المشاركة الأصلية كتبت بواسطة محب البساطه (المشاركة 70388)

السلام عليكم

بعد دوخه طويله ومقارنه في العروض الخضار التي تقدمها جيان ومع اسواق الخضار (الحلقه)
رأيت انني سوف اوفر مبالغ طيبه في حال انني اشترى من جيان مثل كيلو الجزر الباذنجان لا يتجاوز ريالين وعلى العكس في سوق الخضره قد يصل من 5 الى 8 ريال تقريباً ( للسطل الصغير )

كانت العروض قويه ، مما غرني في عملائي القدامى في سوق الخضار واللي بالعاده اتقضى منهم ، بس جيتهم وراسي محشي بعروض جيان وفرضت عليهم السعر القديم ورزيت خشمي عليهم :o لكنهم رفضوا محاولتي ارجاع الاسعار كما كانت سابقاً وقلت ان عروض جيان احسن منكم وما راح اقبل عليكم....وعندما توجهت لسيارتي وشافوا أني صامل قالوا : تعال خذ بسعرك اللي تبي ،، طبعاً جيان في بالي قلت : ماراح اقبل عليكم مره ثانيه ،،، ودعنا شغل الشوارع هذاا :)ما فيه الا جيان وكارفور خلاص يازين من حبكم عزلنا :cool:

ورحت يم جيان ،، نبي السعر والعروض الحسنه ... :)

لكن ياللأسف صدمت بعروضهم :eek:والتي هي عكس ماهو موجود على النت فمثلاً الباذنجان اللي بريالين صار بثمانيه ريال :eek:والجزر نفس الشئ وبقيه الخضار
قلت ماهو معقول هذا اكلام ,,, واروح للعامل المصري قلتله شلون الكوسا بسبعه ريال وفي النت قيمتها ريالين ،،، قال : لأأأأ ياباشا اصل العروض دي بس في نهاية الاسبوع مش على طول .. :(
طيب ليش ما كتبتوا كذاا في الدعايات :mad: ،الله يعين بس.

اليوم الاثنين ...يعني انتظر الى بعد بكره!!!
طيب لو صبرنا على الخضار ماصبرنا على الطماط والبصل :(

مالكم بطول السالفه ..
النتيجه رجعت لسوق الخضره (الحلقه ) مره ثانيه بس غير عملائي اللي سفلت فيهم :rolleyes:،، واللي ماادري كيف ارجع لهم ؟؟؟

:mad::(:o