للاسف
رأيت في الشوارع مثل ما رأى الكثيرون الحمله الاعلانيه الجديده لسيارة تويوتا ( العملاق)
استغربت توقيت الحمله ؟؟؟؟ جدا جدا المفروض كما نقول ان السوق طايح وان الحمله عامله عمايل اتجهت بعدها لوكالة العيسى وقبلها الجميح للاسف اقولها وكلي اسف المعارض مليئه بالبشر وكثير منهم يناقش طريقة الدفع وخلاف ذلك بمعنى اخر يتافهمون او يتفاوضون على اللمسات الاخيره ----------------------------------------------- لعل الخلل يكمن في طريقة التفاوض او حد سقف الاماني بكل صراحة لا نملك رؤية واضحه لمانريد في كل بلدان الدنيا يقومون باضرابات ولكن يتم تحديد المطالب وتكون في حدود المنطق مطالبنا شيء من الخيال فليغضب من يغضب وليرضى من يرضى ان المطالبة بتخفيضات تصل الى 50% لهو واهم وحالم لماذا لاتكون مطالبتنا منطقيه لماذا لاتكون مطالبتنا ان تصبح الاسعار نفس الاسعار العالميه علما بان وكلائنا اغلبهم يضيف على السعر العالمي تقريبا 40 الف ريال بدون نسبته المحدده من المصنع ان بقائنا تحت شعار خلوها تصدي بدون افصاح مطالبنا لهو حوار طرشان ايضا انزوائنا تحت الحمله تحت مطالب لن نقبل باقل من 50% لهو العبط بعينه قد يسئل سائل عن الاسعار العالميه اقول الموضوع بسيط ادخل على موقع الشركه الام وقارن ----------------------------------------------------------------- الكثير بدأ بالتذمر من الحمله وانها لم تأت نتائجها هل كانوا يتوقعون النتائج في اسبوع او شهر نطالب بالصبر ------------------------------------------------------------------ احقاقا للحق فوكالة دودج كرايزلر تبيع تقريبا ان لم يكن نفس السعر للمصنع الامريكي -------------------------------------------------------------------------- سؤال اخير..................................... هل انتم مقاطعون لان بصراحة ربنا (( على قولة اخواننا المصاريه)) اشك في عددنا عندما ارى عدد السيارات الجديده انتظر وسانتظر ولكن اثبتوا لي انكم معي لا اريد ان اظهر كمن يحارب الدبابه بعصا سلمتم |
الاخ من اي وكالة ؟؟؟؟؟؟؟؟؟؟؟؟؟؟ عشان نقدر نتناقش معاك
|
والله يا اخي لا من وكالة ولا شي واذا تبي تقابلني ابشر من عيوني الثنيتن واوريك وين اشتغل ووينن مكتبي
اما اذا اخذتك احلامك لتخفيضات تصل الى 50 % فلن اقول شيئا والوعد قدام ونشوف اذا طلتها ولا لا لانها غير معقوله واما لعدد المشترين فوالله والله والله لا اصف الا مارأيته واما لما ذكرته عن وكالة دودج كرايزلر فاذهب بنفسك وشف الاسعار وادخل موقع الشركه الام وقارن انت تطالب بتخفيض ولا تعرف ما هو حدك ولا اي مبلغ تريد لابد ان يكون لديك قاعدة لتنطلق منها اما احلامك يا استاذي فستبقى احلام تحياتي للفاهيمن |
ههههههههههههههههه
قويه الاخ من اي وكاله لا تعليق اجل الوكالات زحمه خخخخخخخخخخخخخخخخ |
ياخوووووووووي الوكالات مازحمه ولا شي بس يتهياء لك
اما مطالبنا حول خمسن بالميه فهذا علشان نصير ززي الاسواق العالميه على ماتقول وتكرمت وانها ليست اوهام وبعدين روح انت وشوف يا ابو عصايه موقع الشركة الام وقارن بين اسعار سوقنا ولا تفتي لنا كثير وترى كلمة حوار طرشان تقولها عندك في البيت والى في الحارة مو في منتدى يهتم بتوعية وتثقيف المواطن والمستهلك وبعدين ايش البرود اللي فيك وانت تتكلم بكذا انا اشك انك جاي مرسول من طرف وكالة بس وش هي نترك لك الاجابة وخلووووووووووووها تصدي وموووديلها يعدي |
طيب افترض اني من وكال ( مع اني حلفت باني لست من اي وكاله وكأن حلفي باسم العظيم ليس له معنى)
لنفرض اني من وكاله اترى ان هذه الطريقة المثلى للماطلبة بنزول الاسعار اقصد ان نقف خلف خلوها تصدي بدون ان يكون لنا سقف معين بالعقل هل تتوقع ان يبيع في الاخير بخسارة سأدع العقل جانبا لانكم لاتريدون السماع لصوت العقل يوجد طريقة اخرى لتفعيل المقاطعه لماذا لا نرسل كل فرد منا ايميل للمصنع الام نشتكي من مبالغة الوكيل وانه يبيع باعلى من سعرهم باضعاف واننا مستهلكون نريد الشراء ولكن لن نشتري بالاسعار الحالية عموما والله اتمنى ان انتفع معكم لكوني وربي هو الشاهد لا املك سيارة رغم قدرتي المادية ولكن ارفض المبالغة الحاصلة ان كنتم تعتقدون اني مندس ارسل لي رسالة على الخاص وانا اكلمك واقابلك انت وغيرك انسوا كل ما قلت فكروا بعقل قليلا هل تعتقد ان هناك مفاوضات في الدنيا بدون تحديد سقف مطالب خلاص ترون ان 50 % هو الحد المستهدف جميل اعلنوه ولنمشي خلفه ولنرفض اي تخفيض مالم نصل لمطالبنا لانه بهذه الطريقة لا نعرف متى سنتوقف طيب كمثال لو اعلن احد الوكلاء غدا عن تخفيضات تصل الى 20%؟؟؟؟ ارفض ام اوافق حددوا لي انا مثلكم لا اعرف ماهو سقف المطالب والله والله والله اني في صفكم ولكن احاول ان اوجد منهجية واضحه اما ان نمشي ونردد خلوها خلوها ولانعرف اين نريد ان نصل -------------------------------------------------------- خاتمة اذا لم تعرف اين تذهب فكل الطرق تؤدي الى هناك |
من وجهه نظري
طمعتم فجشعتم فتزايدتم علينا واي طريقه تؤدي للحوار معكم ؟!!! والله لو بيدنا سلطه لطردناكم من البلد تستقووون علينا فلما غلبناكم بكيتم ؟!!! |
ونبي الاسعار تكون زي الاسعار اللي براء
وقطع الغيار نكون كغيرنا ولاننسى السياره نرديها كما نرها في الخارج وليس كما ترونها انتم |
اقول وربي لو ماتسري,,,
ماعليكم خلوها تصدي يا بشر وفلوسنا في الصراااف مو الجيييب ولا الجمس هههههههههههههه |
اخوي fe+
طيب كذا ممكن نتكلم المعارض ميب زحمه وانا واهم؟؟؟؟ جا ئز وقد اكون اخطأت في تقديري نذهب للنقطة الثانية وهي الاسعار العالمية سأضرب مثالا لكزس جي اس 300 تباع عندنا بمبلغ 209 الف وانت تقول 50% هو سعرها العالمي ارجو منك دخول موقع لكزس العالمي وستجد ان سعرها ما يعادل 171 الف ريال هل هذا السعر يعادل 50% التي ذكرتها انا لا اريد ان احدد اريد منكم التوضيح ماهو سقف المطالب حتى نعرف متى نشتري ومتى نرفض اي عروض ترون انها وهميه ولا هذا طلب مندس بعد؟؟؟؟ |
لا حول ولا قوة الا بالله
اقسم بجلال الله لاني من وكالة ولا شي اقسم بالله اني مستلف سيارة اهلي وانا موظف وربي مسؤول قسم في شركة حكومية وعندي علاقات خارجية تحتاج شوية عملية المظاهر وربي اروح على سيارة اهلي باص صغير زي توصيل المعلمات ومحتاج للسيارة جدا وربي عندي القدرة المالية ولله الحمد بس كما ذكرت لكم ارفض المبالغة الحاصلة عموما واضح شديد الوضوح انكم لم تقرؤا موضوعي بعقولكم بل بعاطفتكم البعض يكلمني كاني مندوب احد الوكلاء طمعي في شخص واحد يقرأ موضوعي بقلانيه وليس بعاطفيه للمره الاخيره ورب البيت ما ني تبع اي وكيل وبكيفكم |
الوكالة زحمة زحمة زحمة
بس زحمة ايش ؟؟!! زحمة مراوح لهش الذباب الحملة كابسة على الوكلاء وموظفيهم ، لذا خلوها تصدي ، والوعد بعد 6 اشهر بإذن الله رعاك الباري |
الله يخليك لعين ترجيك
والله ودي اكثر منك المشكله اني قلت في احد مقاطع مقالي ان البعض تململ فعليه الا يستعجل النتائج وعليه بالصبر بس الاخوان خذوا المقطع اللي قلت فيه حددوا سقف مطالبكم وقالوا مندوب وطاروا فيني مع اني قلت كلام كثير مثل ان نرسل للمصنع الام نشتكي من وكيله بس الاخوان ماقرؤا هذا الاقتراح وطاحوا فيني والله من وراء القصد |
نطالب ياخوي بتخفيض الاسعار ووضع المواصفات الي مقرتها الشركة مو الوكالاء وعدم النصب والاحتيال على المواطن الضعيف في الصيانة وقطع الغيار وضمان السيارة في استرجعها عند وجود عيب تصنيعي واستبدالها با خرى جديدة
|
ياسلام يا منتظم في الاقتصاد كلام حلو
كذا صار لك مطالب واضحه وهذا اللي ابي نوصل له يعطيك العافيه بس شرايكم نرسل كل شخص منا للمصنع الام نشتكي ما تشوفون انها طريقة ممكن تجيب نتائج لانه بكذا يصير الضغط من جهة الحمله اضافة الى ان المصنع بيبدأ يساله |
ياخوي فلاش كولنا على سيارات اهلنا رغم اني موضف صحي وعندي القدرة لو ابغى اشتري لكن ززيك انا ماني براضي بالمبالغه اللي تصير عندنا من الوكلاء لكن امسك كلامي وخلك معاي المطالبه بخمسين بالميه ماجات من الباب للطاقه جات من أزمة العالم واسواق السيارات واسعار الحديد والبترول اللي اعلن سقوطه سقطه جامده حلوو
والمصانع الام اللي اعلنت افلاسها واللي اوقفت انتاج واللى طردت من عمالتها ولا وممكن من احسن عمالاتها والسبب ان في ازمة الناس معاد تبغى تشتري والشركات ارخصت السيارات الجديده للوكلاء بنسبة اربعين في الميه حلووو وجوك الوكلاء معتقدين اننا اناس سذج لانفقه شي مفتكرين ان المستهلك السعودي هو نفسه المستهلك الذين يتعاملون معه منذ عقود من الزمان لكن لما تفاجؤ بمعرفه المستهلك بهبووط الاسعار اربعين في الميه خافوا على المال اللي كانوا دايم ياخذووونه من المشتري بمرابح هائله واجتمعوا في الغرفة التجاريه علشان يشوفون حل وقالوا نرووح نكذب الاخبار ونقول انها شائعات ونزيد اسعار السيارات 15% والحين كم صارت 15%+40%=55% وبهكذا اصبحت خلوها تصدي تطالب بما تطالب به واما العرض اللي تقول عليه بالتاكيد لا لانها نصبه منهم لتكسير التقليل من تاثيرات الحملة اللتي صفعتهم في وجووههم صفعه لم يتوقعوها من المواطن السعودي وارجو منك التاني والانتضار |
fe+
اسمك طويل مره الله يحفظك خلاص ياسيدي انت تشوف ان المفروض ما نتنازل عن 50% اوكيه ما بختلف المهم يصير لنا هدف واضح ما نمشي ماندري وين رايحين والمفروض الهدف يعمم على الجميع عشان يعرفون ولا ينخدعون بعرض اقل من ذلك |
بالنسبة لي لا اطلب أكثر من 20-30% تخفيض بالإضافة إلى تحسين خدمات مابعد البيع و الصيانة و أهم نقطة إحترام الزبون إللي بدونه كان قفلوا من زمان.
|
خلوها تصدي
|
ياخوي فلاش هذي اشياء اساسيه وهي من شروط الحملة الضاهر انك مامريت عليها تلاقيها موجوده وهذا احنا اللي نطالبه ونبغاااه وهذي اهم شي عندنا
|
اقتباس:
اخوي الكريم مع احترامي الشديد لك ولكل المشككين في نتائج الحملة يبغى لك تحديث معلومات update لانه معلوماتك قديمة جدا لدرجة انهم راح يحطونها في الجنادرية عموما اذا كنت تريد الانضمام لنا فاهلا وسهلا بك عضوا فاعلا في هذا المنتدى التثقيفي التوعوي اما كلامك بخصوص سقف اعلى وادنى للمطالب فالمطالب واضحة ولاتحتاج الى ترجمة ... واما قولك لا اريد ان اظهر كمن يحارب الدبابة بالعصا فهي كلمة حق اريد بها باطل وتقبل مروري.. |
عندما قلت لا اريد ان اكون كمن يحارب الدبابة بعصا فلم اقصد ان سلاح المقاطعه ضعيف
بالعكس سلاح فعال جدا وما انتصرت الهند واخرجت المحتل البريطاني الا بهذه الطريقه ماقصدته هو انا لا اريد ان اكون في هذ الصف واكتشف اننا ثلة قليلة لانه وبشديد الاسف اقولها اعرف شخص متحمس للمقاطعه وانواع المقالات واخرتها اكتشف انه شاري سيارة جديدة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اما سقف اعلى وادنى يا استاذي اي معارض او معترض في الدنيا له مطالب انا سالت كم تطلبون فقط عشان اعرف متى اقدر اشتري فقط |
بصراحة اهنيك على هذا الفكر الراقي ,, :) دائما اسلوبنا في المقاطعة خاطئ ,, انا لست ضد المقاطعة ولكن لضمان نجاحها وتأثيرها لا بد ان تكون على اساس واضح لكل المقاطعين,, في تصوري لا بد ان يكون للمقاطعة حد زمني مدروس دراسة دقيقة ، بحيث تعطي المقاطعة نتائجها المرجوة. ايضا تكون على فتراة واهداف متقطعة . نقول مثلا :سنقاطع هذا المنتج لمدة شهر مثلا أو سنه او .. في المرحلة الاولى وفي المرحلة الثانية كذا وهكذا.... الملاحظ لاسلوبنا في المقاطعة يجد انه عائم ولا يعتمد على اسس قويه فبعد فترة ينسى الناس او يتناسون لتأخر النتائج ويعودون الى الشراء.. لكن لو بين للناس اننا سنقاطع لمدة سنة ومطلبنا او هدفنا ان ينخفض السعر بنسبة معينة (لا بد ان تكون المطالب واقعية ).. انا اعتقد في هذه الحالة ان تكون النتائج اقوى. في النهاية اشكر صاحب الموضوع على هذا الموضوع المميز:) والسلام عليكم |
كلام جميل والناس على اطلاع ومعرفه بالأسعار القديمه قبل التضخم الذي حصل في العام الماضي والمطلوب على الأقل أن ترجع الأسعار كما كانت من قبل إلا أن التجار بدلاً من تخفيظ الأسعار زادوها في الوقت الذي يشهده العالم من انخفاض كبير في الأسعار مما حدا بالمقاطعين الى طلب المساواة بالمثل ، بالإضافة الى اتحاد الوكالات ضد المواطن تحت مظلة الغرف التجاريه وغياب كامل لحماية التجار أقصد (المستهلك ) والتي تقع تحت مظلة وزارة التجار أقصد (التجاره ) فالناس غير ملامه بتصرفها ونحن على يقين بأن الوكالات تريد البيع بالأسعار القديمه الآ أنها دخلت في المكابره والتحدي طالما أن وزارة التجاره في صفهم والغرف التجاريه تدعمهم ، فأين موقعنا من منظمة التجاره العالميه التي انظمت لها المملكه والتي تمنع الإحتكار .
|
الزحمة في المعارض لا تدل على وجود حركة شراء.
أكثر الزوار يأتون للمعارض من أجل التسلية والفُرجة والتعرف على آخر الموديلات وأسعارها، من باب الفضول. أنا شخصياً أفعل ذلك كثيراً. وآخر ما أفكر فيه الشراء. وغالباً ما تكون زيارتي لتلك المعارض ورؤية الموديلات الحديثة، سبباً في قناعتي بسيارتي الحالية. |
| الساعة الآن 12:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by