محبة الاعتدال وأم العيال شكرا لمروركما وأنتم تامرون أمر بكرة أحط الوصف وأسماء المحلات أنا ناسي الأسامي أروح بكرة وأشوف الأسامي

:rolleyes:

معليش أم العيال والعذر منك ومن محبة الاعتدال بس والله ما قدرت أروح مع إني كنت عازم على الروحة وكنت ناوي أجيب الوصف بالدقة ، لكني خذوا المتيسر الآن وباقرب فرصة أجيب التحديثات:)
الوصف : امشوا مع شارع طارق بن زياد باتجاه الغرب حتى يتقاطع مع طريق الملك فهد وإذا تقاطع خذوا يمين إذا أخذتوا يمين بتجي أسواق تبع تطوير مدينة الرياض(ما أعرف اسمها) وقبلها شارع ادخلوا مع هالشارع يمين ثم أول شارع يمين فرعي ادخلوا معه بتلقون المحلات على اليمين واليسار أشهر واحد يبيع المكسرات اسمه الشنواني ، وفيه واحد يبيع الحلويات اسمه الحميدي وإن شاء الله يتم التحديث لاحقا
والعذر مرة أخرى:o

الله يجزاك خير تعبناك معنا

على برحة التعمير من الشرق عند سوق الديره من المواقف سوق الحمام غرب عند الصقور وكلها حوالي اربع محلات بس مادري وش جابه للعطايف
ودمتم سالمين

على الوصف وينها ووين شارع العطايف ...

وبعدين يبدو انها للمكسرات والحلويات العادية اللي تباع بالسوبر ماركت.
هل هناك غيرها يبيع الشوكولا "المسماه بلجيكيه او سويسريه" اللي تباع بمحلات الشوكولا والحلويات.

عاد من كبر الديرة !!شوارع متلاصقة ,شارع العطايف جنب راعين المكسرات والقهوة, راح تدخلون الحوسة :) وتشوفونهم من غير وصف

بلجيكي سويسري سواء مغلف او لا ما تلقاها في محلات الجملة
تحتاج تبريد وحفظ خاص سريعه التلف (طعمها يتغير يزنخ ولونها وشكلها ايضاً)
وافضل الانواع تجي للمحلات الموردة على طول
المضمونه منها تجده (لان الغش ولصق بلادنا المنشأ ياكثره بالبلد) في شارع
الثلاثين(الامير سلطان )فيه اسعار طايرة يوصل 1200 غرام مع صينيتها بـ 1500 ريال
,, المعتدل شوي باسعارها باتشي , سو , وجوي , لاتين كاجووغيرها
مع الملاحظة ان فيه فروق باسعارهم توصل للـ 50 ريال بالكيلو
.......................................
اوقات شكولاته البنانية والسورية توصل سعره لحول الباتشي او لاتين وغيرها
والطعم لا يقارن ترجح كفه الاجنبي
.................
اتذكر فيه موضوع من العام عن الحلويات ادرج المنتدى .

تعرفون العيد قرب ، والعشر الآواخر دخلت ، وحبيت أتسوق للعيد قبل الزحمة ، فيسر الله ورحت لمحلات المكسرات والحلويات اللي ذكرتها لكم ، وشريت المقسوم ، وكان ودي أعطي كل عضو في المنتدى حلاوة العيد:) ، بس مثلكم يعذر ، وإذا ما وصلت الحلاوة على الأقل أوصل لكم بعض الأموراللي تبينت لي :
1- وصف المحلات مثل ما ذكرت لكم ، وفيه وصف آخر يمكن يكون أسهل وهو إنك تمشي بشارع طارق بن زياد باتجاه الغرب وقبل ما تصل إلى الإشارة اللي يتقاطع فيها مع طريق الملك فهد فيه مسجد على اليمين وبعده مباشرة شارع إدخل الشارع هذا هو اللي فيه المحلات المذكورة.

2- بعض الردود من الإخوان مثل عزيزي الرئيس وأبو سديم ذكرت إنه الشارع المذكور ما له علاقة بشارع العطايف وذكروا إنه ما فيه إلا أربع محلات فقط ، وأنا هنا أؤكد إن الشارع هو شارع العطايف وقرات اللوحة عليه من باب التأكد ، لكن يشكل على بعض الناس لأنه يظن إن شارع العطايف هو فقط ما فيه الأدوات المكتبية وهذا غير صحيح لأن ما فيه المكتبات هو الجهة الشمالية منه ثم يفصل بينه وبين الجهة الجنوبية اللي فيها المكسرات والحلويات مباني أسواق التعمير الجديدة.
والمحلات اللي تبيع الحلويات والمكسرات ليست أربع محلات بل هي فوق العشر منها الجديد ومنها القديم.

3- هذي المحلات حالها حال غيرها أصابها الارتفاع لكنها أخف من غيرها وعلى سبيل المثال الكيلو من الكاجو والفستق ب33 ، وكان قبل ب24

4- عند التسوق ستجد الفرق في السعر بين المحلات لذا لا تشتري من أول محل بل خذ جوله ثم اختر السعر المناسب ، وأنا لقيت الفرق في سعر الكيلو يصل إلى 10 ريال ، وفي الكرتون يصل إلى 25 ريال.

5- تأكد من تاريخ الانتاج لأن الجديد يكون أفضل وغالب هذه المحلات عندها الجديد لكن التأكد أفضل.

6- بعض أنواع الحلويات يكون سعرها رخيص لكن جودتها رديئة ومليئة بالإصباغ الضارة ، لذا حاول اختيار النوع الجيد حتى ولو فرق السعر شوي.

وجدت من خلال البحث حلوى تركية جيدة الطعم وسعرها مناسب الكيلو منها ما بين 20إلى 30.
تقبل الله منكم الصيام والقيام وكل عام وأنتم بخير.

شكرا لك ويبارك بمجهودك
التركية سعرها جدا ممتاز ,,
عند جهينة وغيرهم شكولاته (لبنانية وسورية , الاسم شكولاته!! وهي بسكويت مغلفة بشكولاته ) مزينه بالكريستال يصل سعر الكيلو الى 150 -200 ريال
اقول لو يشترى من التركية وتزين بالكريستال او بالورود الصغيرة اوشرائط الكلف , تلقونها عند لوازم الخياطة وبرضو محلاتهم حول شارع العطايف , ويمكن اعادة استخدام الكريستال والورد مرات ثانية
( مهنا خسارة من شراها)
والنتيجة لصالحكم

اقتراح أكثر من رائع
ونصيحة تكتب بماء الذهب
بارك الله فيك