بانسبة للغباء اللي ينطق به هؤلاء التافهيين من دول الخليج فهذا "اقصى مايطولون" يتهزون فينا وبيني وبينكم السعوديين هم اللي فتحوا لهم المجال انا دخلت الموضوع في العربية وصايرين السعوديين هم اول من فتح الباب للمسخرة والاستهتار فاللي مايحشم نفسه لايتوقع ان غيره يحشمه "ما فلنا لاتنتقدون ::انتقدوا بس باسلوب واختاروا الالفاظ" مهب تنكتون على عماركم واذا جاء احد وضحك قلتوا ليه؟؟؟؟؟؟؟؟؟؟؟؟؟
وبعدين حنا دايم ننظر نظرة تشاؤم يعني لنغير الزاوية وننظر نظرة أخرى:
لوزادوا الرواتب بتكون الفائدة لموظفي الحكومة وهم لايمثلون الا ثلث الشعب ان كثروا البقية موظفي قطاع خاص واعمال حره ومزارعين الخ........ لن تشملهم الفائدة . فالتخفيض في السلع والخدمات بيكون افيد واشمل ولاتنسون ال10% حقت الضمان الاجتماعي اللي تعتبر الأهم ولنأمل ان هذه القرارات هي اول الغيث.
الدولة باقي ما استكملت مشاريع البنى التحتية والخدمات ومقبلة على تنفيذ مشاريع ضخمة فنلتمس العذر لها في فارق نسب رفع الرواتب بينها وبين دول الخليج الاخرى اللي الوحدة مساختها مساحة منطقة من مناطق السعودية
وعدد سكانها أفل عدد طلبة التعليم العام في السعوديه >>> خلصوا البنى التحتية وبنوا لهم كم عمارة ومازال باقي فايض فعطوا المواطنين (يعني حسبوا حساب فرق المساحة وعدد السكان)
بعدين حنا كشعب بعد لازم يكون عندنا انتقائية نعرف وش نشتري وكيف نختار وكيف ندخر ونحاول ننوع مصادر دخل الاسرة صايرين كننا دبش نمشي ونصرف ونضيع الفلوس هذا الاجانب عندنا ويكدون خير لأنهم يشتغلون اما حنا ماعندك الا اتكاليين لا يبون يفكرون ولا يتحركون وجيدين في النقد.. بدل كثر الحكي والشكاوي رح طور نفسك طقطق منا ومنا وبتلقى نتيجه مخلين الخير كله لها الجنبا ماكلين حلنا وحلالنا.
لا تفهمون من كلامي اني اخلي الدولة من المسؤولية لكن اقول ان احنا بعد مليانين عيوب ولو كل واحد طبق فلسفته على نفسه كان صار حالنا غير كذا والظاهر صدق القول اللي يقول (كما تكونون يولى عليكم).
لو بدينا نصلح القاعدة بيوصل الصلاح شيئا فشيئا للقمة .

الحمد لله على كل شيئ
 

زيادة دعم السلع حلووووووووه بس لو عكسوها جعلو ابو راتب 10000 فمافوق يحصل على( 5% )واللي اقل منه يحصل على(10%) كذا كان العدل بأم عينه
اما يتركونها على كذا الغني يزيد غنى والفقير يزداد غلبا وفقر

لاكن نتعشم في حكومتنا الخير والله يطول عمر ابو متعب والاسره المالكه ويوفقهم بما يرونه في صالح الشعب السعودي
وانشاء الله مانقول الا الخير قطره ثم ينهمر المطر

ولك الحمد والشكر على نعمتك يارب العالمين

دمتم بود

اقول والله ان هرج في الفايت نقصان في العقل


الحين بس جالسين تندبون حظكم وكلام بس

خلونا من هالكلام وابي احسب الزيادة عندي

راتبي 1200 ريال ومع الزيادة بيزيد ولله الحمد 60 ريال شهرياً

ياربي لك الحمد والشكر

طيب وش تنصحوني اسوي بهالـ60 ريال ؟؟

أنا فكرت اعطيها شغالتنا كل شهر عشان تحبني وتنضف

ملابسي زين

على بالكم بقول غرفتي صح ههههههههههههههه

ابشركم ماعندي غرفة ارقد بالمجلس ولله الحمد ومو بس انا

الا اخوياي كل ابوهم هههههههههه

عطوني حلول يمكن استفيد من هالـ 60 ريال

الله يجزاكم خير

المفروض يحمدون ربهم بدل الطناز

الله يوسع علينا دنيا واخرة ويهدينا

.



من أقذع وأفظع النكت التي قرأتها وترفع الضغط:

(( مملكة البحرين العظمى تدخل بقوة في حملة التبرعات الخليجية الخيرية التي تحمل شعار: " معا لنستر خمسة أخينا السعودي " ))



الغريب تبادل رسائل الجوال المكثف لها!!




.