والله فرق بين الاختلاسات وموبايلي

كيف ان موبايلي سبب في تحرك الاختلاسات من سباتها وتغيير اخلاق موظفينها الي تقول جالسين يدفعون عنك

ياجماعه اللي سوته موبايلي في خلال اربع سنوات ماسوته الجوال في عشر سنوات موبيلي ودهم يسوون عروض اقل من الجوال لكن هيئة الاتصالات مانعتهم عشان التحديد اللي حاطته هيئة الاتصالات وبعدين بالنسبه للجيل الثالث اللي يشتكي منه في جنوب اليراض يتصل على موبايلي وان شاء الله يحلون المشكله
انا عندي كنكت يشتغل على موبايلي ولا احسن منه
بس عندي مشكله بالنسبه لموبايلي يليت احد يفيدني بها وهل الانفصالات السعوديه سوت مثلها والا لا وهي تحديث الشريحه مسبقة الدفع ليش موبايلي سوو تحديث للشريحه وتروح للموظف عشان تحدث الشريحه على انها باسمك ولكم جزيل الشكر

موبايلي وبس;)
توكلو على الله وحولو وانتم الكسبانين وخليك:cool:

هذي اوامر هيئة الاتصالات وتقنية المعلومات.. واعتقد الاتصالات سوت مثلها..

عموما موبايلي عوضت تعبكم بانها حطت سحب على 56 سيارة (لكزس ولاندكروزر وكامري)

هذه خلاصة تجربة شخصية لمدة سنة كاملة مع موبايلي وبدون دعاية لموبايلي
قبل سنة من الان كان فيه عرض من موبايلي على نقل الارقام وكان اهم ما في العرض هو ( الغاء رسوم الاشتراك الشهري لمدة سنة )
وقتها كنت متردد بالبداية في التحويل لكني في النهاية حولت كنوع من التغيير وايضا نكاية في شركة الاتصالات اللي مثل المنشار طالع ياكل نازل ياكل
بصراحة وبكل امانة اقول انني وجدت موبايلي افضل من الجوال
لاسباب لاحصر لها لكن اذكر لكم اهم الاشياء التي واجهتني مع موبايلي منها :
1- مركز خدمة العملاء ( 1100) اللي يوازي 902 في الجوال
لما تتصل فيهم اتحداك تنتظر اكثر من دقيقة حتى يرد عليك الموظف اما الجوال فانصحك بعدم الاتصال عليهم الا لما تجي تنام ولما تصحى من النوم تنتظر لك ساعة عشان تصحصح ويمكن بعدين يرد عليك موظف الجوال
2- اذكر مرة في الصيف الماضي انقطعت شبكة موبايلي لمدة 8 ساعات اليوم الثاني جتني رسالة من شركة موبايلي فيها اعتذار عن الانقطاع والاهم من الاعتذار خصم 50% على المكالمات لمدة اسبوع
3- فواتير موبايلي تصدر مع بداية كل شهر ميلادي ولو تحسبها تجد ان موبايلي ايامها اكثر من الجوال كيف ؟؟؟؟
الجوال ببساطة فاتورته كل شهرين واذا دققت اكثر تجد انها 59 يوم ويحسبونها عليك 60يوم يعني انت منصوب عليك لانك لو حسبتها في السنة تجد انها 354 يوم بينما هي في موبايلي 365 يوم فا الفرق واضح في النصب
4- تكلفة المكالمة ثابتة 30 هللة للدقيقة لكل اتصالاتك بغض النظر عن الرقم اللي انت متصل عليه اما الجوال الكلام ذا غير موجود عندهم
5- تغطية شبكة موبايلي افضل من الجوال خاصة في المناطق النائية ولما تسافر عن طريق البر

الانفصالات حرميه من يومهم انا عن نفسي كارهم من نصبهم وتعاملهم الخايس لاخشيت فرع اشتركات تضيق نفسي حتى مقابلهم الواحد كرهه يوم تراجعهم تقال انك تطلب منهم حسنه كل واحد لاملي بوزه مدري عليش وكل هالرزه من جيوبنا لابارك الله فيهم ولا من علمهم كيف يقابلون العملاء وقلعتهم عن وجهي من يوم جاءت موبايلي راحه نفسيه ياخي والواحد عقله براسه يشوف الارخص ويروح لافضل ونقول انشاء الله زين تغلب عليهم كلهم وسمعت يقلون بعد فيه شركه منافسه جديده يتوقع عملها خلال الستة الاشهر المقبله يعني خلهم ياكلون تراااااب بس السؤال\ من حق العميل ان يعرف كل العروض و الخدمات المقدمه له بشتى تفاصيلها الدقيقه يعني الي ينفغه والي يضره قبل البث فيها لكن عندنا هنا العميل اخر من يعلم وهو يروح يدور واكثرها تروح عليه بسبب جهله لها وجهله لنظام ؟ وهنا يكــمن النصــب الاحترافــي !!!

وفي وقت الذروة من 7 المساء حتى 7 الصباح الاتصال من موبايلي لموبايلي 20 هلله في الدقيقة

اللي يعجبني في موبايلي الإنترنت

باقة انترنت بلا حدود ب350 في موبايلي ولكن باقة بلا حدود في شركة الجوال ب 450

وحتى سعر يو إس بي موديم

موديم موبايلي ب 499 ولكن موديم الجوال ب 850

ونصيحتي مني لا تركبوا dsl وحولوا خطكم لموبايلي

انا اتوقع من نصب الجوال والثابت على الي هي شركة الاتصالات وظفو 3من تسديد الفواتير لهم اقسم بالله ماعندهم شفافيه عندهم غش واستغفال للمشتركين ويقولك زيرووزيرو بلص يعني تبي نخلي بجيبك صفر ولا ناخذ الصفرنخاف يثقل عليكواذا اخترت زيرو بلص يعني افهم انك تبي تتسلف واي اعتراض تقدمه يرسلون رساله على جوالك يقولون اعتراضك مرفوض وسدد المبلغ(يعني مثل قولت سدد ياحما.....ولا نبي نفصل عنك الخدمه اشتركت بكل عروض الجوال والثابت اقسم بالله ولا مره طلعت راضي عن عروضهم عيال ال... اذا اشتركت يختلف التعامل وتكتشف النصب الرهيب ....والمشكله انك في الثابت تدد ورجلك فوق رقبتك الله المستعان...



وللمعلوميه وخوذو الكلام مني انا لي زميل في الاتصالات يقولي اي اعلان او عرض من العروض الي تعلنها شركة الاتصالات يختلف عن صياغته للمشترك يعني يخلونك تفهم شي وهم يقصدون شي اي شفافيه.....

تقبلو مروري وخلو شريحة الاتصالات تصدري......

وخل الفاتوره تصدر واتصل على902وشف احد يرد عليك ولا لا صفقني يحولونك على الرد الالي وترعص صفر ولا ما ترعص ماحولك احد سدد وبعدين نكلمك حتي 902لازم تسدد عشان تكلم العميل والله مهزله.

اصبح الشعب المسكين كالكرام على مائدة اللئام ...الاثنان يسعى لمص الدماء برعاية "القائدة" الكبرى هيئة الاتصالات التي سعت لوقف حرب الاسعار بين العجوز الشمطاء (المتقاعدة) الانفصالات السعودية والبغي الواعد موبايلي