أسعار الماشية... مهيب ماشية !!
7 ملايين رأس استهلكتها المملكة في عيد الأضحى الماضي
أسعار الماشية تستقر رغم انخفاض الأعلاف http://www.al-jazirah.com/119874/ec8.jpgالرياض - عبد الله الحصان على الرغم من انخفاض أسعار الأعلاف والشعير، والدعم الحكومي لنحو 18 مدخلاً علفياً أساسياً في تغذية الحيوانات، إلا أن أسعار الماشية استمرت بالثبات ولا زالت محتفظة بقيمتها. وتراوحت أسعار الماشية في عدد من أسواق الرياض ما بين 900 ريال إلى 1400 ريال، مثل الغنم السوري والإيراني والتركي والنعيمي والنجدي. ورجح بعض مرتادي سوق الماشية أن ترتفع الأسعار قبيل عيد الأضحى المبارك لنشاط السوق خلال هذه الفترة. ويقول متعب القباني أحد تجار الماشية: إنني عادة أقوم بشراء الأضاحي في هذا الوقت احترازاً لأي ارتفاعات مباغتة تحدث قبيل العيد بأيام قليلة. بينما توقع كل من فهد الحازمي ومنصور الوايل أن يبتدع بائعو الماشية خلال الفترة القادمة قصة جديدة تمهيداً لارتفاعات قد تطرأ خلال فترة العيد، داعين إلى مشاركة وزارتي التجارة والزراعة بإرسال فرق تراقب عمليات البيع العشوائية. يذكر أن حجم ما تم ذبحه في المملكة خلال عيد الأضحى والحج الماضي بلغ نحو 7 ملايين رأس من الماشية والأغنام والإبل والعجول بقيمة تجاوزت 2.5 مليار ريال، وبلغت واردات السعودية من المواشي نحو مليوني رأس. كما تستهلك السوق السعودية نحو 800 ألف طن من اللحوم المبردة سنوياً، وقد استغل تجار المواشي والأغنام موسم عيد الأضحى لهذا العام في ضخ مواشيهم بجميع أصنافها للأسواق وتحريك الأسعار للاستفادة من أفضل موسم بيعي للنشاط على الإطلاق. المصدر : صحيفة الجزيرة الجمعة 23 ذوالقعدة 1429 تعليقي : أنسب وقت لشراء الأضاحي والله أعلم خلال الأسبوع القادم قبل لا يصاب أصحابها بالسعار والهبال (تقبل الله منا ومن المسلمين) وكل عام وأنتم بخير. |
فعلا اسعار الماشية لازالت مرتفعة
واعتقد انها سوف تزداد ارتفاعا مع قرب عيد الاضحى انا بالعادة اشتري الاضحية يوم الوقوف بعرفة سنويا تقبل الله منا ومنكم ومن جميع المسلمين |
ربك يعني كل سنه الضحايا نار تلهب , والمشكلة تشتريوحدة او اكثر ما يخفضون !
اقتباس:
|
السلام
الغنم وماادراك مالغنم صارت مولعه نار لها اكثر من ثلاثة اشهر اسأل ليش ياجماعه رافعين الاسعار رغم العلف والشعير غالي يقولون علشان عيد الضحيه قمت وحسبتها حسبة بدو خصوصاً اخر ذبيحة بغيت اشتريها للثلاجه كانت عاليه السعر والقصة اني رحت لسوق الغنم لشراء خروووووف مااااء مااااااء العيد فرحه مااااء مااااااء العيد فرحه ..من فلم بوحه محمد سعد المهم :D دخلت وانا راز باالخمس ميه اللي معي :cool: وأخش عرض في اول رشيدي قلت له كم الخروف قال يابلاش يابلاش رخيصه بس اختر أنت ((نصابين )) قلت هاذي قال : تسع ميه قلت له: لو تنزل شوي بس قال : ثمان مايه وتسعين قلت :ضف وجهك والله لو بست ميه مااشتريها :D يوم ضاعت ملامح وجهه مايدري وش الطبخه ..:confused: انا عارف سوالفهم بكاشششششششين :p يعني يقولك الف وينزل معك الى ست ميه بعد ما يطلع روحك المهم تركته والثاني والثالث والرابع ..وكلهم غالين ؟؟ قلت ياولد والله الدعوه صدق وش السالفه ! علامكم ياالربع ليش مغلين الغنم قالوا : العيد قررررب وانت كلك مفهوميه هههههههه قلت مستحيل اشتري بهاذا السعر تسع ميه سبع ميه مستحيل :mad: وطلعت وانا طالع ماقدرت الا ابص بصه اخيره على حوش في الطريق وارجع له والقى الرشيدي يهلي ويرحب طيب ياابوالشباب النهايه قال كلش غالي بس فيه تيس طيب عارضي وسمين انصحك فيه طالعت الا ملامح التيس عارضيه ،،، اصلي ماهو تقليد ;) كم طيخ طاخ ...ارفع ونزل وطلع علي بااربع ميه وخمسين اول مره اشتري تيس بهذا السعر ولم اكن مبسوطاً :mad:ولكن أخذت التيس وخصوصا الرشيدي نزل سعره من جد غير أهل السوق وانا قدرررت سعره ولكنه لسه غالي والذبيحه طيبه واخذتها لكن ياالله صفت لي على عشره كيلو أو أقل طلع لي الكيلو الواحد بحوالي 50 ريال :eek: هاذي مشكلة الغنم تحسبها بالكيلو تطلع خسران قمت وقلت لازم اشوف خطه مؤقته الين ينزل سعر الغنم ورحت لااكبر سوق يبيعون لحم الحاشي قصابين اشكال والوان اكثر من عشرين محل مخصصه لبيع لحوم الجمال فقط الفجر يتم ذبح مجموعة من الحشو مايجي الظهر الا ومشطبين غسيل في المحل :D يعني لحم طازج رحت يمهم واخذت 2 ك تجربه من لحم السنام ياهووووووووووو رهيب والله :cool: ممتاز :) الظاهر اني ابي احول على الحاشي واخذ بالكيلو افضل من حكاية خروف بخمس ميه والنهايه يطلع سعر الكيلوا الواحد 50 ...اخذ كيلو الحاشي ولو انهم رفعوا السعر من 25 الى 30 ولكن بحسبة البدو العالميه 10 كيلو يصير 300 ريال يعني وفرت 200 من الغنم ولحم ممتاز وطازه ذبح اليوم ...وينصحون فيه الدكاتره يقولوا قليل الكليسترول ، بس لا تسوون مثلي وتاخذون من السنام ...بس والله ياالسنام ماهوب طبيعي زبده :cool: هاه ايش قلتو :D |
الحاشي ماعليه كلام من أطيب اللحوم :) (( يااااي لحم جمل !!:eek:)) لكن مالك غناة عن الخرفان :p |
محب البساطة .. لاتكون مضحي بسنام :D الاسعار غالية ، لكن مالنا حيلة ، وشراؤها قبل العيد بفترة يحتاج إلى حوش أو استراحة . إلا الدجاج الرومي ما يضحي ؟ :p |
كلها خير الله وارزاق الغنم والجمال
وضحية السنام تعدل اربع من الغنم والتضحية تصل الى الجهاد بالنفس في سبيل الله وهو سنام الاسلام |
وهاذا ديكك الرومي يستخدم في عيد ال thanks giving لاتستهون فيه تراه غالي عند اهل البقر http://smileys.smileycentral.com/cat/8/8_5_13.gif http://www.smileycentral.com/sig.jsp...p=ZNxmk762YYSA |
بسم الله الرحمن الرحيم الأخ ابو خالد اسعد الله اوقاتك بكل خير بالنسبه لأسعار الماشيه الأسعار ليست بغلاء بعض السلع الأخرى لاتنسى ان جميع اصحاب الماشيه على مستوى المملكه ماعدا بعض المناطق في الجنوب لاتتغذى الا على العلف تعال نحسبها سوا >>>من واقع خبره اذا كان لديك 30رأس العلف بمعدل باله =15 ريال(نوعيه متوسطه) 15*30=450 الشعير نصف كيس العام الماضي وصل الكيس الى 50 نصف كيس 14*30=420 راتب العامل 700 ريال 450+420+700=1570 ريال شهريا علما انها ليست كلها صالحه للبيع فبينها الأنثى والحلوب لازم يبيع شهريا ثلاثه رؤوس من الحجم المتوسط لكي تغطي خسارتها عموما نصيحه للجميع انتبهوا من الأغنام اللتي تباع في مجلبة الغنم داخل الزرايب او الشبوك لحمها اسود وأظافرها تجيك طويله وابحثوا عن اهل السيارات حتى الغنم الطازج من المرعى الى القدر افضل للركب وللصحه |
أستاذي مقاطعهم&حارقهم ومنك تقبل الله وكل عام وأنت بخير وفعلآ يوم الوقفة مناسب للشراء لمن ليس لديه مكان مخصص. شكر الله لــــك عميدة أصبتِ :) لكن صوتها أبرك من بواري السيارات. كل عام وأنتِ بخير وشكرآ لكِ أخي محب البساطة شكرآ لك على مداخلاتك وكل عام وأنت بخير لحوم الإبل من أطيب اللحوم ولكن أكثر الناس من هواة الغنم شكل المفطح يخلي الواحد اثنين :) ومثلك عارف ! أخوي الزهيري من فضل الله علينا وعلى الناس أن الأضحية ليست واجبة ! أجل ناوي تضحي برومي ! :) أخي ناشط وأسعد أوقاتك بكل خير وحياك الله سلمت على اضافتك القيمة عن معادلة الأسعار من باب خبرتك وأسألك.. هل ارتفاع عدد الماشية (أي ألوف الرؤوس) تغير في المعادلة؟! أعني من ناحية المكسب ! وشكرآ لك على تنبيهنا لتجنب الأخذ من الزرايب والأحواش ! جزاك الله خير وكل عام وأنت بخير. |
والله اول مره اشتري 2 كج على بعضها من لحوم الابل ...لكن اعجبتني وراح اكررها ان شاء الله
بعدين الناس طايحه في لحوم البقر في هذا الهمبرغر المعفن ...فما بالك باالابل . صدقني لو يعتمدون لحوم الابل في الهمبرغر يطلع خرافه .. |
ما نعرف النعيمي الا بضحية والعزايم فقط وباقي الايام عطي الله الحاشي .
لحمته غير و لا احد ينافسه بطعمه واهم شي انه صحي قليل الكوليسترول اللي عندهم كبار السن انصحهم بالحاشي افضل شي منه الظهره (الريش) لكن لنتبهوه فالجزارين لهم فنون بتقطيع ولطش اللحم خليه يقطعها كامله كل ريشة بعدله ,, قليلين الذمة منهم يقطع جزء من لحمتها يعني لو طلبت كيلو رايح يعطيك كيلو لكن قطع من اللحم فالوزن الاكثر يصير عظم |
اقتباس:
http://up.joreyat.org/25Nov2008/andy_serkis10.jpg |
محب البساطة وش ذا !!! لايكون ناوي تضحي بالغوريلا؟
.................................... اعلنت الاردن عن وجود مرض الجمرة الخبيثة في الماشية الله يبعده عن ماشيتنا ويعافي ماشيتهم لكن موهب هنا المشكلة لان السعودية حاطه حظر من زمان على الاردن المشكلة ان الاردن صرحت اليوم في تلفزيونهم انهم راح يستوردون من سوريا !!!!! ويكون سعرها حسب حجمها ويبدا بـ 250 دينار يعني 1312 ريال !؟< هذا في الاردن اجل عندنا كم بتوصل الخرفان السورية |
صباح الخيرات للجميع
فيه شركات للمستعجل يبيعون كروت ضحايا تذبح في الدول الفقيره ... 300 ريال اعتقد http://smileys.smileycentral.com/cat/16/16_3_158.gif الغنم غاليه .. اول مره الاحظ هذا الارتفاع بهذا الشكل ..حتى الاغنام الاجنبيه بعد مثل ضأن الجنوب ..الي كانها غزلان ! وحتى البربري اللي يعتبر ارخص انواع اللحم في السوق مرتفع سعره ... اما النعيم والنجد فعليها تدور الدوائر ... http://smileys.smileycentral.com/cat/10/10_3_6.gif والحمدلله ماكلف الله نفساً الا وسعها فكلاً يمد رجليه على قد لحافه ... |
الاغنام عندنا محتكره كم تاجر اغنام شرط انهم ما يتعدون ال5 يشتري الامر من فلان الفلاني ويالله المواطن هو اللي يدفع. وبعدين من يوم بدأت مطاعم المثلوثه والمندي من يمكن 7 سنوات الله لايوفق الظالم والغنم مولعه والا تيس كبر القطو باكثر من 600 عن اردى مطعم مندي . حسبنا الله ونعم الوكيل والظاهر الضحيه ها السنه مع الندوه العالميه ب350 والله يقبل. |
حسبي الله عليهم
لكن العيد ما تحس فيه الا بسفك الدم بالحوش :) ربي يرخص الخرفان ويصلح الحال |
اقتباس:
حياك أخوي القاصي :) اللهم آمين وتقبل الله منا ومنكم، الحقيقة الأضحية موضوعها مهم للي ناوي لأن الواحد يضحي لله سبحانه ومن هنا لازم تكون أفضل مايستطيع، الواحد منا لو جاه ضيف تعرفون خبصتنا وتعبنا على المفطح وشكله وجنسه الخ.. فما بالك برب العالمين الله يعين. وصدقت بالنسبة للاحتكار والعدد خمسة وأنا أجزم أنه واحد وحوله أربعة صبيان وكلهم " مكرشين" يعني شبعانين (ماشاء الله) ولو يفكر واحد يدخل عصه مسحوه من الخارطة ! وياما صارت الله المستعان. أجل تيس كبر القطو ؟؟! :) |
إما سوق الاغنام في الرياض شبه محتكر من السوادنيين الرشايده ...مافيه غيرهم
والسعوديين قليل ...كذلك سوق الابل ...وكذلك سوق الخضار الجمله المركزي ههههههههههههه والله حاله . |
اقتباس:
تذبح وتصلخ وتسبدة ومقلقل على الصبح والحبايب ملتمين :) بعدين نروح الاستراحة نلقى أمة لااله الا الله هناك واللي ماشفته من سنة واللي من شهرين وندوخ ونرقد ! ترى كلنا كذا :) واللي مهوب هذا جدوله يعلمنا. |
اقتباس:
:) يابن الحلال زين أنهم ساكتين عننا ومخلينا نجلس بديرتنا الله يستر لايشوتونا من الديرة وين نروح؟! |
| الساعة الآن 04:41 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by