كم تبلغ ميزانيتك الشهرية؟
 

ال>ي شدني لكتابة ه>ا الموضوع هو ه>ا الخبر في جريدة الرياض

http://www.alriyadh.com/2008/02/11/article316771.html

وحاء في الخبر

ويروي الطالب عبدالله الشهري معاناته قائلاً انه تجاوز الفترة المحددة والقانونية للدراسة الجامعية اي انه امضى خمس سنوات بالجامعة مما ادى الى قطع المكافأة عنه وسبب له حرجاً كبيراً خاصة وانه على وشك التخرج. مؤكداً ان جميع الاسعار ارتفعت عن سابقها فأصبحت وجبة الغداء بمبلغ (15) ريالا وكذلك الإفطار بمبلغ (5) ريالات والعشاء ب(15) ريالا مما يعني ان الطالب قد يدفع مبلغ 35ريالا للأكل فقط أي بمعدل 1050ريالا شهرياً وكذلك مبلغ مائة ريال مقابل أجرة غسيل الملابس وكذلك 300ريال قيمة وقود السيارة إضافة للسكن والذي يقدر ب 1000ريال شهرياً مما يعني أنه يدفع 2450ريالا شهرياً للطالب المقتصد

ملخص نفقات الاخ عبدالله
35 ريال للغ>اء يوميا = 1050 ريال شهريا
100 ريال غسيل ملابس
300 ريال وقود سيارة
1000 ريال ايجار سكن

المجموع 2450 ريال شهريا

ما رايكم في ه>ه الميزانية؟

عن نفسي ساقوم بوصع ميزانيتي في الرد القادم , والدعوة مفتوحة للجميع لوضع ميزانياتهم

أخوي أحمد والله مدري أخاف أحبطك لكن وبكل أحباط.......... الأن تبداء بداية قصة الفراش السعودي. باي باي أيام البطرة أهلين أيام الشقى

انا من الناس الذين تعاملوا بما يسمى ميزانية
وكانت شهريآ حوالي الــ1500ريال شهريآ لكل
شخص ممن تعولهم بما فيها الايجار ومصاريف البيت
والسيارة والكماليات والاساسيات ...
ولكن بعد موجة الغلاء ارتفعت الفاتورة الى
الــ2300 ريال
ما اقول إلا الله يعين

والله يا احمد

هذا الموضوع يوجع القلب ...

صبراً جميل والله المستعان

السلام عليكم

اشكر الاخوة على التفاعل لكن...

مقاطعهم :) اعترف كم ميزانيتك؟؟؟؟ الله يعين كل محتاج

العلالي :) الميزانية كم؟

عربان :) :), 2200 لكل فرد شوية عالية :eek: يعين لو العائلة 5 افراد في الشهر مزانيتك توصل 11000 ريال؟

هيفون :) الله يعيننا ويعينك , بس هات الميزانية؟؟؟؟؟

بالنسبة لي وزوجتي وبدون اطفال الميزانية كالتالي ..

50 ريال بنزين ( الكورولا حبوبة وانا اصلا مشاويري نوعا ما قليلة ) <<<<<<<<<<<< بيتوتي

300 ريال اكل مطاعم ( السيدات الايام هذه يطبخوا حسب المزاج :D )

450 ريال مقاضي من كاررفور ( موادتنظيف مواد غذائية , الصراحة اشياء قليلة بس الفاتورةوصلت 450 :mad: )

50 ريال غسيل سيارة , قبل سنة كنت اغسل السيارة بنفسي بس المشكلة لمن نقلت للشقة الجديدة صار فيه احراج شوية )

100 ريال مؤتمرات طبية <<<<<<<<< انسان مثقف :D

350 ريال موبايلي كوننكت ( هذه احسها عالية باحاول اشوف لها حل :mad: )

100 ريال مقاضي خفيفة من البقالات

625 ريال ايجار في الشهر ( 7500 في السنة )

80 ريال كهرباء

150 صيانة سيارة ( تقريبا في السنة 1800 ) اوديها للشركة مرة في السنة وفاتورتهم شوية عالية بس الكورولا بنت عوايل وتستحق التدليل :D

فاتورة جوالين 300

المجموع 2555 ريال

مع العلم اني ساكن في جدة والعائلة فردين انا واميرتي <<<<<<< انسان رومانسي


اي اقتراحات للتوفير ؟؟ اوتعليقات ؟

اتمنى ان يشارك الاخوة بميزانياتهم حتى لو بشكل عام حتى نستفيد من بعض , و نعطي طابع عملي للمنتدى ...

والله يرزقنا ويرزقكم ...

انت انسان اقتصادي جدا ..

بصراحة انا ما عرف شي اسمه ميزانية
بس اسحب من الصرف كل ما احتجت
لكن هاللي فوق ميزانية ناوي تمشي عليها او معتمده عندك !!!!!!!!
ايجار الشقة مو معقول بهالقيمة الشقق نار
الكهرب 80 ريال !!
البنزين حق اسبوع او شهر!

هو بقى شي ما وفرت فيه ما شاء الله ربي يبارك لك

الله يبارك لك ... ونعم الرجل هذا الرجل ... بشد الرآء ...

تحية عسكرية :) للمشرف معا ضد الغلاء , يقولوا في خيط رفيع بين التوفير والتقتير , وكلنا نحاول نوازن بينهم , تشجع وحط ميزانيتك :) ....

مشكورة على المرور مقاطعتهم , كاقتراح شهر مارس يبدا السبت الجايلو تبداي وتحسبي الميزانية

بالنسبة للبنزين كان 50 ريال في شهر يناير , وفي فبراير وصل الى الان 45 والشهر ينتهي بعد يومين
عندي ميزة على غيري , السيارة كورولا جير عادي صرفيتها في البنزين ولله الحمد ممتازة , ما احب استخدم مكيف السيارة وهذا يوفر في البنزين , سواقتي هادئة من 80 الى 100 كم ( لاني صراحة غشيم في السواقة وسويت كم حادث قبل كذا :d ) السواقة الهادئة توفر البنزين , السرعة فوق 120 والتغيير المفاجئ في السرعات يحرق البنزين
مشاويري متوسطة, اسبوعيا انزل من جدة الى مكة, المشوار الى العمل ربع ساعة ذهاب وربع ساعة اياب , لكن حسب ما اعتقد اغلاق المكيف والسرعة الهادئة تحافظ على البنزين

بالنسبة للكهرباء انا استغرب انك مستغربة , في الشقة اللي كنت اسكنها بمكة كانت فواتيري 50 او 45 والغالب 60 واذا كثرت مرة فاعلى فاتورة كانت 81 ريال

في الشقة اللي اسكنها حاليا ماعندي عداد خاص بالكهرباء فصاحب الملحق حسبها ووصلت 80 في الشهر
امر اخر يوفر الكهرباء انه كاطباء عندنا مناوبات في المستشفى , فالشهر اللي راح تقريبا 7 ايام ونص كنت خارج البيت والمدام عند اهلها فهذا يخفف الضغط على الكهرباء

بالنسبة لايجار الشقة , هي اساسا ملحق في اعلى فيلا , صاحب الفيلا يبغى يؤجر الملحق لكن لشخص يعرفه , الملحق صغير غرفتين ودورة مياه وجزء من السطح مع دورة مياه فايجارها كما ذكرت ممتاز 7500 في السنة 625 في الشهر



قبل سنة كنت اسكن في شقة ب 3 غرف والايجار 15000 في السنة يعني 1250 في الشهر , بس الحمدلله الملحق هذا وفر في الميزانية

هذه مهي ميزانية معتمدة , هذا مجرد رصد وحساب مع محاولة التوفير حسب الاستطاعة بس اعتبر ال 3000 ريال شهريا خط احمر يجب عدم تجاوزه

ننتظر ميزانيتك الشهر المقبل...

حياك الله مهندس سيمو الله يبارك لك وبما انك مدحتني فلازم امدحك , فالصراحة اهم ناس في البلد هذه هم المهندسين , والشاعر قال : قم للمهندس وفه التبجيلا :d والمثل : يقول زوج بنتك مهندس ولو ماعنده مهر :)
الميزانية فين؟؟ انت مهندس مالك عذر , حياتكم كلها ارقام وحسابات , خلي الكيبورد يغرد بميزانيتك..

حيا الله الدكتور احمد

ماشاء الله عليك ماشيه معاك حلو بالذات هالكورولا الله يحفظها من الحوادث والتنتيع ويسلمك ربي واهلك من كل شر.

خذ الميزانيه ياطويل العمر ( برضه انا ونصفي الاخر < يمديك على هالرومنسيه :d )

ايجار شقه 1000 ريال بالشهر ( غرفتين وحمامين اكرمكم الله وصاله كبيره ) شامله الماء ( نشرب من الحنفيه مباشره راعي العماره مايتعامل الا مع الصحه).
مقاضي شهريا من المستهلك ( 500 ريال ) و ( 200 ) خضار وخبز من البقاله.
الكهرباء حدود 60 الى 70 ريال.
جوالات وانترنت حدود 500 ريال في الشهر.
والسياره مع كم وجبه من خارج البيت تقدر تقول بباقي المبلغ.

الميزانيه بشكل شهري 3000 ريال واحيان تنقص واحيان تزيد شوي ( لازم اخبص ).

والحمدلله رب العالمين على نعمته ويارب يحفظها لنا من الزوال.

طبعا يفيض عندي والحمدلله مبلغ شهري من راتبي وراتب المدام ونحاول نرفع الفائض للمستقبل واهم شي الوالدين ماينقصهم شي دعاء الوالدين ورضاهم اكبر نعمه في الدنيا.

اقتباس:

450 ريال مقاضي من كاررفور ( موادتنظيف مواد غذائية , الصراحة اشياء قليلة بس الفاتورةوصلت 450 :mad: )

والحمدلله يابو حميد بنقل من الشقه هذي اليومين.

لقيت شقه 4 غرف وحمامين ومطبخ وصاله فقط 16 الف ريال سنويا عيبها دور ثالث من غير مصعد بس مايهم اهو رياضه والمويه سالت الحارس قال كل شي من الصحه.

الزوجه تشتغل ياطويله العمر والحمدلله رب العالمين ربي رزقني بانسانه عاقله تخاف الله.

فساتين الافراح وكذا تفصل واحد او اثنين يستمروا فتره طويله ممكن تقولي 4 شهور بخطه رهيبه.
زوجتي عندها اخوات وصديقات فيستعيروا من بعضهم الفساتين وعمليات تبادل تجاري حتى باطقم الذهب والاكسسوارات. ( وبصراحه ماتشتري فستان اغلى من 1000 ريال كحد اقصى اقصى اقصى والا في الغالب من 600 ونازل) في حريم من عائلتنا تشتري الفستان بمبلغ اكثر من 4 الاف ريال ؟؟؟؟؟؟؟؟؟ تلبسه فرح او اثنين وترميه في الدولاب؟؟؟؟؟؟ < وش رايكم في الاسراف.

وغالبيه الاشياء الباقيه تشتريها من راتبها.

اهم شي مبلغ معين تخليه فائض ميزانيه ( احيان يجي ظرف فجأه يصير تغطي من هذا الفائض).

بالنسبه للناس عشاق السفر عندي لكم طريقه حلوه ومجربه.

اشتركوا في جمعيات بمبلغ معين كل شهر يناسب دخلكم مثلا جمعيه من 12 فرد كل واحد 1000 ريال والمبلغ اللي يطلع لكم تسافروا فيه اي دوله تبونها وبكذا تتنظم ميزانيتكم اكثر ( اذا كان السفر ضروري جدا ).

الهديه بمعناها وبقيمة اللي يقدمها مش بسعرها في السوق.

بالنسبه لنا في الغالب الهدايا للقريبين جدا جدا تكون شوكولا من باتشي ( مايتعدى سعره 200 ) واي حاجه خفيفه للنونو وممكن مبلغ 100 او 200 ريال باليد حاليا اشوفها انسب شي.

البعيدين في الغالب 50 او 100 ريال باليد وعائلتنا كبيره بس الولادات في السنه كلها ماتوصل 4 او 5 وتنزل في قائمه مصاريف نثريه.

واضح انك من مصر ولو ماعليك تكليف قلي كم رواتب المدرسين الحكوميين في مصر حتى نشوف الميزانيه مع معدل دخل المدرس عندكم.

احمد صبان < موضوعك شيق ومفيد جدا ومن اهم الاسباب المؤديه للمحافظه على اموال الاسر والغريب اني ماشوف في اقبال كبير عليه والكثير قرأ الموضوع بس ماشارك ؟؟؟؟؟؟

خلونا نتساعد حتى كل واحد فينا يعرف وين تروح فلوسه.

والله بديت احسدكم على مصاريفكم (ما شاء الله تبارك الله ما تصرفون شي)

بالنسبة لي المصاريف الشهرية المؤكدة والي ما منها (مناص) اي مهرب هي كالتالي:

وقود وفي رواية (بنزين) = 200 ريال

دخان وفي رواية (تتن) الله يفكنا منه = 240 ريال

فاتورة تلفون ثابت = 300 ريال تقريباً كل شهرين يعني في الشهلا تقريباً 150 ريال

فاتورة جوالي = 450 ريال تقريباً كل شهرين يعني في الشهر تقريباً 225 ريال

جوال المدام = 800 ريال تقريباً كل شهرين يعني في الشهر تقريباً 400 ريال :mad:

جوال الصغنونة = 200 ريال تقريباً كل شهرين يعني في الشهر تقريباً 100 ريال

فاتورة الكهرباء = المعدل الشهري تقريباُ 350 ريال

مقاضي البيت (مطبخ) = اسبوعياُ حوالي 900 ريال يعني بالشهر تقريباُ 3600 ريال شامل زيارة واحدة اسبوعية لمطعم

كراتين ماء صحة (للشرب) = عدد 15 كرتون (12 علبة سعة 1.5 ليتر للكرتون) شهرياً بحوالي 200 ريال

للزوجة (مكافئة مقطوعة) = 1500 ريال شهرياً

للبنت 6 سنوات (مكافئة مقطوعة) = 750 ريال شهرياً

للولد سنتين (مكافئة مقطوعة) = 500 ريال شهرياً

رسوم مدرسة البنت = 9000 سنوياً يعني معدل 750 ريال شهرياً

ايجار الشقة = 30000 ريال سنوياً (اعتباراً من الان) بمعدل 2500 ريال شهرياً

ملبوسات وكماليات واشتراكات وغيرة = حوالي 1800 ريال

غسيل السيارات والدرج = 170 ريال شهرياً


يعني بالشهر تقريباً 13,435 ريال شهرياً

وما خفي كان اعظم (يعني الواحد سبحان الله يعزم له احد او يصير عندة مناسبة او يهدي فلان تزوج او فلانة جاها مولود او الفلان نزلو بيت جديد و طبعاً ما ننسى ام فلام بتسير علينا رح قش الي بالسوق كله وجيب لها هدية اول مرة تدخل بيتنا و البنت تبي هدايا لصاحباتها والسيفون خرب والمكيف يطلع ماء وجيب سباك وكهربائي وفلانة بتتزوج يبيلها طقم وغير طقم الجلوس الي بغرفة التلفزيون صار له سنتين:confused: ونبغى ناخذ لنا شاليه للويك اند العيال طفشانين و الصيف يمدحون المالديف ملينا من استراليا وماليزيا وووووو اااااااه) :mad::mad::mad:!!!



هذا وانا افكر اتزوج الثانية :D!!! يا والله الي مافي امل :(!!!

تصدقون يوم جيت احسب الحين وعمري ما حسبت من قبل لقيت اني لازم اشوف بعض النقاط واقتصد فيها واولها جوال المدم و المكافئة حقتها :D !!!

.

.


.

ماشاء الله تبارك الله

اقتصادي

بس كونكت غاليه لو تشترك في باقه اقل او dsl

صرخة
مكافئةمقطوعه تقصد فيها ادخار بالبنك (اقتطاع شهري)
ان كانت ادخار بالبنك فهذا شي جيد وياليت تزيده لهم
ان كان مصروف للبنت والولد فهو كثير وش اعمارهم يصرفون هالصرفية
جوال الصغيرة ضروري!!!!
900 ريال كل اسبوع وانتم عائلة صغيرة يبي لكم ترشيد مع ربط حزام
صرخة مواطن هذا تبذير

اخوي صرخة مواطن:

اول شي ماشاء الله عليك الله يزيدك من نعيمه ويبارك لك في رزقك.
نجي لنقاط كلامك.
ليه مامنها مناص؟؟؟ اذا انت ناوي تغير كل شي بيتغير.

وقود وفي رواية (بنزين) = 200 ريال

هذي النقطه ما اناقشك فيها.


دخان وفي رواية (تتن) الله يفكنا منه = 240 ريال

الله يفكك منه ( شكلك تشرب ال ام خفيف بمعدل بكتين في اليوم ).

فاتورة تلفون ثابت = 300 ريال تقريباً كل شهرين يعني في الشهلا تقريباً 150 ريال
برضه هالنقطه ما اقدر اناقشك فيها لانها في حدود المعقول بس جرب تفصل الصفر الدولي والداخلي مادام الكل معاه جوال.

فاتورة جوالي = 450 ريال تقريباً كل شهرين يعني في الشهر تقريباً 225 ريال
معقول.

جوال المدام = 800 ريال تقريباً كل شهرين يعني في الشهر تقريباً 400 ريال :mad:
كثير ياطويل العمر بس لعيون المدام برضه يهون.

جوال الصغنونة = 200 ريال تقريباً كل شهرين يعني في الشهر تقريباً 100 ريال
حتى الصغنونه نقول فداها ال 100 يالله ولاتنحرم من شي تعودت عليه رغم اني ضد اعطاء الجوال لمن هم اصغر من 18 سنه بالذات من البنات لانك كذا تسهل لهم الحركه بعيدا عن عيون الاهل ويضعف الرقابه عليهم.

فاتورة الكهرباء = المعدل الشهري تقريباُ 350 ريال
كثير جدا بس واضح ان عندك اجهزه كهربائيه كثيره والبيت كبير واكيد عندك شغاله ممكن بشوي اقتصاد تنزل الفاتوره الى 150 ريال.

مقاضي البيت (مطبخ) = اسبوعياُ حوالي 900 ريال يعني بالشهر تقريباُ 3600 ريال شامل زيارة واحدة اسبوعية لمطعم.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بكل اختصار هذا المبلغ يكفي عائله مكونه من 8 افراد لمدة شهر وانتم اقل من 5 وتقضونه باسبوع؟؟؟ اخوي لازم تركز في هالموضوع اذا قلت لي تشتري من المطاعم كل شي ممكن اعذرك لكن طبخ منزلي وبهذا المبلغ ؟؟؟ يعني بالشهر 3600 ريال بس مقاضي؟؟؟؟؟ الله يزيدك من نعيمه لكن حاول تشوف انتوا ايش تشتروا وتذكر نعمة الله عليك واسمحلي اقلك في تبذير كثير واسراف انت بتحاسب عليه وباكر ابنائك بيعانوا في بيوتهم واسرهم المستقبليه لانهم تعودوا على مستوى معين واكل معين.

كراتين ماء صحة (للشرب) = عدد 15 كرتون (12 علبة سعة 1.5 ليتر للكرتون) شهرياً بحوالي 200 ريال
حاول تشتري جوالين حجم اكبر يعني ابو 10 لتر والا ابو 20 لتر وتعبي منهم في عبوات صغيره توضع بالثلاجه.

للزوجة (مكافئة مقطوعة) = 1500 ريال شهرياً

للبنت 6 سنوات (مكافئة مقطوعة) = 750 ريال شهرياً

للولد سنتين (مكافئة مقطوعة) = 500 ريال شهرياً
على قولة مقاطعتهم اذا كانت مبلغ ترفعه لهم للمستقبل حلو اما لو انه شي يدفع شهريا يصرفوه فهذا اسرااااااااااف . اخوي 1500 ريال بالشهر للزوجه وجوالها مسدد وخدامه تقوم باشغالها ومقاضي البيت وكل شي انت تدفع قيمته ؟؟؟؟؟ طيب وش فايدتها هي ؟؟؟؟ تقول تبي تتزوج وحده ثانيه ؟؟؟ منت مرتاح مع الاولى؟؟؟؟؟؟ فعلا مافي احد مرتاح لا الغني ولا الفقير؟؟؟ البنت 750 ايش تسوي فيها؟؟؟ الطفل اللي عمره 2 وش يسوي ب 500 ريال؟؟؟؟؟؟؟ اعذرني انت مسرف جدا.

رسوم مدرسة البنت = 9000 سنوياً يعني معدل 750 ريال شهرياً
اهم شي راضي عن المدرسه لان غالبيه المدارس الخاصه مجرد استعراض ودف درجات لكن مافي علم فعلي ( انصحك بالمدارس الاجنبيه ) وان كان فيها اختلاط وهالشي اللي مانبيه لكن حاول تشوف مدرسه فعلا كادرها الاكاديمي ممتاز ومقرراتهم ممتازه بحيث يبنوا الطفل بشكل سليم حتى يصبح عضو فاعل في مجتمعه لما يكبر.

ايجار الشقة = 30000 ريال سنوياً (اعتباراً من الان) بمعدل 2500 ريال شهرياً
في ارخص.

ملبوسات وكماليات واشتراكات وغيرة = حوالي 1800 ريال
معد ادري وش اقول.

غسيل السيارات والدرج = 170 ريال شهرياً
من حقك وماشاء الله عليك سيارات مو سياره وحده.

يعني بالشهر تقريباً 13,435 ريال شهرياً

اخوي في النهايه احب اقول انك ماشاء الله عليك عايش حياه مريحه جدا جدا جدا الله لايغير عليك واتمنى تراجع نفسك شوي تعرف انك بامكانك توفر في ميزانيتك اكثر من 5 الاف ريال شهريا ( مع حساب توفير ايجار البيت ) وبهذا المبلغ اللي توفره اشتري شقه تمليك وادفع بالتقسيط ( في شقق تمليك تدفع بالسنه حول 40 الى 50 الف ريال لمدة عشر سنين ( تطلع قيمة الشقه 400 او 500 الف ) وبعد عشر سنين بيصير عندك شقتك الخاصه والفرق بسيط بينها وبين المبلغ اللي انت تدفعه ايجار الان.

من حقك ان تعيش برفاهيه ومو لازم انا او غيري تكون حياتنا مثل حياتك بالضبط الله خلق ووزع لكل انسان رزقه وهذي النقطه اتمنى يفهمها الجميع.

انا اشهد اني بربط الحزام والبارح ما نمت الا الساعة 1 بعد منتصف الليل وانا احسب واشوف لقيت فعلاً انه لابد من ايجاد حل سريع وفوري.

بالنسبة للأقتطاع الشهري للبزران وامهم هو يعتبر فعلاً ادخار بس في البنك يعني كل واحد من البزران هنده حصالة ويحط فيها.

هلا بك

بالنسبة للصفر ما اقدر افصلة علشان البزر الصغير مسوي له خدمة الخط الساخن لانه ما يعرف الارقام وكل ما بغاني رفع سماعة الثابت ودق علي.

اما الدخان بحاول اخفف منه ليما اقطعة (دعواتك)

وبالنسبة للكهرباء انا ايضاً مستاء من هذي النقطة ومدري وش الحل فيها

اما الشغالة لا والله ما عندي وانا من اشد المعارضين لفكرة وجود الشغالة مو غلشان شي بس خوف على البزران منها ومن عاداتها.


ولو جينا لمقاضي البيت فأنا وانا اخوك ضيوفي واجد وفيني وسوسة لو اقولك سببها تضحك (السبب اني احب المخزن دائماً مليان والثلاجة مليانة خوف ان اتنوم والا اسافر فجأة وعيالي ما عندهم احد يتقضى لهم) مسوس صح!! لا لازم اشوف لي حل.

وماء الصحة جربت العلب الكبار اخليها على البرادة ما ادري الا البزر متسبح فيها قلت هذي افضل.

ومكافئة البزران فعلاً يحتفضو فيها في حصالاتهم اما امهم ما ظنيت.

ومدرسة البنت فعلاً في مدارس بنصف السعر بس مثل ما انت عارف البنت تمهيدي وحبت المدرسة وزميلاتها وما ابغى اغير لها المرسة لاني اخاف تكرهها واذا كرهتها من الحين وش بتسوي في 18 سنة تعليم قدام.

وبالنسبة للشقة بصراحة ما اقدر اغيرها لانها ما تسوى نقل العفش وتغيير الجيران والي انا فيها واسعة وتشطيبها ممتاز ما راح احصل مثلها بنفس السعر خاصة ان العيال مرتاحين من الجيران.

زبدة الكلام انا من اليوم ورايح بقتصد وتوبة من المصاريف الي مالها سنع جالس اصرف وناسي ان وراي بزران من واجبي تأمين مستقبلهم.

الله يجزاك خير يا صاحب الموضوع الي فتحت عيوني على الموضوع هذا وخليتني احسب واعرف الاغلاط الي انا فيها (وانا اقول الراتب وين يروح).

السلام
طبعا مافية منيب حاطة ميزانيتي بس اتلقف عليكم

الصراحة يوم قريت الميزانيات الي في الاول جاني احباط ، لكن صرخة مواطن الله يحفظ له عيالع ويخليه لهم وسع صدري
فيه ناس مثلي بس الحمدلله انا ماادخن "الله يعصمك يا صرخة مواطن والمسلمين"

فيه نقطة خاصة بالحريم صدق اللي مهم موظفات ياهم فالينها اجل 800 ريال جوال؟؟


الله يوفقكم اجمعين ويبارك لنا ولكم في ارزاقنا

السلام عليكم

مساء الخير

هلا مواطن متجنس , مشكور على مشاركتك بميزانيتك , الحمدلله شايف الامور راسية معاك , ومشكور على تحريك الموضوع واشاعة جو الحماس :)

فين الميزانية اخت فراولة؟؟ بالنسبة لسوق الجملة اقتراح جدير بالدراسة كما يقولون , بالنسبة لمصروف الزوجة , فنحن اتفاقنا انه نطرح المصاريف من 3000 والباقي نقسمه على اثنين ونتقاسمه
يعني لو المصاريف 2500 هي تاخذ 250 وانا 250 ةهكذا

تحياتي واشواقي مرحبا بك , مشكور على المشاركة


400 اتصالات ((شاملة للجوالات والثابت والنت))

هذه ميزة لك صراحة اهنئك عليه وباعتبرك المواطن السعودي الاكثر توفيرا في الاتصالات :D انا والمدام الاتصالات والنت يكلفنا 570 الى 600

بالنسبة للدخان فبما ىاني طبيب فلازم اتلقف شوية في الموضوع هذا
200 شهريا = 2400 في السنة = 24000 ريال في 10 سنوات = 72000 ريال في 30 سنة , احم مبلغ صراحة لا باس به , تقدر تتمشى به مع ام العيال بعد ثلاثين سنة وتتذكروا ايام الشباب :D

بس خسارة!! المبلغ قاعد ينحرق:mad:

تصور 72000 ريال قدامك , مال حلال طيب من جهدك وتعبك , وفي غمضة عين يختفي

عيادات الاقلاع عن التدخين موجودة بكل مدينة في مكة رقمهم 025311123

في الرياض 014784381

وهي حكومية ومجانية وعندهم طرق واساليب للمساعدة بس الخطوة الاولى منك انك تكون مقتنع ان التدخين مرض وادمان والخطوة الثانية رفع سماعة الهاتف والاتصال وطلب المساعدة

ما عندي اطفال فما عندي خبرة بمصاريف الاطفال لكن احس 400 في الشهر على طفل واحد كثيرة نسبيا

ومشكورمرة اخرى على مشاركتك

رائع ولو احس انك شاد الحزام كثير لكن
يطرحك براتبك البركة