سيارتي الكامري 2011احترقت
سلام عليكم
ياخوان عندي كامري 2011 علق البوري ونزلت اشوف السيارة تحت البيت لقيتها ولعت نار واحترقت كاملة بدايه من الكبوت وجا الدفاع المدني وهي قد انتهت ابي فزعتكم اتقدم لمين بشكوي علما بانها تحت الضمان وكيف اخذ حقي منهم وجزاكم الله خير والحمدلله على كل حال * |
كامري يعني تايوتا يعني عبداللطيف جميل تبي تشتكي
شف لك اقرب نفود ورح زعق وصح لحد ماتفرغ القهر وترتاح وتعالى شف لك دينا ولا دباب عجزنا عنكم وحنا نصيح عليكم ابعدوا عنه هذا حكومه قاطعوه لا مصرين تروح لمعرض تايوتا محد يرد السلام من الزحمه وبعدين الواحد لا طاح جاء يونون يبي الحل حذرناكم من هالهامور بس مافيه فايده القط يحب خناقه الحل غمس ماش واحصد هواء |
يعني جاي تتشمت يابولين تري ربي قادر علي كل شي يعني الدباب والا الدينه اذا خذيتها مابتحترق
انا جاي ادور حلول نظاميه واستفيد من تجربه الي قبلي اذا كان حصلهم زي كذا الي عنده حل والا مشوره يعطينيها والا الي جاي يتشمت تري موب صعبه علي ربي يصيبه ماصابني ملاحظه والله العظيم وانا اقرا الرد جنبي واحد متابع للمنتدي وقلت اسمع وش الرد قالي هذا اكيد ابو لين هذا اسلوبه وردوده الله يصلح الحال |
السلام عليكم
عزيزي اطلب تقرير من الدفاع المدني عن سبب الحريق واذا اتضح ان السبب مصنعي فسيتم تعويضك بالقوة النظاميه ولا يوجد من هو فوق النظام |
اقتباس:
قل خيرا او اصمت ذكرتني بشريطي في معارض السيارات |
اهم شئ مثل ماقل الاخوان فيه تقرير من الدفاع المدني ؟
وشنو تقريره ؟ |
أولا: أسأل الله العلي القدير أن يعوضك خيراً
ثانيا: زي ماقالوا الشباب روح وخذ لك تقرير من الدفاع المدني وأعرضه عليهم وشوف وش يقولون إذا ما طلعت بنتيجه مرضيه منهم عليك بتقديم شكوى رسمية ضدهم من خلال المحكمة ولا ضاع حق وراه مطالب الله يعينك ويصبرك |
اقتباس:
لداود الشريان عبداللطيف جميل يستورد السيارات منتفه مافيها شئ علشان تطلع عليه رخيصه من المصنع والجمارك ويقوم بتجميع القطع من السوق من الرخيص ثم يبعها عليكم اخر موديل حتي السيارات الغاليه اللى تقريبا تصل نصف مليون ماسلمت من غشه يسرق الاجهزه الحساسه والراديو والمسجل ويضع التقليد ويخرب ثم يبع عليك الجهاز الاصلي اللى هو اصلا لك وشفت في في المده الفايته كل المشاكل كلها تويوتا وخراب وتعليق مثبت السرعه وكيف الناس فيه منهم من فقد حياه ومنهم الله ستر وحصلت من لاندكروزر ومن شاص ومن كامري اللى اعطاهم 400الف يريدجيب لكسز واعدوه اسبوعين راح 4شهور وحذرناه ومافيه فايده نحذر هالعالم والناس تشوف نصبه ومافيه فايده مع العلم هناك وكلات كويسه وارخص لا يبي خناقه وياليت عندنا شرع تاخذ حقك مثل اللى حولنا لا ماحولك احد ذكرتوني بمطعم ماكدونالد تم اقفاله لعدم نظافه ومخالفته لشروط الصحيه وعليه ملصق كلن يقراه واسبوع وفتح وانكب العالم عليه تقل جايين من الصومال مافيه فايده الواحد بتعض من غيره ماهو لازم الواحد هو يمر بالتجربه علشان يتأدب انا لما اكتب الكلام السابق اريد الناس ان تفهم ماهو استهتار اوشماته اريدهم يقرأون مابين السطور وهو عتب عليهم بس بطريقه اخرى وفيها قسوه لانه بحت حناجرنا وحنا نحذر من هالهامور ولكن غن ماطولك يالليل ماتسمع الا صداك |
ولا اللى عارضين عليك حل تاخذ تقرير من الدفاع المدني وتشتكي
تشتكي مين عبداللطيف جميل اقول الله يعوض عليك الظاهر صاحب الاقتراح ماهو عايش هنا عبداللطيبف جميل يقول عندما ظهر منتدي اسمه خلوها تصدي يقول هالسعودي من وراء خشمه يجي يشري لايهمونكم لو وضعنا ايدينا وقاطعناه عرف قيمه هالسعودي بس للاسف كل واحد لوحده لحد ما انفرد في هالشعب |
اقتباس:
ما ضيع الشعب السعودي الا مثل هذه الافكار التي بسببها راحت حقوق ناس لم يطالبوا بها اذا كنت من الفئة هذي فخليك ساكت واترك الناس يبحثون عن حقوقهم يا أخي |
اقتباس:
مقاول اكل فلوس احد الزملاء اشتكاه بعد سنه وثلاث اشهر وبعد واسطه استطاع ان يحضره للمحكمه الوسطه بس علشان يحضره للمحكمه شف الحكم القاضي يقف بصف المقاول السوري ويطلب من الزميل ان يخفض المبلغ الى النصف وبعد اخذ وشد وافق الزميل طيب عطاه النصف لا ماعنده قال القاضي يقسط عليك ياسلم هذي امثله بسيطه والخافي اعظم هذا هندي ومقاول اجنبي يلعبون بالبلاد والموطن بسبب القضاء تريده ضد عبداللطيف جميل عموما انا ماني ماسكه هذي المحاكم فاتحه ابوابه ولاتنسى تشجعه يابوالافكار علشان يطلع حقه من ابوجميل وعلى فكره شف فيه عنوان في هالمنتي اسمه (ان شاء الله تطيح على رؤوسكم ) وشف الاستهتار بالقضاء غن معه ماطولك يالليل بالكويت السياره تحت الضمان راح واشتكي قفلوا الوكاله في الامارات واحد يبي يشتكي صاحب الوكاله مابقي الايحب يده ولا يشتكي وخيره تبي نصلح السياره او تبدلها او نرجع فلوسك طبعا ختار سياره جديده مع العل السياره ماشيه 160000كيلوا صر مثلهم وانا معك هنا ايضا اشياء لاستطيع ذكرها |
اقتباس:
عزيزي انا لا اقول انه لا توجد عيوب واخطاء في النظام ولا ننسى ان اغلب الاخطاء التي تحدث بسببنا ولثقتنا المطلقة في الناس دون توثيق حقوقنا لدى الغير حتى لو كان اخ وكثرة الشكاوي التي ترفع للجهات المختصة تثير الكثير من البلبة وتصعب تغطيتها من قبل من يتسترون على الجهات التي تستغل معارفها في الجهات القضائية سبق وان حصلت لي مشكلة مع مقاول بناء لم يكمل بناء منزلي في الوقت المحدد وقدمت شكوى بحقه وحصلت على حقوقي كاملة خلال شهر واحد وهذا عائد الى انني وثقت جميع تعاملاتي معه بالوثائق المعتمدة ولم اكتفي بالكلام فقط الي يمكن التهرب منه او المماطلة فيه بمختصر مفيد اقول انه يجب أن 1. نوثق جميع التزاماتنا مع الغير بغض النظر عمن هذا الشخص 2. المطالبه بالحقوق من قبل جميع المواطنين يضغط على الجهات القضائيه ويسبب لها ارباك وتخوف من افتضاح امر من يتستر على هذه المشاكل |
يعطيكم العافيه ياخواني
بكل صراحه مايضيع حق وراة مطالب ان شا الله باخذ حقي كامل سواء من الشركه او المحكمه او الشركه الام واذا ماخذت حقي بانزل الصور في النت وفي تويتر وبوقف السياره عند تايوتا وهي محروقه واروح لخطاط اسوي بنر واكتب عليه عبارات عن الشركه وبعدين لنكن صادقين مع انفسنا افضل السيارات العاديه هي تايوتا والفارهه هي مرسيدس ولكن ابجد معك ٨٠ تحطها في كوري مثلا والا نحطها في مرسيدس اكيد تايوتا والسبب انها اجود الموجود وشعبيه وسعرها فيها بعد البيع ولكن في الاونه الاخيره صارت مشاكلها كثيره * |
اقتباس:
تويوتا الامان فيها صفر ومشاكلها كثيره بس ما احد كان يتكلم الكامري كم كيس هوائي فيها ؟ |
أولا الحمدلله على السلامة ومعوض خير.
ثانيا .. السيارة مادامت تحت الضمان فأتوقع إنها مؤمنة؟ ثالثا .. إذا السيارة عليها تأمين فأطلب تقرير فني من شركة التأمين بالإضافة لتقرير الدفاع المدني. بعد كده قدم وثائقك هذه للشركة للمطالبة بتعويضك .. إحتمال كبير ستجد تهرب و انكار لأي مسؤولية .. أسحب السيارة و وقفها أمام باب الوكالة وحط عليه لوحة توضح سبب الإحتراق و صورها وأنشرها في النت و الفيس بوك وتويتر وغيرها من وسائل التواصل الإجتماعي .. سوي لهم قلق. على الأقل لو ما تلحلح أحد في الشركة وعوضوك تكون نبهت الناس للمشكلة قبل ما يتورط أحد ثاني فيها. لاتصير زي تعليق دواسة البنزين وشوف قد إيش ناس راحوا ضحيتها و الناس يحسبوها حوادث سرعة عادية. |
أسأل الله ان يعوضك بخير منها والحمدلله على سلامتك
|
ماضاع حق وراه مطالب
توكل على الله هو حسبك ونعم الوكيل |
الحمد لله على سلامتك ومعوض خير إن شاء الله
لا تخلي حقك وطالب وإذا عجزت وكل محامي شاطر |
الساعة الآن 09:59 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by