صيانة باناسونك !!!!
عندي تلفزيون باناسونك 29 بوصة وفيه عطل لم يتمكن الفني القريب مني اصلاحة ونصحني بالذهاب للوكالة وهنا ك بدأت المعاناة مكانهم سيىء جدا ولايوجد مواقف و طبعا ناهيك عن سوء المبنى فهناك فرق كبير بين صالات البيع والصيانة المفاجأة الاولى انه يتم دفع مبلغ 200 ريال صيانة عن كل تلفزيون 29 ايا كان الخراب حتى لو بريال ويتم اضافة قطع الغيار على هذا المبلغ بعد ذ لك المفاجأة الثانية التسليم حسب كلام الموظف بعد اسبوع تقريبا وعند اتصالي بهم بعد اسبوع يقولون لي التسليم بعد اسبوعين حسب ماهومكتوب في الفاتورة وبعد مراجعتي للفاتورة وجدت فعلا مكتوب بعد اسبوعين (شوف الكذب) يعني كذب وسرقة وصيانة في الحضيض.
|
السلام عليكم 200 !!!!! هذي كشفيه عند استشاري فترة الضمان على التلفزيون انتهت ؟ اذا انتهت لهم الحق باضافة اي مبلغ لاستقبال الاجهزة للصيانة . مع اني ضد اخذ هالمبلغ,,, فالمفروض الصيانة مجانية وتحسب فقط قطع الغيار بالفاتورة وتعتبر خدمة للعميل وجذب لشركة . سبق ان فيديو فيلبس عندي خرب وكان خرابه منا وواضح ان حنا المتسببين بالخراب لكن الشركة قامت بصيانته وغيرت القطع مجاناً يعني فيه شركات محترمه وشركات مادية بحت نصيحة قبل الشراء يٌسأل عن الصيانة وخدمات ما بعد البيع والاهم من الوكيل |
اخوي ضرغام في دول العالم المتحضر تتفن الشركات في خدمة مابعد البيع وتقدم عروضها المجانيه والمغريه لجذب المستهلك (بكسر اللام قبل الكاف) وهناك تتفن الشركات بالسرقه والتحايل واللف والدوران عللى المشتري المستهلك (بفتح اللام قبل الكاف) اقصد فتح الجيوب قبل الكف.. شركات ووكالات لاتخضع لاي نوع من الرقابه والامور ماشيه بالبركه تحياتي لك |
معظم الوكالات اخي الكريم الا ماندر تسوق الهبل وتحاول تستغل العميل بشتى الطرق
لماذا ؟؟ لغياب الرقيب اولا ولعدم وجود المنافس ثانيا والمشكلة لو فكرت تروح تشتكي لمين تشتكي ؟؟ انا ماحاول اثبط عزيمتك لكن هذا هو الواقع للاسف الشديد والافضل كما اشارت العميدة قبل الشراء التاكد من خدمات مابعد البيع وهي الاهم كان الله بعونك اخي الكريم |
قبل ما تشتري اسال عن خدماتهم بعدين
وزين انك علمتنا عن طريقتهم يعافيك |
شباب تصدقون حتى الآن ماصلحو الجهاز وهو عندهم من اكثر من اسبوعين والظاهر انهم ماعرفوله لأنهم فاشلين وكل ماكلمتهم قالو زحمة (والله من خياسة الأجهزة )
|
هي تسلسل بالارقام راح ياخذ وقت على مايوصل الدور
واحتمال القطعه غير متوفرة |
ممكن سؤال الجهاز له كم سنة عندك ,, وهل شاشته واضحة ,, تنصح فيه بغض النظر عن سوء صيانتهم
وشكرا لك |
راسل الشركه الام
من موقعها واحكي التفاصيل مباشره وارفق رقم الجهاز ,,صورة من فاتورة الصيانة واستفسر عن احقية المبلغ وسمعنا اخبار عنك ,,, |
ياشباب هذا ثاني تلفزين باناسونك عندي يتعطل بعد مايمر عليه 6-7 سنوات والمشكلة انها اذا خربت الله يخلف
راسلت الشركة في السعودية ومكتب الشركة للشرق الأوسط (دبي) ولاحياة لمن تنادي لم اتمكن من مراسلت الشركة الأم لعدم تمكني من معرفة طريقة لذلك فالرجاء ممن يعرف اخبارنا بذلك علما انني لم استلم الجهاز حتى هذا الوقت ولم يتصلوا بي حتى اللحظة اما محاولة الوصول الى مدير الصيانة انسى رقم تلفونهم 4731127 تحوية المدير 600 |
مفاجأة
بعد التأخر الكبير في اصلاح التلفزيون قررت اني ماأتصل بهم مرة ثانية ورحت اجازة ورجعت والمفاجأة انهم اتصلوا بي امس (الجهاز في الصيانة من 19 -7-2008 ) وكانت المفاجأة انهم لم يتمكنوا من اصلاح الجهاز لعدم توفر قطع الغيار!!!!!!!!!!!!!!!!! والمفاجأة الثانية مقابل هذه الفضيحة عرضوا علي خصم !!!!!!!! 20% على جهاز تلفزيون جديد !!!!!!! جهازي والله شاريه ب 4000 (نعم اربعة الاف ريال)الآن يعرضون علي خصم يمكن مايوصل 200 ريال اذا أخذت جهاز بنفس حجم جهازي الحالي طبعا انا مانويت اخذ جهاز باناسونيك مرة ثانية لو يعطوني خصم 50 % لأنه مايستاهل البعض قد يظن ان هذا ادعاء لذلك هذا رقم امر الصيانة لمن اراد التأكد 46373 وتلفونهم في الرياض 4731127 4734895 تحويلة 610 او 611 |
العمد على الوكيل
منهو وكيلها في السعودية ؟ هذا رابط باناسونك في الشرق الاوسط وموجود فيه الفاكس ارسل لهم http://panasonic.ae/PMM/arabic/docs/gulf_fze.aspx وهذا الشرق الاوسط وفيه فاكس ارسل لهم لا تتركهم http://panasonic.ae/PMM/arabic/docs/marketing_fze.aspx |
والله وانا أخوك لا تستبعد أي شيء من الوكلاء عندنا لأن احترام الزبون وإعطائه حقه مشطوب من اللائحة المنظمة لأعمالهم ، لأنهم مركزين في اللائحة على استغلال الزبون ومص دم قلبه
الله يعينك ، والحال من بعضها أنا عندي كاميرا فيديوا سوني ، وأستعملها استعمال خفيف ومع كذا حصل فيها عطل تافه ما يستاهل ، رحت للوكيل قال الإصلاح ب400ريال حسبتها ولا هي ما تسوى الكاميرا الجديدة الآن بموصفات جيدة بفوق الألف بقليل ، تركتها مركونه إلى ساعتك مع إنها ما تجاوزت مدة الضمان إلا بشهور قليلة. لكن أنت بالنسبة لك الله يعينك الجهاز عندهم ومالك إلا ما قالت جمرة راسل الشركة الأم وبتحصل خير إن شاء الله. |
| الساعة الآن 05:04 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by