منتدى مقاطعة - (بيان توضيخي من شركة المراعي)

منتدى مقاطعة (https://www.mqataa.org/vb/index.php)

- مناقشات المستهلك (https://www.mqataa.org/vb/forumdisplay.php?f=2)

- - (بيان توضيخي من شركة المراعي) (https://www.mqataa.org/vb/showthread.php?t=1980)

سبحان الله علف المراعي فقط مرتفع ام شركات البان الاخرى لم ترتفع !!!

انت يانك غبي او تستغبى الشعب

ازهب فانحن مقاطعون المراعي حتى ترفع الراية البيضاء وهي صاغره

يايها المقاطعون الرز خلفكم والمراعي امامكم

المراعي ..

مقاطعة إلى الأبد ..

سواء كان مندوب للمراعي أم لا.... عندي أسئلة تحتاج توضيح:

قال إن تكاليف الأعلاف إرتفعت ... مو تقول مزارعكم .. يعني المفروض الأعلاف جزء من هذه المزارع وسمنكم في دقيقكم و التكلفة عليكم لاتذكر.؟

قال الحليب طازج و من ابقارهم النظيفة .. طيب ليش أشتكيتوا من إرتفاع أسعار البودرة إذا حليبكم طازج من مزارعكم و إيش دخل الأبقار في العصير.؟

قال المواد الخام أرتفعت .. هل المواد الخام تشمل البلاتسيك المستخدم في إنتاج العبوات الجديدة الأصغر حجما.؟

قال تكاليف المواصلات زادت .. كيف و أسعار الوقود رخصت.؟

قال تعيل 4000 أسرة .. فين بالضبط .. لبنان وإلا الفليبين و إلا بنغلاديش (كان فيه خبر غير مؤكد عن تسريح عشرين موظف سعودي من مصنع المراعي في منطقة الخرج) .. بعدين أنا علي إني أعيل أسرتي .. أطنشهم و أجوعهم عشان تعيلوا أسر موظفيكم؟

قال إرتفاع حرارة الجو .. إيش الجديد في الموضوع .. جونا و متعودين عليه .. إيييوه صححح .. أبقاركم هولندية ماتقدر على الحرارة لازم تحطوا لها مكيفات (نظام دلل بقرتك .. و أسلخ ظهر المستهلك)

و بس .. كفاية كدة .. خلاص حزنت عليك و على أسرتك.

اقتباس:

المشاركة الأصلية كتبت بواسطة ذلت بنات العز عيوني (???????? 15677)

بصراحة اذا من اول يوم وهذي النتيجة استجداء واستغاثة فأنتم والله يارواد هالموقع كفوا والله قول وفعل .

استمروا بالمقاطعة لين ينحنون لكم ويطلبون رضاكم بالسعر اللي انتم تبونة وترضونة وتحددونة لهم ولا بعد تفرضونة عليهم وهم صاغرين .
اما عن قولتك تعيل اكثر من 4000 موظف فكلهم اجانب والموظفين السعوديين اذا كانوا موجودين فهم مهمشين او مستخدمين وينعدون على الأصابع والريادة والوظايف المرموقة للبناني او الشامي والأوربي واذا الشركة السعودية ما رحمت الشعب بالأسعار فالشعب مهوب ملزوم يرحم الاجانب اللي عندك او عند غيرك فأذا كنت انت من العلاقات العامة وعلى قولتك مندوب لهم وتستلم بعد زيادة الأسعار زيادة على راتبك 15 او 20 % علشان تكتب هالكلمتين فحنا بعون الله بنخليك تدورعلى غير هالشركة ان شاء الله اذا اشهرت افلاسها بالقريب العاجل بأذن الله ونبي نشوفك تجي هنا بموضوع زي هذا تطق لهم وتغني :D
اما عن ارتفاع الأسعار بالعالم كلة على قولتك فاقولك طقوا صدوركم وتحملوها عنا هالحين مثل ما تحملنها عنكم سنين يوم كان كل شي راهي وانتم تحلبون جيوبنا من ذيك المدة ليومك مثل ما تحلبون بقركم اليوم وتدورون وين تودون حليبها اللي اليوم اشوف كل ارفف الاسواق مليانة ما تحركت صدق شعب وفي قول وفعل يوم واحد بس وزلزلكم وشلون بعد اسبوع شهر سنة . صدق يرثلكم :p
اما عن قولتك نظافة الأبقار والحظائر له دخل بارتفاع الأسعار بالعالم فما اقول غير
:D ههههههههههههههههههههههههههههههههه :D
الإ بسألك تعال الأبقار اللي عندكم وش تروشونها فية ببيبي شامبو ولا بانتين :D
بالأخير اقولك وللي مرسلينك تجي هنا وتطبل لهم اقر الآية الكريمة اللي تحت وتدبرها زين وانقلها لأصحاب الراي والمشورة عندكم لعل الله يخرج من بينكم واحد يخافه بالناس .

فلتستمرمقاطعة شركة البان المراعي للأبد للأبد للأبد

ملاحظة : - البان المراعي كانت المفضلة للعائلة والبيت من سنين طويلة لكن من تاريخ 15 - 8 - 1428 هـ توجهنا للبديل .

http://www.altawhed.com/Images/BRAKET_R.GIFوَيْلٌ لِلْمُطَفِّفِينَ (1) الَّذِينَ إِذَا اكْتَالُوا عَلَى النَّاسِ يَسْتَوْفُونَ (2) وَإِذَا كَالُوهُمْ أَوْ وَزَنُوهُمْ يُخْسِرُونَ (3) أَلاَ يَظُنُّ أُولَئِكَ أَنَّهُمْ مَبْعُوثُونَ (4) http://www.altawhed.com/Images/BRAKET_L.GIF

كفيت ووفيت ويا أخوان سواء هذا مندوب صحيح من المراعي أو غير صحيح يجب أن نخاطبة بالعقل لكي يتم فضح بعض الأمور التي لا تتبين إلى بالناقشة . وإذا نجت هذه المقاطعة والله أي شركة راحت يوضع إسمها في المنتدى سوف تعود ذليله ، فبارك الله فيكم ووفقكم .
وكفاكم ذل ياشعب تعمل شهر لكي يأتي كم تاجر شجع ويأخذه منك بارد مبرد وهو في مكتبه لله دركم يامقاطعين لله دركم .

اقتباس:

المشاركة الأصلية كتبت بواسطة مندوب شركة المراعي (???????? 15499)

أسعار الأعلاف مرتفعة

نصيحة مجرب أخوي مندوب المراعي ومن واقع تجربه :
قاطعوا شركة الاعلاف وشوف كيف يجونكم يدربون روسهم

شوفنا احنا قاطعنا المراعي وبدأت الحين تفحط مكانها

صدقني يا أخ مندوب المقاطعة هي السلاح النووي المدمر

اقتباس:

المشاركة الأصلية كتبت بواسطة مندوب شركة المراعي (???????? 15499)

وهنا نقف وقفة صادقة بسبب غلا الأسعار بالعالم آسره وليس المراعي وحده يأمن ظلمت المراعي وحدها هل لديك دراية بان أسعار الأعلاف مرتفعة هل لديك علم بان أجور النقل مرتفعة وأسعار أدوية الأبقار مرتفعة وأسعار التامين الصحي للموظفين مرتفعة وغيرها من الأمور الأخري التسويقية وأمورأخرى تجهلها أيضاً مرتفعة عزيزي العميل هل تعلم أن درجة حرارة الأرض مرتفعة أيضاً ( من باب المداعبة ) .
-------------------------------------------

اعذار غير مقبوله ويكفي اعذار واللعب على المواطن

لماذا لم ترتفع شركات الالبان الاخرى مع ان لديها نفس ما ذكرت .

وبعدين انا اشك في انك مندوب للمراعي وما ادري ايش مقصدك حتى الآن !؟!؟!

والله ياجماعه جيتكم مبسوووووووطه مو بس عشان الردود

توي جيت من السوبر ماركت نقضي لرمضان الله يبلغنا اياه ان شاء الله على خير وبركه

والله العظيم رفوف المراعي مثل ماااهي الا حبه ناقصه او حبتين

واخذت علبة لبن الزبادي اشوف تاريخها بس اشوف

الا والقى له يومين ويخلص

والعصاير مثل ماهي

والحمد الله استبدلت جبنة المراعي السائله اللي بـ 11 ريال وشويه ،، بجبنة ندى بـ 9 ريال تقريبا وفيه ارخص

ونفس الشي لقيت قشطة السنبلة بريالين وربع بعد ونجديه بريالين ونصف بدل التاج والمراعي وبوك

والعصيرات خير شر ماطالعت فيه

اقتباس:

المشاركة الأصلية كتبت بواسطة هدهد سليمان (???????? 16256)

الله يبشرك بالجنه

حسبنا الله على المراعي اللي للمواطن ماتراعي

اقتباس:

المشاركة الأصلية كتبت بواسطة هدهد سليمان (???????? 16256)

الله بخير يبشرك بخير
بس نرجو عدم لمس اي منتج لهم حتى يحسون بتانيب الضمير
مقاطعون ولو كنت لوحدي