نتابع يوميات طفران

المهم جيت ادخل البيت الا صاحب البيت يزهم علي يا طفران يا طفران قلت نعم يا بو ناصر
قال تعال نتقهوا قلت ترى انا والله مسددك كل الاجار قال عارف بس تعال نتقهوا

قلت طيب خير عسى خير ويش وراه الرجال رحت معه شقته جاب القهوه وصبه وشربت وقلت الحمدالله لسه الدنيا بخير اكيد شاف حقيين الشركة ووده يعطيني الونيت اللي موديله 79
وما يستخدمة اقول في نفسي والله اني ظالمه المهم وانا افكر الا ببو ناصر يقو ل

شفت اسعار المواد الغذائية سارت نار وانا افتح له قلبي واقول له صح واحنا عندنا منتدي ودنا نقاطع ونسوى ونسوي ولما انتهيت الا ابو ناصر

شوف الدنيا نار وانا عارف انك على قد حالك انا قررت ازيد اجارك 500 ريال بس يعني 1500 ريال وترى والله طيبة الف وخمسمائة ريال اجار الايام هذي قلت يا بوناصر والله ما عندي

قال يا تدفع يا تخرج من بيتي لاحول ولا قوة الا بالله

رجعت البيت وانا افكر وجلست على الكنبه افكر وسرحان والعيال يلغبون حولي وانا افكر واذا بالتلفون يرن
قلت الو قال طفران قلت نعم ايش تبغ انت كمان

يتابع في الغد ان شاء الله

تعقيب
 

صباح الخير للجميع
عندي تعقيب على الأخ طفران حيث يقول
طبعاً الله يعين عبداللطيف جميل القسط حق الكورلا ما راح ادفعة علشان راتب طفران
موزع توزيعه 100% ميه والباقي - ناقص من الراتب

يعني الراتب 2525 ريال

قسط السيارة 1150 ريال

إنتهى كلامه
تعقيبي هو :
الأخ طفران يقول إنه ماخذ كورولا من تويوتا!!!!
السؤال ليه ما دور شي أرخص من هيونداي أو ريو أو غيرها؟؟؟
هل لازم شي ياباني؟؟
الظاهر إن الأخ طفران توه يتوقع إن الكورولا هي أرخص سيارة ولا زال يحتقرها هذا دليل على أنه لا طفران ولا حاجة, وهذا طبعا شيء مؤسف إنه قاعد يقص علينا خرابيط من نسج خياله
يا إخوان نحن نريد من يتكلم بالواقع ولا يجلس يسولف من دماغه, ترى الموضوع أهم من الوناسة, والله يكون في العون

في البداية اطلب الله العلي القدير ان لا يريك ما انا فيه

ثانياً هذا هو الواقع اللي احنا فيه جيب سيارة ممتازة وتستحمل المشاوير والمكده وقسطها اقل من اللي انا ادفعة

ثالثاً هل رواتب موظفي الامانه اعلى من اللي ذكرته او انا كتبت الموضوع لكي استجدي منك المال لا والف لا انا اموت ولا اشحت وشكراً

رابعاً جزاك الله خير

وتقبل تحياتي