أقول الله يخلي لنا هالمواتر دق سلف وأمش

لا سما ولا ناس كلهم نصابين وطائراتهم خرد الخطوط السعوديه

تذكر اذا ركبت الطائره طالع تحت المقعد وشوف الصدا على قوائم المقعد

أنا سمعت إن طياراتهم كانت في الأساس طيارات شحن غير مخصصة للركاب , لكنهم خذوا لهم كم وحدة "مستعملة" وركبوا فيها كراسي حرصاً على "رفاهية" المواطن

اعرف ان البعض ممكن يشكك فى مصداقيه كلامى لكن الله يعين
اقسم لكم بالله انى مسافر على ناس من الرياض لجده ذهاب واياب مرتين بسعر التذكره 9 تسعه ريال للخط الواحد وذلك عند بدء تدشين الشركه للطيران الداخلى
وحاجز اكثر من مره على سما الرياض جده ب 55 خمسه وخمسين ريال

هذه الشركات تسمى الطيران الاقتصادي وهيى خدمه كبيره للمواطن وهى على غرار شركه ايزي جت العالميه
تعتمد في اسعارها على الحجز المبكر والحجز عن طريق الموقع الالكتروني واختيار وقت الرحله
واللى يبغا يتأكد يدخل على موقع الشركات ويحجز لاى مدينه جده مثلا في شهر محرم ولا صفر لان الحجوزات في ذى الحجه غاليه بسبب الحج والحجاج ويتاكد ويشوف الاسعار طبعا يقوم بالخطوات حتى يصل للدفع ويبطل ويكنسل بس عشان يتأكد
وتراه طيران تجاري غير تابع للدوله مثل الخطوط السعوديه
وعلى فكره تراه ما ولد في الضلام تراه كان عن طريق مناقصات
لا تنظرو للسلبيات فقط اجل وش بتقولون لو اشتغلت القطارات والمترو من الان بقول لكم ترا بيسير حوادث تصادم للقطارات لكن تراها بتنفع الشعب

اظاهر ان تنجيد المقاعد من الغرابي جلد هلوز تقليد:D:D:D
وعلى باب السواق مكتوب قراندي .....:p:p:p
وبعدين اتحملوها في الطيران الداخلي واللي يبي يسافر دولي بدون مايفكر يسافر عبر خطوط ثانية ارخص واحسن او يخلي واحد من اخوياه يوصله البحرين ويكون حاجز من هناك لاسيما ان البحرين صارت ببطاقة الله يحفظ صغار السن من الانفتاح المفاجئ...

ياجماعه نسمع قصص بأن السعوديه توفرالفنادق للاجانب"طبعا الامريكان والاوربيون" لانهم يعرفون النظام ويطالبون به والسعوديه تتفادى شكاويهم وتوفره بالسكيت ...اما الاخرين فالبعض مايطالبوا وان طالبوا سكتوهم بالعصير والمماطله بعدم ابلاغهم بالوقت الفعلي للتاخير المؤكد..

اقول قديمك نديمك يازين السفر بالسياره

ومعاك زمزمية شاي وقهوه يحبها قلبك وان توفر حب ماهي

بشينه ولا يهون الشيبس.... :rolleyes:

اجل ادعو لى ترا ماشي لجده بالسياره
يوم الثلاثاء بكره بعد الفجر مباشره
ادعو لى بالسلامه واللى يامر شي من جده من عيونى
بس لا احد يطلب بيك

درب السلامة إن شاء الله.

و ترجع دارك سالم و غانم.

عصير وكرواسان ،، ليته طب بيدي ،، على الاقل اكرم من اللي جاني

والله العظيم ياناس ماراح اسامحهم على المرمطه اللي سووها فينا

واخروا رحلتنا 7 ساعات بالمطار واحنا جالسين ولا راعو شعور الكبار وسنهم وخصوصا ابويه الله يرحمه كان معانا ،، خفت عليه من السكر حسبي الله عليهم

الله لايحوجني لهم يارب

يا اخي الكريم لو طالب بحقك بالسكن في فندق واشتكيت لعوضوك ولكن سكوتك وسكوت غيرك هو مايدفعهم ان يدعسوا علينا
لانهم داريين ان الشعب ماراح يتكلم..

وعلى الطاري قصة حصلت مع شخص اعرفه جيدا فقد كان عائدا للسعودية من احدى المطارات العربية وسووا معه نفس الحركة
قام هو اش سوى ( يابعد قلبي ) لم يطالب ان يسكن هو في فندق
بل قالهم شفتوا هذولا كلهم اللي فوتوا عليهم الرحلة راح تسكنونهم كلهم على حسابكم فقالوله خلاص بنسكنك في الشيراتون ونوديك بسيارة خاصة قال معصي ما اروح الا ان وهالشعب وعلى حسابكم وسكنوهم كلهم وهم يضحكون بعد طولل مفاوضات (بس يعجبني هالرجال صامل وقد توثقت من كلامه من احد موظفي المطار ) بس البلد اللي سوى فيه هالحركة في شي من الحرية وليس كما هو الحال .......