ياعرب يارجال ياحريم يااطفال ياشيوخ ياجذعان يابزران...كلبوكم تعالو هنيا
السلام عليكم ورحمة الله وبركاتة اما بعد ياناس ودي تعلموني بالمحلات الزينة الرررررررررررخيصة اللي تبيع المواد الغذائية بالرياض لاني قد قريت هنا ان فيه محلات تبيع الحليب بالكيلو ويكون ارخص من المعلب ايواااااااا عليكم نوور انا اقصد اللي زي كذا.. محلات تبيع بالكيلوووووووو ومايحتاج يكون جملة لان واحد الله يهديه ويستر عليه قال روحو لعتيقه فيها رخيص طبعا رحنا اليوم بس اخوي انحاش مع اول مخرج من يوم شاف القرنبع وفي رواية اخرى اعشاش المهم يوم دخلنا للمحلات ..اي معليش ترى اخوي مانحاش بس انا اتسذب عليكم..طبعا سوالفي لازم تصير فيها اقل شئ كذبة وحدة والاشلون تعرفوني؟ المهم دخلنا المحلات اللي ماتعرف الباب من الدريشة من وجه العامل وقلنا نبي الحليب اللي يقولون بالكيلو استغرب الرجال وصار بوجهه تعجب كبير قال ماقد سمعت به!! انا قلت لاخوي يمكن يبي يتميلح والاشئ قال اخوي لالا ايوااا وش عندكم قال والله ماسمعت به.. طيب وين نحصله وين يبيعونه قام الله يجزاه خير اتصل على ثلاث محلات نفس الشئ مايعرفونه الاجاويد الله يجزاه خير ملتزم ياحبي للملتزمين الله يعينا على طاعته مايستفاد من الخرابيط اللي قلتها فوق 1/وين نحصل محلات تبيع الحليب بالكيلو <اللي يشوفها يقول تسوي اقط والافاتحه حضانه اطفال لاوالله من جد الحليب صار شئ مفزع للاسر يعني شوي ويهددونا يقولون ياويلك الحليب يآكلك استغفر الله اسعاره طايره ناار قسم احيان مانقدر نشتري طبعا والعدس والفول والبقولياااات بالكيلو وييييييييييييييييييييييييييين(ولو تسمون لي محل بعينه مااقول لا) 2/اررررررررررررررخص محلات للمواد الغذائية واذا تعطي بلاش ماعندي مانع <لايكثر طبعا كل شئ فوق اقصد بالرياض لاينقزلي واحد مع شوشته ويقول خذي محلات فرغلي بمحايل عسير 3/مواد التنظيف يااعرب وين المحلات الزينة اللي تبيعها بسعر الجملة الزبدة عطوني خبرتكم بالمحلات الرخيصة اللي تبيع المواد الغذائية بالكيلواو المحلات الرخيصة بوجه عام...تراي عليمية من بنده وبلشرف وجاي 8 8 اللي متعيجز يقرى خنبقه موضوعي ...باستطاعته اختصار الوقت والمحافظة على راحة البال بقراءة السطر المشار اليه اعلاااه.. |
ماشاء الله ماقصرتوااااااا :rolleyes:
|
اقتباس:
شوفي فيه بشارع العطايف وما حوله (كلن يعرفه جوا الرياض ) يبعون بخياش او بعضهم يسميها اكياس حجم عائلي (25 كيلو وفوق ) وسعرها رخيص من سميد الى بقول الى مكسرات كل شي تقريبًا ان كنتم عليه كبيرة اشتروا منه وبعدين قسميها في علب بلاستيك وحطوها بفريزر خاص لهم < معمول بها عندنا محلات الغذائية يمكن الثلاجة العالمية (تجربة لي معهم مرة وحده فقط ) عندي هايبر بندة افضل اريح ولو فرق شوي السعر فيه ماكس اللي بطريق خريص وانت متجه الى مستشفى الحرس الوطني يبيع بالاكياس العائلية الكبيرة وشفت عندهم من فترة كيس الـــ حليب الكبير و كيك ارمكوا بالاكياس الكبيرة عنده << بالليمون حلو ... |
اقتباس:
|
هلا وغلا جمره غضا
طيب شارع العطايف يبيع بالكيلو بصراحة وناسة الكيلو يعني تاخذ اللي ودك به انا قريت موضوع واحد يقول عن الحليب بالكيلو بس هو بجدة عاد وين بالرياض مدري نورتي ياقمممر |
اقتباس:
ماتدرين انا راضعه مع ياباني تسجيل+موضوع+3 ردود بوقت واحد من يسويها والله ياختي الكتابة بالنسبة لي شغلانة يعني هالحين كاتبة موضوع واحس انه انجاز كل شوي اطالع فيه احسه تحفة فنية كل التقدير,’ |
هذا الرد يقول انه يباع في محلات الجملة في عتيقة
https://www.mqataa.co/vb/showpost.php...40&postcount=7 ماكس يبيع الحليب في كيس مهوب كبير مرة .. ولا يضره اذا تاريخه جديد يحفظ في علب وابعديه عن الرطوبة .............................. شارع العطايف يبيع بالكيلو ! ما اعتقد لأنهم الجملة .. لكن روحي وشوفي يمكن فيه محل يبعي بالكيلو |
شوفي منتدى العروض الخاصة يمكن تلقين ..
بصراحة انتي مشروع مقاطعة توسع الصدر :) جمرة غضى عطتك الخلاصة الله يجزاها خير .. بضيف انا ان مادخل مزاجي حليب بالكيلو يعني تطلبين تقولين ابي كيلو وهو يحط لك؟؟ماااش مهوب زين احس .. حياك الله معنا .. |
اقتباس:
ايه الرد هذا وهقني ههههههه تصدقين ماكسmax عاد قرررررررريب من عندنا لو بروحله مشي وشارع العطايف يبيلنا نمره بس مدري بأي حي وبعدين يهون كل شئ |
حياك بين اخوانك
فيه محل أعرفه وشفتهم يبيعون الحليب بالكيلو من كيس أبو 45 كيلو المحل في حي أم الحمام وقريب من جامع الملك خالد شارع العروبة.(تموينات كبيرة) اذا المكان قريب منكم وتحتاجين الوصف بلغينا والله يعين نحتسب الأجر على التوصيف. مع بيان جهة القدوم (شمال شرق جنوب). اللهم عليك بتجار الجشع. |
اقتباس:
ليش تحسين الحليب بالكيلو موب زين ترى هو من الاساس كذا بس يعلبونه عادي احسه مع الحلا بيطلع حلو واذا ماتحبينه شرب تقدرين تخصصين العلبة للشرب يختي الحلويات مايمدي نسوي نوعين حلا الا تشوفين قاع العلبة يطبل عاد وينه المشكلة |
شوفي وانتي تقولين بالكيلو تخيلت واحد قدامة عليه كبيرة وانتي واقفة قدامة وتقولين بالله 2 كيلو حليب وهو يشيل من العلبة ويحط لك في كيس <-- مسكت خط ترا :)
صادقة ذا الحلا يالله نلحق عليه <-- اما عاد انا مررررة :) |
اقتباس:
حنا بشرق الرياض بس ماهي مشكلة ان شاء الله ياليتك توصف لنا ورقم التموينات لو سمحت وهل يبيع شئ ثاني بالكيلو غير الحليب عشان بالمره نشتري منه موفق |
اقتباس:
الاوانتي الصادقة ابفهي معه من الفرحة واقوله آخر شئ الخيشه على كم من الحماس عساني مآخذ خيشه الجبص بدل الحليب كلها ابيض في ابيض بس ماتحسين انه فصفص والاحناء مع الكيلوات اجل حليب بالكيلو بس يالله اهم شئ الرخص |
بما انك ما قلتي "يا شباب" ما نيب راد :mad: الرد 10 فيه الزبدة.. للأخ أبوخالد :) |
اقتباس:
بعدين ابوخالد الله يجزاه خير ماوصف لنا المحل |
انا كتبت موضوع عن الحليب بالكيلو بعدين موجود في اي مدينه عند الثلاجات الي تبيع الجمله
اهم شئ يكون نيو زلندي الي هو شركه انكور لا تشترون الاسيوي الماليزي سعره 12 ريال للكيلو او اشتروا كيس كبير 45 كيلو تري رخيص وتقاسمووه مع اي احد المحل الي اعرفه في المدينه يفتح الكيس ويكيله في اكياس مباشره تحياتي |
اقتباس:
|
المحل اسمه أسواق المراسيم
رقم تلفونهم 4828643 الحليب اللي عنده نيوزيلندي والكيلو بعشرين ريال والكيس حجم 25 كيلو ومع الأسف ماعنده شي بالكيلو غير الحليب والقهوة والزيتون والطحينية والخيار ! الوصف: من طريق الملك فهد مخرج العروبة (مبنى المملكة على اليمين) يسار مع المخرج، أول اشارة (تقاطع التخصصي) سيدة يعني قدام، ثاني اشارة يسار، بعدين أول اشارة يمين، يكون جامع الملك خالد على اليمين وسيده لحد الاشارة اللي بعده، يمين مع الاشارة، 100 متر يجي على اليمين >>> أسواق المراسيم. بالتوفيق وحليب العافية. |
اقتباس:
وربي يعافيك |
الغالي ابو خالد 20 ريال للكيلو كان زمان بعدين 16
الان 12 ريال بس تعرف التجار دوورا رخص بتلقي ان شاء الله 20 ريال سعر قبل شهرين |
الحليب أبو الكليوا ينباع في جدة ( البلد ) سوق اللحم والمحلات بجوار بعضها البعض
لا تستغرب ينباع داخل أكياس شفاف موضوع داخل المحل وهو في الأصل يشتروه داخل كيس كبير حجمه 10 كليوا وهذه الأكياس مخصصة للفنادق والمطاعم فقط وصاحب المحل يكسب حوالى ريال أو زيادة عند كل كيلوا وهو غير مناسب للرضع . |
| الساعة الآن 07:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by