لا حول ولا قوة إلا بالله ..
حسبنا الله ونعم الوكيل .. |
الأخ طفران:
أعانك الله على بلواك وأساله سبحانه أن يكون هذا البلاء رفعة لك في الدنيا والآخرة. وأحذرك يا أخي الحبيب من الانسياق خلف الأحاديث والأدعية الضعيفة اللتي ليس لها سند في كتب اهل السنة وخصوصا قضية تكرار عدد معين من الآيات وادعاء ان ذلك مجرب وانه نافع.... فاذا دعوت فلا تدع الا الله وحده وعليك بالأدعية الواردة في كتب السنة ففيها الخبر والنجاة باذن الله. واذا أردت التثبت من أي حديث أو دعاء فدونك الكثير من أهل العلم (الثقات) وفقك الله وأعانك |
بأنتظاركـ
|
نتابع يومياتي ( اسف على تاخري بالامس وذالك لمشاكل الحياه ومشاغلها والسعى وراء الرزق )
دخلت على المدير علشان اشرح له الحوار اللي حصل بيني وبين بايع ضميرة وذمته فقال اللي المدير : انا ايش اسويلك ما احد اشتكى منه وانت ايش فيك جالس لين الحين ما رحت الجولة تبعك المهم اخذت نفسي وطلعت من عند المدير وانا افكر هم اللي صح وانا غلط او انا صح وهم غلط طول عمري وانا مسوي شريف شوف ايش سوت فيك الامانة عيالك ما يلبسون زي الناس زسيارتك مسحوبة وصاحاب الايجار بيزيد الايجار المهم اخذت ونيت الامانه ورحت على جولتي التفتيشية طبعاً طبيعة عملنا اننا نمر على المحلات ونسجل المخلافات المختلفة والي تطلع لللامانة الملايين وراتبي بس 2525 ريال رقم مميز وجلست افكر فيها هم ما يعطونا ريال واحد نسبة على حجم المخلافات الى احنا نحصلها خلاف ذالك روتبنا متدنية وعلى بند اجور موعدين بالترسيم خلل الايام القادمه وقلت في نفسي هذا هو السبب اللي ترك كل موظفين الامانة بلا امانة الا من رحمه الله المهم دخلت على المحل الاولي وهو مطعم شاورما في احد شوارع جدة هذا المطعم يا خذ الدجاج البياض اللى يسير ما يجيب بيض من احد المزارع يعني دجاجة عجوزة لحمها ساير بلاستيك وينقعك في حوض البانيو حق الاستحمام ويضع عليها خل وملح في سكن العمال اللي جنب المطعم في الحمام لحظوا والله والله ان كرسي الحمام من الاوساخ والقذارة ما تقدر انك تجلس عليه تعملها .................................................. ........................................ وريحة المكن تثير الاشمزاز طبعاً خلاف طريقة جعل الشاورما بشكل مستوى حتى توضع في السيخ كله دعس بالرجل ما علينا ( ما ابغ اعقدكم من الشاورما ) يتابع غدا |
تابع تابع . . .
والله يكون بعونك ويرزقك من حيث لا تحتسب . . .:( متابعك بشكل يومي وابطيت علينا يالحبيب . . . وحاول تطول بالسالفة اسلوبك مشوّق . . . |
كان الله في عونك
فيه كثير زيك الله المستعان |
اقتباس:
جزاك الله خير واتشرف بوجودك ومتابعتك لي اخوك طفران |
اقتباس:
جزاك الله خير |
لاحول ولا قوه الا بالله
الله يرزقك من حيث تحتسب ومن حيث لاتحتسب |
حلوه ما تبي تعقدنا من الشاورما
خلاص مافي شورما بعد اليوم :) يعطيك العافيه وننتظر مسيرتك الحياتيه |
اقتباس:
اللهم امين جزاك الله خير |
اقتباس:
هههههههههههههههههههههههههههههه تسلم اخوي على مرورك |
ياربي وش ذا .. اشوى اننا من فترة تاركين مرض الشاورما ..
الله يأخذ العدووووووو .. كمل الله يفتحها عليك .. حامت كبدي زود من الشاورما .. |
عسى الله يغنيك بحلالة عن حرامة قل امين
ترا حتى البرست ينداس بالرجول عشان تزبط التتبيلة:)وحدث ولا حرج واحنا مافية الا لهط من هالمطاعم من برا هبا هبا ومن جوا يعا يعا |
أقول يا طفران مخصوم منك أسبوع يعني راتبك صار 2020 رقم مميز برضه
كمل و لا تعطينا بالقطارة ترا باقي من الشهر 3 أسابيع أنتبه واعانك الله |
تابع يومياتي
كنا وصلنا في الامس عند................. المهم دخلت على المحل الاولي وهو مطعم شاورما في احد شوارع جدة هذا المطعم يا خذ الدجاج البياض اللى يسير ما يجيب بيض من احد المزارع يعني دجاجة عجوزة لحمها ساير بلاستيك وينقعك في حوض البانيو حق الاستحمام ويضع عليها خل وملح في سكن العمال اللي جنب المطعم في الحمام لحظوا والله والله ان كرسي الحمام من الاوساخ والقذارة ما تقدر انك تجلس عليه تعملها .................................................. ........................................ وريحة المكن تثير الاشمزاز طبعاً خلاف طريقة جعل الشاورما بشكل مستوى حتى توضع في السيخ كله دعس بالرجل ما علينا ( ما ابغ اعقدكم من الشاورما ) طبعاً اللي يشوف اللي حاصل والله لو كلب اكرمكم الله ما يكل هذا الاكل البنقلاديش معلقين ملبسهم وتقطر مويه بعد ما هم مغسلينها وريحة المكان ممزوجة بالتنبل ( هو عبارة عن قات البنقاله خليط من كل شي في شي ما دري من ايش المهم يخلي فمهم لونه قوس قزح ) المهم قلت لهم باي ساب ( لغة البنقلاديش ) وين المسؤال عن المطعم قال طيب صديق دقيقة هو اجي المهم انتظرت دقيقة الا جايني واحد بنقلاديشي يقول هي هي انت ايش عندك هنا ما في مدير حق انت قل لك لا تجي هنا قلت انا جاي هنا علشان شكل مطعمكم فيه مليون مخالفة وانا جاي علشان ادي انت وعمال مخالفة وان شاء الله اقفله لك قال اه انت اكيد في جديد صديق ما في مشكلة قبل انت كان يمر علينا كل اسبوع ياخذ 200 ريال ايش راي انت صديق تاخذ 200 ريال اليوم وبعد اسبوع ان شاء الله مر كمان صديق احنا مافيه قصر معاك انت مافيه سوي مخالفات لنا اوكية قلت وكمان ترشيني قال صديق باين عليك مسوي امين شوف صديق انا فيه هنا 10 سنه مافية واحد نفر ايجي هنا من بلدية مافيه ياخذ قلتانا مافيه اخذ وعلى فكرة واين كرت صحة عمالة( كرت صحة هو كرت فحص طبي للعمالة التى تعمل في مجال الاكل والشرب يعني يكونون خالين من الامراض ويمنحون بعد الفحص الطبي من احد المركز المعتمده ) قال مافيه كرت صحي قلت يعني زادت عليكم المهم سويت مخالفة والله وقلت له محلك هذا بنقفله علشان ما يموتون ناس بسبب هذا التلوث الموجود قال ياخي مافية احد موت 10 سنه انا هنا ناس هنا اكل بسس(قطة ونحن في جدة نقول لها بسه ) مافية موت قلت بنشوف اعطيته المخالفة وقلت خلي كفيل انت يرجعنا بكرة ونشوف نقفلة ولا لا قال صديق روح روح سوي اللي في راسك احنا نعرف نسوي اللي في راسنا قلت له تتحداني في بلدي قال انت ما تعرف مين كفيل انا قلت خير المهم مشيت وانا راجع بونيت الامانة قلت امر اشتري اغراض للبيت وخاصة انوه ماعندي سيارة المهم وانا في البقالة اللي جنب البيت الا الجوال يرن قلت الوووووووووو قال الوووووووو قلت مين قال انا قلت مين قال انا ابو ناصر يا ابو فقران نعم يا بو ناصر قال ايش سويت في الموضوع اللي كلمتك عليه قالت اي موضوع قال موضوع الايجار قلت ما ني دافع ريال واحد قال والله اقطع عليك الكهرباء قلت اقول شفت طاش ما طاش قال ايه قلت والله اسجنك زيه قال والله اوريك المهم وقفل السماعة في وجهي اخذت الاغراض من البقالة ووصلتها البيت ورجعت العمل وانا ادخل المكت الا المدير ينادي علية تتوقعون ايش يبغا مني نتابع في الغد |
|
اقتباس:
حاط مقطع تفحيط اقول قول لمجنون الشفا اللي جالس يفحط يرووووح يكد على السيارة اصرف له من التفحيط نهاية التفحيط يا صاحبي حبسه وحوداث وعطلة وهمله وما يليقي وظيفة اكيد ليش انه جالس يفحط مسوي فيها شوماخر ويرسب وفي النهاية يسوي مقطع بلوتوث وخلي اي واحد يدفع له ريال ومع غلا الاسعار وظيفتة امن ما راح تسويه شي والكباين الاتصالت قفلت وفلست من الموبايل يعني ما راح يلاقي غير سباك او نجار او حلاق وياريت يفلح فيها اما العسكرية وانا اخوك سارو يطلبون ثانوية وانت يا صاحبي ما عندك غير ابتدائية ومعذب خلق الله بالتفحيط ما اقول الا الله يهديك تحياتي واشواقي على فكرة نسيت قول له اخوك طفران بن فقران يصبح عليك قال مجنون شفا قال احنا ندور للعييل حفايظ وحليب وهذا جايب مقطع تفحيط والله اهل العقول في راحه ضحكتني وانا طفشان وزعلان والله جزاك الله خير |
الله يعين حال الكثير من البلد هاالايام
|
|
طفرااااااااان عطنا السالفه كلها مره وحده لاتعقدنا والا يمين بالله نقاطعك
ههههههههههههههههههههههههههههههههه |
طفران بن فقران
الله يرحم والديك لا تتأخر علينا بيومياتتك نزلها بأسرع بس عندي لك سؤال شاغل بالي كيف تدخل على الإنترنت وهاذي حالتك .؟ مع دعائي لك بالفرج والرزق ولنا بعد تحيتي وتقديري لك |
|
اقتباس:
|
اقتباس:
شكرا لمرورك الكريم بخصوص الانترنت لقد تعرفت على مالك مجموعة المزون للانترنت وقد اعطاني اشتراك مفتوح لكي اشرف على المواقع التى يديرها ( منها منتديات ) مقابل مبلغ 300 ريال في الشهر يدفعها لي وشكرا جزاك الله خير |
الله المستعان والله ثلاث ارباع الشعب السعودي نفس حالتك لا وابشرك انتم الطبقة المتوسطة
الدخل يعني في اللي راتبهم 150 هذولا اقل وفيه اللي على الشؤؤن فقط والاخت اللي قالت روح للجمعيه الخيرية والله ما نقصنا الا هي على كذا كل الشعب السعودي بيروح الجمعيات الخيريه الله يفرج همك وهم كل مواطن ياااااااااااااااارب وتشوف عيالك خريجين من اكبر الجامعات ويعوضونك صبرك وشقاك اخوي ومالنا الا الصبر |
يا الله لها الدرجة وضعنا ينهار
يعطيك العافية يامبدع |
في الحقيقة يا أخ طفران بن فقران .. معاناتك هي شبيه بحالة المواطنينوللأسف الشديد هناك من يعتقد أن الشعب يملك الأموال ظروف قاسية .. وغلاء اسعار .. ووزارة تعبانة وخير البلد يطلع برا والعزاء الأول والأخير للمواطن المسكين الذي يدفع ضعف راتبه
|
الله يرزقك ياطفران من حيث لاتحتسب ويرزقك على قدر نيتك في الحقيقة أنا اليوم فتحت الموضوع وتابعت موضوعك من أول جزء وتحمست معك تكفى لاتطول علينا همسة أتعجب من كثير من الناس عدم مراقبتهم لله وخوفهم منه كيف يرفعون الأسعار علينا مايدرون أن فيه كثير من الناس بنفس الحالة هذي وأقل يارب تنتقم من الظالم طفران الله يفرج عنك هذا أقل حق من حقوقك علي |
الله يعينك اخي الطفران ويرزقك الخير الحلال
|
اخواني واخواتي الاعزاء
سأتوقف بأذن الله اليوم عن الكتابة في يومياتي ونعود في الغد ان شاء الله توقفى اليوم هو لموضوع جد خطير فقد تطاول القوم على أبي لا ورب الكعبة فقد تطاولوا على اغلى من ابي على أمي لا ورب الكعبة فقد تطاولوا على اغلى من أمي تطاولوا على نبينا ورسولنا محمد صلى الله علية وسلم على خير الامه ولا خير في أمه يهان رسوالها وتسكت اليوم يا مسلمين عباد الصليب يتطاولون على خير البرية قا طعوهم وقاطعوا منتجاتهم (السويد) ومن قبل الدنمارك اقسم بالله العظيم انا وحتى اليوم من بداية الازمة مع الدنمارك 2005 لم تدخل منزالي اي منتجات من هذه الدولة واستحقر كل من عاد الى جبنة بوك و نيدو انصروا نبيكم لمتابعة الموضوع |
لمتابعة الموضوع الرابط
https://mqataa.co/vb/showthread.php?t=2695 |
الله يكون في عونك وعون جميع المسلمين
|
لاحوووووووووووووووول ولا قوة الابالله
|
ناسف للتوقف وذالك للمشكلة في المنتدى بأذن الله سوف نتابع اليوميات من يوم غدا السبت ان شاء الله
والمقاطعة مستمره |
انا قرأت موضوعك من قبل ورديت عليك بس كنت احسبك تستهبل
واصل بارك الله فيك |
اعانك الله ورزقك الله من حيث لا تحتسب
اللهم ارزقه وارزق المسلمين ياسميع يامجيب |
جزاك الله خير ياطفران ..
الله يوفقك ويعيينك .. بس مثل ماقلت لكـ ..نحن متابعون لك وبشدهـ لاتتأخر علينا والي يرحم والديك عن النار |
نتابع يومياتي
ورجعت العمل وانا ادخل للمكتب الا المدير ينادي علية تتوقعون ايش يبغا مني ابوفقران قلت نعم قال انت رحت عند المطعم ( شاورما ) قلت ايه واعطيته مخالفة وانا ودي اننا نقفل المطعم قال تقفل المطعم انت ايش خصك ماشاء الله مسوي الامين ( هو منصب مدير البلدية ) قلت والله يستاهلون نقفل مطعمهم والله لو تشوف مكان تحضير الاكل كلب الله يكرمك ما ياكل اللي فية قال اقول أكل عيش وخلي الناس تعيش وانا الغيت المخالفة واعتبر اني ما شفتها ولا اشوفك انت وجهك ترووووووووووووووووووووح على هذا المطعم او على اي محل ثاني بدوووون ما تبلغني انت كذا تحرجنا مع الناس ولا تبغاني اتخذ معاك اجراءات ماهي في صالحك المهم لقطت وجهي وطلعت من عنده ورحت البيت وجلست اللعب مع العيال بعد كذا اذن العصر رحت الى المسجد صلية العصر ودعيت الله انا ما عندي شي وسيارتي محجوزة عليها قسطين وبالقوة وافقوا على ان ادفع قسط واطلعها علشان اكد عليها ولا كيف بنعبش ناكل ونشرب والا المشاوير والتكاسي ذبحتني ولا الباصات اللي عندنا تقول برميل الله يكرمكم ماشي على اربع كفرات وانا ما ابغ احد يعلم بحالي ولا اطلب احد المهم شغلت الجوال الا اتصال جاني قلت الوووووووووو قال السلام عليكم قلت وعليكم السلام ورحمة الله وبركاتة مرحبا ابو فراس قال اخوي طفران قلت نعم قال انا محتاجك في موضوع ضرورررري جداً قلت خلاص ان شاء الله اجيك بعد صلاة المغرب وبعد صلاة المغرب طلعت عند ابوفراس ( صاحب مؤسسة تسويق الالكترواني ومواقع ) وجلست معه علشان عنده بعض الافكار الخاصة بالانترنت ويبغا ينفذها بعد ما انتهيت من طلباته الي ولله الحمد اقدر انفذها قال ابو فراس كم تكلف تنفيذا هذه المواقع قلت ما تكلف الا حجز السريفر والديمنات اما البرامج باذن الله انا اسويها لك قال انت فهمتني غلط اقصد كم ودك تاخذ شغل يدك قلت الله يجزاك خير اللي تجيبة المهم اعطاني 2000 ريال وقال هذا ان شاء الله بيرضيك ولما تنتهي انا اعطيك زيهم المهم انا قمت وانا ما ني مصدق نفسي اخذت الفلوس ورحت البقالة ياناس الفرحة اللي كنت فيها ماتوصف اشتريت كل اللي في نفس العييل بسكويتتات وعصيرات بحدود 50 ريال وقلت ان شاء الله بكرة من الصباح ارووووح شركة تويوتا علشان اطلع سيارتي نتابع في الغد |
اقتباس:
جزاك الله خير مرورك شرف لي |
| الساعة الآن 08:36 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by