لقيت البديل لمواد التنظيف.......
بسم الله الرحمن الرحيم
السلام عليكم ورحمة الله وبركاته, بالنسبة لمواد التنظيف عندكم منتج سعودي اسمه " مذهله" بصراحه اسم على مسمى سائل تنظيف المواعين 3 كبار نفس علب اللوكس حجم كل علبه 1 لتر بـ10 ريال والله انه رغوه وينظف الصحون والمواعين كلها احلى تنظيف ولا يسبب حساسيه ولا شيء صار لنا حوالي سنه نستخدمه. وحتى سائل تنظيف اليدين اول نشتري واحد بـ17 ريال نسيت اسمه لكن لما لقينا"مذهله"غيرنا تخيلوا 4 لتر بـ5 ريال وثقيل ورغوه روعه ولا يسبب الحساسبه عن تجربه.. ونزل جديد كلوركس مذهله بـ5 ريال شريناه بس لسا ماجربناه لان عندنا واحد مفتوح اذا جربناه اقولكم وكمان سائل تعطير الملابس مذهله بـ5 ريال كمان ماجربناه للحين لان عندنا واحد مفتوح... انا ماسوي دعايه للمنتج الا عن تجربه بصراحه وحنا نشتريه من عند رامـــــــــــز..... واذا على السعر رخيص مع انه جيد برايي لعدة اسباب : 1- ماله دعايه وانتم عارفين ملايين تندفع على الدعايات لان الناس تركض وراها 2/انه منتج سعودي يعني مايتكفلون مصاريف شحن وتصدير ورسوم وماادري ايش على طول ينزل للسوق..... جربوه واحكموا بانفسكم...... |
شكرا على نقل تجربتك إلى متى
بس تدري وين المشكله ؟؟؟؟؟؟؟ اني مدري وين احصل هذا المنتج اللي ذكرته على كثر ما رحت اسواق ومراكز ما عمره مرّ علي وكثير من البدائل اللي يذكرونها الاخوان ما احصلها الظاهر فيه اتفاق بين المحلات واصحاب الشركات الكبيره مايعرض الا منتجاتهم |
يعطيك العافية على النصيحة ..
بس اذا انتي من الرياض ياليت تقولين لي وين لقيتيه فيه ؟؟ لأن مثل ما قالت أيامنا الحلوة انه اشياء كثيرة تنذكر كبدائل وما نلاقيها .. |
انا من الدمام وموجود عند محل كبير اسمه "رامــــــــــــــــــــز"
ابي اشوف كيسته واكتب وين فروعه الثانيه ان شاء الله يكون فيه فرع بالرياض وغيره من المناطق........... |
يعطيك العافية ..
بأنتظارك .. |
انتبهوا من رامز الحين يستغل الوضع ويرفع الاسعار بعد
يعطيك العافيه وان شاء الله بنجربه... |
فروع رامـــــــــــز
الرياض-النسيم-شارع حسان بن ثابت-مخرج30 الدمام-الحياة بلازا تبوك-شارع جده-حديقة فن بارك حفر الباطن-المحمديه |
الى متى ..
يعطيك العافية على الافادة .. يالله ان شاء الله يوافقون اللي عندي يدقون مشوار للنسيم .. مع اني ما اتوقع بس نحاااااااول .. |
ألف شكر على التفاعل مع المقاطعة وإلى الأمام كل واحد يعطينا خبراته
|
تصدقين يا أختي ضد الطمع ان أهل البحرين يجون يشترون من عند رامز
وكل اهل الدمام يشهدون بكذا لانه رخيص واللي عنده مو بس منظفات كل شيء بخص البيت واهله حتى الملابس الاقمشه المكياج العطورات الالعاب الاواني المنزليه كل شيء باختصار..........واسعارهم رمزيه مقارنة بالمحلات والمجمعات الاخرى يبيعون كل شيء الا المواد الغذائيه..... |
فعلاً ذهبت له قبل سنة تقريباً
وذهلت من أسعاره.. يوجد لديه أدوات دراسية..وتحف وكلها أسعارها معقوله ولكن المشكلة بأنه في النسيم وليس له فروع |
بصراحة تحمست اروح له .. ان شاء الله اروح له خلال هالاسبوع .. |
ما قط شفت هالمنتج عندنا بجده
|
يوووووووووووه
وينا ووين النسيم كود القاه في محلات 2 ولا بس في رامز؟ |
ما ادري يا انسانه اذا موجود بمحلات ثانيه صراحه
حنا رامز قريب عندنا ونشتري منه......... |
ألف شكر
|
يعطيك العافيه ومعلومه ممتازه
|
ـــــــــــــــــــــــــــــــ
|
ــــــــــــــــــــــــــــــــــ
|
اذا كانت تجربة المواد جيدة .. وبهذا السعر فأعتقد أنه مناسب جداً مع ملاحظة الجودة للمنتج .. أما أذا كان ردئ .. فتركه احسن
|
يا حسره
ماعندنا رامز بنجران |
مشكوووووووور اخوي على المعلومه
بس حتى رامز ماسلمنا من شره ورفع اسعاره بعد حسبنا الله ونعم الوكيل انا كنت اخذ من عندهم شامبوهات وكريمات ولوشنات على 5 ريال والحين كلها على 10 وفوق والله ما اكذب هذا اللي حصل حسبناااااااااااا الله ونعم الوكيل الله ينتقم منهم يارب ويضيق عليهم مثل ماضيقوا عليناااااااااااااااااا |
اقتباس:
اللي اشتريها .......... اصلا موضة رفع الاسعار منتشره فلا استغرب ابدا....... |
أخواني :أنارحت أمس لرامز ووجدت التالي :الشوربه والفمتو مثل غيره00صابون مذهله للمواعين4لترب10صابون مذهله لليدين رفعه من 5 الى 8...كلوركس مذهله ب5 00البلاستيك بأنواعه والمناديل مثل غيره00وسلامتكم يعني السكان البعيدين مثلي لا يروحون لأن البنزين بياخذ الفايده الا لو يشترك مجموعه وياخذون النوع الرخيص بكميه كبيره للزمن ويتقاسمونها وسلامتكم00000000000وحسبي الله على التجار الجشعين0
|
اقتباس:
حسبي الله ونعم الوكيل قالوا كل العالم رفع ليش حنا لا؟؟؟؟ على العموم يبقى ارخص من غيره........ |
اقتباس:
ان شاء الله اتاكد من الفرع اللي عندنا......... |
للأسف ما عندنا بجدة هذا المنتج ان شاء الله يوم ازور قرايبي في تبوك آخذ منه |
وحنا حقين جدة وين نحصله في اي سوق اذا كان فعلا مجرب .
|
مشكوره ال متي ... على المعلومه
|
الا بمكه وين يلاقووه
|
>>>>>توه راجع من عند رامز
شريت اشياء كثيرة وبسعر رخيص نوعا اهم شي الصابون تاخذ كيس ابو 25 ك وهو انواع منها ب43 ريال ومنها ب63 ريال وطبعا الاخير افضل جودة والله لو وصل سعره ب80 يظل اوفر من كراتين الصابون اللي تسوي بنده عليها عروض ههههههههه ان شاء الله برجع واكتب انواع الصابون عنده واسعارها |
بارك الله فيكم
بجربوه وانشالله اذا عجبني بستمر عليه وخصوصا ان سعره كتير معقول... ارق تحية |
فعلا متاجر رامز كل شي فيها رخيص وجربو وماراح تندمون
|
بالنسبة في الغربية اظن وجدته في وطني
نتاكد لكم بس تقولوا رفع سعره |
فعلا رامز رخيييييييييص
طحت به بالصدفه قبل كم يوم ولقيت اشياء رخيييييصه مقارنه بالمحلات وفيه اشياء اسعارها عاديه جدااا يعني لاتحسبون تدخلون وتلقون كل شي ببلالالالالاش |
شكرا لك ما قصرت
|
| الساعة الآن 09:18 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by