟

لا تعليق