اقتباس:
اترك عندك التثبيط والتقليل من الحملة .. مرة تقول انها مطاطية .. ومرة تنكر حقنا بمعرفة الأسعاروالارباح .. تبي تقاطع اهلا بك او اتركتنا بسلام ومادامك اشتريت سيارة فالله يبارك لك بها ومع السلامة وقبل عطنا دليل على كلامك ان الاعضاء مزورين |
انا ماقلت فيه ناس ماتبي تفهم
بعدين تقولين اثبات انتي اتهمتي رجل لاتعرفينه بالكذب اثبتي اولا ان عبداللطيف شريك والله اذا ما تقرأين وتوك جديده في عالم السيارات فهذا شيء راجع لك وردك الصبياني يصير خير على التسعيرة اللي وصلتني ما اقول الا فيه ناس ماتبي تفهم فقط من انتي عشان احرص اكذب عليك انحطيت في مواقف اصعب من كذا ولا عمري كذبت عشان اجي اكذب عليك يا طويلة العمر تصدقين زين ما تصدقين عمرك لا صدقتي لا اسلوب وكلا م اطفال صدق اللي رد علي وقال كل اللي بتلقاه تكذيب واتهامات هذا شعبي وهذا افعاله يطيرون بالعجه شوي وبعدين ينسون ولنا في حملة غلاء الحليب خير مثال وحملة مقاطعة البضائع الامريكيه المتعاونه مع اسرائيل كلها شوي لجلجه وتنسون لانكم غير منظمين يلله اشوفك على خير لين ينزلون 90% ويعلنون بكم يستوردونها |
اقتباس:
وهات رابط من قال 80 الف لليوكون وغيرها وشيء طبيعي ان يكون هذا ردك :thumbsup: لأنك ترمي كلام بدون أي إثبات .. ولما طالبتك بالإثبات هربت :thumbsup: أنت ترمي كلام الهدف منه فقط تشيت الحملة وتثيبط المقاطعين... وتدعي ان قلبك على المستهلكين والحملة أنت كمن يدس السم بالعسل ... لكن اسلوبك لا ينطلي علينا ابد فقد سبقوك كثيرين ولم تحقق اهدافهم .. اما من قال لك اننا انك بتلقى اتهامات وتكذيب لك فهو مثلك الهدف واحد تشتيت الحملة في كل رد لي عليك اطالبك بشي وأنت تتجاهله وتتهرب حتى اصبحت كالهلام :clap_1: اريح بالك سنستمر بالحملة وبطريقتها العشوائية :thumbsup: طريقة شعب انتفض على الجشع .. طريقة اسمعتنا صراخ الوكلاء ولن نتفاوض مع احد.... و من يريد ان ترجع له المبيعات كما بالسابق يعرض قوائم الاسعار ويخفض الاسعار اقتباس:
نحن نطالب الكل بالاثباتات .. ليس منتدى المقاطعة بيئة للكلام الغير مؤثقة :thumbsup: اقتباس:
اما اعلان القوائم فهذا حقنا :thumbsup: |
شوي شوي
يا جماعة الخير لا تطحنون الطحين
لا احب ان اقول هذا لاكنها الحقيقة ظروف بلدنا مختلفة عن باقي دول العالم وكلاء السيارات والتجار عامة مدعومين ماديا وقانونيا (هم القانون ) الاقتصاد ليس حراً (شبه اقطاعي من القرون الوسطى) مصلحة التاجر فوق مصلحة المستهلك لايوجد محاكم عادله اما بالنسبة لاسعار السيارات فهي في ارتفاع عالميا ولكن يمكننا الضغط على الوكيل لبيع المخزون بسعر معقول انا في رأيي ان مشكلة احساس المواطنين بارتفاع الاسعار هو بسبب نقص الدخل اذ اننا شهدنا ارتفاعا مماثلا في الثمانينات (الهايلكس ابو20000 صار ب 50000) ولكن الناس لم يتحركوا الحكومة رفعت البنزين الى90 هللة قبل سنوات ولم يتحرك احد وعندما خفض السعر البنزين رفع سعر الزيت ( نظرية ارفع الفنيلة ونزل السروال) ولاكن اين دور الدعاة والشيوخ اليس مايحصل مخالف للشريعة؟؟؟؟ |
فلاش الله يعينك يارجال حاسس انك بتنجلط...
ياخي وش تبي تفهم مين ؟؟ XXXXXXXXXXXXXXXXXX تم التحرير من قبلي .. أبوهشام. اجل تبغوا اسعار التكلفه بالضبط كم واصله عليه بعدين تحددوا له كم يكسب ههههههههههههههههههههههههههه الشركات معلنه اسعارها بمواقعها الرسميه للكاش واذا لقيت الوكيل رافع السعر قدم فيه شكوى وهالاسعار هي نفسها باوروبا وامريكا والخليج وبشكل عام الاسعار هي نفسها في الدول التابعه لمنظمه التجاره العالميه واصحابنا في الموقع موب عاجبتهم هالاسعار ويبغوا الوكيل يقول لهم كم السياره وصلت عليه وبكم كل قطعه طلعت عنده.... من جد عجبي عليكم..... الدوله تكفل لكم معرفة الاسعار الحقيقيه ؟؟؟ هي نفس الدوله اللي منعت الاستيراد لما فوق 5 سنين في اسوأ توقيت ممكن يصدر فيه القرار واثبتت فيه تحيز الدوله للتجار على حساب المواطن.... XXXXXXXXXXXXXXXXXX تم التحرير من قبلي .. أبوهشام. بالنسبه لانخفاض المبيعات شي طبيعي بكل العالم المبيعات منخفضه لان الاسعار المعيشيه ارتفعت ووصلت لحد الجنون والقدره الشرائيه خفت عند بعض الشعب سواء هنا او خارج المملكه فلا تحطوا في بالكم ان الانخفاض هذا كله بسبب المقاطعه.... المقاطعه فادت كثير في تفتيح الناس الى الشركات الثانيه وان تويوتا مثلها مثل غيرها بس اسعارها ضربت في العلالي والمقاطعه كسلاح قلتها الف مليون مره سلاح واعي وقوي لكن لازم له صفه رسميه وناس متفتحه واعيه مطالبها معقوله وواضحه تقود هالحمله وتناقش التجار وتناقش غيرهم..... يالله جالس ادور على احد اطلع السياره باسمه من عند سوزوكي طالبين واحد راتبه فوق 6 الاف بمؤسسة كبيره او حكومي من وين اجيبه ؟؟ فيتارا فل كامل بـ 92 الف وبالتقسيط 1900 بالشهر ودفعه اخيره 24000 بمجموع 115 الف ريال تقريبيا يعني الزياده شامله التامين وكل شي ماتتعدى 22% من السعر الاساسي اشوفه عرض مناسب ومقبول لسياره قويه وممتازه ويكفي انها جيب وفيها دبل ثقيل وخفيف و 6 سلندر.. تم تحرير الكلام إللي ماله داعي من قبلي ... أرجوا الإنتباه لما تخطه أيديكم... أبوهشام |
إلى الآن في المناحلة و الخوض في ما لا يفيد.
أخي فلاش .. ما انكرنا إن أسعار الوكلاء مقاربة لأسعار الشركة الأم في الخارج ونعلم تماما أن الأسعار موضحة و مكتوبة في مواقع الشركات لمن يريد الشراء مباشرة من الشركة نفسها. لكن فاتتك نقطة صغيرة .. الفرق في سعر البيع بين الفرد اللي راح يشتري سيارة واحدة و الوكيل اللي سيشتري 100ألف سيارة .. هل تعتقد أن الشركة المنتجة ستعطي نفس العرض للإثنين؟ .. الوكلاء لهم أسعار خاصة و تخفيضات قوية و أكبر دليل عندك صفقة السيارات إللي أعطت فيها الوكالة هنا في السعودية للمشتري تخفيض 39% (ممكن تحطي لنا رابط الخبر ياجمرة غضا). و أيضا العروض التشجيعية التي قام بها بعض الوكلاء في أمريكا و أوروبا بنظام إشتري سيارة و أحصل على الأخرى مجانا أو بنصف السعر .. إن كان الموزع قادر على إعطاء مثل هذا العرض فما هو سعر التكلفة عليه؟ أيضا .. أراك لازلت مصر على إننا نطلب أمور غير معقولة .. أرجع و أقول لك أقرأ أهداف الحملة جيدا تجد أننا وضعنا أهدافا معقولة جدا و بالإمكان تحقيقها .. أما المطالبة بنسب معينة و تمني إفلاس الوكلاء فهذا ليس ديدننا بل هو ديدن المنتدى الأخر الذي تبنى الحملة بعد إنطلاقها من مواقع أخرى و التي منها موقعنا. أما مسألة عدم التنظيم فهذه معك حق فيها .. لكن .. لاتنسى أن فكرة و ثقافة المقاطعة تعتبر جديدة على مجتمعنا و هذا المنتدى يعتبر نواة هذا الفكر و لانزال في بداية المشوار التثقيفي و التوعوي .. لايمكننا بأي حال مقارنة وضعنا مع أوضاع شعوب و جهات لها عقود تمارس هذا الحق و تتبناه. نحتاج للكثير من الجهد و التعب في سبيل ايصال الفكرة و زرعها في عقول تشبعت بإدمان الإستهلاك بأشكاله و بدون عمل أي حساب للسعر و تأثيره على ميزانية الأسرة أو الفرد. و أعتقد ان أكبر عقبة تواجهنا هي قصر نفس المقاطعين و سرعة إستسلامهم للملل و اليأس .. خاصة في ظل تواجد من يستمر في تقويض الجهود و تثبيط المتحمسين. الآن .. لننهي النقاش البيزنطي الذي طال بدون فائدة و نضع النقاط الأساسية التي ستساعدنا على تحقيق نتائج أفضل. |
اقتباس:
الحملة مستمرة ومفتوحة ومهما قدموا من أرباح لن نشتري حتى يعلنون لنا كلفة السيارات "قوائم الأسعار " |
يكتفى بهذا القدر من النقاش إللي ما له داعي.. لأني شايف الموضوع قلب أخذ و رد و تبادل إتهامات.
يغلق الموضوع.. و إن عندكم أفكار تنشط الحملة و تدعمها ضعوها في موضوع أخر .. و بدون تعصب و خروج عن حدود المسموح رجاءً. |
| الساعة الآن 11:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by