كوكتيل بس الاغلب حاليا رياح وغبار

الهما نسألوك من الخير ما علمنا منة ومالم نعلم

ودي قبل ما ربنا سبحانه وتعالى ياخذ وداعته مني ، أشوف يوم صدقت فيه مصلحة الأرصاد و محللي الطقس ، بتوقع أي شئ . تركنا أشغالنا وارتباطاتنا وحذرنا من نعرف ومن لا نعرف من الخروج للبر في الاجازة بسبب تحذيراتهم لجميع السكان بالجوال والتلفزيون ووكالات الأنباء المحلية بتوقع حدوث سيول عظيمة ، ثم عواصف رملية شديدة ... وآخرتها ................. جو ربيعي خيالي .

حسبي الله عليكم .

قضيت عمري وانا اهتم بقراءة تحليلات الطقس اللي كان يجي في الصفحة الأخيرة من صحيفة الرياض ، ولا أتذكر يوم واحد صدقوا بشئ ، بالعكس سبحان الله ، دايم يصير الجو على النقيض تماماً من ما يذكرون . يعني صعبة هي . شف باقي الدول كيف تسوي ، وسو زيهم . ولا جب محلل أرصاد اجنبي و وفر له الأجهزة المناسبة وريحونا .

ههههه ياالله اخوي تعيش وتوكل غيرها :lol: اذا الخطط المدروسة والمدفوعة مانشوف منها شي، كيف التوقعات

يقولون لك بكره بيصير الجو غبار وعج واتربه وقواطي ... الخ ، وآخرتها بكره يطلع في النهار الجو صافي وجميل ، وفي الليل تقدر تشوف نجمة الثريا .

يقولون لك الجو بكره السماء صافيه والجو معتدل ، وتلقى بكره مدى الرؤيه ما يتعدى 10 متر من الغبار ، ويالله تقدر تمشي من قوة الهواء ، تقل واحد يدفك من قدام عشان ترجع وراء وانت معشق بالأول . والعالم متلطمه تقل فيه وباء الطاعون اللهم اكفنا الشر ، وثيابنا طايرة صايرين مثل سوبرمان مستعد للاقلاع ، مغير ننزل فيها عشان ما تطلع العدة .

ما يقهرك الا اذا قالوا باليوم الثاني : اجتاحت المنطقة الوسطى موجة غبار كثيف ؟؟
حنا دارين انها اجتاحت أمس لأننا انعمينا وخلصنا .... نبيكم تقولون سوف تجتاح بإذن الله موجة غبار غداً .

نبي فعل مستقبل ، مهوب فعل ماضي ، لأن هذا تصير أخبار جرايد ، مهوب توقعات أرصاد .

لي تجارب جيدة مع موقع ال بي بي سي، اشوفه ادق من غيره
جدة
http://news.bbc.co.uk/weather/forecast/254
الرياض
http://news.bbc.co.uk/weather/foreca...0&region=world