لو غبنوني بمال , المال يعوض ..لكن الروح وش يعوضها لو راحت !
تويوتا اخطات وعليها ان تتحمل اخطائها
حياك مقصود

حياك ابو سريع
و بوركت جهودكم

ولا تنسى بدون مصاريف ادراية :D
خلهم يحرجون على سياراتهم :thumbsup:

نحن هنا نقول اننا مستمرين بالمقاطعه لجميع الوكالات .. ومقاطعتنا اخفضت واراجعت المبيعات ...
ومنطقيا تجارة بدون عملاء لا قوة لها :)

.............................


اخوي لاحظت عليك بكم رد تجيب سيرة نسيان وعروضها وتشبه قسطها كانه سعر خروف ! وتمدح تويوتا وموظفينها !
نورنا يا اخوي وش العلوم :think:



.

حياك بسبوسة
نوضح للكل ان المقاطعه شاملة وعامه على الوكلاء ..

مشكور وجزاك الله خير

جزى الله الجميع على مافعاوه
كيف يكون طريقة التعامل من قبل شركات السيارات بعد وقوع في العميل في مثل هذا العيب المصنعي لايتم تأمين سياره له ولايتم تعويضة عن العيب المصنعي الموجود بالسياره ومماطلة الى انتهاء فترة الضمان ومن ثم يبداء بالسحب من جيب المواطن سواء من الصيانه إو قطع الغيار اين الخدمات البديله والتعويظات لسوء التصنيع هل وضع قطعة خلف دعاسة البنزين لحل المشكلة الي انتهاء فترة الضمان او تغير اقمشة الفرامل والهوبات لسيارات الكوريلاز
اين موقف وزارة التجارة السلبي الذي لم نراه اين قسم الجودة والمتابعه اين قسم الحفاظ على المواطن والمستهلك
حسبنا الله ونعم الوكيل

والله شبعنا نصب يا عبد اللطيف جميل
سيارته كلها تايلنديه واستراليه
ونص قطع غيارها ملفق شي صيني وشي سعودي وشي مايعرف هويته
والاغرب من هذا اسعاره خياليه يعني لو هي يابانيه نقول يمكن نتقبل ارتفاع اسعاره
بالنسبه للاخوه المقاطعين والا الي حابين يقاطعون بس يبغون بديل
بدال الكامري
هوندا اكور يابنانيه 100%100
والي يحبون السيارات الحوض
عليهم بالجمس الحوض افضلهم من الشاص
وبالنسبه للجيوب عليكم بجيب نيسان او مستبيشي والله جبار
ولا تتعب حالك وتشتري منه ولا اطلع برى السعوديه اشتري لك سيره من برى وخلو سيارته له لانه مصخه بسراحه
انا بالنسبه لي كنت اقدر الكامري وبعد ماعرفت انها استراليه وقطع غيارها تايلندي
غيرتها واشتريت هوندا اكورد
والي كرهني بالكامري اعزكم الله
غيرت فحمات لها من الضحيان وكيل معتمد لهم واخذت الاصلي
ولمن ركبت الفحمات خلال ثلاث ايام الا الفحمات لها صوت
ورحت للوكاله قلت شكل الضحيان ضحك علي واعطاني تقليد للاصلي
واشتريتها من عبد اللطيف جمبليز وخرط الهوبات قلت ممكن عشاني ماخرطها بالمره الي فاتت وماخذت معاي اسبوع الا وصوت التصفير طالع
الاكيد اني كرهت السياره وبعتها
واستبدلتها بالهودا اكود وريحت راسي وتوني مغير فحماتها من الوكاله 230 بس ياباني اصلي لها شهر معاي ولا صوت ولا شي احسن من فحمات عبد اللطيف جميل تايلنديه
190ريال بالوكاله
وختام كلامي احييكم يا مقاطعة الشركات النصابه والمتلاعبه بجودة المنتج
وارجو منكم وضع لنا بديل لهذا الشركات الغشاشه المتلاعبه بالجوده وبالمواصفات والمقاييس تحياتي لكل مقاطع

المشكله رئيس شركة تويوتا اعتذر امام الكونجرس الامريكي عن العيوب المصنعيه اللي وجدوها في السيارات .. وعبداللطيف جميل يكابر بأن السيارات لا توجد بها عيوب نهائيا ...

قمة التبجح والتفاهه والاستهتار بالمواطن لابعد الحدود ..

الحمد لله .....................

dhvf g; hgpl]

ما قصرتوا والله

وبيض الله وجيه من قام بالعمل

وأنا بالنسبة لي مقاطع لو دامت على سيكل.. صح انه حر في الصيف وبرد بالشتاء لكن اوصل دوامي وبيتي وانا سالم احسن لي من العيوب والغلا الزايد... ههههههههههههه

خلوها تصدي... والله الله بالايميلات يا جماعة الخير .. نسخ ولصق ما تضر شي...

السلام عليكم ورحمة الله وبركاته

اليوم أخويا " وهو فاهم جداً في السيارات ماشاء الله ويعتمدون عليه الأهل والمعارف كمستشار " يقول تويوتا خلاص انتهت من كل النواحي .

ومايشجع شراء تويوتا أو نيسان !!

ورأيي أن الوكلاء هذولا أكلونا والله

الله يعطيهم على قد نيتهم معانا.

بارك الله فيكم على الحث لمقاطعة وخلوها تصدي

كلام جميل جداً تايوتا تعاني من المشاكل في التصنيع ؟؟؟

المضحك شركة نيسان تعاني من سوء ادارة . وسوء صيانه وسوء تصنيع وخذ هذه فوق

البيعه أن الشركة اسم فقط (المالك) (؟) مجهول .

هل تعلم أن شركة نيسان فصلت أكثر من50% من موظفيها (لماذا) ؟؟؟؟؟؟

الى متى التدهور حاصل في الشركات الخاصة ؟ هل يشعر الموظف أنه مستقر في وظيفته

مستحيل .

أنصح الشركات الخاصه الى العودة الى الكادر القديم .. وخاصة نيييييييييييييسسسسسسان

فشل ليس بعدة فشل .

thankssssssssssssssssssssssssssssssssssssssss

الله كريم

ممدوح حياك :)

حسبي الله ..
مبيعات تويوتا في الخارج تراجعت بل نقول انها تدهورت . وهذا نوع من المقاطعه الشعبية لهم بسبب العيوب التصنعية ..
الشركة اذا عرفت انها ستقاطع لسبب ما تتدارك امرها وتحسن وضعها !

حياك اخوي ...
المقاطعة شاملة لكل الوكلاء.. وتشكر على ذكر تجربتك لنا ..
ويطعمك من خير الاكورد ويكفيك شرها

:thumbsup:
الرئيس يعتذر ويخنع ويدمع وليس فقط بامريكا بل توجه للصين ودمع هناك ..
وهذا يكابر !
لذا خلوها تصدي حتى يحترم العميل السعودي

نعم هذا من فضل ربي على عباده

حياك ... وخلوها تصدي فالمكسب لكم
اقلها تبعدون عن سيارات بها عيوب صناعية توصل راكبها للمقبرة !

حياك نورة .. منورة الموضوع ..
ياليتها على هالشركتين بل ان اغلب الشركات المصنعه انتجت سيارات معيوبه صناعيًا !
وكانهم نسوا الجوده من اجل لم الفلوس !

حياك الفـــهـــد
وبارك الله بكم يا المقاطعين

رجل الموقف كما اننا لا نرضى ان تستمرمن الوكالات بممارسة شجعها علينا .. ايضا نحن لن نرضى لابنائنا ان تهضم حقوقهم او تقطع ارزاقهم ....
ياليت تفرد موضوع عن وكالة الحمراني وترسل للادارة مايثبت فصل الموظفين هل كان الفصل تعسفي ام لا ..

حياك

الإتصالات !

ما اقول الا حسبي الله على الاتصالات ان تسانه خلفت مخ السعوديين :mo14:
يا اخوي انت توحي ؟؟ هنا نحكي عن السيارات ..
شركات الاتصالات لها قسم مستقل

تجاوباً مع هذه الحملة المباركة و الناجحة فقد بدلت سياراتي لهذه السنة الى سيارات فورد بدلاً من تايوتا التي نهبتني على مدى 12 عاماً فقد وجدة الأسعار المناسبة و الخدمات المميزة و لن أعود لسياراتهم حتى يعودوا لرشدهم و سياسة والدهم رحمة الله الذي أوجد لشركتهم سمعة و سوق متواجد في كافة مناطق المملكة.
شكراً لكم توجدكم في الساحة حماتاً للمستهلك المنهوب بدون اي تفاعل من حماية المستهلك عفواً (حماية حرامي المستهلك) اسف لهذا المسمى لكن أين دورهم؟؟؟؟؟؟؟؟

جزا الله القائمين على المنتدى الف خيرا نحس الان ان المستهلك بداء يستوعب الدروس وياعجبي من بعض الناس يصيحون ماعندنا فلوس وتجدهم عند الوكالات يسحبون رجليهم الله المستعان وعليكم المواصلة لايبرد الحديد دقوه دق

حياك اخوي ويطعمك من خيرها ويكفيك شرها :)
لكن نحن لا نوجه مقاطعتنا لشركة عن شركة اي ان مقاطعتنا شاملة لكل الوكالات . ويبقى حق الشراء للمستهلك

كومبارس !

حياك اخوي.. وشي طيب ان الاغلبية متوعيه ...

احنا بعايلتنا من يوم عرفوا يسوقوا سيارات ماطلعوا خارج وكالة تويوتا ... كل سيارات العايلة من تويوتا
بصراحة كانت سيارات قوية وتستاهل كل قرش ينحط فيها ... شاص .. كرسيدا .. كروزر ,,,
تويوتا مااااااشي كماها
وانا نآآآآآآآوي اشتري سيارة جديدة كامري او كورولا 2010
ولكن بوجود ناس مثلكم واتشرف بمعرفة ارائكم وتوعيتكم المستمرة للمستهلك فتحت عيني على اشياء كثيرة ماكنت اعرف عنها شي
ورجعت عن قراري بالزواج من سيارات تويوتا ... وصرت افكر بالهوندا و الفورد
حاليا يمدحون الكرسيدا ,, تمشي سيدا ... الين ما ربكم يفرجها علينا ..
الله يوفقكم جميعا على ماقدمتوه من دعم لنا

خلوها تصدي ..
يعطيكم الله العافية

حياك علي بن علي
تويودا رئيس تويوتا يعترف بانهم اهتموا بالانتاج على حساب الجودة !

حياك معالي الوزير
ويعافيك
وخلوها تصدي

حياك شمسنا :)

شيء طيب و تجاوب يثلج الصدر.

بارك الله في الجميع تعاونهم وتكاتفهم في وجه الغش و الخداع.

في بداية الحملة كانت المطالب مقتصرة على تخفيض السعر للحد المعقول و تقديم خدمات مابعد البيع مناسبة و إحترام لائق للزبون.

الآن أضيفت للقائمة .. جودة المنتج و إعتراف بالخطأ.

و مستمرون في الحملة إلى أن يتحقق ذلك قريبا بإذن الله .. شاء من شاء و أبى من أبى.