سلمت السياره للورشه وبعد معاناة وظهرت عيوب وقطع لم تكن مسجله من قبل
الحمدلله المشكله عدت على خير وشريت كل حاجه وسلمت السياره للورشه واستلمتها يوم الاثنين 26\4\2010 اول ماشغلت السياره كانت ترتج بشكل غير طبيعي يعني اللي يركب فيها يخسس وزن 50 كيلو من الهزه اللي فيها وكانت لمبه تشييك المكينه شغاله رجعت له قلت له انا سلمتك السياره شغاله ومافيها هذه الرجه وهذه المشاكل قال هذه السياره كذا انا ماسويت شي فيها يمكن خربانه عندك كراسي المكينه او شي ثاني قلت له حرام عليك سلمتك اياها عدله واخر مره شغلتها معك يوم نركب البطاريه قال لا المهم انا قلت له الحين بروح الوكاله اشيك عليها وارجع لك اخذت السياره وبوصيه قريب لي قال نوديها لشخص موثوق من جماعتنا احسن من الورش التعبانه والوكالات بالفعل شيك عليها ويوم فتح غطاء المكينه كانت المصيبه كالاتي https://www.mqataa.co/vb/uploaded/12747_01272656891.jpg شاف كيبل مقطوع وملتمس مع كيبل ثاني احضر وازرق صلحت السياره والحمدلله راحت الرجه ورجعت له ووريته الصوره قال يمكن مع تركيب المكينه انقطع هذا قلت له ::: يعني انت ماوثقت فيني يوم قلت لك عطيتك السياره عدله وسلمتني اياها خربانه ونادى للعامل يلومه على الخطأ قلت له ياعمي هو ماله ذنب تلومه الاول انك يوم تستلم السياره تعرف ايش فيها مو تقول لي خربانه من الاول وتلوم العمال ومن يومها لا تأمين زفت دوت كوم ولا نجم كلهم خرابيط عيني عينك انا بحذر اي شخص يسلم سيارته للورشه يشيك عليها واي نقاط يكتبها له في ورقه للأمانه وياريت اذا يقدر كل مره يروح يشيك عليها يشوف كيف شغلهم وسلامتكم |
اقتباس:
بالمره شف وضع البواجي بتغيرة الزيت الجايه . و علمنا وش صار معك مع الجعاونية .. |
اقتباس:
الحمدلله على كل حال زين ما احترق عندي شي ثاني اواتلفت المكينه اقتباس:
ان شاءالله راح اشيك على كل شي حبه حبه والجعاونيه الحكم راح يكون بعد 4 شهور بسبب الاستئناف والله هزلت كل مره استئناف وكل استئناف اطول من الثاني لو بقر يحرثون الكره الارضيه كان خلصو |
اقتباس:
أخي اعود واقول لك انشره في أحد الصحف المحلية هاتف جريدة الحياة 014612626 فاكس جريدة اليوم 038580229 اتمنى لك التوفيق |
بسم الله الرحمن الرحيم
يفترض اليوم ان تنعقد الجلسه بين الجعاونيه ( التعاونيه ) للتأمين وديوان المظالم 17\7\1431 وتم تأجيل الجلسه مره اخرى إلى تاريخ 17\11\1431 يعني بعد اربع اشهر بصراحه قمه السخافه والمماطله من الجهتين حسبي الله عليكم راح اجهز اوراقي واتجه إلى اقرب جريده مع اني ما اعرف مواقعهم بس راح احفر الارض واروح لهم الله لا يوفقك من شركه ياليتني ماشريت سياره ولا تعلمت اسوق واشوف هذا الظلم |
دعوه المظلوم يا علي تفتح لها السموات
|
ما يضيع حق وراه مطالب
كان الله في عونك |
اقتباس:
|
انا صدمني واحد نفس صدمة سيارتك وطلع غلطان مية بالمية ولاعنده تأمين وانا سيارتي تابعة للبنك الاهلي، وحطوا الغلط على اللي صدمني 100%، ولما رحت اودي اوراقي للشركة المؤمن عليها البنك الاهلي ميديا جلف قالولي ادفع 750 ريال قيمة تحمل، قلت لهم انا ماني غلطان وراح تأخذون منه قيمة تسعيرة شيخ المعارض 2500 ريال مع ان تسعيرة نجم والوكالة حددت الصدمة بحوالي 10000 ريال، قالوا هذا النظام لازم تدفع نسبة تحمل. وشركات التامين اللي عندنا شركات نصب وسلب حقوق ودائما ينظرون للعميل انه كذاب ومخادع ونصاب.
|
بالمختصر المفيد من يملكون شركات التامين (من عليه القوم) يوم شافو ان شركاتهم خسرانه طلعوا فكرة شركه نجم وبكذا يضمنون ان التقييم يصير على كيفهم يعني هم مضبطين وضعهم مع شركه نجم ومع شيخ المعارض
نصيحتى لك اما انك تاخذ الـ 5000 ريال اللي عرضوها عليك او انك تأخذ اوراقك كله وعلى المحكمه على طول لااماره ولا موسسة نقد |
ياخي ماشالله عليك بيض الله وجهك
بصراحه انا راح اقتدي فيك بكل شي عندك قوه صبر وعزيمه لكن الله يقويك |
لا احد يؤمن عند التعاونية !!
أشوفهم ما يمر عميل غلا يعترضون على السعر !! |
تدري يا أخي أنا لو مكانك بعد هذه القصة كلها والمؤلمة فعلا//
إرسلها لإخوانك فريق طاش ما طاش ،، عشان يعرضونها الجزء القادم.. فعلا قصتك يجب أن يعلمها الجمهور والمسئول على حد سواء،، حتى يوضع لها حل جذري إبحث عن موقع طاش ماطاش وراسلهم وأرسل كل الثبوتيات وسوف يتعاونون معك في إخراج حلقة مثيرة للجدل،، وبالتوفيق أخي |
اشكر الجميع على مشاركتكم وبإذن الله مايضيع حق وراه مطالب خلال هذا الاسبوع سوف تنعقد جلسه في ديوان المظالم لإصدار الحكم وان شاءالله مايكون في استئناف مره ثالثه علما ان القضيه لها 17 شهر دون فائده تذكر الله المستعان |
اقتباس:
|
علاوي هل جد شيء؟
|
والله لسا انا انتظر رد بالايميل ولسا ماوصلني
هي الجلسه لسا منتهيه تقريبا الظهر |
هذه هي رسالتي ومع رساله الرد من مؤسسه النقد
بعد ان انتهت مهله الرد على مذكرتكم من شركه التعاونيه للتأمين بإستئناف الجلسه إلى تاريخنا هذا ارجوا ان تبلغني بماذا صدر الحكم في ديوان المظالم انا انتظر النتيجه بفارغ الصبر الأخ / علي المحترم حكمت الدائرة مبدئياً برفض الدعوى المقامة من قبل الشركة التعاونية وتبقى ان تعاد من الإستئناف ليصبح الحكم نهائياً ويتم بعد ذلك تنفيد الحكمولا نعلم كم المدة التي ستستغرقها في الإستئناف . _______ بصراحه ماني فاهم اي شي ولا اعلم إلى متى هي النهايه وهل معقول لايعرفون اي توقيت يعني ان القضيه معلقه ومهمله ولا احد يعلم عنها اي شي هذا هو استنتاجي واذا كانت مده الاستئناف السابقه 4 شهور الان اتوقع اكثر من ذلك |
الله يهديك اشغلته نفسك بهاالقضية بس تبي الصراحة انا اعجبني قدراتك التقنية ومعرفتك بطرق العرض والتصوير والدبلجة ارجو ان تنفع نفسك بالتركيز على استثمار هذه المواهب لديك
وتقبل نصيحيتي بروح ..... تقنية وفقك الله |
قصة محزنه
الله يعينك عليهم دعوة المظلوم مستجابه عليك بالدعاء عليهم ليل نهار |
الله يعوضك بالجنة يالغالي والله غش ولا حسيب ولا رقيب
|
اشكر كل من عبر وكتب برد
____________ على مشارف دخول السنه الثالثه 30 شهر تقريبا نسيت وانا اعد كالعاده لاجديد على الساحه ولا احد يدري بالسالفه وكل واحد يقول ماعندي خبر لاحول ولا قوه إلا بالله حسبي الله عليكم (التعاونيه + مؤسسه النقد + ديوان المظالم) الحساب يوم الحساب |
السلام عليكم ورحمه الله وبركاته
الحمدلله رب العالمين ومايضيع حق وراه مطالب واخيرا وبعد طول عناء , وبعد ثلاث سنوات من التماطل والشكاوي اخذت حقي من الجعاونيه للتأمين http://i174.photobucket.com/albums/w...1022012272.jpg |
اقتباس:
ألف ألف ألف مبروووك أهنيك على قوة العزيمة والاصرار وفعلاً مايضيع حق ووراه مطالب |
لم أشترك بهذا المنتدى الا بسبب هذا الرجل الشجاع بكل معنى الكلمه, يا ليت بعض الشعب مثلك كانحن بخير, الله يعطيك العافيه سويت فينا جميعا جميل بتأديبك لهؤلاء الفاسدين
|
| الساعة الآن 06:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by