ماردى من المربوط الا المنفلت عندنا جميع البنوك رايحين صلخ في المواطن انا ولله الحمد ماصار لي شيء من الراجحي لكن المشكله في الناس كثير من الناس اعتمدوا على بطاقات التامين وهذي اللي بتوديهم بداهيه والله يستر علينا وعلى جميع المسلمين

بالنسبة لبطاقة الائتمان أنا استخدمها ولاكن بشكل أحترافي
وبالنسبة للدراهم شريت خزنة في البيت لو يجي شيول ما يقدر يشيلها (ماشاء الله تبارك الله)
لو حطينا فلوسنا في في البنوك الاسلامية :الراجحي رسوم على الرايح والجاي الاهلي: كشف الحساب وتجديد البطاقة المنتهية بفلوس
البنوك الاجنبية مانبي ندعم الكفار وش نسوي مافيه الا ناخذ فلوسنا في جيوبنا عاد الي زمان وين كانو يحطون فلوسهم

الأموال اللتي يقرضها البنك لي هي نفسها الف منك وخمسميه من الثاني والفين من زميلك والف وخمسميه من قريبك .ومع انه ومثل باقي البنوك في المملكه يتمتع بجنة البنوك كما يطلق عليها حيث تتعفف الغالبية العظمى ولله الحمد عن اخذ فوائد على ايداعاتهم . الا انه ومثل بعض البنوك يصر على خصم ريالين ونصف شهريا من حساب من يقل متوسط رصيده عن خمسة ألأف ريال

قد يتشآل البعض ماموقف مؤسسة النقد .فأقول الدعم الكامل للبنوك في توجههم هذا .فهي جزء من حكومة التجار اما المعدمين فليسو في الحسبان

يامؤسسة النقد ماذا عن ألأشهر اللتي يزيد فيها المتوسط عن خمسة آلاف .أم ان علينا الغرم وله الغنم

البرنامج القادر على حساب وتتبع مايجنيه من الحسابات المنخفضه قادر على الحساب والمتابعه بالأتجاه ألأخر

انا شخصيا ساطالب البنك بالفوائد كامله .عن كل شهر يكون فيه متوسط الرصيد اكثر من خمسة آلاف ومنها اسدد رسوم ألأشهر المنخفضه--يامصرف الراجحي اما هذا او هذه بتلك ويادار مادخلك شر

في حال رفض البنك ساوقف تعاملي معه .ومع ان تعاملي معه بسيط جدا وغير مؤثر ولكنه سيصبح كذلك حينما نصبح عشره واكثر تأثيرا حينما نصبح مائة ومؤثر جدا حينما نعد بالألاف


اعرف ان الفوائد محرمة تحريما شديد . ولكنني اطلب ممن يذكروننا بهذ الحرمه ان يذكروا البنوك ومؤسسه النقد ان استغلال ظروف المعدمين حرام كذلك