يا أخوان ضروري , تعالوا شوفوا وش صار مع عصير المراعي ..!؟
اخوي امس راح للبقالة اللي جنب بيتنا وعلى نياته اشترى عصير المراعي قال له البنقالي بـ 9 ريال !!!؟ قال له اخوي لا وطلع قال خلاص تعال خذه بـ 8 ريال !!؟ يعني شلون !!!!؟ اللي يتحكم في السعر البنقالي ولا الشركة !!!؟ انواع التلاعب قسم بالله وابو يمن --> وزير التجارة والنصب الشريف مو داري عن الطبخة !!!؟ :mad: |
انصحك وانصح اخوك وانصح الجميع
بعدم شراء هذا العصير وعدم شربه وهذا ناتج من تجربتي معه شريت عصير البرتقال وفتحته وصبيت لي كاس وسكرته ورجعته الثلاجة وبعد يومين بالضبط فكيته ابي اشرب منه وكانت الفاجعه طعمه كرييييييه تعرفون الحليب اللي يخضونه في ( الصميل ) ويطلع حامض نفس الطعم قلت يمكن العصير تعرض لحرارة الشمس قبل شرائي له شريت من العثيم نفس العصير ولكن هذه المره عصير الفراوله وبعد يومين بالضبط جربته وإذا هو نفس الطعم ( حموضه غير طبيعية ) علماً ان تاريخ الانتاج في بدايته واللي مو مصدق يجرب |
مقاطعة يعني مقاطعة :P
|
وليش يجرب ننصح الجميع بعدم التعامل مع المراعي
بجميع منتجاته تحياتي |
المراعي شركة خايبة اصلا اعرفها واعرف مسؤولين كبار فيها من دولة عربية معروفة لا يرون السعودية شيئا الا خزينة اموال وقد سبق وورطونا مع دولة خليجية بقيامهم بإغراق اسواق تلك الدولة بالبان رخيصة تباع بأقل من سعرها عندنا وكان قصدهم سيء الا وهو ان تفشل مصنعا يقام للألبان في تلك الدولة ونتج عن ذلك شكوى من تلك الدولة بدعوى الإغراق مما حدى بالمراعي لرفع اسعارها عندها نشأت حرب الألبان المشهورة قبل حوالى 11 سنه فيها ناس ياساتر منهم ما ودي اعرض المنتدى لمشكلة والا والله اذكر اسمائهم وجنسيتهم وياليت يمر احد منكم على مستودعاتهم بحي الفاروق بالرياض يشم روائح من المستودع تطيح الطير من السماء المراعي فاشلة |
يااخي المفرووض هالبلاوي من بدري
ولسى بااقي |
مقاطعة مقاطعة وراح نستمر فيها بأذن الله .. وخلوا منتجاتهم هالبايخة تخيس عندهم ..
|
مقاطعينهم يعني مقاطعين
طعم عصيرهم حلو مو حلو مقاطعين مقاطعين مقاطعين مقاطعين |
عصيرهم كله مواد حافضة وصبغات وهم لايكتبون المحتويات كامله على العلبة من الخارج
انا إذا شربت عصير طازج ما يجيني شيء ولو اشرب كاس عصير من هذه النوعيات تحترق معدتي من الأحماض والمواد الحافظه والاصباغ . من جدكم كل يوم يعصرون لكم فراولة طازجة ويعلبونها ويوزعونها على البقالات ؟ كلها مواد ونكهات ولو عرضت على مركز أبحاث خارجياً لعرفتم المواد المحضوره المضافه عليها . ولا علامة الجودة من المواصفات والمقاييس ماعندهم مصداقية و لو تجيب لك ( ززز.... ) كان حطوها عليه |
نفس الكلام حصل مع زميل لي أراد أن يشتري منتج المارعي ـ دناو ـ
|
مقاطع لو كان طعمه ايش يكون
|
يا شعب يا ساذج جعلك هذا الموقع أداة
المقاطعه في 15/8 فقط منتجات المراعي ونستله طيب الرز ؟؟ سدافكو ؟؟ سدافكو تلعب لعبتها للشركات المنافسه لرد الصاع صاعين عندما قوطعت بسبب المنتجات الدنماركية وانتم الضحية احذور من الانجراف وراء عواطفكم ( والحميه ) انت عقلك في راسك تعرف خلاصك هذا مو مقاطعه هذا تدمير لشركة ما سواءً المراعي أو نستله او غيرها وتحريض لست ملزم بشراء سلعه من هذه الشركه بإمكانك تغييرها بدون التحريض اخي / اختي العضوه من المستفيد من تدمير هذه الشركه ؟؟ فكر معي إذا لم تعجبني شركة لماذا لا ابحث عن البديل دون التشهير والتحريض على مقاطعتها ؟؟ لم احرض إلا لي هدف معين وهو ضرب الشركة ؟؟ صح ؟؟ ياخي الكريم ما دام فيه بديل ليش التحريض ؟؟ انا اعلم انه هذا اخر موضوع سأكتبه بهذا المعرف لإن الإدارة والقائمين على الموقع لن يرضو بفضح مخططاتهم إذا الإدارة هدفها نبيل تبحث عن السلع اللتي ليس لها بديل مثل الحديد لدى شركة سابك الكهرب ، الهاتف الثابت ، .... اتمنى ان تكون وضحت الصوره لكم |
| الساعة الآن 02:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by