حل مشكلة الكمبرسر في سيارات اوبترا وابيكا وافيو
السلام عليكم من سنه تقريباً خرب معي الكمبرسر انا سيارتي optra ورحت للصناعية قالوا لازم تغير الكمبرسر رحت الوكالة قالوا سعرة 2200 ريال وعند اوتو ستار 1800 لقيته ولا شريته وقلت اصبر على سياره بدون مكيف ولا ادفع لنصابين . المهم قبل اسبوعين انا وواحد وديته يطلع سيارته من الصناعية ودخلنا ورشه جنب الي فيها سيارته وسألته عندك كمبرسر مستعمل قال بشوف لك ودور ورجع قالي شوف صديق انا بغير لك البلف واذا صلح تعطيني 800 ريال قلت واذا ماصلح ؟ قال لاتدفع ولا هلله :) يعني واثق أن المشكله بالبلف قلت بكم البلف عندك قال ب 130 يعني الغبي بيزمط مني 670 ريال قلت لا ماني مصلحه وجلس يحاول رفضت وقبل 4 ايام لقيت باكستاني بيبيع كمبرسر شاريه من الوكاله ب2200 ريال لان في سيارته مشكله ويحسبها بالكمبرسر ولا طلعت فيه والوكاله رفضت ترجع الكمبرسر وأنا وياه من 1200 بيبيعه نزلته الى 500 :p وتصليح + فريون اصلي =700 ريال فقط على فكره البلف دورته مالقيته الا عند الهندي النصاب ورفض يبيع الا لازم هو الي يصلحه المهم الي واجه المشكله هذي لايستعجل يدور بلف ويركبه وان شاء الله يضبط وهذي صورة للكمبرسر ومبين فيها موقع البلف http://nadreamer.googlepages.com/comp.jpg |
مشكووووووووووووووور اخي على التوضيح
|
اشكرك على التوضيح اخي الكريم
|
اقتباس:
يعطيك العافية ما قصرت .. واللي يبحث يلقى الخير بعيد الوكلات |
جميل جدا لازم الواحد يبحث ولايتقيد بمكان واحد
الف شكر لك يغالي انا اعاني من المكيف الى الان |
اقتباس:
نوع سيارتك من الأنواع الي ذكرتها ولا غير ؟ |
اقتباس:
|
اقتباس:
|
اقتباس:
|
أخوي أبي أسأل دام إنك واجهت هذه المشكلة
أولا وش موديلها سيارتك وثانيا هل المكيف يخرب بسرعة للسيارات اللي ذكرت وماهو سبب خراب المكيف معك بمعنى هل كان خرابه فجأة بدون مقدمات أو كان فيه سبب أدى إلى خرابه وهل خرابه بشكل مستمر يعني هل فيه ناس كثير ممن يستخدمون هذه السيارات يخرب معهم المكيف بسرعة وشكرا لك |
اقتباس:
بداية الخراب ياطويل العمر هي بعد مرور سنتين على شراء السياره صار المكيف اذا مشيت مسافات طويله مايطلع هواء لازم اوقف السياره واطفيها نص ساعه بعدين يرجع يطلع هوا ويبرد وعلى هذا المنوال لما قبل سنه صار خلاص مايبرد ابد وياطويل العمر ولد اخوي معه ابيكا وصار نفس الخراب وأكثر من واحد مع نفس السيارات ونفس المشكله طلعت معهم |
اقتباس:
هذا يثبت أن المشكلة مصنعيه ومن المفترض أن تقدم شكوى رسمية للشركة المصنعه أو للإدارة الإقليمية في منطقة الخليج وصورة مع السلام لوزارة التجارة وأخرى للجنة حماية المستهلك...... . |
اقتباس:
الله يعطيك العافية طيب هل كل السيارات كذا يعني خربان خربان لامحالة من بعد السنتين والا كل واحد ونصيبه والموديلات الجديدة 2008 2009 نفس المشكلة أو تم تلافيها |
اقتباس:
|
اقتباس:
لكن إن شاء الله يكونوا عالجوا المشكله بالموديلات الجديده |
اقتباس:
|
تصدقون يا اخوان ان شركة دايو اللي تنتج افيو واوبتر وابيكا . كانت ممتازه وقويه من اقوى السيارات قبل ماتشتريها شركة جنرال الامريكيه . لكن الان تعال شوف , مشاكل في الكهرباء والحساسات والفرامل . والبخاخات . انا اتكلم معكم من واقع تجربه وخبره . تحس ان الاعطال مقصوده ؟
صاحب شركة تأجير سيارات . |
اقتباس:
تصدق فكرت ابيع سيارتي واشري حصان :p لأن مافيه فرق بين سيارتي والحصان اللون أحمر وبدون مكيف |
شكرا على الموضوع
انا عندي ابترا 2005 غيرت لها كمبرسر من التشليح وماظبط بعد كذا اشتريت نوع كوري بـ750 ريال الاصلي في الوكاله قيمته 1400 وركبته بـ300 وما بر رجعت للكهربائي وعباه فريون خاص لسيارات فورد طبع هو يقول قيمته 150 ريال الفريون ونوع الفريون الاول بــ 100 ريال بعد كذا يبرد لكن ماهو اللي يثلج صح خصوصا الظهر تبريده مش ولابد لكن اذا مشت السياره يعطي تبريد يمشي حاله واذا وقفت يخف التبريد هل هناك حل |
انا عندي اوبترا 2006 لما اشغل تبريد السيارة وامشي مسافات طويلة يقل عندي دفع الهواء من خلال الفتحات هل هذا نفس السبب اي بلف الكمبريسر ارجو منكم الجواب:mad:
|
الى اخوي tatal5588 اعتقد ان المشكلة عندك في الفريزر حيث ممكن تنظيفه وانصحك دائما خلي الهواء يدور داخل المقصورة فقط ولا تقوم بسحب الهواء من الخارج عند اشتغال المكيف
|
up
|
اقتباس:
وما ادري ايش الحل على الرغم لما اوديها عند الكهربائيين يقولون مافيها شي وتبريدها زين وكذلك مشكله اعاني منها من بعد ماعديت 60000 الف كم وهي بعض الاوقات لمبة AC ماتشتغل ولايشتغل معها الكمبرسر لدرجة يوم من الايام شغلت المكيف وما اشتغلت لمبة AC وانكسر بلف الحراره |
مقهور من هالسياره حرام بها الفلوس الحين موقفه مدري وش بها
اذا شغلتها تطفى واذا شغلتها ودعست بنزين تكون شغاله واذا وخرت رجلي طفت تتوقعون وش السبب؟ |
اضيف الموضوع لصفحة مقاطعة على الفيس بوك
|
الساعة الآن 08:55 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by