سمبوسة غوار بــ 10 ريال !!!
السلام عليكم
رحت اليوم لمطعم غوار ابي اشتري عجينة سمبوسه قبل الزحمه طلبت منه 2 عجينة سمبوسه و عطيته 20 ريال دق على الاله و عطاني ورقه و قال رح خذ الطلب من للشباك قلت له وين الباقي؟؟ قال عجينة السمبوسة بــ 10 ريال :confused::confused: رفعت صوتي و قلت ليش بعشره هي الدعوه نهابه :mad: الناس تبيعها بـ 7 و 8 و انتم تبيعونها بـ 10 طبعا الكاشير ما عطاني وجه لان الناس زحمه عنده قلت عطني فلوسي لا بارك الله فيكم و اخذت العشرين ريال حقتي و طلعت و للمعلوميه غوار معروف عنهم انهم ياخرون تسليم الطلبات حتى يتجمع عندهم الناس و هذا شي ملاحظ |
يا أخي اشتر لك كيس طحين وخل المعزبة تصلح السمبوسه في البيت ابرك ولا وين المقاطعة .. رافعين السعر وباقي تشترون ؟!!! يجب علينا أن نوفر حتى الريال الآن .. اتركوا شغل المطاعم ،،، وبلا غوار وبلا ابو عنتر وياسين ما فيه احسن ما اصابع الزوجه ويديها لما تعجن العجينه وتصلح منها سمبوسه :p هي النظافة والطعم الحقيقي ... ما تشوفون المطاعم تكتب (مثل طبخ البيت) طيب ليش نشتري وطبخ البيت هو الافضل !!!!!! الله يحفظ للجميع اموالهم وازواجهم |
غوار سابقا كانت سمبوستهم ممتازة له كم سنة ماش متغيره
كلها عجين فيه بالروابي محل يبيع سمبوسة بـ 5 ريال تطلع لك 70 سمبوسة والعجينه رقيقة مافيها عجين اسمه مخابز الراجحي قبال الحيالة من مخرج 14 لسوق الربوة تاخذ شرق ويصير السوق على يدك اليمين وتطول راح يجيك محلات الجملة برضوا امش لين يجيك حرف تي تلف يمين من عنده وامش وحتى اول اشارة لف يسار تلقاة على يدك اليمين قبال الحيالة ولو تمشي شوي تلقى سنابل رغد محل يجيب عجين سمبوسة من القصيم ممتازة , وفطاير وحلويات وتمر وغيرها كلها من القصيم لكن شي رائع ***************** اقتباس: اشتر لك كيس طحين وخل المعزبة تصلح السمبوسه في البيت ابرك تحريض وانقلاب على ربات البيوت :rolleyes::cool: تنبية راح يقضي يومها وهي تعجن واخرتها قيمة السمبوسة تطلع وزيادة بعلاجات ومراهن لوجع المفاصل :( |
خايفه جمرة غضا من عمل السمبوسه في البيت ;) فيه آلة تكفيك التعب http://i149.photobucket.com/albums/s...N0001-11-2.jpg مالك عذر .. تسوينها في البيت يعني تسوينها :p |
فعلا هالالة ممتازة
وعندي وحدة وفيه منها بدينمو على الكهرب بعد اريح اجربها للبف والفطائر وحتى سمبوسة البر لكن ماش مهنا غناة عن عجين السمبوسة الجاهزة |
ابويمن ارجو عدم دعمهم الناس منهبلين على غوار وهم يعجنون العجينه برجولهم وخل الشعب ياكل |
لو كل الناس عصبت عليهم و أسترجعوا فلوسهم كان عرفوا إن الله حق و عدلوا سعرهم.
اقتباس:
يومين تتعب فيها و بعدين خلاص .. تتعود. و صدقيني .. راح تكون ألذ سمبوسة تأكلها هي و عيالها .. غصب. و بعد إذنك أخي حكيم الزمان .. تم حذف الموضوع المكرر في صفحة المواد الغذائية. |
اقتباس:
اقتباس:
مانقصد التعب ,, القصد انها تاخذ وقت طويل ولا نلقى وقت نسوي فيه الفمتو:o <عساها ترقعت . لكن بجد فعلا طعمها غير ويفرق كثير وخاصة اذا كانت بطحين البر و اغلب البيوت تسويها اقصد سمبوسة غير السمبوسك او البف لكن كنوع من التغير نجيب العجين الجاهز فقط لا غير وين العضوات مالهم حس :( خلوني بوجه المدفع :mad: |
اقتباس:
الباقيات يصلحون سمبوسه .. سمعوا النصيحة .. وباقي أنت :p |
لازم فيمتو يعني؟؟
أقلبوا على تانج و إلا سن ويك إذا الفيمتو ياخذ وقت. |
لازم فيمتو يعني؟؟
أقلبوا على تانج و إلا سن ويك إذا الفيمتو ياخذ وقت. |
اقتباس:
ابسالكم سؤال وش تفرق عجينة غوار عن غيرها والله ماجربتها الا مره وحده قبل سنتين وشفت ان الامر دعايه لااكثر ولا اقل اليوم شريت من مخبز بشارع الابراج العجينه على 5 يابلاش مع انها رخيصه الا اني لازم اقول الكليشه عندما اشترى من محل لاول مره ..وهي ليش الاسعار مرتفه:) ؟ لكنه طير عيونه علي قال هذا سعرها من زمان ماتغيرت شريت ثلاث انواع -واحد يقال له طيبه - الورده الحمراء - الطيبات والمدام شغاله حشي الان وبعدين بسالها واخبركم افضل نوع |
ما شاء الله ,, الله لايضره بشر
بالعافيه عليكم الوردة الحمراء اخبر انها زينة ماادري ان كان تغيرت ؟؟ |
ههههههههههههههههه
اكيد طبعا العجينة الجاهزة اريح :):) |
اقتباس:
اذا الطيبات تجاوزت الفحص بنجاح وهي افضل الانواع بعد التجربه |
اقتباس:
|
اقتباس:
,,,,,,,,,,,,,,,,,,,,,, لا ما أقصد اللي قبل الحيالة المخبز اللي قبال (مقابل الحيالة ) فتحة وحده ما فيه غيره مخبز |
هذاك المخبز اسمه دروب الشرق على ما أعتقد ، وإذا كان هو اللي يسوي العجين فشيء جيد ؛ لأن هذا المخبز فيه ميزة وهو إنه ما يضيف إلى الخبز أي محسنات من المحسنات اللي يقال عنها إنها تسبب السرطان.
مشكورة على التصحيح |
اقتباس:
مساء الخير مريت قبل شوي على مخابز الراجحي اللي بشارع الامير ماجد وانت متجه شرق بعد ما تعدي سامبا اللي على اليسار وسألتهم قال البنقالي هذي السنة ما فيه عجين سمبوسة بسبب سفر المعلم الخاص ( مصري ) بالله شوفو لنا غيرها وغير غوار والله حراج عندهم |
اقتباس:
|
اقتباس:
بارك الله فيك |
اقتباس:
عفوا منك بحر 2007 صار لبس باسم المخبز ولو رجعت للردود لوضح لك ذلك . ذكرت انا وصف المخبز انه بشارع الزبير بن عوام مقابل الحيالة وغلطت مني قلت انه الراجحي ,,, و الاخ ارخصوه أنتم صحح لي اسم المخبز هو (دروب الشرق) مقابل الحيالة بالنسبة لي افضلها اكثر من غوار, ************** وفيه عرض عند بندة على سمبوسة لوزين حبتين امهات كيلو بــ 13 ريال بدل 15 وطبعا لوزين زي سويتز تكون مقرمشه وتفرق بطعمها عن سمبوسة العجين ينتهي عرضهم ثاني رمضان |
سبحان الله
للناس فيما يعشقون مذاهب أحد منكم جرب عجينة بنت البلد؟؟ طيبة وماتشرب زيت(تشرب فيمتو). |
اقتباس:
من الافضل تغطها في حليب او لبن وبعدها بطحين ثم تقلى تطلع مقرمشة وماتشرب زيت وطعمها غير |
| الساعة الآن 12:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by