بيت الشواية
 

اعلنو بكل اعتذار عن ارتفاع اسعارهم واصبحت الكبسة ب 20 ريال بداية من يوم الجمعة
1/8/2008
وهو ارخص شي حاليا

افااااااااا يابيت الشواية ،، ليش تسوونها

برضوا افضل من الرومانسية بـ 24 ريال ,,, غير انه نقص الكمية
يعني كسب من جهتين رفع سعر والكمية

أفاااااااا وين اللي كان يحط أوراق مع كل طلب ويقول الربح القليل ؟!
واذا غلا شي فان تركته هو الحل ؟!

وش رايكم نقاطعه لمدة شهرين حتى يقل الطلب عليه ويمكن يراجع نفسه وينزل الاسعار ؟

دعوة للمقاطعه

تحسب له كل هالمدة واقف مع الشعب \\ وزيادة ريالين مهب شي قدام غيره

موضوع مدرج في المنتدى عن مطعم يبع الدجاجة40 ريال
اعتقد ان بيت الشواية اهون

السلام عليكم...

فعلآ أخوي مرقوق بالباتشي أنت على حق، مايقدر يوقف قدام سيل الجشع الجارف ألا قوي بالله أما أصحاب المطاعم نفسهم قصير ويترزقون الله ومافيه عاقل يرضى لهم الخسارة.

الشق أكبر من الرقعة بالبلد بس تشكر إدارة المطعم اللي كافحت الغلاء ومارفعت كثير.

ذكرتني قصة وشر البلية مايضحك.. أول ماأرتفعت أسعار العقار جاني صاحب البيت وبلغني أنه بيرفع ألف ريال وهو مستحي بغيت أحب راسه ودعيت له.

صراحة على نظافة محلاتهم يستاهلون وزيادتهم تراها طفيفة ....

ولكم مني تحية

زيادتهم طبيعية تقريبا 12%.. لو تلاحظون ترى الرز والدجاج ارتفعت اكثر من هالنسبة بكثييير..

بصراحة غيره اولى بالمقاطعة وانا اشوف انه ما قصر

كل شي ارتفع ومن حقه يرفع سعره ،

انتوا تبون الاسعار تبقى زي ماهي ، ارتفاع الاسعار يؤثر عليه بشكل رئيس .

فكروا بالعقل لا بالعاطفة

سعره مناسب

على الأقل صاحب " بيت الشواية" لديه حس وطني ويراعي ظروف المواطنين وزيادته كانت طفيفة وبعد فترة مقاومة وصمود طويله يشكر عليها ، على العكس من صاحب مطاعم " الرومانسية" يمني الجنسية الذي يسخر بالسعوديين ويستهزأ بهم ويقول لو رفعنا سعرنا إلى " 100" ريال للحبة لوجدت السعوديين يقفون طوابير أمام الكاشير في فروعنا!
وهذه قمة الإستخفاف بعقل ووعي المواطن السعودي الذي كسب من ورائه هذا " الوافد الأجنبي" مئات الملايين !

قعد بغلاه الجشع,, وخسر عملاءه الي جمعهم من سنين
فرعه بالروابي قبل السيارات تعدي عيال علي ولا يحصلون موقف , والحين زين لو تمتلي مواقفه سيارات
الناس مهب غشم يا الرومانسية ولا جتهم الفلوس ببلاش تكبها لك

انا ملاحظ ان بيت الشوايه

مغير الرز الى رز دون المستوى

فمثلا نوع برياني سبايسي كان ممتاز جدا

اما الان فأصبح غير مقبول وذالك بسبب تغيير

نوع الرز ..

الله يهديهم