رايكم يهمني .... ماهو افضل مكيف صحراوي....
الاخوة الكرام
انا ناوي اركب مكيف صحراوي( 1 حصان ) في بيتي عشان الصالات المفتوحة احترت اخذ اي نوع ناس تقول الجزيرة وبعضهم يقول هاس احترت والله ومكيفات ارفن مالقيتها في السوق رايكم يهمني كثيييير |
وعليكم السلام ورحمه الله
أهلا أخوي,بخصوص المكيف أنسى الجزيرة وهاس والطقة هاذي حتى أرفن أنساه ولا يهمك كلام الناس. أما بخصوص وش تشتري أنا أقولك القرار الأفضل بأذن الله. طبعا أفضل مكيف في العالم وهو اللذي دائما يحصل بالمرتبة الاولى هو Breezair هو مكيف صناعة أسترالية بمواصفات جدا ممتازه ووكيلة هو شركة السعيد موجود في طريق الامام مخرج 9, ولكن عيبة سعرة مو رخيص. طبعا بعد ماأخذ المكيف هذا الترتيب الاول ماقصرت المصانع الصينية وصنعت موديلات قريبة جدا لة. طبعا المكيف مصنوع من مادة AB يعني أنسى الصدا والأملاح وأعتقد 12 او18 سرعة وفية تقنية أخراج المياة القديمة كل ماأردت يعني الموية فية دخول وخروج وكل هذا بريموت. وش تشتري؟ أنا أذكر أن الحقباني مستورد و مجمع موديلات نفس موديل الاسترالي وبسعر مكيفات السوق العادية,الحقباني موجود في الغرابي . فنصيحتي لك أشتري من الحقباني الموديل اللي قلتلك علية وأيضا أشتري قطعة تفتيت الاملاح الي موجودة في الموية وركبها بعد PUMP عشان تنسى بأذن الله تسوي صيانة للمكيف طول العمر. قطعة التفتيت المغناطيسي للاملاح هاذي تستخدم للري عشان تفتت الموية المالحة لمده أعتقد 3 أو 6 ساعات ,ويجي منها نوع صغير ممكن سعرة 250 الى 300 ريال وعلى فكرة ترى المكيف اللي أقولة هو كرتون وليس قش(القش مشاكلة كثيرة على الصدر وفلتره الغبار فية سيئه. * |
الله يعطيك الف عافية على هالنصيحة
كم سعر المكيف عند السعيد الحقباني وين مكانه بالغرابي ( وينه عن شارع اكسسوارات السيارات ) القطعة اللي تقول لتفتيت الاملاح هل تقصد القطعة النحاس ؟ ارجو الافادة لاعدمناك |
سعودي وشعار حياكم
اقتباس:
سبق حطيت امريكي نوع "كرتون "ماتم الصيف الاول عليه الا صار صبه مهوب كرتون من كثر الاملاح والتراب .. لا مايطلع تراب يطلع منه طين ! وحدث ولا حرج .. اخوي يا صاحب الموضوع فيه حل لمشكلة الاملاح ببلاش بلا قطعه بلا تكاليف زياده كل 10 ايام تقريبا صرف المويه من المكيف وهذي كافيه لمنع تراكم الاملاح تبون الجد المكيفات الموية كلها مشاكل ما ارتحت الا من بعد رميه |
اكيد المكيفات الصحراوية مشاكلها كثيرة
بس في ظل الجفاف اللي في الرياض يعتبر الصحراوي حل ممتاز لترطيب الجو ذبحتنا الجيوب الانفية |
سلام اهلا اخوي سعودي كوول
بخصوص الأسعار ماني متأكد لكن الأفضل أن تروح وتشوف وتسعر وتقيم بنفسك موقع السعيد وأنت على مخرج 9 ووجهك غرب تلقاه أعتقد بعد مخرج أبوبكر على يدك اليسار أما موقع الحقباني تلقاه في الغرابي في سوق محلات جملة الكهرباء بعد غرابي السيارات روح يسار(أعتقد فية أثنين حقباني)اللي أقصدةصغير وأعتقد بزاويه,اللي يسأل ما يتوهـ أما قطعة تفتيت الاملاح هي ممكن تكون حديد أو بلاستيك من الخارج ومغناطيس من الداخل __________________________________________________ _____________ اخوي جمرة غضى بخصوص القش والكرتون زي ماأنت عارف أن كل المادتين أصلهن من الاشجار بس للأسف القش العادي يقشرونه مباشرة من الجذع على شكل الياف صغيرة ويبيعونةأما الكرتون فهو يمر بمراحل تصنيع كثيرة زية زي الورق يعني تضمن النظافة حتى الغبار ما يخش فيه بسهولة زي القش ,حتى أن المكيفات المركزية الضخمة وأنظمة تبريد البيوت المحمية يستخدمون الكرتون . اما المكيفات اللي أقولها لك يا سعودي كوول ففيها نظام أخراج الموية بالريموت كنترول ان أردت أسبوعيا ,اما أخراج المياة مفيد عشان ما يتجمع الاملاح في القاعدة لكن بدون قطعة تفتيت الأملاح ماتقدر توقف الاملاح اللي تعلق في القش أو الكرتون أو حتى الطرمبة. |
اقتباس:
وانا من اول صيف رميت الكرتون وغيرته بواحد جديد ومشاكله ماتنتهي اخوي التسويق التجاري مافي اسهل ولا اخبث منه يقلبون لك "البحر طحينة" |
جمرة غضا القش أو الكرتون يتعلق فية الاملاح والأوساخ حسب نسبة الأملاح في الموية وهاذي النسبة تختلف من حي الى حي في الرياض يعني أنا عندي نوع مكيف واحد مركبة في حي سلطانة وحي الروضة وحي الناصرية ورغم ذلك فترة تغيير القش او الكرتون تختلف من مكان لمكان ثاني .
طبعا الأسوا ملوحة في حي سلطانة. وعلى العموم ميزة المكيف الصحراوي فواتير الكهرباء فأنصح بتركيبة في الصالات المفتوحة والافضل أن يكون هناك تيار خروج للهواء حتي يكون المكيف بارد |
المكيف الصحراوي
قطعة من العذاب لا في صيانته ولا في تبريده إذا ارتفعت الشمس ولا في مشتراه الغثيث و ماجاني الربو إلا منه لا تشتريه نصيحة لوجه الله أما أحد الأخوان يقول ترطيب الجو فالحل سهل فيه أجهزة ترطيب تعبأ بالماء وتشغل وتنتج البخار لترطيب الجو الجاف وموجودة في إلكترو من 45 ريال إلى 600 ريال بحسب ميزانيتك |
اخوي بالنسبه للمكيفات الصحراويه حسب علمي ان افضل المكيفات اللي تكون باكستانيه الصنع ..
طبعاً فيه قش وهذا يصلح للاماكن المفتوحه لانه يسبب رطوبه عاليه .. وفيه الكرتون وهو للاماكن المغلقه لان رطوبته اقل من القش .. بالنسبه للمكيفات المنتجه فالسعوديه فمكيفات الجزيره من افضلها بس الله يعينك على السعر .. |
ركبت الجزيرة
بس للاسف تبريده متوسط سعره معقول لقيت عند جاري ادميرال كرتون تبريده ممتاز الله يعينا على الخساير بس ابصبر على اللي عندي لين ربك يفرجها |
تكسرة بالعافية أن شاء الله
حاول أن تجعل تيار خروج للهواء في الدور الارضي يعني أجعل بعض النوافذ مفتوحة بهذة الطريقة ستزود البروده في تيار الهواء وسيخف تجمع الرطوبة داخل البيت. |
السلام عليكم
انا مركب ادميرال العام الماضي وشغلته مدة الصيف وبعدها قمت بتنظيفه من الماء وتغطيته بغطاء قمت بتفصيله للمحافظة عليه من الأتربة والأمطار وهذي السنه قبل تشغيله قمت بتنظيفة بس فيه مشكلة الأملاح كل بعد فتره اقوم بفتح جوانبه وازيل الاملاح منه تبريده ماشاء الله ممتاز بس عليك بالتنظيف المستمر له |
^ ^ ^ هل الادميرال نصف او ثلث حصان وهل هو كرتون او قش وسعودي او امريكي 100% وكم سعره ومن اي محل بالرياض لاهنت |
كان لي تجربة .. او ممكن تكون " اختراع " سرق مني لاحقا :lol:
و هي مكيف صحراوي الجزيرة قش ثلاث ارباع حصان لأن الصالة مفتوحة على الدور الثاني يجي معاه طرمبتين لتدوير الماء بين الحوض و القش اشتريت طرمبة ثالثة و رهمتها على الحوض و طلعت منها لي يودي لبرادة البرادة اشتريتها من الحراج بـ 300 ريال و شبكت اللي من خلف البرادة بحيث دفع الطرمبة يدور الماء و يرجع للحوض بارد بواسطة لي آخر الغرض من هذا تدوير ماء بارد في القش طوال الوقت دخل بيتي ضيوف كثيرين استغربوا برودة البيت كامل بعض الغرف لا اشغل المكيف الا عند الحاجة لاغلاق بابها لأنه في حالة الباب و بعض النافذة يكونوا مفتوحين ما نحتاج فريون خالي دخل البيت و حلف انه تكييف فريون مركزي مو صحراوي لما شافها اندهش و حاول يسويها في استراحته لكن فشلت معاه سبب الفشل حصلته موصل المويه من البزبوز للبرادة ثم للصحراوي قلت له كيف تبغى المويه تظل باردة في الحوض بدون طرمبة اضافية ؟ زبطها و نجحت معاه و انبسط مرة قبل بضع سنوات سمعت واحد يقول انه في السوق مكيف صحراوي ملفوف في حوضه سلك تبريد نحاس مع كمبروسر صغير لتبريد الماء فقلت في نفسي سرقوا الفكرة و حسنوها :think: عيوب البرادة .. حاجتها للتنظيف كل شهرين مرة .. فك الصرة لينزل الطين كل المكيفات الصحراوية تحتاج تنظيف و عناية دائمة و هذي هي مشكلتها تحياتي |
الأخوان الأفاضل .. أنا أختلف عن الجميع وأقول ركب أي مكيف صحراوي " قش " ولكن بشرط عمل الأتي :- - يتم فك كل ماهو داخل المكيف الصحراوي ولايبقى إلا طرمبة الماء والأبواب مع القش .. ويتم وضع مروحة شفط حديد من النوع الممتاز وتكون من الأحجام الكبيرة حسب حجم المكيف ويكون الخط 220 فولت .. بحيث تركب وبالمقلوب مباشرة بمدخل المكيف المؤدي إلى الدكت المؤدي إلى فتحة المكيف الداخلية التي يخرج منها الهواء للتكييف والقصد من تركيبها بالمقلوب هو سحب مابداخل المكيف وإدخله المكان المقصود تبريده.. ولاتنسى يكون هناك تمديد ماء جديد بحيث تكون من المواسير " ربع بوصة بلاستيك " ويتم التمديد من الأسفل إلى الأعلى بالمرور من فوق أبواب المكيف وبعد التمديد كاملا يتم تخريم المواسيرعلى الأماكن التي تمر من فوق أبواب المكيف ويمكن أن تقوم بتخريم من 1-5 خرم والغرض من إكثار الخروم هو تتدفق أكبر كمية من الماء على الأبواب .. لأن المكيف الصحراوي قائم با لدرجة الأولى على وصول الماء بكثرة لأبواب المكيف و يتم تركيب عدد 2غطاس ماء صغير بسعر 50 ريال وهي عملية ومجربة وتتحمل تواجدها بالماء طوال فترة تشغيلها .. والطريقة مركبة لدي والحمدلله وبدون دينمو كهرباء ولامكره ولاسيور . ولمعرفة التفاصيل أكثر يمكن التوضيح من أراد ذلك .. |
اقتباس:
وللمعلومية انا حاط 2 غطاس |
اقتباس:
ضحك على الدقون قطعة تفتيت الملح .....??????? والله انا سويت تجربه ارجو ان تفيد الجميع ركبت القطعه على لي وتركت الثاني بدونها وبعد سنه من الاستعمال كشفت عليه ولم اجد فرق يذكر بينهما يعني حوالي خمس مية ريال راحت ادراج الرياح الله يخلف نصبه اعلانيه محكوره اقتباس:
هناك حيلة جربتها وارجو ان يستفيد منها الجميع اشتريت كرتون ثم قصيته من النصف الى قطعتين متساويتين وركبت الكرتون من الداخل وركبت قش من الخارج وسكرت الباب وصار التبريد ممتاز جدا والميزه الحلوه ان الاملاح تتجمع في القش فقط اما الكرتون فيبقى نظيف وفي بداية كل صيف اغير القش فقط لي خمس سنوات على هالحال والتبريد لايزال جيد |
اقتباس:
|
اقتباس:
فكرتك مجنونه بس انا مافهمتها كويس بس احسن ما فيها ان المويه اللي في المكيف راح تكون بارده اللي ما فهمته الاطرمبه الثالثه راح تكون داخل المكيف او خارجه؟؟؟ لو تشرح اكثر عن تمديد الليات للطرمبه الثالثه كيف راح تكون لانك تقول المويه راح تطلع من المكيف وترجع للبراده هذ ما عرفت اوصلها كيف؟ |
[quote=boycut;206050]ضحك على الدقون
قطعة تفتيت الملح .....??????? والله انا سويت تجربه ارجو ان تفيد الجميع ركبت القطعه على لي وتركت الثاني بدونها وبعد سنه من الاستعمال كشفت عليه ولم اجد فرق يذكر بينهما يعني حوالي خمس مية ريال راحت ادراج الرياح الله يخلف نصبه اعلانيه محكوره اخوي الظاهر انك فاهم غلط أنت يمكن تتكلم عن المغناطيس اللي يركبونة أسفل المكيف. على العموم انا أقصد الماء الممغنط بواسطة التقنية اللي أتكلم عنها يساعد بشكل كبير على تفتيت ذرات الاملاح الى ذرات صغيرة بحيث أنها لا تعلق بالقش وللعلم معظم المزارع الان في العالم وايضا في السعودية يستخدمون هذة التقنية حيث تجد فرق في الأنتاج وايضا تستخدم في المجال الطبي |
من واقع تجربتي المكيف الصحراوي مهما تكون صناعتة ان اذابتسوي له صيانه و تنضيف و تغير قش كل شهرين راح يعيش معاك فتره طويله و ما عليك من الدعايات الي يقولك الكرتون افضل من القش لان قيمة القش بثلث قيمة المكيف و المشكله اصلا من ملوحه الماء هي الي تسبب تراكم الاملاح و تصدي ببودي المكيف مهما كانت صناعته و افضل نوع ارفن الامريكي و بعده الجزيره
|
انا سويت مظلة للمكيف من ثلاث جهات يعني حجبته عن الشمس وزاد تبريد المكيف بشكل كبير !!
شفت واحد رابط المكيف مع البرادة لكن لمست ( اللي ) الموصل بينهم فحصلته ماهو بارد .. يعني الماء الواصل للمكيف ما هو بارد !! بما اننا الان ببداية الشتاء الافضل هو تغطية المكيف بـ ( طربال - مشمع ) عشان ما يدخل الهواء البارد للمنزل !! * مكيف القش افضل بكثير من الكرتون للاسباب التالية ( برودة أكثر + سعر اقل + صيانة اقل ) |
حلوة فكرة البرادة
|
انا عندي فكره اسهل راح تعجبكم بخصوص الصحراوي
كان عندنا مكيف صحراوي وكل سنة يغثنا فالصيف يقوم يشفط الروائح دخان+ريحة مجاري+ اي شيء فالشارع وصخ يجذبه والزين مايجذبه ايضا في اوقات العج "ماشاء الله اجواءنا على طول معجعجه" يشفط لك العج سواء كان شغال ولالا ويحط داخل بيتك طعوس من الرمال فالشتاء يدخل الهواء البارد منه ويحتاج لتغطيه الاملاح تسكره والقش يفسد والطرمبة تخرب الحل الجنوني اللي سويته .. قشعته لعنة الله عليه وركبت سبيلت 18000 وحدة وسديت فتحته وخلصنا . الصحراوي ماله حل كان له ايام ذهبيه لكن خلاص .. يصلح فقط تمددله فالحمامات والمطابخ يطلع بطل اما في مكان مفتوح داخل البيت الله يعينك . |
مرور بالموضوع
|
| الساعة الآن 05:56 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by