توصيل مجاني بريالين ياكوودو "والله قهرررررر"
صراحه احب وجبه في كودو لكن والله حلفت ما اشتريها لانها زادت ثلاثه ريال من 15 الى 18 مو هذا الموضوع تفاجئت باللي يوصل الطلب قال لي الوجبه زادت ياخيوو قلت مو مشكله عادي لاني ما سالت عن سعرها واستاهل الوجبات كلفتني 36 ريال قال الحساب 38 قلت ليش قال خدمه التوصيل ريالين ياخيوو قلت مكتوب على الورقه حقت الاشتراك التوصيل مجان قال لا قلت السوري يبي يحنشلني خل اتصل على المطعم أتكد رد علي الفلبيني المهم رد علي نعم التوصيل يضاف عليه ريالين قلت للسوري عندك ورقه اشتراك قال ولو وجاب لي وحده من السياره والله والله والله مكتوب عليها التوصيل مجان قلت فارقني انت وجبتك وربي لاشتكيكم اخذ الطلب معه السوري وقال من حقك لكن انصحك لا تتعب حالك" الذيب عارف وضع البلد" ياناس اللي يصير والله مو طبيعي |
حراااااااااميه حسبي الله عليهم
|
عليهم عليهم |
أحسن ما سويت إنك طردته هو وساندويشه
|
[align=center]
يعني جت على كودو هرفي من اول الدنيا والتوصيل ياخذون عليه ريالين ! [/align] |
اقتباس:
توني اعرف ان هرفي نفس النظام السؤال الاهم هل مكتوب على الكرت "التوصيل مجان" ولا لا اذا لم يكتب ان بغى ان شاء الله يحط التوصيل بخمسه وانت حر في مقاطعته |
أصبحت وقاحه ؟؟؟
يكتب على الإعلان مجانا ويطلب ريالين ؟؟؟ وبالنسبة لهرفي من زمان بس يكتب على إعلانه إن التوصيل بريالين !! |
اقتباس:
الا بسالكم هرفي كيف اسعاره تغيرت والا لسه لانه تقريبا حتى قبل ارتفاع الاسعار هو الوحيد بها السعر ووجباته كبيرة ;) |
ياجماعه انتم ستكسبون اثم كبير انتم تريدون قطع ارزاق الناس
الوضع ببساطه ان جميع المواد التي تستورد بالدولار غاليه بسبب ضعف الدولار امام العملات الاخرى والشحن تضاعف الدبل والتاجر يبي يضيف هالزيادات على هالمطاعم والمطاعم تبي تكسب مافتحو يخسرون ياخوي اللهم جيرو الزياده فقط اما الي مايزود تاكد انه يتلاعب في الجوده على حساب معدتك يااخي فثق تمام الثقه ان الحكومه ابخص منك ومني وعلشان تصدق افتح مطعم وحتعرف انك حترفع السعر فنصيحه لاتكن سببا في قطع رزق احد فالمشكله كبيره ووزير التجاره سبق ان صرح في احد مقابلته فاتق الله وابحث عن علاج السبب الرئيسي |
اقتباس:
اقوله مكتوب على الكرت التوصيل مجان ويطلب مني قيمه التوصيل يقول ستكسبون اثم كبير انتم تريدون قطع ارزاق الناس يا اخي لو قام بتغير الكرت ووضح عليه قيمه التوصيل ماقلنا شيء لكن هذا غش واضح فكيف اثق فيه من مطعم |
كنتاكي يأخذ ريالين على التوصيل لكني لست متأكد إن كان يضع عبارة التوصيل مجاني ام لا
|
دقيقة ياناس هدوا الوضع شوي
انا اقولكم ليش التوصيل صار بريالين ويكتب في الاعلان التوصيل مجاني لان الاعلان قديم وسعر التوصيل جديد واتمنى انكم تهدون الوضع وماتخربون سمعة المطعم لان لة شعبيتة وهو من افضل المطاعم |
.
|
يا أخوان السالفة أكبر من كودو و أكبر من كل شي تتصورونه
قبل ما كودو يرفع الريال أو الريالين .. يا أخوان مالك العقار اللي انا ساكن فيه رفع علي 5000 ريال !!!! قال تبغى تسكن أو أطلع يجي غيرك يدفع يا أخي أنا أتذكر كنت أروح لكودو أيام الرخص و كان بـ 14 ريال للوجبة و أحياناً يسوون عرض بـ 12 و تشوف بعض ناس يروح يطلب وجبه بالحجم الكبير اعتقد بزيادة ريالين و بعدين يخلي البطاطس لأنه ما يحب ياكل بطاطس أو ياكل من البطاطس حبتين قبل لا يجي الأكل و الببسي الكبير ما يشرب ربع الكاسة و يخلي الصحن مليان بطاطس و كاس الببسي مليان .. أجل وشوله طالب الحجم الكبير ...... و الله عالم و الحين ما زالو يروحون هالمطعم و يكبرون الحجم و يصير المجموع 19 ريال تقريباً يعني لو بتقاطعو و الله المطعم ما درى عنكم انا و الله ما اقصد استفزكم بهالرد بس هذه الحقيقة يا أخي أنا اذكر حصلت قصة قدامي في مطعم برجر كنج . قال الموظف للزبون ببسي كبير ؟؟ قال ايه مع ان الطلب محلي و تعبئة الببسي مجانية في المطعم و تفاجأت لما جا الطلب حق الزبون قال انه ما يحب البطاطس المقلي . يقول الزيت يعور بطنه يعني الشركات هذه ليسو أغبياء فهم يفهمون نفسيات الناس هنا و يعلمون بأن غالبية الناس ما تفرق معاهم الريال أو الريالين أو حتى الخمسين ريال للأسف .( هذا رأي الشركات طبعاً و ليس رأيي ) و لو ما تصدقون روحو لشركات التسويق و اسألوهم أنا أعرف شخص يعمل في شركة تسويق و يقول نقلاً عن المصريين الذين يعملون بالشركة بأنهم يقولون أن السعودي ما عنده مشكله هو بيصرف عشرات الألوف على أقساط السيارة و الدخان و ما في مشكلة لو زودنا عليه 5 أو حتى 10 ريال و المصيبة ان بعض الناس حتى ما يعد الباقي بعد ما يرجهة البائع له ........ و أترك لكم التعليق و آسف على الاطاله |
من جد وقاحة واستغفال ريالين معناها مجانا عندهم، اصلاً كودو من تالي متغير طعم اكله
|
| الساعة الآن 02:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by