الحمـــــد لله ان المقاطعه أثمرت وهذه بداية مقاطعة التجار الذين يرفعون الاسعار بغير مبررات
|
الآن أيقنت بأن وزارة التجارة ليست تحميني
|
كفو يا أبطال المقاطعة
يدا بيد ضد كل من تسول له نفسه سرقة أموال الشعب |
يا شباب ليش مانقاطع التويوتا والهوندا ,,,, أناشدكم وأناشد هذا المنتدى الشريف منتدى المقاطعه
بمقاطعة هاذين الوكيلين الجشعين واقامة مقاطعه مرتبه وشريفه ونضع لها جدول لكي لا يتضرر المستهلك أجل أكورد أربع سلندر وسعرها (85,000) / وفي المواسم 88,000 / ولا الاند كروزر ما تشتهي ولا تناظره شبك أسود وجنوط زي الزفت والديكورات الداخليه كلها أسود و بلاستيك وسعرها (165,000) |
انا مع استمرار المقاطعه لهذه الشركة
|
قوة المستهلك لا يضاهيها قوة
|
انا ماقهرني الا المدير xxxxx الي طالع يقول ماتاثرنا
يعين لك وجه تبرر ولااعتذار ولاشي لو يصير بنص ريال ماخذيته خله يخيس عندكم والحين ملتزمين بقرار التجاره سلامات ياتجاره ماتحركتو الا لان صاحبها فلاني الفلاني وماتبون ياحرام يتخسر الا جعله يارب من كذا وازود وحسبي الله عليهم ونعم الوكيل الله لايربحهم ولايرزقهم من كبيرهم لصغيرهم يارب ورينا فيهم العجايب قسم بالله فيني قهر من الي اشوفه والاسعااااار الي طايره وهالوزير التعبان ماطلع منه الا هالقرار الي هو لحفظ ماء الوجه لعنبو دارك مامريت السوق ماشفت التلاعب بالاسعار من مكان لثاني يامال الطاعون الماحي والسلال والجدري لك ولاشكالك من الوزراء والتجار ياعل مايكثر خيركم يعلكم لعمى القلب :D بغيت اكثر دعاوي بس يالله تكفي ذي:D |
اقتباس:
ريحي يابنت الرجال عندي كم دعوة (كوليكشن) من أرشيفي خلال معيشتي في نجد بين أهلي وربعي أقول يامال الجدري وحمى الصفري عساك من خياس فيك يشدون أهلك من الديرة جعلك من كبر خشمك ماتشوف دربك (تركب مرايات جانبية) ياعلك الماحي جعلك من كبر كرشتك تشيلها بعربية (خضراء بثلاث كفرات) عساك للسلال اللي يسل عظمك من لحمك عساك تطيح من سطحكم ويلقطونك بمنقاش خخخخخخ أستغفر الله. |
اقتباس:
اخوي ابو خالد الله يسعدك مت على ذي عساك تطيح من سطحكم ويلقطونك بمنقاش عاد لو احط دعاوي جدتي مشفره يبيلها ترجمه :lol: |
اقول لو تصير بلاش مارجعت لكم مقاطعه يعني مقاطعه
اشوف الماء بداء يدخلهم هذي البدايه انتم وزارتكم واحد يرقد والثاني يشوت هذا دقني اذا هم بالليل في احد هالاستراحات دق بلوت |
الساعة الآن 07:43 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by