تظليل اجباري......؟1
السلام عليكم
قبل اكثر من شهر حجزت سياره انوفا من احد معارض عبداللطيف جميل بمبلغ 78000ريال موديل 2011 , وبالامس اتصلو علي واخبروني ان السيارة وصلت جده موديل 2012 ومطلوب زيادة 4500 ريال وكذلك 2000ريال قيمة تظليل الزجاج؟! اخبرت المتصل اني لا ارغب في التظليل .... قال لي لايمكن ان تباع اي سيارة تايوتا بدون تظليل ؟! الى متى ياعبداللطيف جميل هذا التلاعب صورة لوزارة التجارة لوضع حد لذلك |
حسبي الله عليهم
إلى متى إستغفال المواطن , وأخذه أمواله وبالإجبار حسبي الله على كل مسئول مقصر وكل متجبر وكل متسلط وكل جشع وللأسف نحن من جعلناهم يتمادون ولو إني مكانك كان قلت خلوا السيارة عندكم وللمعلومية مريت على محل للتظليل مكتوب عليه عرض , وسألت عن السعر وطلع كلام فاضي لا عرض ولا شيء , المهم تكلمت مع صاحب المحل وقلت له كاتب عرض والسعر نفس اللي في السوق بتخفيض بسيط , قال علشان حنا في الشتاء اما في الصيف , بيكون السعر اعلى من كذا , عشان بيكون الإقبال اكثر , وقال لي أيضاً نحن نعطي العروض الحقيقية لشركات السيارات , قلت والشركة ماهي خسرانه شئ لأنها محسوبه على مشتري السيارة , وبعد كلامك هذا طلعوا ربحانين بعد . |
الطاسه ضايعه نلقاها من وزارة التجارة ولا نلقاها من حماية المستهلك ولا نلقاها من النصابين ولا ولا ولا ....
|
2000 ريال قيمة التظليل - أكيد يا أخذ كم متر من اللفة والباقي لهم اكيد التظليل مخزن عندهم ما لقوا أحد يشتريه :mad: ....... |
لاربحهم الله على هالتسويق الاجباري ...
ولكن ليه يسوق منتجاته اجباريا على العملاء ؟ اقتباس:
اقتباس:
|
اسلوب سئ لاجبار المشتري،،،الله لا يربحهم
|
من امن العقوبة اساء الادب مافيه تجارة تحاسب ولا حماية مستهلك |
بإمكانك رفض السلعة لا طلبهم لم يكن واضح في عقد الشراء لأن شرط العقد ملزم لكلا الطرفين حتى إذا قالو لك أننا شركة نتبع نظام البلد قل أساس النظام واضح ليش ما بلغتوني من البداية لأنهم عارفين من البداية بس يبغون يضمنون المبلغ بعدين يخبرونك أو يفرضون عليك لذلك أرفض إما خرجت بمالك وإلا نفذوا لك ماتبي إذا عرفو أنك جاد في عدم الشراء 0000 وبعدين هل بيتكفلون لك ويقبلون شرط واحد من المشتري وهو واحد بس من جنس 20000 الف شرط لهم على الزبون وهو ( شرط الزبون ) أن تتحمل الشركة تأخير تسليم السيارة والأعطال الناتجة عن التصنيع والنقل وأما التضليل فالسبب بسيط السيارة وما فيها من الداخل لا تتحمل الحر لسببين 1- ارتفاع الحرارة غير العادي في السنوات الأخيرة 2- وحط خطوط كبار =رداءة المنتج وعدم الاهتمام بجودة الصناعة يعني اللي قدامك بيشري بيشري ما عليك منه = اصنع أي شئ
|
للأسف سيارات تويوتا بدأت تفقد مصداقيتها وجودتها ... خاصة بعد ازمة التلوث النووي
خاصة مع الوكيل الحرامي ... والوكالة لم تجبر العميل على دفع فلوس التضليل إلا أنها عارفة أن بضاعتها ماشية سواؤ رفض الزبون أم لا ... والحل من الجميع أن يقاطعوا منتجات هذه الشركة سواء تويوتا أو منتجات الاجهزة الكهربائية حتى تحترم المستهلك ... والبديل كثير خاصة مع تفوق صناعات جديدة بدأت تسحب الجودة والسعر من الياباني .... تخيل مثلا سيارة أزيرا نصف فل أقل من سعر مثيلتها الافاالون بنسبة 30 % أو أكثر .. وكذلك فورد تورسس ... |
ياأخي أرفض من حقك !؟
|
حسبي الله عليهم ارفض التضليل
|
السلام عليكم
اشكر كل من تفضل بالمشاركة ....وبالنسبة للسيارة تم رفضها والله يعوضنا خير منها . |
يجب ايقاف مهازل بوجميل . لعب بسوق السيارات لعب ولا حسيب و لا رقيب .
|
نشر على صفحة مقاطعة على الفيس بوك
|
حسبي الله عليهم
الله يرزقك خير منها |
أخوي راح لعبد اللطيف يبي يطلع كامري SE المهم دفع دفعة أولى وخلاص كل الإجرائات قالوله التسليم بعد 14 يوم وصارت ال14(30) يوم بعد كذا قال المصري حق المبايعات السيارة جت بس دخلناها الصيانة !!!
قال اخوي ليش؟؟؟؟ قال الصدام جاه حكه بسبب الصطحه!!!! المهم قال أنا ما عاد ابي السيارة وأبي فلوسي الان تخيل مدير المبايعات بنفسه قام يترجاه ليش؟؟؟؟؟ أحد الموظفين السعوديين في قسم التحصيل قال لو اصريت على استرداد فلوسك ستقوم الشركة الام بتحقيق في الموضوع لماذا العميل سحب الدفعة؟؟؟ فالاجابة ماذا ستكون!!!!!!!!!!!!!! عموما أخي الكريم تأكد من العقد ولك الحق في الرفض أوالقبول |
قلنا من زمان عبداللطيف جميل دولة داخل دوله تريدون وزارة التجارة تحاسب الوزير شايفينه غبي علشان من بكرا يشيلونه المهم لا نعيد زنزيد ونادي ياوزاره ياوزاره ما آن لكم ان تفهمون
الدور دورنا سوف يظل يلعب ويتلاعب فينا (ليش) لانه عارف اننا منكبين عليه حتي لو وطي على خشومنا والدليل ادخل اي وكاله تابعه الى عبداللطيف وش الزحمه ماتحصل احد يرد السلام من العالم اللي عليه اكيد يبي يتشرط ويتحكم قاطعوه وشوف النتيجه مارايح نحتاجون وزاره ولا غيره المضطر الا تايوتا يذهب الى البازعي كذلك المضطر الى سيارات الجميح يذهب الى العيسي اقصد انهم اخف وربما فيهم حقهم |
الامر يتطلب وقفة جادة وحازمة من قبل وزارة التجارة وكذلك منا جميعا تجاه هذا المتغطرس حيث انه لم يكتفي برفع الاسعار المتواصل وعدم المصداقية في المواعيد ... بل كذلك تسويق اجباري لمواد ثانوية يمتلكها .
|
| الساعة الآن 11:29 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by