ماهو أفضل مطعم للفطور ؟
أنا أواجه وغيري مشكلة كبيرة بالفطور حيث الاختيار يعتمد على النظافة أولا وليس الطعم طبعا كثير من الاخوان قالوا ماما نورة فاشل وأنا قررت أقاطعه عقب ماسمعت انه رفع سعر العصير ولا أخفيكم أني مره طلبت فلافل من ماما نورة ومع أول قظمة طعم الكلوركس ضرب بمخي واستغفر الله تخلصت منه وقاطعتهم فترة والسبب انه مايلبس قفازات ويمسح الطاوله بيده ويلف السندويش بيده المهم نصحني ابو ناصر بهالمنتدى اروح ابو عدنان للفلافل وماخفيكم انواع السكاكين بالبطن كذلك يامال الشام نفس الشي وسندويشهم المكس تسمم وواحد ماقصر يقول أكيد تسمم أجل بيض وعجة ودجاج ومايونيز وكتشب وشطه وسلطة ولحم مفروم وكبدة وماتبي تتسمم ؟
المهم ياشباب ياليت كل واحد يضع اقتراحة بأفضل مطعم للفطور مع تحديد الموقع والوصف وتجاربه مع المطاعم يعني من وين يفطر ؟ |
أفضل مطعم !!
أفضل مطعم ............ مطبخ بيتكم
........تأكل وانت مطمن ما يجيك تسمم وتوفر فلوسك بدال ما تروح لواحد أجنبي حاقد !!..... (((((((((( أبو زياد ))) |
الله يخلي فول وفلافل ابويمن :)
شوف اقرب فوال جنب بيتك وتعاقد معاه يوم فول يوم عدس يوم فلافل يوم حمص ويااااااااا سلام كل يوم ب3 ريال...الاسبوع كله 21 يالله من فضلك والا جيب لك كيس خبز صامولي 2 ريال وعلبة جبن وزيتون وحمص السعوديه وبيضتين ب15 ريال وكلها شق الخبزة واحشيها ما يبي لها كيمياء |
يابن الحلال لا تطولها وهي قصيره خبزه وجبنه الصبح وحليب ناقه وفلوسك بجيبك وبتدعيلي
|
أفضل مطعم مطعم البيت فعلا جبنة وخبز وكوب شاهي
مممممممممممممممممممممممممم |
المتضامن .. فطور البـيت مافيه مـثله
وبـعدين فرصة لك تتـفـنن في المـطبخ مافيه إلا أنـت .. وكل يوم تـعلم لك شيء جـديد ماهو عـيب تـرا ولـعلمك لو بـدأت مع نفـسك والله تـعاف الفـطور برا الـبيت |
أبوي المتضامن صراحة ما فهمتك يعني تقول ان ابو عدنان مهوب منتاز
يليت توضح لي الله لا يهينك |
ماقصرتو ياخوان وأكيد أكل البيت مافي أفضل
|
ماقصرتو ياخوان وأكيد أكل البيت مافي أفضل منه بس ظروف العزوبية تحتم عالواحد مايلقى وقت للمطبخ عشان كذا ماله الا شي سريع وجاهز اقصد المطاعم
ابو ناصر بالضبط انا جربت ابو عدنان مره وتسممت مع اني شايف شغلهم بالقفازات |
المتضامن ..
إسمح لي أقـولك .. شـيك على التـمديدات عـندك ..!! <---------- متأثر بـ فـني الإتـصالات أكـيد المشكلة داخـلية .. |
نصيحه تشتري لك كرتون فول .. من الجمله طبعا و تقارن الاسعار طبعا قبل.. وغالبا منتجات الفول جودتها متقاربه عن تجربه.. المهم تسوي لك على السريع الصبح وعلى قولة المصاريا الفول مسمار المعده والله عارفين له.. و أضمن لك ما تجوع قبل العشاء :d
|
يا اخوان احيانا الواحد مستعجل او عيالة مو موجودين ويضطر يفطر برى
انا اشوف كودو فطورهم جيد ونظيف ويستاهل سعرة |
فوال الطايف
|
عندك فواق الطايف على شارع حمزه حي البديعه
وعندك بوفيه المدينه على تقاطع شارة التسهيلات حي الزهره عندك فواق شعبيات على شارع الستين ( الابراج) حي الشفاء |
سلاااام أخوي متضامن بالنسبة للفطور فالبيت أحسن مكان تفطر فيه
لأن بيني و بينك كل يوم مطلعين لنا مصيبة مرة وادي متصدع و مرة قلاعية والله يستر من الجاي و خذ هاذي نصيحة مني للكل و اذا كنت ما تعرف شي اطلب مني وصفات وانا راح ارد عليك في اقرب فرصة للإفادة : قناة فتافيت على النايلسات على التردد 12341 تراني استفدت منها أشياء كثير سنــقاطعهم... حتى إفــلاسهم ... |
افطر في فندق خمسه نجوم ليوم واحد بالشهر دلع نفسك وباقي الأيام بثلاثه ريال صحن فول وكاس شاهي من عند أي فوال يماني وكل ما كان محله قذر كل ما كان أطعم وعلشان الشهر اللي بعده تعرف قيمة فطور الفنادق خمسة نجوم وتستمتع به ولا كرتون كورن فلكس وحليب والحمدلله يقولون مغذي! |
الله يخلى كافتيريا لامانه كل شى بريال او بريالين
|
حتى الفول صار بريالين للاسف
كودو فطوره جيد والأحسن سوي فطورك في بيتك:) يبغالنا نطلب من صاحب المنتدى إنه يفتح لنا قسم لوصفات المطاعم :) |
يمكن ياخوي عندك مشكلة في القولون يتاثر من التوابل وتقول المطاعم وصخة !!!!!!!!!
والبيت أحسن شي برأيي أو تشتري من أي كافتيريا تشوف وضعها نظيف نوعا ما تشتري سندوتش جبن شدر وتخليه يحطه بالسخان لين ينحرق علشان يقتل أي شي فيه لاااسمح الله واشرب معه سنتوب :) وتدعي لي |
فطور البيت يا زينه ؟؟؟؟؟؟؟؟؟؟؟؟؟
|
ياخي ما ادري وش فيه فطور البيت ..
الله يديم النعمة .. بس |
أكل البيت أفضل أكل لعدة أسباب :
1- قلت الزيوت 2- النظافة عند الاعداد للوجبات 3- أرخص في السعر |
لا شك لا يوجد أنظف ولا أروع من فطور البيت
ولكن للرغبة في التغيير أو لظروف خاصة فلا مانع ومن ضمن الاقتراح هناك مطعم في ايكيا يقدم تشكيلة جيدة وباسعار معقول جدا مثلا : طبق الفول بريالين والأومليت ب3 ريال ....الخ وبالهناء ان شاء الله |
الله يخلي بوفيهات ابو بنغل وابو هنود اكثر من الهم على القلب واغلى سندويش بثلاثة ريال
الي هو الكبدة افضل بوفيه عندي بوفيه طيبة الي حول الكلية التقنية بالرياض سندويشات على كيف كييفك والعمالة باكستانية. احسن من ابو بنغل والي يقول فطور البيت انا معاك اكيد انظف . بس هل انت دايم تفطر بالبيت؟!! |
اسمع رح للي يبيعون البر واشتر اربعة اصواع معيه وصاع صماء وخلطهن مع بعض وخله يطحنهن وانت واقف على راسه والى جاء المغرب اعجن لك عجينه ملي جمعك وحطها على التاوه ولااستوت غطها وخلها . ولا جيت من صلاة الفجر دقه من حنك على حنك وقفها كاس حليب تعود من الدوام وانت تنزي مالك نظر بالغداء .ولاحرقان ولاجرثومة معده
|
انا افطر بالبيت خبزه وجبن
بالدوام اذا ماافطرت بالبيت خبزة تميس مع جبن كرافت وكاس شاهي ياليت يكون حالي شوي 100% |
لاتعليق اعتقد الفطور شي بديهي اي سندوتش من اي كافتيريا بيمشي الحال
وابتعد عن الكبده وباقي الاشياء المطبوخه لان الكافتيريات يستخدموا اسوا اللحوم خلك على الجبن والبيض والفول. |
انا افطر من الصاج الذهبي اللي على طريق الملك فهد بحكم انه قريب من دوامي واكله طيب
|
احسن فطور فطور كودو والله رهيب ونظيف وجربة وراح تدعيلي
|
اقتباس:
وش قاعد تقول انت .. http://www.msnhiddenemoticons.com/Li...lt/no_clue.gif |
اقتباس:
معليش .. بس وش قاعد تقول انت .. http://www.msnhiddenemoticons.com/Li...lt/no_clue.gif |
باختصار!!
أفضل مطعم للفطور هو البيت |
افضل فطور يكون فى البيت لبنة بزىت الزيتون والزيتون والاجبان مع خبز بر وشاهى بالنعناع ممكن بيض
|
ابو عدنان بجوار بيتنا وكنت من المدمنين عليه لكن رأيت خلف كواليسه مو الشيء المقزز فعلا ..
سوريين اللي قدامك .. وجوا هنود الله لايوريك .. والعمدة على هالهنود طبعا في تصنيع الفلافل وعبطها باليد والخبز الصاج .. بصراحة جربت وجربت الكثير من المطاعم واخرتها اعجبني شغل البيت وسويت لي مطيبخ صغير بغرفتي وجب الة التست وصلح لك مع كاس شاي والحمد لله والشكر .. |
| الساعة الآن 05:44 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by