مقاهي د. كيف Dr. Cafe يستغفل زبائنه السعوديين !!!
أنا من رواد القهود
اللاتيه خاصة !!! لا أشرب الا اللاتيه في المقاهي لاحظت ان مقاهي د. كيف أو Dr Cafe يقوم مؤخرا بترويج العلبة المتوسطة والكبيرة للسعوديين ويمنع أن يحصل السعودي على أكواب صغيرة !!! كم مرة اروح لـ د. كيف ويقول لي الكاسات الصغيرة أبو 8 ريال خلصت !!! بعدها بدقائق أجد زبون فليبيني أو أجنبي وقد أخذ كوفي بكأس صغير !!! لا والمشكلة قدامي !!! تطاقيت معهم أكثر من مرة !!! قلت لهم انا ما أشرب حجم وسط فهو كبير بالنسبة لي !!! ونصحتهم أكثر من مرة أن طريقتهم هذي تطفش الزباين لأنهم يميزون الزباين بين بعضهم !!! صراحة استغفال للمواطن السعودي !!! ما أدري وش لاقين في المواطنين !!! هل فلوسهم كثيرة !!! أقسم بالله أن كثير من الأجانب أفضل حالا واكثر مالا من السعوديين أولاد البلد !!! وما زال د. كيف Dr Cafe يستخدم نفس الطريقة السعودي ماله الا الحجم الوسط أو الكبير والاجنبي معليش يأخذ الحجم الصغير لأنه مسكين وما يقدر يدفع !!! هذه المشكلة حدثت لي في أكثر من فرع !!! وهذا يدل على انها سياسة الشركة لرفع الارباح بالقوة تروح لقهاوي ثانية زي جافا وتطلب منه كأس صغير ... يعطيك على طول وبدون فلسفة !!! صراحة انا نويت اقاطع د. كيف !!! من يخاويني بعد التجربة !!! |
مع أني في حياتي مادخلت مقهى من إياهم (بكيفي)
بل دائمآ أنعزم وبالقوة (طبيعتنا بالقوة) وغصب عنك تشرب وأنت ماتشوف الجادة (كرم زايد)، غير مرة واحدة فقط، إلا أنني أؤيدك وأشد على عضدك يامشرفنا العزيز و"من باب تكثير السواد" قاطعتهم "وبقوة" ! عندي بالبيت مافيه مكينة ولاعدة قهوة تخطر ببالك إلا وموجودة ولو نفتح بيتنا مقهى أنا والمدام بكل ثقة سنسحق د. كافيه وستار "إخس" والبقية وسنقدم كؤوس لاترى بالعين المجردة ! تعلم اللاتيه مشرفنا وضبطها بالبيت أوفر لك وأنظف. شكرآ لك على الموضوع والتنبيه. |
و ليش التعب و الخساير؟؟
إلا إذا كان جو المحل له دور؟ بإمكانك اخي الكريم شراء مكينة قهوة منزلية صغيرة و صنع القهوة بنفسك في البيت و العمل.. يعني حاجة زي كده... http://ecx.images-amazon.com/images/I/41FD6PWMYBL.jpg و هنا دليل عمل أنواع القهوة المختلفة... http://www.vancouvercoffee.ca/wp/uploads/picture-9.png باقي تختار نوع القهوة إللي يناسبك و بالهناء و الشفاء.. و تحياتي لكل محبي القهوة... http://ec1.images-amazon.com/images/...CMZZZZZZZ_.jpg |
انا اعرف انه في الدول العربية الاخرى يحطون تسعيرة خاصة للسعودي وثانيه للاجنبي طلع حتى عندنا نفس الشيء
قاطعهم وبقوة وكلم السعوديين ونبههم عنها خلي الاجانب ينفعونهم مالت عليهم وعلى قهوتهم. |
يا ما حلا اللاتيه الا طرى على البال يقند الراس و يزل كل ضيقه وحده من مدمنين القهوة اللاتية (الفرنسية) ممكن تسوى من قهوه اسبرسو والحليب المكثف لكن فيه طريقة أسهل وأجد افضل شي رح الرفاعي عندهم قهوة فرنسية بنكهة الكاكاو او البندق او الفستق خذ نصف كيلو (عشان الطعم مايتغير ) وكل علبة حليب ابو قوس مكثف (حق الشاهي ) عليها نصف كاس مويه ورشه فانيلا وسكر ونسكافة ملعقة (إن كان كاندريل حطه اخر شي لا يصير مر مع الحرارة ) وعلى النار نين يغلون بعدين ملعقتين قهوه من القهوة الفرنسية ورجعها على النار شوي وبالعافية >> شخصيا احطها بترمس ولا تفارقني .. وش طبيعي راح يختلف طعهمها شوي لان كل محل له اسراره :) لكن اوفر بكثر من هالمحلات |
و الله إنهم ضاحكين علينا بهالأسماء..
قال لاتيه قال... لاتيه مأخوذة من اللغة الفرنسية و تعني بكل بساطة ... حليب. يعني كافي لاتيه معناها .. قهوة بالحليب. و حتى الصورة أعلاه تبين نسبة الإسبرسو و الحليب .. مافيه شيء زيادة. |
المشكلة فيه ناس اذا ماهي غالية مايشتريها
على بالهم كل ماكانت غالية كانت اجود وافضل عقليااااات تعبانة :( |
إذا عندنا مجانين يبغوا الغلا .. فهذي تنفع لهم ..
عليهم بقهوة "كوبي لواك" الإندونيسية المصدر. سعر الرطل (نصف كيلو) حقها يوصل للـ 175 دولار. http://health1.genistra.com/2008/02/post_92.html http://www.blqrn.com/vb/showthread.php?t=17187 http://www.baliorchidgardens.com/coffeeluwak.html و الحمدلله على النعمة ... http://www.blqrn.com/vb/images/smilies/74[1].gif |
أبو هشام هالموضوع من أسباب كرهي ومقاطعتي لمحلات القهوة . من شفته وأنا اسوي الاتيه بالبيت , ومستحيل اني أقربهم أخاف فيه نوع أرخص يستخدمونه لنا أو اقل شي يبغثونه مع القهوة :confused: ما يتأمنون :mad: |
في الحقيقه أستغرب من الناس اللي يروحون لدكتور كيف كمايسمى
ما عنده أي نوع من النكهه أو الجوده مجرد لون قهوه لا أكثر ألا إذا كانوا يغترون بالشكل والديكور جافا تايم ويوم القهوه أفضل مائة مره ولافيه مقارنه بالمناسبه أحد الإخوه ذهب لفرع د كيف الجديد في طريق مكه يقول لأني لا أحب هذا المقهى ولكن أجبرت عليه من الشخص الذي كنت سألتقي به فطلبت شاي لأن جميع الأصناف الأخرى لاتروق لي عند د كيف وفوجئت بلون الشاي متغير وفيه طعم ذهبت للكاشير وهو بالمناسبه سعودي فقال لي طبيعي الوضع سألته اللون مختلف من أين تأخذون الماء المستخدم في إعداد القهوه فأجابه من الحنفيه يعني من ماء البلديه مباشرة دون تنقيه !! يقول الأخ فأعدت الشاي وأسترجعت نقودي تخيل لأن القهوه لها طعم يغطي على المياه الغير مفلتره فلاتحس بشئ ولكن في الشاي تتضح نقاوة المياه |
يا شباب .... وراكم طرتوا بالعجة
علشان توضح الصورة انا اروح مرتين الى ثلاث مرات لمقهى مع زوجتى اروح علشان القهوة وعلشان الهدوء ارمي العيال عند أهل المدام ونروح انا والمدام !!! تصدقون ما نسولف بس نقرأ جرايد ونستمتع بالهدوء !!! انا صراحة مثل ما قال الأخ Samee لا أحب قهوة د. كيف ولكن لأنها القريبة من بيت أهل المدام !!! محتاجين لقهوة قريبة علشان ما يطولون العيال عن اهل المدام والا مهوب علشان القهوة بس !!! علشان الهدوء وراحة الاعصاب ايضا وبعيد عن ازعاج الاطفال !!! لكن اللي قاهرني زيادة هو تصرف مقاهي د. كيف الاهبل والارعن والقذر !!! كيف يستغفل زبائنه السعوديين ويمنع منهم الحجم الصغير وهو يوزعه على الاجانب بحكم ان السعوديين يدفعون !!! سأقوم بالرد على كل رد وشكرا لكل من شارك |
انا من تجاربي القديمة مع ( د.كيف ) قبل ان اقاطعه بلا رجعة ، كنت اذا طلبت أي طلب لايسألني عن الحجم واتفاجأ به يقدم لي الحجم الكبير في كل مرة !
رغم انه يوظف سعوديين في فروعه إلا انه من ضمن المتاجر التي تتصف بالجشع ومحاولة إستغلال المواطن السعودي وللأسف " إستغبائهم" ايضاً ! وما ذكرته أخي الفاضل " ماستر _كي" ليس بغريب على إدارة المقهى . |
نسيت أسأل ... د.كيف هذا في أي مدينة؟؟
إذا في جده ترى فيه غيره كثير .. و بالنسبة للقهوة يمدحون في بون كافيه .. على الأقل مؤسسة سعودية 100% حسب ما بلغني .. أما بالنسبة لأجواء المحل بصراحة ماعندي فكرة لأني ماني من رواد هذه الأماكن. |
اقتباس:
اي والله راح تسحقهم !!! يا خوي يكفي انه بيصير نظيف !!! ومن أيدين حرمة سعودية !!! عاد تعرف الحريم لهم نفس ومزاج في الأكل !!! انا استطعم اكل البيت أكثر !!! والله اني اذا رحت لمطعم اني اسحب رجولي واشيل هم وساخة العمال !!! لكن حب التغيير هو اللي يجبرني اروح بعض الاحيان للمقاهي والمطاعم تحياتي |
اقتباس:
بالنسبة الى د. كيف انا اروح علشانه قريب من بيت أهل المدام اذا نزلت عيالي عندهم !!! لكن بالنسبة للقهوة ... أنا أحب قهوة جافا تايم !!! قهوتهم خرافية بكل معنى الكلمة لكن المشكلة ان فروعها العائلية قليلة أما بالنسبة الى ستار بوكس فأنا مقاطعه من زمان لأنه يدعم جمعيات يهودية !!! بالنسبة لبون كافيه ... هل فيه أقسام عوائل ؟!!! تحياتي |
اقتباس:
كلامك صحيح كان في بداياته يعطيك الحجم الكبير هدية الحين الرجل استقعط وصار يستغفلك المشكلة ان اصلا قهوته شينة لكن هو ذكي !!! فروعه العائلية كثيرة يجبرك بعض الاحيان تروح لها تحياتي |
اقتباس:
بإذن الله أسأل لك و أرد. |
أخي ماستر كي...
سألت لك عن بون كافيه... يوجد به قسم عائلات... جودة قهوته يمكن مقارنتها بقهوة ستاربكس لكن بأسعار أرخص بكثير. |
اقتباس:
تحياتي |
هذي نسيبها لأهل الرياض..
لكن برضه أحاول أسأل لك. |
اقتباس:
لكن هل من وعي !! |
| الساعة الآن 01:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by