"عيب مصنعي" يحرم البديوي من سيارته بعد 25 يوماً من شرائها
كما وردني :
وانا لا املك هنا الا ان اضعه هنا بين جنبات منتدانا الغالي : "عيب مصنعي" يحرم البديوي من سيارته بعد 25 يوماً من شرائها السيارة قطعت حتى الان 5000 كيلو http://www.youtube.com/watch?v=ODoFNafDXOk رابط صحيفة سبق : http://sabq.org/sabq/user/news.do?section=5&id=26443 المطلوب فقط ان كنت ترى انه من حقي انهم يستبدلونها بجديدة انك ترسل هذه الرسالة بعد قراءتها والاطلاع عليها وقد ضمنتها بريد الجميح وشركة جنرال موتورز عسى الله مايحرمك الاجر ويوفقك ويحميك من كل سوء تكفى طلبتك والله انها تنفعني اكثر مما تتصور اخوي قال عليه السلام "المؤمن للمؤمن كالبنين يشد بعضه بعضا" وقال "المسلم اخو المسلم لايظلمه ولا يخذله لايحقره " وهو طلب واحد لن يكلفك الا ثواني وقد ينفعني الله به وينفع غيري ممن تعرض لمثل ما تعرضت له والمطلوب فقط نسخ ما بعد الخط وانشاء رسالة ومن ثم ارساله لشركة اسأل الله ان لايحرمك الاجر ويحفظك ومالك وولدك من كل مكروه آمين آمين آمين البريد الذي سوف يتم الارسال لهم --------------------------------------------------------------------------------*--------------- customerservice@gmarabia.com cac@gmc.com Dammam.customercare@aljomaihauto.com ksh365@gmail.com الموضوع : شجب واستنكار نص الرسالة لقد اطلعنا بكل اسف على موضوع اخينا عبدالله البديوي في صحيفة سبق وقد ترتب على ذلك امور 1- اهتزت صورة الشركة في نظرنا خصوصا مصداقيتها مع عملائها . 2- استغربنا كثيرا تجاهل الشركة لمطلب الاخ خصوصا أننا نرى انه مطلب مشروع في شرعنا الحنيف . |
الله يكون بعونه ..وينصره عليهم ..
------------- مقارنه مُرة قبل كم اسبوع محكمة بالامارات اصدرت حكم باجبار الوكيل على فسخ عقد بيع السيارة ورد المبلغ للعميله + تعويض للعميله بمبلغ 10 الآف درهم .. https://www.mqataa.co/vb/showthread.php?t=34392 |
حرام على الجميح مايخاف ربه 2011 فيها صوت ....وما يبي يبدل؟؟؟؟!!!! والله فضيحه عليه وعلى الشركة الام وعلى وزارة التجاره الي تسمح بهذه المعامله من الوكيل دون ان تحرك ساكن
|
لا تسكت على حقك وروح لي الجميح براسه هاذا بين عيب مصنعي مالك ذنب فيه وذا ما فاد الجميح براسه شله وحطه داخل المكينه شي يقهر ولله 150 الف تروح كذا
|
أخوي لو تتواصل مع الشركة الأم في إمريكا GMC
راح يجبرونه يبدلها وراح يوقفون معك ضد وكيلهم لو ترفع عليه قضية . الجميح سواها مره في كدلك ويسويها في جمس ماعنده مشكله أنا اللي قاهرني @_@ ليه تجار الأجانب حتى لو كانوا كفار أمانتهم أكثر من تجارنا @_@ |
اول شئ السياره ماوضبتها الشركه واتحدي
السياره مشكلتها البلوف كلها خربانه راحوا نظفوها فقط بدوون تغيير بعدين رجع الصوت صاحب السياره غلطان المفروض مايقبل انهم يفكونها طيب لو حتي الشركه الام رفضت استبدال السياره ويصير ساعات يتم استبدال المكينه كامله بجديده ياليت صاحب السياره ماعطاهم وجه الله يكون بعونه |
تم إرسال الرسالة ، و لا زلنا نحبو من أجل حقوق المستهلك ،،، يا الله ،، متى سنعامل المواطن باحترام ؟؟ الإمارات لم تترك عذر لأحد أبدا ...
|
أين خيانة المستهلك ؟؟؟أقصد حماية المستهلك
أين وزارة التجار ... أقصد التجارة ؟؟؟ أين حقوق الحرامي .... أقصد الانسان ؟؟؟ |
يعجبني فيك اصرارك على حقك وشنك الحمله عليهم
وابشر بسعدك وانا اخوك تم الأرسال وياليت الكل يرسل حتى يعطونك حقك وانصحك بتقديم شكوى على ديوان المظالم |
السيارات الجديدة كلها خايسة بدون استثناء حتى تويوتا اللي طالعين فيها السما ، ونصيحة يا إخواني لا أحد يشتري من جنرال موترز وجي ام سي أكثر سياراتها وأنا أعني ما أقول فيها عيوب مصنعيه وصارت معي في كابرس إس إس 2006 إيجار منتهي بالتمليك وخسرت 30000 ألف ريال بس عشان أرجعها لهم وافتك لأن السيارة قيمتها 157000 ، الله يعوض اخونا خير ويخلف عليه بأحسن الخلف .
|
حشى هالصوت ذكرني لصوت المكائن الزراعية
ههههههههههههه حاول نشر هالخبر بأحد الصحف المحلية المشهوره وسترى تغير بالمعاملة |
انا من رأي انك ترسل لمدير جنرال موترز الشرق الأوسط اللي في دبي وتشرح له المشكله صدقني راح يتواصلون معك ويجبر الوكيل يبدل السيارة بإذن الله
|
الله لا يعافيهم بس أكيد صاحب اليوكن طيب حبتين لو أنا مكانه كان سويتها حرب عالمية ثالثة
( 150,000 ريال سعودي ) 1- أقترح على صاحب اليوكن إنه يخاطب الشركة في دبي أو أمريكا ويحط معه مقطع الفيديو 2- أقترح بعد يوقف اليوكن بالبيت حتى ما يقولون يستعمله |
تم إرسال الرسالة ، و لا زلنا نحبو من أجل حقوق المستهلك ,الله المستعان ،، متى سنعامل المواطن باحترام ؟؟
|
أخي الفاضل صاحب السيارة أنا مترجم وعلى إستعداد بكتابة شكوى شديدة اللهجة إلى وكالة جنرال موتور وجي ام سي وأتوقع انهم راح يضغطون على الجميح الحرامي
|
حسبي الله ونعم الوكيل فيهم الله يعوضه خير ان شاء الله
|
تم الارسااااااااااااااااااال
|
لا حول و لا قوة إلا بالله , الظلم في هالبلد زاد عن حده , و المواطن العادي كل يوم تنقص قيمته هذي الحقيقة .
- الله يجيب لنا فرج من عنده على الظلم و التجاهل . |
المشكلة الحين إنه على قولت الشركة وضبوها أنا اشوف إنه كذب في كذب لم ( توضب نهائيا ) مجرد فك المسامير وإرجاعها وشدها من جديد .
الحل ( الشكوى دايركت على الشركة الأم عن طريق الايميل الخاص بالشركة وكذلك ارفاق الرابط الخاص بالفيديو للمشتري وسوف تقوم الشركة بالرد على الرسالة وتهزيئ الشركة ( الجميح ) اللص المارق ويأخذ حقه ثالث مثلث بإذن الله وكان الله في عونه ) حماية المستهلك = النوم في العسل وزارة التجارة = وزارة التجار اللي ما يخافون الله |
هم غير خسرانين اذا استبدلوا السيارة لان الشركة الأم هي اللي تتحمل المشاكل المصنعية و الضمان و خلافه و الجميح و طقته شغلتهم فقط اثقال كاهل المواطن اللاهث المسكين ..
من تجربه شخصية اقترح على الأخ البديوي اعداد خطاب باللغة الانجليزية للشركة الأم و تبدا فيه بمدح للشركة و تذكر ثقتك بمنتجاتها و لولا ذلك لما اقدمت على الشراء .. و ان وكيلها بالمملكة هو من يحاول الاساءة لسمعة الشركة من خلال غش زبائن و عملاء شركة جي ام و عدم الالتزام بالضمانات و خدمات ما بعد البيع.. و من الجدير بالذكر ايضا انه يوجد لدى الوكالات ممثلين للشركات الأم و لكن يقومون بحجبهم عن المواطنين و حنا نجهل الكثير و الكثير من حقوقنا. اتمنى لك التوفيق اخي و جاري الارسال. |
اقتباس:
وكان رد الشركة بأن الشركة بامريكا ليس لها علاقة بالشرق الاوسط وعلي مراجعت فرع الشركة في دبي وتم التواصل مع الشركة في دبي ولم اجد احد يرد علي غير موظفي خدمة العملاء وكلهم مصريين (وام التصريف ) وعبارتهم اذا انت عوز نصلحهلك ماعندكشي مشكلة نفتحلك شكوى مش عاوز بسلامتك ثم اذا اتصلت عليهم اليوم الثاني واسئلهم يقلون انت رافض الاصلاح ومفتحناش ليك شكوى (يعني طق براسك الجدار) واذا طلبت اكلم مسئول قالو خلاص بنحط طلب وعليها تطنييييششششش ولا حد سائل كلمتهم اكثر من 20 مرة حتى مرة كلمتهم وقلت وش اسم رئيس الشركة في دبي قالو منعرفش وكلمة الجميح في الرياض ولاحد عبرني نفس دبي والله يعين وحسبي الله عليه |
اقتباس:
هلا اخوي الله يسلمك جلست السيارة عندهم 3 اسابيع وانا اطالبهم ورفعت عليهم قضية في وزارة التجارة ولم اجد حل ثم هددوني بأن كل يوم سوف يحسب 50 ريال عن كل يوم تقف فيه السيارة عندهم وياخوي ماعندي الا هي وتحفت رجلين واضطريت اني اوافق وانا ابنزل انشاء الله خطاب الشركة |
اقتباس:
حتى مرة كلمة الجميح بجدة وقال لي خدمة العملاء حنا المسئولين هنا وش تبغى فقلت له الموضوع فقال ماعندنا لك شيء قلت ابنشر خبري في كل مكان فقال من حقك سوى الي تبغى |
اقتباس:
تكفى والله اكون لك ممنون واشكرك مقدما وان مستعد ارسلهم فديت قلبك |
شكر وتقدير
اشكر كل الاخوة الذين تفاعلو مع موضوعي ومشكلتي وان دل على شيء فأنما يدل على وعي شعبنا الغالي وثقافتهم العالية وايضا على تكتفهم ضد كل مستغل اشكركم من كل قلبي اخص بالشكر الاخ سليمان الذويخ صاحب الموضوع وادعو للجميع بالتوفيق وان الله يحميهم من كل سوء وبلاء فديتكم جميعا يالغالين والله ان ردودكم تفرح القلب ويشعر الواحد ان عنده اخوان يتكتفون معه وقت شدته الله يحفظكم ويكثر من امثالكم والله عجزت اكتب ما ادري وش اقول من الفرحة بكم والله ينصرنا عليهم |
انتم الظاهر ماتعرفون مكانه الجميح عند وزاره التجارة وغيرها الجميح عروقه في الارض عند وزارة التجارة اذا جاءت اي شكوي ضد الجميح صمت الاذان طبعا لازم يعملون كذا نفع فيهم تعتقدون الجميح نايم لازم يثبت اقدامه عند الوزارة حتي اذا جاء احد يشتكي صمت الاذان لكن كيف ثبتت اقدامها هنا اسؤال
|
اكل اموال الناس بالباطل
الله يقوييك عليهم وانا مستعد لاي شئ بس امر النقطه المهمه انه انتم فكيتو المكينه ولا ضبطت الان لازم تتغير المكينه بالكامل وهذه نقطه مهمه في رسالتك لجنرال موتورز |
هلا بأخوي البديوي
هل رفعت عليهم قضية في المحكمه .؟ إذا مارفعت أرفع وإذا قالوا لك مالنا دخل قول لهم أجل من له دخل .! والله يكون فعونك يا أخوي لك خالص تقديري |
تم ارسال الرسائل
|
تم الارسال
|
يعطيكم الف عافيه
|
الأخ الكريم البديوي
سبق لي و واجهت مشاكل غش مشابهة لمشكلتك و لكن مع شركات مختلفة و منتجات ارخص و منها HP و Hitachi و لجات دوما الى الكتابة الى الشركة الام و ذلك بالبحث عن طريق محرك البحث( ياهو ) و من ثم ارسال رسائل الى كل موقع معني اجد فيه كلمة اتصل بنا بالانجليزي Contact us و اتتني ردوود و اجبروا ربعنا على التعاون معي ولا يتسع المجال هنا للقصص .. كتبت لك رسالة بالانجليزي تشابه ما اقوم باستخدامه لمراسلة الاجانب و لك الخيار ان تستخدمها كما هي بعد ان تضيف اسمك و معلومات اتصالك و بريدك وخلافه او تعدل عليها كما تحب لاني كتبتها من خلال قراءتي لمعاناتك و ليس كصاحب المشكلة.. بالتوفيق General Motors / Gents I would like to inform you that I really love and trust General Motors and Its products, that's why we "as a family" have decided to spend our six years of savings to buy us a new GMC Yukon 2011. The night before purchase was really a long night of family sweet dreams and discussions, me and wife choosing color, kids argue where each one is going to sit in the new car, what cartoon shows to be played on DVD and all that kind of stuff. You wouldn't believe how excited we were the moment we stepped into Aljomaih show room and there we go, the deal is done and we've got our new GM SUV. It was a great moment and great vehicle like nothing I've driven before. Unfortunately that happiness did not last longer than few days, as a matter of fact it has turned into a very big disappointment to me and my family because your agent in Saudi Arabia Aljomaih decided to end it with no mercy and without any responsibility sense when they refused to replace the car for me after discovering a major fault in the engine in the form of very loud noise with less than 5000 KMs on it. Seeing several impolite managers did not really help me in any way simply because they don't care and have no respect to customers. Now that I am very desperate I had to write to you asking for your help, please save my money from Aljomaih in any way possible and protect your business in Saudi Arabia. Following is a video clip of the car and you can hear the noise. Will always trust you and your products. Best regards. |
ما عرف ارسل علمني وانا ارسل دايركت
|
بعها لي بخمسين
|
الله يعوضك بالجنة
|
| الساعة الآن 01:43 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by