اول شي صباحكم ورد


اخوي انت تبغى الشركة تعرض سعر السيارة الصحيح بالموقع فهذا شي مستحيل
ايش يربط العميل الدولي بالشركة الام الى الموقع الالكتروني
هذي سياسة شركة ولو وضعوا اسعار التخفيض بموقعهم راح يكون اعتراف للعالم بالاسعار الجديده واللي وكلاء السيارات بدول الخليج مايبغون هذا الشي لانهم يفكرون بالدراهم فقط

وثاني شي وكلاء الشركات الله يهديهم كل يوم منزلين تصريح بان السيارات راح يزيد سعرها
والمصيبه العالم كله معترف بان الازمة راح تاخذ وقت والشركات تطالب الدول بالدعم

وتجي تقولي السعر مافيه فرق

لنا كم سنة والشركات مستفيده مننا
ولما جاء الوقت اللي احنا نستفيد منها قامت قيامتهم
اولهم شركات السيارات واخرهم المدسوسين اللي بالمنتدى زي محمود07 وامثاله
>> بس كيف المدسوسين متعوب عليها

فخلي الواحد يستفيد لو مرة وحدة

افا ياكيموس
لايكون منهم وانا متعب حالي بالكتابة لي ساعة لاكن ننتظر ردك

محمد:

نعم السعر مافيه فرق بيننا وبين الخارج بالنسبه لموديلات 2009 والدفع الكاش لكن بالتقسيط او التأجير ومن ثم خدمة مابعد البيع والمواصفات هذي لك عليها كثير ولابد من الضغط على الوكلاء لاعاده برمجة قوائمهم وخدماتهم بالكامل.

بالنسبه للموديلات القديمه 2008 هذي في بعضها بالمخازن لليوم ولا بيلقون له تصريف الا بتخفيض السعر بشكل كبير او اعطاء اغراءات اكبر للمستهلكين مثل ( التقسيط بسعر الكاش ) واذا لقيت انت او غيرك عرض يستحق المشاركه مع الجميع اتمنى الاشاده فيه.

تعرف وين بتكون النكسه صح ؟؟ اخر السنه هذي لان عام 2010 اكثر من 80% من السيارات بتغير تصاميم موديلاتها بشكل جذري ومع ازمه السيوله الحاليه بيحاولوا يتخلصوا من الموجود بأي سعر فقط كل اللي علينا الانتظار شوي وباذن الله بنلقى اللي يسرنا.

التخفيض الكبير حاليا هو على السيارات المستعمله المستورده ( الشعب الامريكي طفر وباعوا سياراتهم بارخص الاسعار ) ولكن الاسعار تخضع لمزاج الشريطيه ومستوردي السيارات ( هوامير الحراج ) ولابد من وقفة قويه من الدوله تجاههم.. اجل ينزل السياره مزاد ولما ماتجيب له المكسب اللي يبيه يقول خلوها نبيع الاسبوع الثاني ؟؟؟ مفروض اللي ينزل مزاد يروح بالسعر اللي وصل له وبس.

اخوي كيموس

روح شوف اي احد يدرس بامريكا وراسلة واسئلة عن اسعار السيارات
لاني كل مرة بقولك فيه فرق راح تقولي مافيه فرق ومصدرك المواقع
وانا قايلك ان موقع شركات السيارات ماراح يضعون اسعارهم وسبق ذكرت السبب

انا ماادري ايش جاب سيرت موديلات 2008
كل شوي ترجع وتذكر النقطة هذي

شي جميل انك تعترف في ازمة للشركات وحلها بيدنا

اصلا المستعمل رخيص وماهو فارق لان اسعاره متفاوته
لكن حاس انك مقهور من الشريطية مع ان نظامهم ماتغير
حرج وبيع

اما مستوردي السيارات ووقفه دولية ياكبرها هذي
هههههههههه
المستورد نفس الكلام راح يجيب سيارة مجددة وسعرها حلو
وتقدر تطلب منه رقم المستورد او المكتب اللي يتعامل معاه بامريكا وتطلب المواصفات اللي تبيها يعني امورك ميسرة بس مو كل واحد ياخذ مستعمل
الكثير اطر ياخذ مستخدم عشان الغلاء الفاحش للسيارات

ولاتجيب سيرة 2008 عشان كم شهر راح تلقاها مصديه ^_^

^^^^^^^^^^^^^^^^^^^^^^^^^^^^^^^^^
فعلا لم استطع فهمك...

الوكالات تحط اسعار على اساس انها ارخص اسعار حتى تجذب نظرك وتخليك تشتري منهم وانت تقول لي لاتصدق هالاسعار المعروضه على اساس انها غاليه والا على اساس انها رخيصه جدا يعني ؟؟؟

بالعقل تاجر معرض للافلاس اكيد بيحط لك سعر رخيص جدا مثل الطعم حتى يسحب رجلينك وبعد كذا يسلخك مثل اضحيه العيد فاذا كانت اسعارهم الاوليه متناسبه مع اسعار وكلائنا اذا وكيلنا ماسوى شي غلط..

لان هذي السيارات هي اللي بينزل عليها التصفيه هاليومين وبتنزل اسعارها ان شاء الله كثير..

اي مستعمل اللي هو رخيص؟؟؟
السيارات المستعمله توصل لهنا بتراب الفلوس وهاليومين بارخص من التراب ولكن اسعارها فوق فوق بلا حسيب او رقيب.

مختصر الموضوع بدلا من التشعب بعيدا عن الهدف الرئيسي.

و إجابة لتساؤل أخونا كيموس في سطرين...

حملة خلوها تصدي و الدعوة لمقاطعة وكالات السيارات لم تأتي بسبب الإنخفاض العالمي فقط .. بل جائت أيضا ردا على وقاحة وكلاء السيارات في بيانهم أن الأسعار لن تنزل او تستقر .. بل ستزيد.


و الرجاء من الجميع المناقشة بعقلانية و بدون تجريح أو إستنقاص للأخرين.

تحياتي للجميع.

نطنطنة
هو انت تفهم

ابشر مشرفنا abuhisham
بعيدا عن التشعب بالموضوع
من جد دخلنا بمتاهه:confused:
الله يهديك ياكيمو *_^

شي جيد تدخل المشرف الان
وين الاشراف قبل .. وين الاشراف اذا تطاول كيموس على الاعضاء
او فقط تتواجدون اذا كيموس افندي تضايق من النطنطنة