كيف يتصرف الغرب لو جاءتهم سيارة الاسعاف ...........!!!!!
 

وهم بعد تاركين مسافه بين الحادث والسيارات

لو عندنا نحصل الشعب قاط مع الدفاع المدني وهاتك ياتصوير وضحك وتجمهر على الفاضي

تنظيم و إحترام للموقف و ضرورة الوصول للمصاب بأسرع وقت.

أصلاً لو ما يزيح ، تسحب الرخصة فوراً ويحرم من القيادة لفترة من الوقت .
ورجال الاسعاف هم من يأخذ رقم السيارة المخالفة .

انقل زحمه الدايري ولا زحمة خريص ولا زحمه جسر الخليج لعندهم ..
وخلونا نشوف كيف تمشي سيارة الاسعاف:)

حياك خالد ون :)

كنا نبي تصوير لسيارة الاسعاف عندنا وقت تباشر الحادث :crying:

هذا بسبب التخطيط الغير مدروس عندنا .
الواحد يشبع موت وسيارة الاسعاف في الطريق .

يطلع مقاطع افضل من برنامج الكاميره الخفية

والله اصبت ..
اجل خط سريع ماغير 3 اسياد ؟؟!

المسألة ثقافة شعب ..
شكري اخوي خالد1 مع مروري .

تصدق يا خالد ما ودى أمة محمد في داهية الا هالنرجسية الغبية المتكررة في حياتنا .

المفروض حنا ، والمفروض نكون ، وحنا مسلمين ، وحنا ما ني عارف ايش ، وحنا وخر عن دربنا ، وحنا الحرس حنا ، ومدري وشو ......................... الخ

هذا اللي ضيّع الأمة . لو نفتك من هالأسلوب ، يمكن ، يمكن ، نتغير .

قال عز من قائل سبحانه وتعالى : (كنتم خير أمة أخرجت للناس )

ما قال : (أنتم خير أمة أخرجت للناس )

لكن حنا جالسين نقول : حنا ، ونحن ، والمفروض نكون ، وهم لا يكونون .... وهلم جره .


القوانين تصبح جزء من الثقافة ، أكثر الناس فوضوية في العالم هم شباب الغرب ، لكن ، بتكرار وإلزامية اتباع القوانين وتطبيق العقوبات على اللي يسوى واللي ما يسوى ، تصبح .... ثقافة .

زي ربط الحزام عندنا بعد 20 سنة تصبح ثقافة . والأفضلية في الدوار للقادم من اليسار (اذا تم تطبيق عقوباتها) بعد 50 سنة ... تصبح ثقافة ... وهكذا ، عشان كذا نقول الغرب سبقونا . ليتهم سبقونا فقط بالفضاء .. واليوم بيطلقون آخر رحلة لديسكوفري ، وبعدها بيحولونه للسكراب .

لأ . نتكلم فقط بالشوارع . بالشوااااااارع . بس برضه نقول حنا ، والمفروض نكون ... طيب ورى ما كنت ؟ او أصبحت .

أو أمسيت ؟ أو شفت لك حل ؟

قد شفت العميد المقبل من مسك المرور يقول احترموا سيارة الاسعاف ؟

جالس مدوخنا بنظام ساهر له شهور على هالفضائيات . وتقل ما فيه في هالدنيا في أنظمة المرور إلا (ساهر) .

مره شفت الحادث يوم يجي الملك والله ان مركز الاسعاف يمكن بعده 10 متر
وساعه على بال ماتحركوا
الناس اللي طلعوآ الرجال وفصلووآ البطاريه
وبعد التجمهر والتصوير جو الاسعاف
انا ودي ندرس ظاهرة التجمهر والتصوير احسها شماته يالربع
عيب والله وقلة ادب الرجال يمكن يكون ميّت كلن يبي السبق الصحفي له
حسبي الله وكفى