ليش يامرور تبدلون المخالفات ؟؟
ليه يامرور ...
ليه تدبلووون علينا المخالفات ليه تدبلون علينا المخالفات باي وجه حق ؟ باي قانون؟ ،، طيب انا خالفت ولم تغفروا لي .. عطوني جزائي مثل ماهو .. راضي وبعدين ليش اذا تعدت المخالفة شهر تدبلونها؟؟ وبعدين سمعت ان فيه مشايخ يفتون انه مايجوز تتدبل المخالفات لانه فلوس بفلوس بعد مرور شهر اشد من الربا ،،،،،، القصة ،،،،،،، انا اعطاني امن الطرق مخالفة سرعة على طريق الرياض مكة بسرعة 135 كم بالساعة وكل ماادخل البنك احاول اسدد قبل الشهر عشان ماتندبل يقول مانزلت المخالفة بالسستم اي بالنظام لم تدخل حتى الان . وعندما بقى حوالي خمس ايام على انتهاء الشهر نزلوها والان احاول اسدد وتطلع لي هالرسالة من بنك الراجحي رمزالخطا 999: خطأ فى النظام ، يرجى المحاولة لاحقا واخر موعد للسداد بكره ...... :( وانا متأكد انها راح تصير دبل ولا اعلم ليش مخالفة سرعة 135 كم .... قيمتها 300 ريال ؟؟ ليششششش وبكره اكيد بتصير 600 لانه انتهى الشهر خابر جزاء مخالفة السرعة 150 ريال اللي اقل من 140كم |
الله يعينك ...
طيب غير الصراف يمكن منه المشكلة ! |
حاجة تطفش |
هذا ربا صريح
حسبنا الله ونعم الوكيل |
أمن الطرق قطاع طرق
والمرور حراميه والشغله كلها حرام وقهر للمواطن |
أخي مقاطع الجبيل
في مرة من المرات ذهبت اسدد رسوم اقامة قالوا عليك مخالفة مرورية رح سددها قلت غير معقول قالوا سدد قلت ابشروا يمكن انا غلطان وعند التسديد وجدت ان المخالفة هي وضع تضليله وانا سيارتي بدون تضليله . اخوي : بعد التسديد راجع المرور وبين لهم ان التأخر في السداد ناتج عن مشكلة في نظام السداد او ضغط فني على شبكة الاتصالات , وارفق معك الاشعار وادخل على المدير نفسه واشرح له واذا اصر على رأيه الله يعوضك خيرا مما دفعت ويكتب اجرك ويحسن خاتمتك وجميع المسلمين . السؤال هل من حق إدارة المرور شرعا عندما يتأخر قائد المركبة عن السداد أن تضاعف عليه قيمة الرسوم لأن في ذلك المحاذير والاضرار التالية : 1- اجتماع اكثر من عقوبة على سائق السيارة (قيمة المخالفة وتسجل ضده نقاط في المرور ) 2- زيادة الرسوم مقابل التأخير في السداد قد يكون نوع من انواع الربا . 3- قد يكون السبب في تأخر السائق عن السداد هي الاتصالات او ظروف خاصة . بينما هنالك اناس يسقط عنهم الرسوم والرخصة والوثائق الرسمية تجيهم الى منازلهم . |
لاوالله نفس مششكلتي كنت ماشي 120 وانا كنت مسررع في شارع سرعته 100 واعطاني مخالفه ومانزلت شيكت عليها كذا مره ماانزلت تفاجة بعد كم يوم نازله 600
لاكن الشكوى لله http://up3.m5zn.com/photo/2009/5/13/...ky3ei0.jpg/jpg |
كل يوم تعيش فيه محسوب عليك
ومعليكم من المرور بكره الشيخ 000 بيطلع لهم فتواء |
افهمها .. لاتقبل عمليات السداد الا ببطاقات البنوك الأيتمانية لكي يجبرون المواطن على سحب بطاقة ايتمانية من البنك . وين الشيوخ وأصحاب الأفتاء وين مجلس الشورى للدراسات والله حاجة تزعل وتقهر وترفع الضغط والسكر ويمكن تصيب المواطن بالجلطه بس ياليت يعالجونهم بعد الأصابة ويمكن يدبلون الأصابه اذا مالحق نفسه خلال شهر . في اي نظام او دين .... يطبق تدبيل المخالفات . في أي حكومة او بلد .... يطبق تدبيل المخالفات طيب زود المخالفة ( 50 ريال) بعد شهر لكن تدبل المبلغ هذا لايمكن ولايصدق العقل :mad: طيب انا ظروفي على قد حالي ولا أملك قيمة المخالفة حاليآ بأي حق تدبل المبلغ علية وتجبرني ان أدفع دبل المبلغ وانا لا املك المبلغ الاساسي . -------------- ســــــؤال..؟ قدر الله واعطاني رجل المرور قسيمة مخالفة بــ 900 ريال ولكن لاأملك المبلغ حاليآ وبعد شهر سوف تصبح 1800 ريال هل يجوز ان اسدد المخالفة ببطاقة الايئتمانيه والبنك يأخذ فوائد مالية عند سداد البطاقة في البنك او اسرق المبلغ لتسديد القسيمة قبل أخر الشهر وتصبح دبل لانني اذا لم اتصرف واسرق المبلغ المطلوب سوف (أنسرق) بدبل سعر المخالفة بدون وجه حق . |
من الخطر ان تعيش في غابة ثلاث ارباعها بشر مسعور
|
الامر كله ربا في ربا
لكن فين بيروحون يوم القيامة ؟ |
فعلا المخالفة ماتنزل بالسيستم بسرعة ليييييييييييش ؟؟؟؟؟؟؟؟؟؟؟؟؟؟؟؟؟؟
|
أنظمة السداد الإلكتروني لم تخدم المواطن بالصورة الصحيحة
وأضاف إلى المواطن بند من قائمة الإستغلال من قبل مكاتب السداد ومن يملك حساب قد يواجه صعوبة في مرادفات أنظمة السداد فضلاً عن عدم السداد كما ذكرت والله يعوضك خير وياريت تسوي زي ماقال أخونا عبدالله بن علي أطبع (برنت) من صفحة إشعار الخطأ من نفس الموقع وأرفقه مع إشعار السداد . ولاتنسى البنك فقد يكون التقصير من عندهم . |
المعلومة فيها بعض الخطأ ...
حسب ما سمعت و قرأت فالمخالفات لاتدبل بل ترفع للحد الأعلى .. بمعنى لو المخالفة حدها الأدنى 300 و حدها الأعلى 500 .. أول ماتصدر ضد المواطن تصدر بالـ 300 و إن تمكن بقدرة قادر من سدادها فالحمد و الشكر لله .. أما إذا بائت جهوده بالفشل و مر عليه الشهر فسترفع المخالفة للحد الأعلى إللي هو 500 ريال. هناك مخالفات سترفع أقل من الدبل و هناك مخالفات سترفع دبلين .. مثل المخالفات إللي حدها الأدنى 100 و حدها الأعلى 300. المشكلة ليست في المخالفات بحد ذاتها .. الخطأ عادة خطأنا و نستاهل المخالفة (نمشيها لهم على إفتراض مافيه ظلم و مخالفات تكتب عمياني) لكن المشكلة في عدم تسجيلها و بالتالي تمكين المواطن من سدادها إلا بعد مرور الشهر عليها مما يعرضها للرفع و المواطن للغبن. |
سدد بعدين ارفع تظلم
وش رايكم ؟؟؟؟ |
اقتباس:
يا أبو هشام // جيت بتكحلها ........... عميتها :D تقول: لايوجد دبل في سعر المخالفة حسب ماسمعت !!! وتقول: ترفع المخالفة للحد الأعلى .... يعني زيادة في سعر المخالفة من 100 ريال ................ الى 300 ريال . هل هذا يعتبر دبل مرتين للمبلغ او الحد الأعلى للمبلغ الموضوع هو نفسة دبل او الحد الاعلى ولكن بطريقة دبلوماسيه :think: |
فعلا يابو هشام مصيبه والله انا رجعت للورقة الصفراء حقت المخالفة وجدت بها مكتوب
مخالفة مرورية الحد الادنى لمدة ثلاثين يوم وبعد ذلك يطبق الحد الاعلى حسبي الله ونعم الوكيل يعني ماكتفوا بالدبل بل وصولوهااا للحد الاعلى ( اعلى سقف ) يعني اكثر من الدبل بكذا مره شكر جزيل لكم من عقب ورد على الموضوع فعلا وين المشايخ اللي بس يفتووووون لصالح الدوله ليش مايفتون لصالح المواطن !!!! !! |
| الساعة الآن 12:16 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by