الله يعينك يا اخوي
لكن برضو لا تتهاون مهما ماطلوا بك .. |
اتفق مع الاخوان انشر تاخذ حقك
|
تم نشره بموقع مقاطعه على الفيس بوك
|
اشكركم جميعا
____________ قبل 3 ايام اخذت السياره لأحدى الورش لأني قررت اصلح السياره على حسابي الخاص وشريت شوي من القطع مثل الركب والجنبينات والمقصات والاذرعه 3000 ريال وتفاجأت في التسعيره نجم ماسجلت بعض القطع مثل النور الامامي وكلفني 900 ريال واتفقت مع الورشه بالتركيب انا يهمني بس السياره تمشي والباقي اصلحه بعدين واشتري القطع الباقيه اذا صدر حكم ديوان المظالم المهم حظي مش معي ومش مكتوب اني اصلح السياره تفاجأت انه قال لي الكمر مضروب فيه طعجه والمقص الايسر مايركب لازم تغيير رحت اسومه في الوكاله طلع سعره 2300 ومع الخصم 1900 والتركيب 2000 ريال لأنه يقول راح يطلع المكينه والقير علشان يركب حتى في التشليح ماحصلت لا حول ولا قوه إلا بالله هذا شي ماكان محسوب من شركه نجم ولا كان عندهم خبر عنه ولا حتى شيخ المعارض مفهي مايفهم شي في السيارات وفي التسعيره مش مسجل لا كمر ولا شي يعني انا بدفع زياده من عندي وتسعيره الورش وشيخ المعارض في الهوى ماعندهم ماعند جدتي لاتقل يارب عندي هم كبير قل ياهم عندي رب كبير والله بيفرجها ان شاءالله |
لو دخلت بمشروع الإصلاح ما راح تستفيد الا زيادة خسايرك من واقع تجربه مشابهه لا و أنسى ترجع مثل ما كانت أو قريب اللى تبيه حتى و لو كانت الورشه ملكك >> ماهو تحطيم لك بالعكس بأنبهك لأن هذا سلو الورش اللحين حتى و لو حلف لك العامل
شف لك واحد شرواك توقف السياره بحوشه ولا عند بيته لاجل البلديه لا تقفطها و دور لك سياره بسعر مهاود أفضل لك 1000% من مشروع الاصلاح ( ياخي كل ذا التعب و نهايتها إنت اللى تدفع .. حرام) و بعدين نسيت ان الجعاوينه ممكن ينقصو المبلغ عليك بما إنك أتبرعت و صلحت " أدرى أنه قانوناً ما تصير بس ذول ثعالب " شف المازدا 3 الموديلات السابقه تلقاها بالعشرينات مستعمله و ممكن جداً تلقاها نظيفه شبه الجديد و قطعها رخيصه بالنسبه و ما تصرف بنزين و مكيفها جلمود بالصيف .. عيوبها مع المطبات تزقز بعد فتره لأنها كلبسات يعنى كل 7 شهور بالميت يلزمها تربيط . أهم شئ حقون الورش يعرفون لها و قطعها الاستهلاكيه متوفره بالتشليح و المحلات انا قلت لك عليها لجل انك تنقذ نفسك من العطله فقط - تعنى لا تهب فيني و تقول صغيره وو .. ( الركوب على خنفس ولا المشي على الديباج ) لين ربنا يفرجها عليك و تأخذ اللى في بالك الله يوفقك متابع .. |
اشكرك اخي LIL Cat
ماقصرت على النصيحه بس ماراح استفيد شي اذا شريت غيرها على الله وعلى السياره اللي عندي ومع العلم هي اول سياره امتلكها واسوقها ولا تهنيت فيها يعني المازدا اللي قلت عنها ماراح تفيدني خاصه شوارعنا الله بالخير كلها مطبات تقول جبال البرازيل وبعدين ما راح افرط فيها وهي جديده واخذ لي سياره مش رغبان فيها انا استشرت بعض الاخوان وقالوا لي انه ممكن الكمر يتسمكر علشان يركب المقص وراح اخلي عندي امل اخير بأنه يتصلح واذا ماتصلح الله يعينني على واحد جديد راح يكلفني 3900 مع التركيب غير القطع الباقيه والسمكره انا ماراح ايأس واتركها لعبه للتأمين حقي من الجعاونيه اذا ما اخذتها في الدنيا باخذه في الاخره والله يمهل ولا يهمل ابي الحق نفسي اصلح واشوف لي شغله كذا جلستي ما تصلح انا الخسران ضيعوا مستقبلي الله لايوفقهم |
اقتباس:
نصيحتي لك نفس اللى سمعتها من اصحابي يوم الحادث ... الكل قال لي خذ لك سيارة ثانيه افضل لك من اصلاح المنكوبه ذي .. قلت لهم نفس كلمتك: سيارتي جديده و أول بختى ... و سويت قوي و سحبت الكاش و طرت على الورشه اللى صاحبها اعتبره أكثر من أخو .. 7 شهور علشان سحب شاص و سمكره و بويه و اكثر من 20.000 اصلاحات ما بين ورش ثانيه و قطع غيار .. لا و أزيدك يوم ما خرجت السياره و انا برجعتي للبيت اشم ريحة بنزين غير طبيعيه و ادخل على اقرب بنشر و ارفع السياره و القى المحبس اللى يربط جلده ماسورة تانكي البنزين مفقوده و البنزين يكب بالشارع و واحد من السست مطعوج من حرارة التسخين ( يبون يقتلونى ) .. و ارجع لهم و " أتفاهم معهم - جولة نهائيه " و هاتك يا مشاوير و فرفره بالصناعيه و غيرها لاجل وزن و تغير و اصلاح و سحب ثاني و ثالث وو .. المهم ان السياره مرميه لا رجعت مثل الأول ولا لي نيه ابيعها لأنها ما راح تجيب 20% من اللى صرفته عليها و صاحب الورش " الأخو " منحاش منى حتى بعزايم لين يعرف انى فيها يخب ولا كأنه قاتل لى قتيل . بعدين تقول شوارعكم مثلنا " بواقي حرب " على كذا بتداوم عند الورش لأن الرساوه و الأصوات الناتجه عن احتكاك الوصلات و الطقطقه واحد منها رايح يصيدك . الا سؤال : انت بجده ؟ المقصد : احسب قيمة القطع + الاصلاح + اللى ما تعرفه من قطع تالفه بشكل تقديري + قيمة مشاويرك + الشغلات الثانيه التكميليه = ان قرب المبلغ من 10.000 شف لك سيارة ثانيه و أشتريها شغله ثانيه : صور السياره و المناطق المتضرره و ارفعها هنا .. باخى خلنا نشور عليك و الكلمه النهائيه لك ( ولا ايش فايدت تواجدنا بموضوعك ) ربي يكرمك من واسع فضله . |
الله يعوضك اخوي على السياره
وصاحب الورشه امين وقال لي انا ما ابي شي بس تركيب الكمر يقول 2000 وبستشير ورشه ثانيه وبشوف ايش يقولون اقل او اكثر لأنه يقول راح يرفع المكينه والقير علشان يركب يعني المسأله مش مسأله نصب إلحق الكذاب لبيت اهله ونشوف ثانيا انا السياره ماتضررت في البدي بس الرفرف والباب والصدام اكثر شي متضرر من تحت لأن عند الحادث ضربت في الرصيف وسبب مشاكل تحت السياره يعني هو ضربني من اليمين والرصيف استلمني من اليسار اقتباس:
اقتباس:
وزي انت ماقلت انا بخسر كثير في السياره لو ابيها واكيد تكلفه التصليح راح تاكل علي قريب 15000 بس انا ما راح اصلح واشتري كل شي إللي شريته كم قطعه 3000 والباقي سمكره وصبغ 1200 والحين الله يعينني على الكمر 3900 وبطاريه وتأمين زفت دوت كوم لأن التأمين اللي عندي انتهى يعني المجموع حوالي 9000 اقتباس:
المشكله بس في الاسفل وهذه صوره للصدمه من جهه اليمين واليسار ماصورتها شوف كيف العكس والكفر نازل لتحت ومطعوج (معوج) لأن المقصات والركب والجنبيات والاذرعه راحت فيها من الجهتين http://www.english4arab.net/up/uploads/fd94e36e88.gif بعتذر على المسح في ناس وراي تلهث وتبحث يكفي انه اخر واحد كان طالب مني رقم القرار من مؤسسه النقد وانا رفضت لو بقدر اخذ الصور من نجم راح اعرضها لكم لأن الحادث غريب جدا بحيث انه اللي ضربني لف يمين وصعد رصيف ودخل في محل ملابس يستاهل لأن الشارع وسيع وعنده فرصه يلف بس اخذ الشارع كله في اللفه وما ألومه عمره 49 سنه صاحب هايلكس والصبغ حقه الاحمر طبع عندي في السياره |
تم ارسال الموضوع عبر قروب مقاطعه
اعانك الله |
الله يعينك معاناه حصل معاي بس بشركة سلامة
وسوو على أنفسهم خصم هذه غير أحدى القطع حسبوه بنصف القيمة وغير المماطلة قعدوا تقريبا ثلاث أشهر آخر شيء طلع عليهم الوالد وصاح عليهم (( تعرف دم شايب الديرة حار زيادة )) وراجع المرور نبي ورقة إصلاح ورفضوا بحكم الموضوع صار له ثلاث أشهر آخر شيء بالقوة لقيت لي ورشة يسوونه بدون ورقة ودفعت قيمة قطع من جيبي والعبيكان الله لايوفقه ووالله إني ما أسامحه وسأقاضيه يوم القيامة |
| الساعة الآن 09:56 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by