لكل من يمتلك رنج روفر أو من يعاني من وكالة السيف
 

السلام عليكم جميعاً
باختصار شديد اللي يمتلك رنج روفر و يعاني من الوكالة و أسعار قطع الغيار و الصيانه أو عنده مشكله مع السيف للمحركات وكيل لاند روفر وجاكوار يتصل على الرقم التالي :


يا اخوان هذا شخص ممكن يوفر لك أي قطعة غيار تحتاجلها للرنج روفر و بسعر خيالي و قطع أصلية 100% و زياده على كذا إذا عندك مشكله في سيارتك الرنج روفر و ما تدري وش هي أو وين توديها أو تحس ان الورشه يلفون ويدورون أو ما اقتنعت بسعرهم أو بتشخيصهم للمشكلة دق عليه و لا تتردد و هو ان شاء الله بيدلك على الحل.
وللمعلوميه الرجال هذا لا عنده ورشه و لا محل قطع غيار وولد نعمه بس انه خدووووم جداًّ و يموت في شي اسمه رنج روفر و لا يستخدم الا هي و من كثر ما يتناشب مع السيف صار يطلب قطع الغيار لسيارته من بريطانيا ويطلب الدعم الفني من بريطانيا و يروح أطرف ورشه ويقوله ركب هذي و فك هذي و أغلب الورش يعرفونه خاصة اللي يشتغلون في الرنج روفر وإذا توهقوا يدقون عليه ويستشيرونه.
اللي عنده مشكله مع السيف يدق عليه و يقص له القصه كامله و هو يصيغ لك ايميل بالانجليزي على كيف كيفك و يرسله على ايميلك و يقولك انت فروده للايميل الفلاني اللي هو ايميل الشركة المصنعه في بريطاني و ما يمديك ترسله الا الاتصال جاي لك من السيف والا من دبي يحلون لك مشكلتك.
عذراً على الاطاله حبيت أن أفيد.


****************
حرر الرقم بواسطه جمرة غضا
ومن يريد الرقم بإمكانه طلبه من الأخ عبر الخاص

No Comment
:blink:

ومصلحته من ذلك :think:
فهمت أنه يستودر من الخارج قطع الغيار ..(هل بيستوردها لوجه الله و بدون مكسب أم بياخذ نسبة؟)
و الكل يستطيع أن يستورد اي قطعه غيار من مواقعهم عن طريق النت ..
وبالعكس استوردها انا أرخص لي من أن خالد يستوردها . أوفر عمولته :blush: غير أني أكون متأكده من مصدرها
ثانيًا اي شخص يرسل للشركة الام على طول الوكيل يتجاوب .. أي ان خالد ليس سبب لذلك :blush:
ثالثًا والأهم
المنتدى يخلي مسؤوليته عن أي اتفاق مع الأخ و لا علاقة له بأي أتفاق مع الأخ

أكيد بياخذ عمولته ولكن على حدّ علمي ان الأسعار اللي يوفر القطع فيها ممتازه و تفرق عن الوكيل كثيير وممكن انت تقدر تطلب من الخارج لكن بتتحمل مسؤوليات كثيره مثل طريقة الدفع و الشحن و خاصة ان أغلب مواقع البيع الأمريكية و الأوروبية ما تتعامل مع بطاقات إئتمان صادره من خارج أراضيها و خاصة إن كانت صادرة من دول العالم الثالث (على حدّ تصنيفهم) و بعدين الجمارك ممكن يمررون لك الطلبيه مره أو مرتين بعدين يبدأ الاستقعاد و الغرامات ولو شحنت شحن سريع بيكلفك بلاوي ممكن أكثر من قيمة السلعه بأضعاف بسبب وزنها.
و بعدين من واقع تجربة شخصية أنا راسلت شركة كيا في فترة انتقال التوكيل من الحاج حسين لشركة كيا السعودية و كان يرد علي بمراجعة الوكيل و انه لا يمكن الشحن ولا حتى البيع خارج نطاق كوريا الا عن طريق وكيل و حتى أن أحد الأصدقاء له تجربة مع شركة مرسيدس بنز و جاه نفس الردّ
وللمعلومية الموضوع هذا لمن قدّ يحتاج له فيه كثير ما عنده لغه انجليزية و ما يقدر يجيب أرقام القطع اللي يحتاجلها أو ما عنده استعداد يوقف سيارته على بال ما يبحث عن القطع و توصل له و أنا ما أشوف ان فيه أي مشكله ان الرجل يطلع عمولته لكن بالمعقول ولا يمكن ان كل شي نحتاج له نراسل الشركات المصنعه في آخر العالم على حبه أو حبتين
اللي بيتاجر الله يرزقه و احنا ان شاء الله من واقع هالحملة ما نحارب التجار أو التجارة مطلقاً احنا نحارب الجشع والاستغلال و المبالغة في الاسعار.

الله يبيض وجهه يقولون ياجمرة غضا ما يخدم بخيل

جزاك الله خير ...

فعلا نريد بديل للسيف ..

اجل تصدقون هدروليكـ .. رنج 2004 ب 7000 ريال وش عليه ؟؟؟؟

والله لو انه طيارة ... ؟

وين رقمة دزه .. والمفروض ينشر ولا يمسح الرقم ... لانه متسبب وله رزقه مثله مثل غيره ..

الحين نستخسر بعيالنا .. وهالحرامية نعينهم ؟؟

وعافاك الله ..

الفزززززززززززززززعه
 

مشكور اخوي على تعاونك
ودنا يتقفل السيف
الفزعه عندي مشاكل في السياره رايحه الفرامل والدينمو شوروا علي إيش الحل

اريد ميكانيكي ممتاز في جده تسون فيه معروف

وين الناس جالي أسبوع ما عينت أحد
فيه حل والا لا........................................
؟؟؟؟؟؟؟؟؟؟؟؟؟؟؟؟؟؟؟؟؟؟؟

أخوي الهندي أنا آسف على التأخير و رقم الرجال أرسلته لك على الخاص لأنه ممنوع عرضه حسب توجيه الاداره.

امتلك رنج روفر
 

الأخ الكريم أرجوا مساعدتي فأنا امتلك رنج روفر موديل 2008 ومن يوم أخذتها من الوكالة ويوجد بها رجة ادخلتها الوكالة اكثر من 6 مرات وغيرولي التواير وما زالت المشكلة موجودة ، ماذا افعل تعبت وكيل السيارات لدينا هو الطاير للسيارات في الامارات . أرجو أن لاتهمل رسالتي

موديل 2008 .. الموتر يعتبر جديد .. والضمان ساري المفعول ..
المفروض انك تروح الوكاله وتتفاهم معاهم او تشتكي عليهم .. لين .. ما يلقون لك حل ..!

طيب اخوي انا عندي مشكلة في المسجل والله طالعه نفسيتي منها

ممكن تساعدني برقم الرجال

الاخ الهندي
مشكلتك بسيطه ... فرامل ودينمو
لا تطلب الفزعه الا في شي كبير ويستاهل .... وابشر

لو سمحت ارسل الرقم بسرعة

ومشكوووووووووووووووووووووووووووووووووووووور:7q7:

خدمة لو سمحتوا
 

السلام عليكم ورحمة الله وبركاته

اولا .... ارجو ممن عنده الرقم يسعفني به وجزاه الله خير

ثانيا . وش احسن مركز لصيانه الرينج روفر في مدينه جده

تقبلوا تحياتي ولا عدمتكم

جمرة الغضا مسيك بالخير

ورى حاذفين الرقم اللي حاطه الرجال لمنفعة خلق الله هااااااااه ؟؟؟!!!!!

يعني انحشنا من التجار وجشعهم وطحنا فيكم ؟؟؟!!!

حسبي الله على اللي يعين الظالم على ظلمه

بلاااااش من هالمنتى وباي باااااااااي وحرزوووا على الرقم زييييييييييين وخلوه ينفعكم >>> بكره اشوفكم تهشون ذ بااااان وتحرجون على منتداكم بقرش .



سلاااااااااام

لا هنت عزيزي ارسلي الرقم


والف شكر على الموضوع


تقبلـ تحياتي ..........

اسلوبك غللللط

وانا اعترض على تحرير الرقم ... وايضا التشكيك بالرجل

دام الاسعار رخيصه خلو الرجال يسترزق وما يخدم بخيل

واصحاب الرنج ادرى باسعار قطعها كما ان اهل مكه ادرى بشعابها

داا اقتراحي بالقضيه طبعا

:)

توني اشوف المشاركة
اولا المنتدى لم يفتح قسم تجاري به .. ووضع الموضوع باكمله مخالف
لكن سمحت به من اجل المستهلكين
وان كنت فعلا بحاجة للرقم فاعتقد ان الامر ليس صعب ولا يحتاج ان تنفعل بهذا الشكل ! بامكانك ان تتواصل مع الاخ عن طريق الرسائل الخاصة وهو يزودك بالرقم
2- منتدى المقاطعة لم يؤسس من اجل ان يتكسب منه ولذا لن نهش ذبان او نحرج عليه

المفروض مايمسح الرقم
تكفوووون ياجماعه ابغى الرقـــــم .......... ضروري

السلام عليكم
مساء الخير للجميع عندي رنج 2008 وابي اعرف كيف احمل الخرائط والشي الثاني لو تتكرم وترسل لي الرقم الجوال الشخص لكي نستفيد ولا يخدم بخيل

وشكراً

ممكن لو سمحت ترسل لي رقمه على الاميل مع الشكر

سلامات في قطع الرنج؟؟ قيمة الفرامل الأمامية 900ريال وش السالفة !!! ... وموديل 1998 بعد اجل وش تقول على موديل 2010 اتوقع توصل 2000 ريال

المشكلة موديل 98 سعره بالسوق نظيف 15الف إلى 20الف ريال... وقطعة غياره نار

للاهمية
 

ممكن لو تكرمتم احتاج الى الرقم

ظروري ابي الرقم على الخاص عندي مشكله في ال ( اى بي اس ) وجبت 3 قطع وما عرف الفلبيني في الوكاله يصلحه (البرمجه ) بعد التركيب كيف .
تكفوون لى اربع اشهر على ه1ي المشكله حتى وكاله السيف ما تعرف .

فيه رقم والا مافيه ترى طلعت نفسيتنا ننتظرك الواحد ياخذ يومين والا ثلاثه وانت مطنش

وش السالفه الرقم بيجيكم على الخاص والله ما جاء شي . حسبي الله ونعم الوكيل

لكل من يمتلك رنج روفر أو من يعاني من وكالة السيف
 

شكرا لك جزيلا
ارجو منك اخي ان ترسل الرقم على الخاص لدي

أخواني
والله ياشباب إن وكلة الناغي أسوأ من السيف دخلت السايرة عندهم ويدورون أي عذر عشان يطلعوها من الضمان وتعذرو إن السيارة تأخرت كذا مرة أقل من الف كيلو عن الصيانة .
لا وطلعت السارة محكوكة وفيها صوت في الطبلون .
والسيارة طلع فيها صوت في الديفرنس والمفروض انو عالضمان ومو راضيين يغيروه على الضمان .
رجاء ياشباب اللي عنده رقم خالد يرسله لي .

وكالة الرنج
 

ياشباب اللي عنده رقم الاخ خالد الرجاء ارسالة الوكالة مصختها

الي يعرف بكم نغير نظام الهيدروليك

ارى يا جمرة غضا
اما ان يتم السماح بوضع الرقم او ان يقفل الموضوع
ﻻن صاحب الموضوع ﻻ يتجاوب لنشغاله او لسبب اخر واﻻعضاء فقدوا صبرهم

تكفون افزعوا لنا
 

عندي مشكلة في الموتر 2002 رنج روفر في الهيدروليلك تعلق اضاءته وصوت في المكينة
وثقيل الموتر اعطني رقم الرجال لوسمحت على الخاص