saudi arabi not good country come and see how do uoy leve pepole in thes country the pepole is very poor and seek, |
اقتباس:
اخي الكريم جزاك الله خير ان شاء الله سنستمر في عرض اليوميات ولكن لا نعرضها على اساس انني ارغب في ان اقول للناس ما ذكرته انت في الاعلى ولكن لكي اقول للسعوديين ان الفقرسبب كل المشاكل فهو الذي يؤدي الى السرقة والى الجهل والى الرشوه والفساد ان يومياتي فيها عديد من الفوائد منها الايجابيات ومنها السلبيات الموجودة في مجتمعنا ونحن نصم اذاننا او نتجاهلها من الوظائف والرواتب والارتفاع الجنوني للاسعار عزيزي الكريم ستظل بلدي التى احبها وان شاء الله نتطور جميعاً فكرياً وان لا نفكر بأن من يقول الصراحة يعري المجتمع وان من يقول الحق يفشل تقبل فائق تقديري واحترامي اخوك المواطن طفران بن فقران |
رجاء خاص من جميع الاخوان في مداخلتهم عدم تحويل خط يومياتي التى اكتبها واخراجها عن نصها الروائي لمعالجة قضاينا المعيشية وتحويلها الى منبر من منابر عالم السياسة
اخوكم طفران بن فقران |
السلام عليكم ورحمة الله وبركاتة
كل عام وانتم بالف خير حبيب البي طفران ماعليك منهم هذه من اللي تاكل الغيره قلبه يوم انه شاف نجاح موضوعك . المهم ما قلت لنا يا ابو طفران طلعت الكورلا او لا؟ |
يعطيك العافية طفران على الموضوع الروعة والي يحكي معانات ثلاث ارباع الشعب السعودي روتابنا مجرد معيشة مؤقتة وبعد التقاعد ؟؟؟؟؟؟ الله يعز مقدارك تحياتي لك والى الامام |
اقتباس:
كلاااااام سليم |
كمل يومياتك واتركك من هالسلقلق . . . :)
كل يوم ادخل المنتدى اشوف كملت القصة ولا لا . . . واحصلك ما كملت . . وبعدين معك . . . <<<<<<< عصّب |
يا أخونا الكريم طفران بن فقران
والله ماله داعي تقتبس رد كل واحد هنا وترد عليه .. يخوي أشكرهم وأنتهينا ترا والله عصبتنا الله يهديك ياخي أحنا ننتظر وأنت .. تدخل اليوم الموعود ترد وتطلع بالله عليك هاذا كلام .. الله يهديك ويرزقك بس .. أسألك بالله تكمل بدون مقاطعه وتأخير |
نتابع اليوميات
المهم لملمت ما تبقى لي من نفسي وعدت الى الكرسي وانا اقول في نفسي مو صاير هذا الغلى والمشاكل الا من اعمالنا سلط علينا لا حول ولا قوة الا بالله وانا جالس اشوف ما شاء الله المعرض مليان سيارات من كل الاشكال والالون وربعنا ما اكثرهم من مشترين وما اقلهم من موظفين في الشركة يعني الله يرزق اصحاب المعارض من البلد وهم ما يوظفون اهل البلد ماغير تسمع في المعرض شو هايدى وياباشا يعني ليش علشان احنا مو شعرنا ناعم وما نعرف نقول مهضوم ما ننفع نتوظف في وكالات السيارات ماعلينا هذه كلها افكار كانت في راسي وانا جالس انتظر المدير وامني نفسي بخروووووج السيارة المهم شفت المدير يدخل المعرض وطالع الى مكتبة وبسرعة جريت له وقلت له السلام عليكم قال وعليكم السلام المدير شاب سعودي بصراحة يشرف ابناء الوطن باخلاقة واحترامة قلت له ترى انا طفران بن فقران اللي كلمتك بالتلفون علشان اسدد قسط وان شاء الله اطلع السيارة واسبوعين ان شاء الله واسدد القسط الثاني وانت عارف رمضان على الابواب قال ماعليه انا ما قلت لك اوكية من اول قلت وانا والله قلت للاخ اللى هنا قال هو كل واحد عاوز يخرق عربيتة بدون ما يدفع المهم رفع المدير السماعة على الموظف قال له تعال انا ابغاك وصل الموظف لمكتب المدير قال المدير انا ما قلت لك لما يجي الاخ طفران استلم منه قسط وخرج له سيارته قال اه انت اقلت قال المدير طيب ليش ما سلمته قال الموظف هو قاء (جاء ) يسئل عنك ما سئلنيش عن عربيتوه قلت اخ يا الكذاب انا ما قلت لك انا طفران بن فقران وابغ اطلع سيارتي وكلمت المدير وكل هذا القصة وجلست مسوي عليه مدير وتتفلسف وين كل هذا ما علينا المهم انا ابغ اخرج سيارتي وبس والله يحاسبك . المدير قال للموظف ما علية الحين روح انهي اجراءات الرجال وقال ليه اي خدمة ثانية قلت له الله يجزاك خير المهم رحت مع الموظف وهو يقول ليه ليش اقلت المدير الكلام ده قلت وانت ما قلته ؟ ضحك ضحكته الزرقاء ومشينا الى مكتبة وفي مكتبه قام بفتح الدرج واشار الية ان اذهب الى الصندوق لتسديد القسط واحضار الايصال ذهبت الى الصندوق وانا في فرح وسعادة واخيراً وصلت الى الصندوق واعطيت الزول ( موظف سوداني ) المبلغ طبع لي الايصال وعدت بالايصال الى الموظف واخذت منه ورقة اخراج السيارة من الحوش ذهبت الى حوش السيارات واخذت سيارتي وكانت فرحتي لا توصف وقررت ان أعود الى المنزل لكي احتفل انا واطفالى بالسيارة وانا في الطريق واذا بي نتابع في الغد |
السلام عليكم ....
الله يسلمك بس كملها متنا الله يوفقك ..... |
الله يكون في العون...
بصراحة .. يومياتك يا أخي طفران تنفع مسلسل مكسيكي 300 حلقة. قد ماتكتب و قد ماتوصف ما راح تغطي ربع إللي بيحصل في أرض الواقع. كان الله في عونك و في عون كل الشرفاء في هذا العالم. (أما حكاية البلدية .. كثر منها .. أربعة شهور عشان نقل رخصة محل ... مو هاين عليهم ينهوا الأوراق نظامي .. رغم إنهم كانت عيون المراقبة عليهم و ماهم قادرين يقولوا لي أدهن السير خايفين أسوي لهم كمين .. المهم ماقدرت أخلص الأوراق إلا بعد كل كلفة و كذا واسطة). بقية القصة.. حدث ولا حرج. ختاما ... أحي فيك روحك المتسامحة و أخلاقك العالية و إمتناعك عن الإنجراف والإنحطاط لمستوى كل من أخطأ عليك بأي شكل من الأشكال. المهم ... بعدين ... إيش صار؟؟؟ |
حلو, بعدين وش سويت؟؟؟
متابع (^_^). . . . |
الف الحمد لله على خروج السيارة :)
متابع.... |
يا ابو فقران
يا اخوي لزوم تعوضنا عن ايام الانقطاع صح والا لا يا الربع ؟ |
صحيح يالمنير . . .
نبي تكملة القصة من 100 سطر . . . بدل تأخير . . . :) |
نتابع اليوميات حتى نعوضكم ما فات
ذهبت الى حوش السيارات واخذت سيارتي وكانت فرحتي لا توصف وقررت ان أعود الى المنزل لكي احتفل انا واطفالى بالسيارة وانا في الطريق واذا بي أرى شخص يرغب في مشوار قلت في نفسي الحمد الله يالله نوصله ونكسب 10 ريال حق العشاء طبعاً احنا في الظهر بس الفقير يحسب للعشاء والحفايظ والحليب والمستشفيات وكذالك البنشر واعطال السيارة المفاجئة ومع غلاء الاسعار سرنا نحسب لكل شي يعني سار عندنا البيبسي ترفيه والبيك ( عندنا في جدة بروست) طفره و الملاهي حق العييل بزخ وفشخره زايده معلينا وقفت للرجال وقلت له مشوار قال نعم قلت على فين قال الصناعية قلت 15 ريال قال 10 ريال قلت طيب يالله توكلنا على الله المهم طلع الرجال جنبي طبعاً الرجال شخصية ذاك الشماغ المتعوب عليه والمسبحة في يده ينقلها شوية من يدة اليمين الى يده الشمال بتناقل عجيب تطير من يد الى يد بكل دقة وريحة العطر تدخل في خشمي وتطلع من وذاني ماعلينا ما نقول الا ماشاء الله اكيد هذا مسؤال في احد المصانع ولا صاحب واحد من المصانع ولا ولا ولا المهم الافكار تتصارع في مخيلتي وانا اللي طول حياتي ما تخيلت كيف شكل 10000 ريال كيف تجي لو كانت ابو ريال او ابو خمسة ريال او حتى ابو 500 وانا افكر وافتكر في هذا الرجال الا هو قال لي انت من فين قلت انا من جدة قال من فين في جدة قلت ساكن في حي الجامعة قال وانا كمان قلت انت ساكن عندنا في نفس الحي قال ايوه قلت بس شكلك كشخة حسبتك واحد هاي هاي قلت ايش عندك رايح المنطقة الصناعية قال رايح ........................ نتابع في الغد |
نتابع اليوميات حتى لا يزعلون الحبايب
قلت ايش عندك رايح المنطقة الصناعية قال رايح المنطقة الصناعية محول لواحد من المصانع الوطنية قلت ايش تخصصك قال تخصصي صيدالي متخرج بتقدير ممتاز قلت له مين اللي محولك قال مكتب العمل المهم وصلته للمشور واخذ رقم جوالي وجاء يحاسبني حلفت اني ما اخذ منه الرجال على باب الله وهو طالع سألني وين ساكن في حي الجامعة بالضبط فوصفت له البيت ونزل من السيارة وانا ادعي له ان الله يوفقه رجعت بالسيارة الى الطريق في أتجاة البيت الا الجوال يرن قلت الووووووووووووووووووووووووووووووووووووووووووو قلت ام العييل السلام عليم قلت هلا والله وعليك السلام ورحمة الله وبركاته قلت ابو فقران قلت اختصري مافي حق الفاتورة بسرعه طبعاً استخدام الجوال من ام فقران لا يحصل الا بين فترة واخري وفي حالة الضرورة القصوى مما اربكني المهم قالت الحق يا ابو طفران قلت ايش فية عسى خير قلت ............................... |
نتابع اليوميات
المهم قالت الحق يا ابو طفران قلت ايش فية عسى خير قالت الموية قلت ليش فيها قالت مقطوعة قلت زي العاده ما يجي رمضان الا المويه في اليوم اللي قبله يقطعوها المهم احنا يوم الاربعاء و أول يوم في الشهر الفضيل يوم الخميس وناخذها من مين والا من مين المهم جلست افكر الحين الالفين ريال طارت بين قسط السيارة وبين الموية وبين مشتريات البيت المهم حولت الخط الى اشياب الموية الموجودة في شارع التحلية وصلت الاشيباب الا يا ذاك الطابور اللي كائن جدة كلها صافة خط تبي مويه نساء واطفال والله شي محزن ما علينا في حكمة جديدة تقول (اذا رغبت ان لا تنقطع عنك المياه جاور الوزير وابعد عن الغفير ) الحكمة جديده مصدرها ابو فقران تصدقون ما تشوفون مكان الويتات الا الفقراء اللي احيائهم ما فيها من الهاي هاي يخافون يقطعون عنهم الموية يسون مشاكل للوزارة لكن الفقير يحط راسه محل رجله وهو يلاقيها من فين ولا فين وبعدين ايش الحكمة ان كل رمضان يقطعون المويه مسكت الطابور ولا تقول قطار الصعيد واحد يدخل واحد يخرج وعشرة سايد واحد وبنقالاي ريحت جواز الهند تقطر من خشمك وانت واقف وهندي ريحت التنبل تطلع من عينك وكل فقير من كل ارجاء الارض المهم سرحت بتفكيري في هذا الجو العالمي الحافل بكل الثقافات والاجناس وقلت لو ما قطعوا المويه كيف هذا اللي مستثمر ملايين الريالات في كل هذه الوايتات يستفيد ويفيد والفاهم يفهم وكذالك قلت في نفسي هذا الشي الوحيد يا شباب منتدى مقاطعة مانقدر نقاطعة او نجد له بديل كذالك سألت نفسي ليش هذا شي محتكر من متعهد واحد ورافع سعره وانا في افكاري هذه داخل الطابور الا الطابور وصل لي قال الموظف اللي في الكاونتر هويتك قلت ما جبتها قال روح جيبها وتعال قلت طيب معليش انا نسيتها ممكن اخذ الوايات واوريه الهوية لما يوصل البيت قال تستهبل انت يالله اللي بعده قلت ............................ نتابع في المساء |
يوميات طفران بن فقران أم مزنة و التيس اللي يتكلم؟؟
مفارقة عجيبة ... كل ما أقول بكره أحسن.... بكره الناس تتطق و تطلع على التلفزيون و تصيح "كفايه" ... يصدمك الواقع المرير... ينضحك علينا و يقولو يالله نقاطع و نأدبهم أثاريهم يؤدبونا و يقولو مد رجلك على قد لحافك و إذا لحافك مرقع صف في سرا الحيوانات و استنى تجيك الفضلات اللي حنرميها لك و إذا ما عجبك !!!! موت عسى الله لا يردك ... كـــلــــب و راح إن الله يمهل و لا يهمل أسأل الله أن يعجل بهم كما عجّلوا بنا و جعلوا أعّزة الناس الأذلة..... يا رحمن يا رحمن يا رحيم |
ابو فقران
ذكرتني ببعض الشركات اللي خافت من المقاطعه وهونت رفع اسعارها لكن انقصت الكميه |
السلام عليكم ....
الله يسلمك ويعطيك العافية يا فقران ضحكتني من جد وابكيتني مرة واحدة الله يرجك .... لكن ما اقول الا الله يعطيك العافية وطولة العمر بس لا تتأخر علينا وانا اخوك والسلام ختام .... |
اقتباس:
في البداية كل عام وانت بخير واتقي الله سبحانه وتعالى فهو رقيبك في القول ولا تدعي على الناس بسوء خلاف ذالك كم قلت وكم ذكرت انا في يومياتي انني لا أقبل الصدقة ولا الزكاة وانا والله الحمد مكتفي من فضل الله سبحانه وتعالى ومن قال لك انني طلبت من احد اما بخصوص قولك عن الناس المحترمين شرذمة عزيزي الشرذمة هم جزء من كل شر جزاك الله خير وهؤالاء اخونك في الدين واخونك في الوطن فهم ابناء وطنك للاسف الشديد انه ما زال لدينا امثالك الذين لا أفخر بوجودهم معنا اما بخصوص اسمك فهلوي فلا حول ولا قوة الا بالله اتعلم ماذا يعني الاسم ؟ يعني كل ما حاك من باطل ويراد به حق يعني بالعربي نـــــــــــــــــــــــــــــــــــــــــــــــــ ــــــــــــــصاب تحياتي يا فهلوي لا معليش اسف أقصد يا نصاب كل يرء الناس بعين طبعة أخوك المشفق عليك والله طفران بن فقران |
للرفع وين يومية اليوم :D |
..
لكل من تكلم على الأخ طفران ، اقول له وبأختصار : احمد الله على النعمة الي انت فيها لا يبتلك ربي وتصير ما تملك قوت يومك ولا تلقى الي يعطيك !! اتقوا الله يا من كذبتم الرجل ، هو ايش مصلحته لما يكذب هاه ؟؟!! يعني عادها اكثر من مرة ما يبغى منكم شي بس يبغى يوضح لكم الحالة الي عايشها اغلب الشعب السعودي ماقول غير : حسبي الله ونعم الوكيل فيكم قلوبكم حجر ولله !! روح يا طفران الله يرزقك من واسع فضله ويغنيك بحلاله عن حرامه ويفرج همك انه الولي على ذلك والقادر عليه |
اقتباس:
جزاك الله خير اللهم أمين يارب العالمين |
اقتباس:
موجودة في الصفحة السابقة اللي هي رحلتي مع انقطاع المياة |
اقتباس:
الله سبحانه و تعالى وكّل عليك ملكين على يمينك و على شمالك فالملك رقيب مأمور بكتابة الحسنات و الملك عتيد مأمور بكتابة السيئات فقد قال تعالى:{ وَإِنَّ عَلَيْكُمْ لَحَافِظِينَ {10} كِرَاماً كَاتِبِينَ {11} يَعْلَمُونَ مَا تَفْعَلُون{12}} و قوله تعالى" ما يلفظ من قول إلا لديه رقيب عتيد" فإن كنت تخاف الله وتتقيه لا تكذب و تدّعي بتهكمك أنّنا لا نجد مثل فقران من يعيش بيننا و يعاني هذه المرارة.. أقسم بالله أنه يوجد من إذا حل عليه شهر الصيف لا يستخدم المكيفات إلا عند النوم لأنه غير قادر على فواتير الكهرباء حتى أنه يرى أولاده و هم يتصببون عرقا و لا يملك إلا الدعاء ..... ثبت في الحديث الصحيح عن عبد الله بن عمرو رضي الله عنهما أن النبي صلى الله عليه وسلم قال : ( أربع من كن فيه كان منافقاً خالصاً ومن كانت فيه خصلة منهن كانت فيه خصلة من نفاق حتى يدعها إذا اؤتمن خان وإذا حدث كذبوإذا عاهد غدر وإذاخاصم فجر ) رواه البخاري مسلم . و إنت فيك خصلتين منهم ....... الله يكون في عونك |
أخواني وأخواتي متابعي يومياتي
لحظنا جميعاً في الايام السابقة وجود اشخاص يدخلون المنتدي ويسجلون فيه ليس لهدف سوى تثبيط الهمم فهم يعلمون علم اليقين ان مقاطعتنا لو استمرت كما هي علية ان شاء الله ستعود الاسعار كما كانت علية أن تعاوننا واتحادنا هو سر نجحنا فنحن في هذه المرحلة نبني حتى يحصد ابنائنا نجحنا . او نفشل لا قدر الله ويستمر مسلسل الجشع ولن يستطيع احد بعد ذالك رده . أخواني واخواتي : أن الهجوم الذي نتعرض له جميعاً في منتدنا ليس الا جزء بسيط من سطوة التجار في بلدنا فهم يحسون اننا بأذن الله منتصرون وللجشع قاتلون فستمروا بالمقاطعة فأنتم بأذن الله مثابون بكل الفقراء الذين انحرموا من الرز ومن الاكل والشرب اليوم نحن وغداً انتم فهل ستقاطعون ام تنتظرون حتى تصبحون تحت خط الفقر فمقاطعتكم هو دعم لهم ولكم وانا ان شاء الله سأستمر في كتابة يومياتي التى هي يوميات كل مواطن اصبح تحت خط الفقر جزاكم الله خير الجزاء أخوكم المحب لكم بالله طفران بن فقران |
عين العزيزية هذي مشكلة ثانية بحد ثاتها
مدري كيف محطة واحده تخدم جدة بكاملها .. والمصيبة الاكبر كما تفضلت اخيرا هو احتكار زيد الحسين لها لاحول ولا قوة الا بالله بالنسبة للي يحاول يخرب او يشتت الموضوع ياليت ماتعطيهم اكبر من حجمهم وتواصل اليوميات بدون الرد عليهم .. فقط اعمل ارسال بلاغ على المشاركه واترك الباقي لنا |
اقتباس:
ان شاء الله من اليوم سنواصل اليوميات دون الرد على من يحاول تشتيت الموضوع او تخريبة وجزاكم الله خير |
زين منك يابو فقران ثلاث ردود جيدة . . .
لكن تضحك على مين . . ثلاث ردود ليومياتك لكن قصيرة . . . <<< عصب بعنف . . . نطالب بزيادة الأسطر مع الاسترسال . . . أدمنت يومياتك وش أسوي . . . انتم معي يا اعضاء ؟ ؟ ؟ |
الله يرزقك من أطيب الحلال ويوفقك لما فيه الخير .
|
أخي العزيز مذكرات جميلة ويمكن مو يمكن أكيد فيه ناس أفقر وأطفر منك لكن الله يرزقنا جميعا من حيث لا نحتسب .
اليوم بس قريت موضوعك واليوم بس زيارتي للمنتدى يعني إستفتحنا بمذكراتك قريتها من الاول حتى الصفحة عشرون . بس لي طلب ياسيد العرب كلهم مدد الاحداث شوي لا تكون قصيرة مرة خصوصاً إذا كان زي ما فهمت إنها كل يوم مشاركة وحدة تحياتي |
اقتباس:
|
فرحت يوم لقيت صفحتين أضيفت للموضوع... قلت أكيد طفران كمل مأساته في العين.
لقيت الموضوع راح بعييييييد و في الأخير رجعنا عطشانين. :) المهم .. بعدين إيش صار؟؟ |
نتابع اليوميات المهم قال روح جيب البطاقة وما نقبل نعطي وايت ألا بالبطاقة يعني اللي يشوفهم يقول ببلاش لاحول ولا قوة الا باللة قلت طيب يا الحبيب وانا أتشبث بطرف الشباك والأمواج البشرية تدفعني الى البعيد يعني لما اجي لك مرة ثانية ما امسك طابور قال اذا سمحوا لك يعني ردد يا لليل ما حد راح يسمح او يصدق اني وصلت للشباك وما كانت البطاقة معاية طبعاً انا وصلت للشباك بعد صلاة عشاء يوم الاربعاء وبكرة رمضان وايش السوات المهم رجعت للسيارة وانا أجر اذيال الهزيمة وشغلت السيارة وانا في طريقي الى البيت في جنوب جدة الفقيرة مررت بشارع التحلية ولكي اتجاوز الزحمة دخلت من الحارات الداخلية للحي الراقي واذا بي اراء احد الأخوان السودانيين يسقى مزروعات أحد القصور فقلت في نفسي كيف الموية مقطوعة عننا والاخ مسوي الشارع مسبح يا ريتني نخلة كان سقونا والا بعير كان ترفهنا واتت في بالى هذه الكلمات :- وانا أتخيل صاحب القصر وهم جايين له يستأذنون منه علشان يفصلون الموية عن القصر يوم او بعض يوم او عدت ساعات حتى يسقى احياء جدة وما جاورها وكانت هذه الكلمات النثرية :- آتى المسؤال عن القصر ليخبر صاحبه ان الوزارة ستقطع المياه ساعة او ساعتين في الشهر حيث ان الفقراء في المدينة قد ملوا من السهر وبحثهم عن الماء هماً وذال وكدر ما رايك يا طويل العمر قالها والخوف يشل يديه ما رايك ان يفصلوها عندما تذهب الى جنيف للغداء او عند ما تكون عائداً في طائرتك في السماء او لا نغير مياه المسابح حتى المساء فرد صاحب القصر لالالالالالالا والف لا ماذا ترغب عن افعل لهم قالها في قمة العصبية؟ افصلوى المياه عن الرعاع فليس لهم حقاً في البقاء ضعفاء تعساء حياتهم كلها شقاء اشغلوهم ليبحثوا عن المياه فأحوالهم ليست من شئوني أترغب وقالها والشرار يطير من عيناه ان لا تعمل نافورات عيوني او لا نسقي مزروعتي اولا نغسل ارضيات قصوري مزرعتي حديقة قصري نافورتي دخان سيجارتي اهم من جميع التعساء افصلوا المياة عن الرعاع وعاد يدعب رفيقته وينفث دخان سيجارته والتفت لية ليقول له لا تقوالو لي المياة اسقوا المزروعات وغيروا للمسابح المياه ولا تكترثوا للرعاع ليس لهم حقاً في البقاء لا أسف ليس لهم داعاً في الحياة ضعفاء تعساء حياتهم كلها شقاء فليشربوا من البحر لا أرغب من احد ان يعكر لي صفو البحر او السماء ابحثوا لهم عن البدائل ولا تشغلوني عن نسائي بهوالاء التعساء افصلوا عنهم المياه وابعدهم عن البحر والسماء وانفوهم الى الصحراء أو لا ............ لا أريد من أحد أن يعكر رحلتي البرية أرسلوهم الى المريخ او قاعدة العديد الجوية ان احتجوا فهم ارهابيون جبناء وليس لهم داعاً في الحياة اغرب عني وتركنى مع احب من لحمي ودمي اتركنى مع فتاتي ونفخ سيجارتة الكاريبية وعاد يداعب رفيقته الاجنبيه وسلامتكم يتابع في المساء ان شاء الله سامحوني على التقصير ولكن والله العظيم أنني اعمل بكل كد وجهد حتى اوفر لكم الوقت لكي اكتب لكم فسامحوني على التقصير ولكن هو تقصير محب لكم يعمل ويعمل ويقتطع من وقته لكي يكتب لكم ويعلم الله أني احبكم فيه أخوكم المحب طفران بن فقران |
أحبك الذي أحببتنا فية, كمل يا أبو فقران أنا متابعك وبشدة, الله يغنيك بالحلال في يوم وليلة.
|
كأني قاعد أسمع للحكواتي و هو يحكي قصص أبو زيد الهلالي.
دايما يعلق الناس و البطل على وشك يتلطش .. و هات يازعيق وشجب و إستنكار عشان يكمل الحكاية و يعرفوا أبوزيد أخترع المعصوب و إلا لسه. تحياتي لك طفران باشا ... أقول لك على فكرة تغنيك (بعد توفيق الله) عن المرمطة و البهدلة ؟؟ أقولك هي بعد ماتوعدني بنسبة.. :) |
اقتباس:
|
:)
تتفقون من ورانا :) ؟؟ يلله خلو النشر عليه والنص بالنص ، نص لي ونص لكم :) |
| الساعة الآن 08:11 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by