قصتي مع توكيلات الجزيره...؟
السلام عليكم كيف حالكم اخواني واخواتي الاعضاء انا جديد على هذا المنتدى وبصراحه انا متحمس جدا للمقاطعه لا لاثاره المشاكل ولكن شر لابد منه..؟ ويعني الين متى احنا يالشعب السعودي الطيب نسكت.. وبصراحه احس بالمسؤليه معاكم يعني اذا ما تحركنا احنا وما تكلمنا مين بيتكلم...؟؟ وانا اعتبر نفسي في مهمه ولازم انجزها على اكمل وجه.. المهم : قصتي هي في شهر الحج اللي فات اشتريت سياره من توكيلات الجزيره فرع اوتو مول في طريق الملك وطبعا عرض على الموظف اضافه تظليل عازل بمبلغ وقدره الفين ريال وسألته قلت ايش الشركه اللي تسويه قالي شركه امريكيه خاصه بالتظليل... قلت خلاص طيب (على العلم انه انا اشتريت سياره من عندهم كان المفروض يعطوني تخفيض) المهم جيت استلم السياره وجدت وسألته قلت السياره تظللت قال ايه قلت وين طيب الاستكر...؟ قال مافي ستيكر للشركه هذي طبعا استغربت من كلامه ... بس مع فرحتي في السياره ما دققت على كل شي بعدها بيومين والله الحراره تخش في السياره كاني مركب تظليل صيني مامنه اي فايده نهائيآ...!؟ دقيت على الموظف قلت له ياخي اش الشركه السيئه اللي ظللت التظليل ذا قال لي لا هذي شركتنا الي سوت التظليل (ماشالله تبيع السياره وتسوي لك تظليل) قلت كيف تقول لي انها شركه مختصه في التظليل قال لي الشركه المختصه المندوب حقها مو فيه وانا ماكنت ابي أأخرك على استلام السياره قلت له ياحنوووووون :blush: طبعا رفضوا يغيرون التظليل ورفضوا يعطوني عقد للتظليل ورفضوا يعطوني ضمان خاص للمرور ورفضوا يعطوني ضمان خاص بالتظليل ورفضوا يرجعون لي فلوسي وتنتهي الحكايه قعدت ثلاث شهور وانا اطارد وراهم والمشكله انه انا من سكان مكه واطلع جده كل شوي وطفشت منهم الحين يمكن لي ٧ شهور على القصه هذي طبعا في احد الاخوان اشتكى لوزاره التجاره والصناعه وحط الرابط في الموقع وانا دخلت وسجلت بلاغي وكتبت رقم جوالي ودق على امس الموظف واستفسر عن بعض الاشياء وقال خلاص وقفل وبعدين ارسلت لي الوزاره رساله انه سيتم التعامل مع بلاغك وسنوافيك بالجديد وبس تتوقعون يسوون شي يا جماعه افيدوني وعذرا على الاطاله |
شرفت المنتدى .... وتاكد لايضيع حق وراءه مطالب .... الله ينصرك عليهم واذا نجحت تاكد انك تساعد نفسك اولا واخوانك المظلزمين من قبل التجار والمحتكرين
|
انا عندي فورد اكسبلورر وماشي 100% ما شاء وقبل اسبوعين اتصلت علي مندوبه لهم وقالت انه فيه صيانة مجانية للمكيف فقلت لها مكيف السيارة ممتاز فقالت حنا نبي منتزه اكثر ونخليه اكثر بروده ومجانا فاستسلمت وذهبت للصيان بطريق خريص فقالوا لي هناك قطعة بالقير يجب ان نركبها وفي نفس اليوم ستلمت السيارة وافادوا انه تم تغير القطعة وتفجات ثاني يوم ان سيارتي بدات تطفي لوحدها والكيف ما عاد يشتغل فرجعت عليهم
فقال لي احد مسئولي الصيانة وهوسوري ان سيارتك لم نلمسها ولم نغير فيها شيء فقلت له كيف تطلبون السيارة وتخلوني بدون سيارة ثم تسلومني السيارة على ان القطعة ركبت فيها والان تقول لم نغير شيء في السيارة ولم نلمسها وبعدها ايضا استسلمت وقمت باصلاح السيارة على حسابي بمبلغ تجاوز الا 1300 ريال حسبنا الله ونعم الوكيل |
ابو عقيل ..حياك اخوي ..
وجيد انك قدمت شكوى . وهذا المفترض اي مستهلك متضرر عليه ان يقدم شكوى ويطالب بحقه حقوقنا كمستهلكين مكفوله ولكن يبقى علينا ان نطالب بها |
اقتباس:
الله يعينك .. هم ماعطوك اوراق بعد الصيانه ؟ وهل سياراتك مازال ضمانها ساري ؟ راجعهم وطالبهم بالاصلاح ما خربوه |
اقتباس:
وانشالله اني انجح في التغلب عليهم حسبي الله ونعم الوكيل وشكرا |
اقتباس:
لكن انا انصحك تخش موقع وزاره التجاره وتقدم بلاغك هناك تعرف كل ما كثر العد كان افضل والله يقويك وهذا الرابط http://www.mci.gov.sa/mok2/form.asp قدم شكواك والله يكتب اللي فيه الخير وينصر الحق |
اقتباس:
لكن بحكم خبرتك تتوقعين وزاره التجاره تسوي شي لي ولا بس اجراءات روتينيه وخلاص..؟؟ |
ابشركم يا جماعه اليوم دقو علي الوزاره وقالو لي تعال في اي وقت وراجع الوزاره الدور الثامن
مكتب الموظف خالد معيوف... على ما اتذكر وقاللي الي اتصل علي دق على ذا الرقم في اي وقت عشان اوصف لك المكان اذا كنت ما تعرفه والله الشباب ما قصروا فيهم الخير؛ لكن على الله نطلع بنتيجه قولو امين، |
اقتباس:
حياك اخوي,, عذرا منك لتو شفت ردك :) باذنه تسترد حقك ... هذا اخو لنا في المقاطعه اشتكى على احدى شركات المكيفات واخذ حقه اضغط هنا فضيحة شركة سهم المستقبل - الجزء الثالث - شكر خاص لادارة مكافحة الغش التجاري (https://www.mqataa.co/vb/images/style.../multipage.gif 12) اقتباس:
والله يرد لك حقك |
سيارات توكيلات الجزيرة غير جيدة
|
ما يضيع حق وراه مطالب:thumbsup::thumbsup:
وابشركم يا أخوان ان المواطن اصبح اكثر وعي واصرار على اخذ حقه وبالطرق النظامية وكل ذلك سوف ينعكس إيجابياً عليه من حيث الخدمات التي ستقدمها الشركات أو المؤسسات له مستقبلا |
اقتباس:
الوكاله سيئه جدا لكن بالنسبه لفورد انا من عشاقها ترا شركه قويه وممتازه |
اقتباس:
بس المشكله هنا ان بعض المواطنين يقول ليش انا انسان صغير اروح اشتكي شركه كبيره او وكاله مستحيل اخذ حقي منهم ما يدري انه هذي الوكاله اذا انت وانا وفلان وفلان اشتكوا راح تتغير الوكاله كااامله من ناحيه المعامله ومن ناحيه الخدمات يعني لازم ما يسكت احد عن حقه لان القانون لا يحمي المغفلين والمغفل هو اللي ما يروح يشتكي...!؟ |
ارسل ايميل على المقر الرئيسي في دبي وحوسونهم لك بس بكل شي صار والله اعرف واحد لما اشتكى عليهم في دبي هم صاروا ايدقوا عليه عشان يحدد موعد الصيانه
وقول ابومنه ماقال |
ارسل ايميل على المقر الرئيسي في دبي ويحوسونهم لك بس بكل شي صار والله اعرف واحد لما اشتكى عليهم في دبي هم صاروا ايدقوا عليه عشان يحدد موعد الصيانه
وقول ابومنه ماقال |
اقتباس:
انا اول شي ابي اشوف وزاره التجاره والصناعه وش تسوي بعدين اذا شفت مافي امل ارسلت ايميل هناك لكن شكرا على جهودك حبيبي |
ابو عقيل
لاتترك حقك يذهب سدى هذة المعلومات تهمك 1- الشركة ترخيصها للصيانة فقط وهي جالسة تظلل السيارات وهذة مخالفة صريحة . ( أستخدام الترخيص لغير الغرض المرخص له ) 2- مو من حق الشركة عدم أعطاؤك عقد يبين العمل والأجرة المتفق عليها . خلك وراهم وأشتكهم عبر أرسال بريد إلكتروني إلى شركة جنرال موتورز بأمريكا ولكن باللغة الأنجليزية وحط بالأخير اسمك - رقم جوالك -بريدك الألكتروني ورايح توريهم شي ماشافوة . وبالأخير لاتقبل أعادة التظليل مرة أخرى ولاتقبل إلا بأعادة المبلغ لك وأتمنى لك التوفيق |
تم نشره على صفحة مقاطعه على الفيس بوك
|
اقتباس:
شكرا لك اخي العزيز معلومات مهمه راح آخذها في الحسبان |
وين المسئولين عن الشركات المحتاله على المواطنين
اسعد الله مساكم
ياإخواني هذه قصتي مع توكيلات الجزيره: اشتريت من عندهم كراون فيكتوريا 2010 زيرو يوم مشيت 20000الف كيلو شب سقف السياره من الداخل وطفيته في البدايه وكل شوي ينزل علي دخان من السقف ولمبات السقف ماتشتغل ولمبات الريوس شغاله ولمبات الطبلون كلها والعه والسياره مطفيه شكيت ان السياره فيها ماس كهربائي وفكيت علبة الافيوزات وحصلت افيوز ذائب ونزلته ورميته ووديت السياره لوكيل توكيلات الجزيره في الطايف(الثمالي)الزفت وقابلت في الاستقبال موظف سعودي لابس ثوب ملون له سنه ماغيره وشرحت له المشكله وقالي خلي السياره عندنا ونكشف عليها ونرفع للفرع الرئيسي في جده ونتصل عليك جلست السياره عندهم خمسه ايام ولااتصل عليه المعفن ويوم جيتهم قال جانا الرد من جده قبل يومين قلت ليش مااتصلت بي قال والله اتصلت مارديت علينا الكذاب ماحبيت اطول الكلام قالي السياره فيها ماس كهربائي خطير والفرع الرئيسي بجده يقولون ان الضمان لايشمل الماس اللي حصل في سيارتي وسألته ليش مايضمنها الضمان ؟قال ماأدري؟وتهاوشت معهم لان الماس سببه عيب في التصنيع وانا ماقد غيرت اي شي في الكهربا ولاحتى زينون والمفروض منهم انهم يرضوني بأي طريقه بسبب عيب التصنيع وكمان المفروض منهم ان يعوضوني بسياره جديده بدل من السياره حقتهم الله لايوفقهم ولا يعوضوني بسياره مؤقتاً حتى يتم اصلاح خردتهم وعندما اشتد الجدل اتى المدير وقال ابشر خلي السياره عندنا وحنا نصلحها قلت طيب والان السياره عندهم لها 12 يوم ولافكوا فيها مسمار واحد ويقولون زحمه والسياره بتاخذ وقت عندنا قمت اتصلت على الشركه في دبي وشرحت اللي حصل معاي وقالوا انهم بيتابعون مع توكيلات النصب في جده مع العلم اني اتصلت اكثر من الف مره على الصيانه في جده ويرد عليه مأمور السنترال ويحولني على تحويلات ماحد يرد عليها وكمان اتصلت على الرياض وما عندك احد ولا احد يعبر مادري انا فين اروح؟ غلطتي اني ماخليت السياره تولع الين تصير فحمه واطالب شركة التأمين بالتعويض بالقيمه او سياره جديده بس خفت انهم يمكن يكونون نصابين وانا الضحيه في جميع الحلول, ايش اسوي يااخواني مع هذا الحظ الطايح؟؟؟؟؟؟؟؟؟؟؟؟ |
السلام عليكم ورحمة الله وبركاته كل عام وانتم بخير اليوم الصبح جالس مع واحد من الشباب وحكى لي قصه حصلت مع صاحبه صاحبه الله يسلمكم شراء جمس جديد وعمل صيانه مرتين في الوكالة حسب الجدول وبعد بفتره وقف ولا راح للصيانه بعدها خربت السيارة وداها الوكاله قالوا له المكينته تحتاج تغيير قال طيب بدلوها على الضمان قالوا له لا انت ما مشيت على جدول الصيانة بالتالي سيارت حتى لو ما عدت 100 الف كيلو او 3 سنوات يعتبر الضمان لاغي!! قال لهم عندكم غير الكلام هذا .. قالوا له لا راح البيت شغل الكمبيوتر وراسل الشركة في دبي رجعت الوكالة هي اللي تطرد وراه غيروا له المكينه واصبح من الناس اللي اذا دخل الوكالة يهزها هز الشغلة بسيطة جدا مجرد ايميل او اتصال وبس .. |
| الساعة الآن 05:31 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by