منتدى مقاطعة - حملة رشد وكن واعيا مع منتدى مقاطعة

المقاطعه ماراح تنجح اذا ماتكاتف الشعب كله وكذلك وسائل الاعلام المفروض يخافو الله في الشعب وينشرو حملة المقاطعه لاكن لاحياة لمن تنادي الان سيتم زيادة جميع الاسعار من بداية الشهر القادم وكل مواطن يقول هي جت علي ايه يااخي جت عليك وعلى غيرك فيه ناس قاطعة المنتجات الي ارتفع سعرها وللمعلوميه التاجر لمن يجيب السلع من المصنع بالخارج يطلب تسعيرتين تسعيره للتحايل بها وسعر الاصلي للبضاعه والدوله ماتقدر تسوي شيء هي عارفه وش الي صاير لان اغلب التجار الكبار هم امراء والموجودين الي كل يوم واحد يطلع يبرر هذول هم موزعين يبون ياكلون زي ماياكلون التجار وحنى الضحايا ولمشكله ان لدينا بدائل لجميع السلع الي ارتفعت بس مافيه عقول تفكر ومافيه احد يدعم من الاعلام او احد يتولى حملة المقاطع المهم اذا سكتنا راح ترتفع الاسعار كل يوم الين يجي اليوم الي نسير نشحذ فيه والي الله ميسرها معاه ويقدر يشتري بالسعر الموجود يخاف الله ويدعم معنا كلها كم شهر الين تفلس بعض الشركات والتجار ويكونو عبره لغيرهم الفساد منتشر في الدوله في كل شيء ومافيه رقابه حقيقيه كلها كلام تسكيت والمواطن الضحيه
الموااطن – لامسكن – ولا وضيفه – ولاحياه كريمه في ضل الاسعار الموجوده اجل وش الي مسكتنا والله في الدول الاجنبيه انهم على طول مضاهرات في الشوارع اذا ارتفع شيء والا ماعجبهم شيء وكلهم يد وحده غنيهم وفقيرهم وحنى جالسين ننتظر متى تنزل الاسعار متى نتزوج متى نملك مسكن فيه ناس والله بتموت من الجوع سعوديين من كل القبائل هموم وامراض اصابتهم من التفكير في اجار البيت قسط السياره غلاء المعيشه الوضيفه الزواج لاتعتمدو على الدوله لان اليوم بسنه ماراح يجيكم منها شيء بس وعود وكله بعد مئات السنين وبعدين هذول المفسدين في القطاعات والتجار مايموتو ولا تجيهم الامراض الله تاركهم ابتلاء لنا حنى نبي تحاربهم في الدنياء بمقاطعتنا لهم والله بيحاسبهم بالاخره
نبي وقفه رجل واحد قاطعوهم
لا والمشكله انهم يطلعون ويتحدثون ويضحكون علينا يوم نقول بنقاطع المنتج لانهم عارفين محنى متحدين مع بعض لا ويستهزئون بكلامنا مثل شركت المراعي وغيرهم
الببسي كان بريال واقترح احدهم من الجنسيه الفلسطينيه انهم يزيدو نصف ريال لانهم عارفين ان ماحد بيقاطعهم الالقليل والنصف الريال الي زاد بيغطيهم وزياده هم حسبوها صح ونجحت معاهم لاكن اتمنى في الاشهر القادمه نشوف شركات فلست وشركاتنزلت نصف السعر انتم عارفين ان حليب النيدو الكبير يكلف التاجر من المصنع 38 ريال وسعره عندنا 73 ريال والله قهر من جد انا والله اول المقاطعين من اكثر من شهر للمنتجات الي ارتفعت والي راح ترتفع وعندي بدائل لها