الحقوا علي النسكافه زادو سعره :(
السلام عليكم ورحمة الله وبركاتة
كيفك مع الاسعار ؟؟ انا بصراحه صار عندي تضارب ماعاد اعرف من وين اتقضى كل يوم طالع لنا شي جديد الله يعين بس المهم والمصيبه الكبرى النسكافة .. آآآهـ يالنسكافة النسكافة ثلاثه في واحد الكرتون الاحمر اللي فيه 24 مغلف كان سعره بـ 13,95 ريال والحين وبعدين صار 18 ريال والحين صار 22 ريال !!! بالله قولوا لي وش اسوي انا لو مااشرب يومياً نسكافة ينفجر راسي من الصداع :confused: يعني إلى متى واحنا كذا خلاص يرحمونا يبي لي راتب لحاله للنسكافة ؟؟ وبعدين دقيت على وزارة التجارة الرقم المجاني حقهم وسويت بلاغ على المحل اللي كنت اشتري منه ورفع السعر بس ماادري وش راح يسوون لكن المصيبه مو من نفس المحل لان المحلات كلها رفعت السعر وبس من القهر كتبت هالموضوع شوفوا لي حل :( |
حياك ام محمد وصلتي نسوي تجمع مدمني قهوة :)
نسكافة من مبطي مااخذتها .. طلع انواع احسن وافضل منها فية قهوة بارنيز اللي مكتوب على الكيس (قهوة ارابيكا) افضل وتعدل الرأس صح <بس بالرياض مالقيتها اوصي عليها من جدة او استبدلي النسكافة بالقهوة الفرنسية من الرفاعي فيه منها انواع الذ شي بالبندق وتنباع بالكيلو .... وبصراحة ولااطعم منها .. وسبق اني حطيت لها طريقةاعداد مميزة بالمنتدى هنا |
و ليش الإصرار على نسكافيه؟؟
و لازم يعني ثلاثة في واحد ؟؟ هل وصل بنا الكسل لدرجة العجز عن إضافة سكر و حليب للقهوة؟ ليش ما تجربي أنواع أخرى .. في نفس الوقت الذي تستخدمي فيه النسكافية جربي نوع اخر إلى ان تتوصلي لنوع بديل يرضيكي طعما و جودة و الأهم .. سعرا. و لاتأخذي العبوة الحجم الكبير .. خذي أصغر عبوات حتى لا تتوهقي فيها إن ما ناسبتك. جربي و إنتي الكسبانة في جميع الحالات. |
سعر غالي
لكن انا قهوتي خاصه :cool: نسكافة + حليب لونا + سكر = قهوة عزابي :D واذا تحمست قهوة فرنسي مع بندق لوووووووووول تقبلي مروري |
اقتباس:
ممكن يقول أكثر من كذا . القهوة كلها واحد والفرق بين الماركات بالطعم أو بالمزاج ؟؟ وكم قيمة هذا الفرق أو وش راح يصير بالعالم لو غيرنا النوع اللي متعودين عليه ؟! عموما سلامة راسك من الصداع يا أم محمد ومرحبا بك معنا والحل باختصار هو في البديل معلومة : النسكافه من منتجات نستله الراعي الرسمي والدائم لبرامج العري والفساد والداعم الدائم لاسرائيل حيث ان صاحب الشركة يهودي ويقدم الملايين سنويا لدعم الجيش الاسرائيلي مرة كنت اتكلم مع واحد عن المقاطعة أمريكا واليهود أيام محمد الدرة فقال أنا معك ولكني مااقدر اقاطع ماكدونالدز !! قلت له : وش الفرق لو أكلت من هرفي ؟؟ فكر شوي وقال : النكهة !! قلت له اليوم ما تقدر تقاوم النكهة , كيف بكرة تقدر تقاوم الدبابة ؟ |
اقتباس:
بحثت عنه ( طريقة اعداد قهوة البندق ) في مواضيعك لكن ما لقيته يا ليت تعطيني رابط الموضوع يا عميدة المنتدى |
من البقال شريتها بسبعة وعشرين للنسكافيه الكبير
وفي كارفور تفأجات بسعرها عشرين ريال على أساس عرض :confused: فرق كبير فيالسعر ؟ يوم فوق ويوم تحت الصراحه السلع ماعاد لها سعر ثابت صارت مثل البورصه والخضار والفواكه كلش له سعر بيومه ؟ |
اقتباس:
افضل شي رح الرفاعي عندهم قهوة فرنسية بنكهة الكاكاو او البندق او الفستق خذ نصف كيلو (عشان الطعم مايتغير ) وكل علبة حليب ابو قوس مكثف (حق الشاهي ) عليها نصف كاس مويه ورشه فانيلا وسكر ونسكافة ملعقة (إن كان كاندريل حطه اخر شي لا يصير مر مع الحرارة ) وعلى النار نين يغلون بعدين ملعقتين قهوه من القهوة الفرنسية ورجعها على النار شوي وبالعافية >> شخصيا احطها بترمس ولا تفارقني https://www.mqataa.co/vb/showthread.php?t=12793 وهذه زيادة للمشاركةهنا انا احطها بترمس واشرب منها .. اما لو عندي ضيوف فمكن اني اعدها بوقت واحطها بترمس وعند التقديم اصبها بالكوب وارش عليها بندق مجروش او كاكاو اورشه من نفس نوع القهوة وفوقها هرشي واللي يحب كريمة الخفق وطعهما يحط نصف علبه حليب ابو قوس والنصف الثاني ويكون كريمة الخفق لكن كثرت الكريمة مضرة مليانه دهون |
غريبه مع ان اغلب المواد في نزول
توهم يرفعون السعر ؟؟ |
فيه قهوة كروجر ألمانية مظبوطة 100%100وطعمها رائع أنا شخصياً من عشاق النسكافية ويوم شفت سعره مبالغ فيه تحولت لقهوة كروجر وبلعكس طعمها أفضل بكثير من النسكافية أسأل مجرب
ثانياً خلك من قضية ثلاثة في واحد خذ لك مبيض لحاله (وكروجر) لحاله والسكر عندك في البيت وخلطها مع بعض بالنسب اللي تناسبك وحطها في قوطي أوعلبه زجاجية وخلها جاهزه تاخذ منها بالملعقة و...بس;) |
اقتباس:
|
هذا نوع قهوة ممتاز افضل من النسكافة بكثير بديل عنها بكل جدارة
|
بس سعره كيف؟؟
و فين بلد الإنتاج؟؟ |
اقتباس:
المانيه من شركة تشيبو وزنها 100 غرام |
مشكورة عميدتنا..
|
اقتباس:
تسلم اناملك اخوي احمد ... وانا مؤيد لكلامك وسلامتك من الصداع يا ام محمد |
اقتباس:
اختي جمره هذا المنتج لشركة تبغ معروفه واسمها واضح على العلبه ... |
اقتباس:
------------------------------------------ والي يعافيكم عطونا نوع قهوة محترم |
أنا جربت نوع صناعته سنغافورية إسمه .. كلاسنو.
ممتاز .. ليس بجودة الكولمبيانو إللي قطعوها من السوق لكنه ممتاز. السعر ما أذكره الآن لكنه في هذه الحدود أيضا .. أتأكد و ابلغكم بإذن الله. |
شرب النسكافة باستمرار غير محبوب يؤدي إلى الإدمان لوجود الكافيين المنبه للمخ
لا تهتم من الناحية المالية ولكن أهتم من الناحية الصحية ... نشرب باستمرار وعندما نصاب بالمرض نذهب للمستشفى وندفع المئات من أدوية وتحليل وكشف !!!!!! ولا نعترض ...... :confused: |
ابشركم وصلت 30 ريال النسكافه الكبير ........... ولعنتيين
الله يمحقهم و شريت الظاهر 950 جم بسعر 66 ريال و فعلا يا جموره دافيدوف شركة مزاااااج يعني دخان و قهيوه و لبا الخشيشه :) |
| الساعة الآن 03:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by