شو سبب ارتفاع اسعار العطور ؟
مساء / صباح العطر للجميع :)
انا مدمنه عطور وبالذات عطورات شانيل ومن سنين كنت اشتريها بـ 300 بس بعد فتره ارتعت اسعارهن الى 450 وفي بدايه مارس 2011 لقيت الحجم الكبير بـ 600 !!! في البدايه اتوقعت هالارتفاع من المحل لكن انصدمت من اسعار موقع شركه الام كانت بنفس اسعار محلات الدوله بس اقل بسبع دراهم و مع التوصيل سعرهم بيتعدى الـ 600 يعني ما بستفيد لو اشتريها من النت :crying: ابي اعرف شو سبب ارتفاع اسعار العطور ؟ << مب بس عطورات شانيل حتى انيل وسي كي الاحمر وكارلوينا هريرا ارتفعت اسعارهم بسنبه عاليه !! قبل كانت العطور القديمه ارخص من اليديده بس الحينه سعر القديمه ما تفرق عن اليديد :( السموحه ان كان موضوعي في القسم الغير مناسب |
ما ادري و الله بس اشوف بالمبوبة و الاعلانات
تقدرين تشترين خمس عطور ماركات باسعار منافسة احيانا فيه محلات تسوي عروض و انا عن نفسي شفت محل مزاي الغذاء مسوي عروض على قسم العطور حتى اني شكيت انها تقليد مو اصلية ،، و عندك سوق الجملة تلقينها ارخص اتوقع |
اقتباس:
شايفه عطور باسعار منخفضه جداً بس تقليد 100% يعني عطر سي كي لونه الاصلي احمر القاه بسعر 180 و لونه اخضر فاتح !! ونفس الشي مع آلين لون الاصلي يكون كحلي اما المقلد يكون ازرق فاتح وخساره اشتري الملقد احسن لي اتهنى بالاصلي بس غريبه في كل مكان اسعارهم مرتفعه حتى في موقع شركه الام .. ابي اعرف شسالفه بالضبط ليش يرفعون اسعارهم ؟ :wounded1: تسلمين على مشاركتج |
العطور لدينا مخففة بشكل كبييير يعني يبيعون لك عطر مخفف التركيز بسعر عطر اصلي !!!!!
لا يلعب عليك الوكيل تراهم حرامية من اولهم الى اخرهم.....اما المقلد فهو مقلد !!! اذا تبي عطر ...عندك شارع العطايف .... اسعارهم مناسبة.... |
اقتباس:
عارفه الفرق بين المقلد والاصلي بس عندنا المقلد ارخص من الاصلي ولونهم فاتح !! ومحلات اريج وباريس جالري معروفه في الدوله وعطوراتهم اصليه 100% لاني احياناً اشتري من الطياره والقى نفس العطر عند اريج وبنفس اللون والريحه المركزه !! بعكس محلات اتحاد سنتر الي اتبيع تستر ولونهم فاتح :crying: وللاسف انا مب من السعوديه وان شاء الله ربي يكتب لي زياره لمكه والرياض ..(= |
اقتباس:
الله يعين عليهم شارع العطايف الله يرحم حالك هو مركز التقليد ومنهم المراكز الكبار بعد اللي ثقه في السوق وافضل الشين المصباح والباقي على ................. افضل العطور 1000000% الي تشريها من أوروبا من جد فررررررررررررق ههههه قال عطور بخخخخخخخ :p |
يا اخوان الاخت ضيفة من دولة الامارات الشقيقة :)
اختي الموجود عندنا بالاغلب هي معباة من دبي .. يعني حتى لو هي من الشركة نفسها لكن راح تختلف بنسب التركيز .. وفيه فرق بين عطر شاريته من برى و عطر معبأ ..هذا اذا سلم من غش الوكيل :).. تبين الجد افضل شي تفتحين على مواقع وتشترين منها .. حتى لو اغلى اضمن .. تضمين مهنا غش احد التجار في السعودية "محمود سعيد "من كم سنه اكتشف انه يبيع مواد منتهية وتقليد ! https://www.mqataa.co/vb/showthread.php?t=19344 |
اقتباس:
|
اقتباس:
سامعه عن مصنع عطورات اجمل في دبي بس اول مره اعرف انه العطور العالميه معباه عندنا !! يا خساره كم مره اشتري عطر شانيل وكلفن كلين بسعر 400 الى 600 درهم كنت احس بالفرق بين العطر الي اشتريه في الطياره وبين الي اشتريه من بعض المحلات :crying: بس قريبا بطلع البطاقه وان شاء الله اقاطع محلات الدوله نهائياً ... والله مستعده ادفع ضعف السعر .. افضل من اني ادفع 600 على عطر مقلد :mad: تسلمين اختي جمره التميميه على مشاركتج واشكركم جميعاً على تواجدكم في موضوعي |
هلا بك ضيفه .. مصنع عطور اجمل لا اقصده ولا اعنيه :)
اقصد فيه عطور تجي وفي دبي او جبل علي تتم تعباتها بقوارير وتباع .. هي من الشركة وبعض الوكلاء ياخذ منها .. لكن لو شريتي من الشركة نفسها راح تشوفين فرق كبير بينها .. والامر ليس حصرا على العطور .. شوفي المواد الغذائية .. مثلا الشكولاة وحلويات مكتوب عليها مصنع في جبل علي ,في الجزائر ,في مصر , في المغرب الخ ...وهي ترجع لشركات عالمية .. لكن للاسف اقل جوده وسعرها عالي ! |
^^
ياليت شركات الام تكشف على جوده منتجاتها الي تتصنع عندنا ..:crying: بس الحمدلله النت مليان بمنتجات عالميه ومب متوفره في الشرق الاوسط ! وان شاء الله من اطلع بطاقتي ببداء بالشراء من النت وبعده بعرض تجربتي في المنتدى (= |
اقتباس:
بما انك صديقي في الموقع انصحك تشتري من المصباح لانه اهون من الباقين انا رحت مي للعطور وقبلها خشيت جوه السوق >> لقافه :D اشوف الاسعار في بالي عطر المهم سعره في العليا طبعا 500 وفوق لقيته جوه السوق ب 120 وقوي عين ابو يمن يقول اتحداك تفرق انه اصلي او تجاري > دبي < وطلعت من عنده ورحت مي للعطور وسألته عن نفس العطر وقال ماعنده بس بيجيبه من المستودع على كلامه الااا الرجال جاب نفس العطر اللي عند ابو يمن >> طبعا عرفت من الغلاف لانه كان مفتوح وقال ب 220 :mad: على حق دبي ورحت المصباح واخذته ب 250 وعلى ذمته انه يقول اصلي واقنعني ان لو مو مصدق ادفع من عنده واستلم من اي فرع في العليا او غيره اللي يبيعونه ب 500 وطالع --- وانا اعطيه درجة أولى بصراحه يعني > ليس اصلي حق أوروبا < اشوف انها درجات يعني الاصلي صعب تحصله بالسعودية * درجة اولى * اما التجاري حق دبي هو الغالب في السوق * ويجي بعده التعبئة حق الشقق الوطني البنقالي >>>:D * وفوق كذا تحصل العطر اللي تبيه ب 5 ريال ههههههههه عند الاشارة والمشكله انه يضر والناس ما تعرف :blink: وأزيدك من الشعر بيت قطعت العطور :thumbsup: |
اقتباس:
الشركات الأم ______ ما راح تكشف اي شئ انت اكتب العطور اللي تبيها او شريتها واكتب الاسعار حقتكم في دولتكم وانا اجيب لك الاسعار الاصليه من البلد المصنع **** بالسعر التقريبي شانيل = السعر بالدرهم كالفين = ...= ...= وانت قارن بينها ومن ناحيه عرض التجربة انا اضمن لك انها فرق 180 درجة عن اللي هنا ترا فيه موضوع ممتاز في المنتدى يعلمك وينصحك كيف تشتري من النت من ebay وغيرها |
اقتباس:
شكرا على المعلومه |
اقتباس:
واتمنى اعرف سبب ارتفاع اسعارهم .. احس بعد كمن سنه بيوصل لل1000 :crying: |
سبب ارتفاع الاسعار
لا يوجد رقابة لو انت في اوروبا ما تحصل اي محل رافع السعر في اي مكان في الدولة ولان فيه عقوبه صااااااااااااااااااااارمة جداااااااااااااااااا ومحددين هامش الربح لكل سلعة بين الشركة الأم والمراكز او المتاجر لكل دوله اوروبية اما عندنا صفه متاجر على نفس الشارع اسعارهم مختلفه !!!!!!!! الله كريم |
شرح التسوق الالكتروني
https://mqataa.co/vb/showthread.php?t=29689 https://mqataa.co/vb/showthread.php?t=29712 |
اقتباس:
ومب بس عطورات شانيل حتى كيلفن كلن سعره ارتفع عن قبل.. كانه الشركات متفقه ويا بعض على رفع الاسعار :mad: |
اقتباس:
|
سبب الارتفاع قد يكون هناك عوامل عديدة منها: 1- من نفس الوكيل . 2- من نفس صاحب المحل ( الايجار ) 3- الكهرباء والصيانة . 4- رواتب العاملين ليس على العطور فقط بل على جميع الأنشطة |
اقتباس:
المعلومه صحيحه ولكن ياخوي ما ارتاح اذا جيت اشتري سلعه و مجرد ما اطلب تخفيض يفتحون موال الايجار والرواتب ..... وما تعرف من الصادق و غيره واذا لك خبره في المجال تعرف البير وغطاه :blush: |
العطور في الخليج درجه ثانيه
نفس الشركات لها فروع في دبي تختلف في التركيز والثبات ساعات في اوروبا اغلي واقوي الحل اتجه الي الشركات الصغيره درعه- اجمل-الرصاصي- سويس اربيان عندهم عطور فرنسيه رخيصه وممتازه |
العطورات الموجودة بالسعودية 3 درجات للتقليد
درجة واحدة للاصلي اولى طبق الاصل بس التركيز اقل وتباع بأغلب المحلات المشهورة وغيرها وثباتها من ساعات الى يومين وبعض التجار الصغار يبيعها بأقل من 100 مثال عطرون مليون اعتقد سعره فوق 250 في احد المحلات المعروفة وثباته حوالي 6 ساعات فمافوق قليلا سعره لدى تاجر صغير 100 ريال بنفس الثبات وهو نفسه بكل شئ - ثانية تختلف في الرائحة وسعرها باقل من 10 ثالثة صينية تختلف بالاسم والرائحة ----------------- العطور الاصلية صعب وجودها في الشرق الوسط إلا بالاختبار لمدة الثبات ومطابقة لون العطر ورائحة العطر واختبار مخبري سعرها مختلف بالخارج وثباتها من ايام الى اسبوع واصلا الثبات يعتمد على الزيوت العطرية يعني بعضها تفوح رائحتها وتطول وبعضها هادئة وما يطول ثباتها وهناك عطور غير موجودة بالشرق الاوسط فقط بالخارج |
وحيد المشاعر
ربي يعطيك العافيه على معلوماتك .. احسن لي اشتريها من الخارج اشكركم جميعا على المشاركه بموضوعي |
|
والله كسبنا منكم معلومات نجهلها ينور عليكم ربي
|
الساعة الآن 01:39 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by