حسب ما سمعت ان يخصم منها 9 % حق التقاعد

يعني اللي يجيه زيادة 200 ريال في راتبه بينتفوا منها 9 %

والله اعلم

هزلت

ياشباب رخصة القيادة وشغلات المرور تحسبونها على التسعيرات القديمة

الحين فيه تسعيرات جديدة وأغلى من القديمة
وهم يقولوا أنهم
خفضوها بنسبة 50%
يعني هيا هيا

زي سالفة دعم الحليب والرز
فكان الحليب والرز مرتفع
وبعدها جاءه الدعم
وأرتفع مرة ثانية .......!!!

صراحة كان الفله بابنيها بالجنوب الان مع ارتفاع راتبي 300ريال سوف اشتري ارض بشمال الرياض وابني فله على طول وتخلصت من الدين ..

اسرع خبر قراءة وردود منذ نشره.ساعتين (الساعه السابعه-التاسعه)..الله يعوضنا وياكم

لا والله الخبر كان غير متوقع مع ان الاخت مقاطعتهم وضعت بالعنوان زبدة الخبر..حسب كلام عضو مجلس الشورى الزامل بآن القرارت الأخرى تحتاج الى وقت لتظهر نتائجها المرجوه..

مسخره ومهزله ما بعدها مهزله .

اغنى دولة وميزانيه خياليه وآخرتها 5% الله يفقرهم ان شاء الله

وبعدين اللي تتحمل 50% لثلاث سنوات بس .
الجوازات واغلب الشعب ما عنده جواز ومع هذا مدته خمس سنوات . كيف استفيد منها ؟!؟!؟!
والرخص وهي كل خمس سنوات يعني لو اني مجددها ألحين كيف برضووو استفيد منها ؟!؟!؟ يعني راحت عليك . شيء يضحك من جد <== لاعبينها صح مكثرينها هنا 50% لأنهم عارفين محد راح يستفيد منها .

ما اقول إلا حسبي الله ونعم الوكيل
والله يعيننا على زيادة الاسعار اقل شي 30% من هالشحاذه الله يفقرهم . ومن قال اننا (شعب ابو خمسه) اقول له جبتها صح .

الصراحة شيء يقهر بالفعل والله يعينهم على انفجار الشعب

لو اكتب من هنا إلى سنه قدام ما راح اخلص من هالمهزلة وقرار جداً استفزازي